Asian Lab

我以往唔止一次用网上平台订餐，第一次用网上平台 coupon(呢个本身就系我权利)埋单嘅时候餐厅就已经俾咗我一啲coupon，鼓励我下次用，但几款coupon提供嘅折扣都明显唔及网上平台 coupon。之后我都怀疑餐厅唔钟意我用网上平台 coupon，就索性封锁咗我嘅网上平台户口，逼住我如果下次再帮衬呢间野就一定要walk in去食，比使用网上平台订餐付出更多餐费。餐厅呢种过(网上平台)桥抽板嘅生意手法都唔好话唔过份，不如索性咪玩网上平台，无谓累人累物啦！影响埋网上平台食客嘅权益！网上平台可能都算系蠢，甘于俾餐厅用完即弃、一脚伸开，仲单单声是非不分咁话餐厅封锁人系餐厅嘅权利(餐厅打死都唔会承认自己系恶意封锁人㗎啦，唔会授人把柄)……我本身对味精敏感，几次食完呢间餐厅啲野，我都觉得好口干，怀疑佢都用咗若干味精！…查看更多

最近我太太同埋我本人先后被呢家餐厅封锁，唔俾我地再使用Eatigo平台订餐。呢家餐厅我地以往帮衬过好几次，每次都坚持我地要提供手机号码，跟Eatigo平台接受预约嘅其他餐厅只需要订单号码完全唔一样。我地非常之怀疑，餐厅表面上透过Eatigo话满足唔到我地嘅要求(即系话我地奄尖啦？)，实际上就系想拣客，刻意剥夺某d客人嘅利益同埋选择权。根据我地嘅亲身体验，餐厅咁做不外乎以下两个原因：1) 我地无论点炒金边粉抑或砂锅老鼠粉，配料都系偏少，虾试过只有两粒，成碟几乎都系粉。我地向餐厅反映过一次，餐厅先至补番两粒虾俾我地。食水太深，净系识得赖厨师新嚟；2) 餐厅唔钟意我地用coupon，之前reject过我地用一张50蚊嘅Eatigo coupon(话未见过又未听过)，而呢张coupon基本上Eatigo平台嘅餐厅都用得，以往一直都冇问题！亦未有发现违反coupon使用条款！之后虽然我地每次都可以用一张25蚊Eatigo coupon，但我地明显感觉到餐厅系唔钟意……呢家餐厅好明显嘅作风，就系唔想解决自己嘅问题，只系想解决提出问题嘅客人！…查看更多

位处黄埔稍稍外围既位置，但都有相当多嘅支持者嚟捧场。餐牌有各式星马菜选择，睇相好多野都好似好吸引。 最后拣咗槟城虾面同串烧。槟城虾面既重点绝对系个汤。 个面上枱时已可闻到相当浓虾味。 试饮一口，汤味鲜甜，有颇浓虾味而唔油腻。 配料方面，有虾、鱼片、芽菜等等，份量满意。 面系跟参参，即系油面同米粉一半一半。 油面食落较有口感，而米粉吸收汤味较强，一半一半互补长短啱啱好。跟餐有小食，拣咗个粉卷。 几清新，口味略淡。鸡肉串烧大大串，烧得好香而唔会过熟。 沙嗲汁味道亦校得唔错。整体上食物水准都相当高，肉骨茶同喇沙睇落都好似几吸引下次可以再试。…查看更多

食过两次依间越南菜第一次食越南汤粉系🆗汤底偏甜但第二次黎食咗碗海鲜叻沙，个汤底完全无味，好似水咁淡。海鲜都系急冻海鲜，都系无味，虽然一早预咗系急冻货，但处理得唔好都有分别。叻沙最重要就系汤底！埋单都差唔多要$100，咁嘅质素，我就无下次啦。眼见第二次黎食嘅时候已经少咗客啦，食饭时间坐唔满⋯⋯服务方面都系几多，睇得出好多新人，唔熟手，会比d熟手员工当面话，某程度上都几影响食客。同埋上菜都会上到乱哂。…查看更多

经过几次留意到佢嘅装修几靓，就胆粗粗入去试咗。食物唔错，但系亦都冇特别惊喜。当日一行四人有食炒饭，有食炒金边粉，亦有叫嘢饮。炒饭同金边粉不过不失，牛油果沙冰就反而几清新，到而家都仲记得味道…查看更多