another hound café

午市套餐头盘：凯撒沙律作为午餐嘅开场，呢碟凯撒沙律算系清新嘅选择。生菜新鲜，咬落几爽脆，但凯撒酱稍为欠层次感，可能会觉得平平无奇。面包粒同烟似碎系灵魂所在，尤其系𠮶几粒烟肉，咸香味成功将沙律救返少少。主菜：泰底猪肉炒河成碟炒河香气十足，仲带少少镬气，猪肉片嫩滑，啲汁同河粉都吸得啱啱好，唔会太油腻。加埋辣椒粉𠮶阵微辣香气，配青柠嘅酸香，真系泰式风味爆棚！泰式奶茶平时出边饮一杯都成$30，而家跟餐包埋都几抵味道： 😋😋😋😋😋😋环境： 🤩🤩🤩🤩🤩🤩🤩服务：🫡🫡🫡🫡🫡🫡性价比： 🤑🤑🤑🤑🤑🤑…查看更多

我哋叫咗一份炸猪肉条，由于实在太咸，送啤酒都唔掂，希望换一份，结果最后厨房拎俾我哋系一碟，油淋淋嘅肥猪肉，直程个碟见到有油喺度。我哋都唔想再麻烦人哋再换，但系有少少觉得佢哋喺度玩嘢。另外叫咗火山排骨，成碟嘢都系骨，完全冇乜肉食。只可以话佢同佢个菜名太过相符，真系「排骨」🤷🏻‍♂️🤷🏻‍♂️仲叫咗其他嘢食，好似炸鱼饼、猪颈肉、青木瓜沙律、咖喱虾之类，就普普通通不过不失啦。另外餐厅嘅碗碟洗得比较唔干净，有油渍同水渍。因为我哋今日系同朋友庆祝生日，所以就带咗蛋糕去。明白餐厅要收切饼费，唔紧要。但系你收我成$200，帮我送咗个蛋糕出嚟之后，切又唔帮我切，刀又唔俾我。问佢啲职员攞刀，佢竟然同我讲：「吓你要刀啊？」。咁嘅服务态度，真系唔会有下次。…查看更多

去完海洋公园搭多个站去咗Southside 商场揾食见，见到系Open Rice book 位又有全单食单点餐牌85折（不包括饮品及甜点），咁就试吓，入到去看Menu 原来发现系Greyhound Cafe 姊妹集团，有质素保证。🥢招牌脆炸单骨鸡翼 $68 炸得松脆单骨鸡翼几惹味，不过有点干。🥢 双重炸鱼饼 $88 双拼炸饼煎得香脆，味道唔错。🥢 泰式辣汁酱木瓜沙律 $78 几泰式，味道酸酸辣辣地的青木瓜丝沙律，清新又好味。🥢海鲜冬荫公炒螺丝粉 $148 呢个冬阴公炒螺丝粉没有冬阴功味，有少少酸味，有鱿鱼，虾，味道麻麻哋。🥢啖啖蟹肉黄咖喱饭 $148蟹肉份量都唔算少，配埋黄咖喱酱汁捞饭真系一流。🍺 Draught Beer $58正常。…查看更多

今日team lunch 去左呢到食饭～虽然有book定但Lunch time 都算多位Lunch set黎讲系商场价位都可以接受Lunch set包餐汤或者沙律，我就叫左餐汤，个日系粟米忌廉汤～好浓郁，每啖都有粟米，温度都好适中主食我就拣左泰式牛肉及牛肉肉丸船面本身想试吓金面，点知𠮶日冇晒ಥ_ಥ咁就食咗金边粉佢份量都好足够，有炸猪皮，少少菜，汤底好浓郁牛肉片同牛肉丸份量都好多！佢仲有泰式四保嘅调味料可以加落去～加少少辣粉已经好惹味！再加多杯热柠水，呢个Team lunch好满足…查看更多

终于放食饭！！！天气冻冻地，想食下暖野同同事行过，见到生意不错一于入去使试吓伏唔伏Order左个冬阴卜卜蚬酸酸地又辣辣地味道不错，算食得过同事叫左海南鸡，佢话啲鸡都不错略嫌食物份量少，价钱贵餐厅阔落，坐得舒服眼见侍应两三个，揾人帮手有难度，好彩揾到个感受到女侍应尽力服务唔系西客既我会绝对体谅💪🏻🤞🏻🫵🏻P.S：服务比两星系因为根本唔够人手，而唔系因为服务差，真系唔明比差评个啲人系真系服务差定系冇同理心！！…查看更多