Apinara

营业中

休息中

金鐘附近飲完早啡，行過PP揾地方食個late lunch。一直聽講過nara thai cuisine個group出品有質素，更連續10年獲選為泰國曼谷最佳食府。雖然黎到已經係下午茶時間，不過假日冇tea time menu, 都係跟翻主餐牌 a la carte.店鋪面積唔細，除咗食物主場之外，仲有包廂、bar檯，設計傳統踏實，選用的色調舒服，有少少東南亞嘅裝飾，乾乾淨淨。枱與枱之間闊落,有適當的空間感，適合安靜傾下計。Durian Ice Cream w/ Durian Sticky Rice $108泰國野唔少得係榴蓮！榴蓮雪糕濃郁又好滑，雪糕下有榴蓮蓉，仲有糯米飯係底，口感煙韌！三樣野加埋一齊，超好味！榴槤控表示非常滿足，如果有榴蓮不會選芒果！Phad Thai w/ prawns $138 大蝦金邊粉賣相不錯，蛋皮夠薄，大蝦數量不少，大約5-6隻，爽口彈牙，味道很合口味。旁邊有花生碎、砂糖和辣椒粉，自己可以按需要加入Minced Port with Vermicelli & Lettuce $118肉碎唔似平日在外面食到的風味，偏甜大粒，一d都唔辣，撈粉絲、旁邊的醬汁加入生菜

地點好方便，就係金鐘太古廣場，餐廳裝修好有格調，設有吧枱位置，所有午餐套餐包括自選湯品、精選沙律、小食、甜品同餐茶！沙律、小食、甜品都係隨機送岀👉🏻冬蔭功較稀身，有一隻大蝦，味道酸 辣，好開胃！👉🏻泰式椰子雞湯乳白色，好有奶香，creamy，雞件滑，草菇鮮！👉🏻泰式牛肉船麵 $180蔥粒另上，参照傅統製法，用大量豬骨、牛骨、雞腳、雜菜等熬製成，湯底好濃郁，而且非常足料，有牛肉片、滷水牛腱、泰國手打牛肉丸等，材料豐富！👉🏻紅咖喱豬頸肉配白飯 $180好軟淋嘅豬頸肉，紅咖哩不算太辣！👉🏻泰式咖啡 (+$18)口感醇厚！

琴日去咗太古廣場食泰國菜 好有驚喜 係近排食過最好食嘅泰國菜🥰👅泰式牛肉船麵 $148呢個真係好正😍湯底好濃郁 又唔會過鹹 食到少少泰式香料味 有啲啲辣 好惹味 同埋好多配料 有牛展 牛柏葉 牛丸 牛筋 牛肉 配料都好高質 好食😋👅香脆蝦餅（3件）$78呢個都唔錯 夠熱辣辣 咬落鬆脆 蝦餅彈牙😆👅菠蘿肉鬆海鮮炒飯 $148呢個調味都唔錯 炒飯入面有青口 帶子 蝦等等嘅海鮮 同埋都好大份🤩👅榴槤雪糕伴榴槤糯米飯 $108呢個一定要試 食落超級無敵正‼️榴槤雪糕味道好突出 再配埋椰汁 好好味🤤總括嚟講 呢間餐廳真係好好食 係近期食過最好味嘅泰國嘢 大家一定要一試呀🥰😋 好味：8.87/10🤑 價錢：7.89/10🤗 服務：7.85/10😝 環境：7.76/10😚 衞生：7.74/10🤩 整體：8.78/10

食盡金鐘之泰式 — Apinara———————————————平時好少會嚟太古廣場食嘢， 不過最近聽朋友介紹呢度有一間泰國餐廳相當唔錯， 就過咗嚟試下佢哋嘅lunch😆🔸 海南雞飯套餐 $180呢個套餐每一樣嘢食都好值得一讚😋， 最令我難忘嘅係佢嘅椰子雞湯，並唔係普通中式雞湯嘅味道，而係好有泰國風情嘅酸酸鹹鹹， 帶有椰子奶味既雞湯🧐 佢個海南雞都幾嫩滑，細心嘅位置係佢連雞翼位都去咗骨🤯， 另外佢有細細分新鮮菠蘿整嘅沙律同埋外皮超鬆脆嘅蝦春捲都好好味！😋🔸 泰式蟹肉奄列 $158呢個蟹肉奄列非常之大分，兩個人share就岩岩好， 佢嘅蟹肉非常之多， 個人覺得係物超所值👻， 因為平時出去食嗰啲蟹肉意粉都係得嗰幾條蟹肉絲，但呢個奄列真係由內到外都啖啖蟹肉😍🔸 豬肉串燒 $38一共有三串， 厚薄適中，一啲都唔鞋😆配埋佢嘅泰式醬汁就夠曬滋味😇💭Overall comment:呢間餐廳係平日lunch time非常之熱鬧同多人， 相信亦都反映咗大家對佢嘅質素都相當滿意， 可能價錢未算係好平，但係個人覺得佢嘅質素對得住佢嘅價錢🫡

今日同FD到太古廣場取預定啲戒指，行過哩間餐廳睇落似NARA THAI姊妹店，Google search下真係，咁晚上就食佢啦。餐廳晚上7點已經FULL咗7成，同埋裝修同NARA THAI好似，好有泰國FEEL。一坐低，侍應即刻送上一碟蝦片，同埋宜家轉咗QR code落單，都幾方便。蝦片炸得好脆口，可以等住嘢食慢慢食。香飄紅咖喱魷魚球，哩份好得意，用住鳥籠裝上來。魷魚球好Q彈，咖喱味就未算好重，都搭配咗蔥絲一齊食，唔錯。咸蛋虎蝦青木瓜沙律，虎蝦同出面普通煮熟唔同，係炸過嘅，虎蝦算大只，食落好鮮甜。咸蛋要同青木瓜沙律撈埋一齊才好味，青木瓜搭配埋酸辣醬汁再加上鹹蛋鹹味，好味。泰式牛肉船面，哩份面勁豐富，有牛肉片，鹵水牛腱，牛肉丸，炸豬皮，仲有牛百葉TIM。湯底睇得出真係落足料黎煲，好似都落咗沙爹醬，成碗湯底都幾重沙爹味。我對沙爹就麻麻地，但係啱曬我FD，最後成碗都比佢食曬。有了NARA THAI保證，唔洗食我都知道唔會好差，最後真係好滿意。

餐廳就喺太古廣場入邊，環境寬敞舒適，坐得都幾舒服。燒豬頸肉 配 青木瓜沙律燒豬頸肉保持到肉質嫩滑，配上迷你木瓜沙律，木瓜沙律唔係好辣，就算唔食得辣嘅朋友都食到。鍾意食辣嘅朋友可以點吓佢嘅醬汁 ，好有香料味又夠辣。泰式香草蟹肉炒蝶豆花飯成個飯都係紫藍色好特別 ，啲飯口感比較有咬口 ，食落去似係糯米飯，飯入邊會有啲脆脆 ，雖然佢有辣椒乾喺裏面，但係辣味唔重，唔食得辣嘅朋友都食到。返上邊仲有蟹肉同埋蟹籽。 芒果糯米飯伴椰奶芒果都幾新鮮，而糯米飯嘅軟硬程度啱啱好，不錯。Fresh Coconut Smoothie呢個用咗新鮮椰子去整嘅smoothie ，入邊仲加咗七彩珍多，飲落去真係好有椰子味道，推介！

Apinara餐廳環境優雅而舒適，裝潢以泰國特色為主題，仿佛置身於異國風情的世界。燈光柔和，空間寬敞，當晚7點右左坐位已經8成滿，都好受大家歡迎～.🦀泰式蟹肉奄列Apinara的泰式蟹肉奄列表現非常出色，蟹肉新鮮、口感豐富，蟹肉鮮美且蟹肉份量超級多！啖啖蟹肉😍搭配上獨特的泰式香料，味道層次豐富。奄列的醬汁帶有微辣，令人回味無窮，不過如果食得太多嘅話，就會有少少油膩感.🥢泰式小食拼盤泰式小食拼盤包含多款經典泰式小吃，如春卷、炸泰式肉腸、泰式魚餅等等。每一道小吃都為食客提供了獨特的風味。尤其值得一提的是，拼盤既青瓜同生菜配料等都非常新鮮，配合啱啱炸好既魚餅，口味岩岩好～.🥥椰子雞湯在椰子雞湯方面，椰奶與雞肉令到湯底呈現出濃郁的口感，而香茅、青檸等泰式香料的加入，湯汁濃郁，椰汁的清香與香料的味道相得益彰，酸酸甜甜辣辣，好開胃😚.🥢 泰式炒金邊粉泰式炒金邊粉同樣表現出色。大蝦金邊粉煮得很有Q彈，旁邊有花生碎左同砂糖，撈埋一齊，帶來了一個完美的收尾。.總結Apinara岩哂想食泰國菜既朋友仔，值得一試👍🏻

最近先知原來呢間Apinara係Nara旗下既😳食過Nara都知佢有幾高質，今次試埋呢間都無失望所以要推薦俾大家😎：🍴芒果軟殼蟹米紙卷🥭 $138米紙好煙靭👌🏻包住生菜蘿蔔等配料🥬再加埋有芒果同軟殼蟹口感好豐富😍而且食落好fresh🥰配上甜酸醬更加正💯軟殼蟹好鬆脆唔會炸到好油膩🦀絕對係開胃一流既前菜😗🍴泰式牛肉船麵🍲 $180 （ Lunch Set ）推薦✨套餐包括 沙律、小食、主菜、甜品、茶飲😍呢個價錢喺港島來講叫抵食🫣前菜係菠蘿沙律🥗仲有咖喱角同埋椰汁布甸🥥船麵湯底超濃郁😏配料有牛腱、牛丸同埋牛肉片🐮份量都比得好足！一個女仔未必食得哂😀牛腱好淋而且入味，牛丸就爽口彈牙好juicy😗 牛肉片亦十分嫩滑👍🏻🍴泰式豬肉炒河粉🐷 $118份量好大💕河粉係闊身嗰款🤤質感好滑而且有少少嚼勁😝加上豬肉片同芥蘭更加有口感😳另外炒得好有鑊氣😌醬汁調配得岩岩好唔會太鹹，十分惹味！🍴泰式蟹肉奄列🍳 $158仲未食到Jay Fai就食住呢個先😂足料到黐線😱唔叫一定後悔！！面頭已經鋪好多蟹肉，不過奄列入邊仲包住海量🦀奄列煎到脆邊而且蛋香濃郁🤭加埋辣醬一齊食又係另一番風味🌶️🍴椰香奶黃流心湯圓🍡 $68一上枱

平時同好姊妹食嘢當然要揀一間又坐得又睇得! 係金鐘Pacific Place行街見攰 ，係轉角位搵到一間好味嘅食泰菜嘅餐廳 。多款泰式滋味食物泰式牛肉船麵 湯底新鮮超濃味，大大塊牛展大大粒牛丸同牛肉都係鮮嫩，份量大，二人share 岩曬！燒雞扒配白飯 肉質鮮嫩，雞扒厚肉，雞皮鬆脆，配上青紅辣椒汁更是鮮味！份量夠大一定食得飽！午市套餐更包括冬陰公湯，青木瓜沙律，炸物 ，蒟蒻等！每樣食物都感受到廚師嘅用心，最喜愛青木瓜沙律同甜品蒟蒻！附近番工想食泰菜可以黎呢度

Apinara係拎過米芝蓮既精緻泰菜餐廳，餸菜味道好之餘，價錢亦唔算貴，而且環境舒適，適合約埋三五知己一齊品嘗。✨泰式椰汁雞湯上菜時有火係下面keep住熱～入口味道超濃厚，味道偏甜，當中有濃濃既椰香味。雞肉同蘑菇份量都幾多，雞肉唔會煮到柴。我哋2個人飲到兩碗幾，份量充足。✨泰式蟹肉奄列啲蛋唔係滑身個種，反而幾香口。入面包住既蟹肉非常多，一切開就瀉哂出黎，蟹肉夠鮮甜，配埋酸酸甜甜既醬汁好開胃。✨泰式東北小食拼盤有選擇困難症既人揀呢個啱哂，一碟有齊炸豬肉丸、清邁香腸、泰式香腸、肉碎沙律。肉丸同香腸都食得出係鮮肉製成，仲保留左肉既纖維，肉丸外脆內軟，香腸就彈牙啲，兩樣都係偏香辣，啱哂重口味人士。✨青咖哩雞肉雞肉彈牙滑溜，而且份量都幾多。青咖喱一入口有香濃既椰汁味，再食辣味先湧出黎，令人上癮，用黎配印度薄餅啱哂！

Happy Weekend 🏖️ 梗係要去chill 下 relax 下🎉 今次搵到間泰式餐廳，簡直就符合晒主題 💯🦐 炸蝦片($18)作為餐前小食呢款已經夠哂chill嫁啦! 蝦片炸到勁脆，而且就算食哂成餐飯蝦片都仲可以keep到脆卜卜，真係幾香口👍🏻🦐 泰式生蝦($148)生蝦足足有十隻份量夠哂多，蝦肉新鮮爽甜，配上蒜片及辣椒再沾埋有泰式秘製酸辣汁，真係晨神開胃夠哂惹味🤪🦑 香脆紅咖哩魷魚球($108)期間限定既菜式當然唔可能錯過啦!魷魚球粒粒都炸到金黃色，入面仲會食到粒粒魷魚，爽口彈牙之外仲突出紅咖哩中既一點辣、鹹及鮮味！而且旁邊仲配有青檸及檸檬，落少少味道清新仲令魷魚球整體層次及味道更加豐富🫶🏻🦀 芒果軟殼蟹米紙卷($138)原隻軟殼蟹鋪係米紙卷上面，炸到外脆內軟就基本啦。但作為配角既米紙卷都絕對唔馬夫嫁!米紙卷中包住酸甜既芒果、生菜、紅蘿蔔絲及九層塔，用左芒果的酸甜中和軟殼蟹的油膩感，沾上特制醬汁夠清新仲為傳統既菜式注入左新既味道！😋🐥 菠蘿肉鬆海鮮雞肉炒飯($148)一分為二既新鮮菠蘿盛裝住配有海鮮及雞肉既炒飯，用上新鮮菠蘿肉去炒飯，個感覺真係絕對唔同嫁! 菠蘿肉鮮甜又jui

第一次黎呢間泰國餐廳食野，叫左幾樣野食，船麵最好食！同埋座位坐得好舒服🥰最適合同朋友一邊傾偈一邊食嘢😍平時黎太古廣場唔知食咩好，呢間下次可以再食！😆🐷黃薑豬肉沙嗲 $98鬆軟豬肉配香濃沙嗲醬，好好食😋🐮泰式牛肉船麵 $148好多牛肉配料加埋彈牙既麵，湯底濃郁，非常滿足🥰🥘泰式東北小食拼盤 $168有唔同種類嘅小食，生菜肉鬆包同幾款丸款加炸物，每款食少少，一次滿足你幾個願望😍🦐香脆蝦餅 （3件） $78啖啖肉入邊超多蝦好實在，炸得好香脆，值得食呀😍

網上見到呢度嘅泰式甜品幾特別所以一心嚟試下餐廳環境方面舒適闊落幾啱進行小聚會今次點左餐廳既 2 款 signature 甜品分別係(1) 榴槤雪糕 伴 榴槤糯米飯(2) 椰香奶皇流心湯圓榴槤雪糕 伴 榴槤糯米飯 $108口感煙韌嘅糯米飯 浸左喺椰奶裏面榴槤雪糕、同糯米飯旁邊嘅榴槤肉好夠榴槤味但自問唔算係榴槤控 ～所以個人嚟講，都係鍾意食芒果糯米飯多啲 🙈椰香奶皇流心湯圓 $68椰奶裏面除咗有奶皇湯圓仲有煙韌嘅彩色小丸子 幾特別唯獨係湯丸嘅奶皇饀 略嫌不夠 🙈椰奶嘅味有少少蓋過咗湯丸嘅奶皇味

[ Apinara ]金鐘食飯都好多選擇，有質素又坐得舒服嘅一定喺PP商場嘅餐廳，而且呢間餐廳榮獲米芝蓮高級精緻泰菜🎏 ，梗喺要嚟試試🤤。午市套餐包咗自選湯品、精選沙律、主食、小食、甜品&飲品。冬陰功湯 冬陰功湯酸酸辣辣好開胃🥘喺正宗嘅泰式冬陰功湯😋。✿ Set B 泰式海南雞飯🐓🐓 $180雞肉肉質嫩滑，油飯偏濕濕的，仲有3款小食，有菠蘿沙律、春卷同椰汁糕，味道不錯👍🏻。一個set lunch 已經可以品嘗5樣泰菜款式，好滿足呀😄！✿ Set E 泰式炒金邊粉 $180泰式炒金邊粉口感鮮美，辣香味濃郁🌶️，酸甜適中，好有曼谷街頭風味👍🏿。總結🫦好地道嘅泰國菜，推薦鍾意食泰國菜嘅人嚟試試呀 ，中午繁忙時間比較多人，建議先book定位呀。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Apinara地址: 金鐘金鐘道88號太古廣場2樓205號舖電話:31071888✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

香脆紅咖哩魷魚球魷魚球烤得金黃，外面香脆，內裡魷魚十分彈牙，微辣紅咖哩，作為開胃菜一流。泰式椰子蜆煲湯底隱隱約約滲出椰子甜味，再加上東南亞風味提鮮香料，清甜得讓人飲到一滴不漏。蜆肉大顆肉厚味鮮，絕不含沙，絕對是誠意之作。菠蘿肉鬆海鮮雞肉炒飯店定用上新鮮菠蘿，把飯滿滿的放進去，再配上大量雞肉，份量上做到毫不欺場。米飯顆粒分明，絕不乾身，菠蘿的香甜再配上脆口的腰果肉鬆和酸甜開胃提子乾，令人食不停口。泰式炒雜菜份量十足的泰式炒雜菜，內有芥蘭苗、 椰菜、胡蘿蔔、粟米芯……數之不盡。新鮮菜蔬炒得爽脆剛好，惹味香口。