another hound café (新城市廣場一期) (已結業)

我最近同朋友去咗沙田新城市廣場的Another Hound Cafe食lunch，食物其實OK，但服務真係差到極點！服務員態度唔友善，等餐等到心情都唔好。叫咗三個餐但上得兩個前菜，禮貌提一提個侍應，態度極差話嚟緊架喇，完全無心去跟一跟。直到主菜都上埋都未上前菜，第二次問先好晦氣咁話會跟一跟。以前嚟過幾次都好正常，但經過今次嘅服務根本唔會想再嚟。雖然食物味道尚可，但如果你想開開心心食餐飯，真心唔建議去呢間餐廳。…查看更多

之前的Greyhound 依家轉咗個名，保留返以前Greyhound嘅Menu，但就突出以泰式菜爲主打，但轉左名之後覺得質素都下降了。:)三文魚配泰式辣汁 三文魚配上熟悉嘅酸酸辣辣嘅泰式辣汁，幾開胃過癮。不過個汁都幾辣。泰式柚子沙律 份量唔大，柚子唔甜冇咩味，太多酸甜汁喺底，導致食到最後勁酸。泰式牛肉及牛丸船麵 湯底唔係平時船河嗰種非常濃郁嘅牛肉味，而係牛肉清湯再加酸酸地嘅檸檬味道，比平時食開嘅船河清淡一點同酸一點。牛肉冇嗌和牛，只係嗌咗普通牛肉，但係使唔使咁難食，勁難咬又鞋口。好少食牛河會食到質地咁硬咁差嘅牛肉。牛丸冇味勁普通。泰式金不換蜆煲 期待有好香嘅金不換味，但係真係食唔到咩香草味， 蜆肉一啲都唔鮮甜，勁冇味。椰菜苗炒豬腩肉 所有餸之中，呢碟係最好味。椰菜苗爽甜，加埋比較濃郁嘅麵豉醬味道，整得好惹味。:)帶子蘆筍香草寬麵 帶子每隻切咗一半，味道正常。意粉係忌廉汁加pesto 香草醬，味道可以。泰式銀魚柳意大利麵 茄汁蓉為主，再加少少魚露味。最失望係意粉整得非常腍，一啲都唔爽硬。同埋啲汁好多，成件事濕濕立立，唔係預期中乾爽辣辣地鹹香嘅味道。食到最後覺得好鹹，唔好味。環境：★★★☆☆ 食物： ★★☆☆☆ 性價比：★★☆☆☆ 推介度： ★★☆☆☆ …查看更多

🌋酸辣火山骨第一次係香港食火山骨，陣容一啲都唔輸泰國，大大件骨之餘中係啖啖肉，而且可能就番香港人口味，唔會太辣。除左食肉唔好浪費左個汁，用嚟煮粉一流！🦀啖啖蟹肉奄列 😋先講賣相，上枱一刻真係嚇親我，因為個奄列真係超厚超大件。可能因為蟹肉都多，所以可能要用咁多蛋先包得住。味道未致話好出色，但蟹肉同蛋都香既。🐟雙重炸魚餅 選擇困難唔知揀邊盤好，雙拼就真係啱晒！而且雙拼會一件嘅都幾大舊，諗住當少，點知份量一啲都唔少。🐮鮮牛肉船麵火鍋呢個係當時期間限定Menu好似冇，如果仲有不妨一試，因為真係新鮮牛肉上枱，店員亦都好貼心咁先讓我哋影相打卡再幫我哋將牛肉放入火鍋當中，而且說明開始自己煮，夾埋個超濃湯底超好食。🦐大頭蝦冬蔭功湯一貫作風相當的大煲料相當有睇頭，有原隻大蝦！味道濃，偏重口味，但應該就返香港人唔會太辣。🥥椰子雪糕配粟米及紫糯米相對返甜品就比較遜色，椰子雪糕味道相對較淡，粟米嘅味道唔錯，而且紫糯米較硬，整體發揮一般。…查看更多

今晚兩口子去吃晚餐，叫了泰式雜菌炒金邊粉、泰式炒通菜、泰式黃薑炸豬頸肉、凍檸茶兩杯，總共港幣460元埋單。星期五晚上六時左右用餐，只見侍應三個圍埋一齊打牙膠，企喺門口等帶位，懶得出門口帶位，企在餐廳中間用手示意直入，安排卡位就坐。是晚用餐客人不多，只有約二十多人，不要旨意侍應會上前提供服務，是晚雖有叫凍檸茶兩杯，各人一杯。清水也喝完，叫了埋單只有侍應潻了一次水。餐廳餸菜晚市份量偏少，泰式雜菌炒金邊粉，一上菜我與太太向侍應反映份量只有一個人份量，港幣138元實在性價比欠奉。上菜時同侍應反映份量偏少，侍應默不作聲，匆匆離去，又是3人圍埋一齊繼續傾計。建議可考慮旁邊的蘇媽，用餐體驗及性價比一定比這間好。物有所值…查看更多

英式三層下午茶就常見喇！泰式三層下午茶你又見過未？Greyhound cafe 旗下就有泰式三層下午茶，打卡一流。上層有泰式冷盤點心，中層有泰式甜品，下層就係咸食。第一層：薄切三文魚配泰式辣汁香辣野菌青瓜沙律牛油果大蝦沙律撻勁惹味，唯獨係香辣野菌青瓜沙律偏辣第二層：是日特選千層蛋糕；當日係斑斕味藍莓芝士餅芒果糯米飯什錦馬卡龍椰子斑蘭布甸杯斑斕千層蛋糕好特別，上面放咗兩隻曲奇馬仔；檸檬和朱古力味馬卡龍，味道好出，甜品不太甜，吾會膩，可以一啖接一啖第三層：招牌脆炸單骨雞翼泰式沙爹雞柳串脆炸粟米蟹肉餅配甜酸醬豬柳串燒雙重炸魚餅脆炸芋頭餅串燒偏乾身，鞋口；炸物比較好，脆卜卜粟米配上蟹肉，甜酸甜酸…查看更多

今日去到沙田新城市Another Hound Cafe體驗超差，之前也去過不同的分店。今天總共嗌了四樣食物。其中一樣是圖中的咖喱蟹肉飯，質地好似水狀一樣，其後詢問服務員點解會同平時不一樣。他的回覆是因為今日廚師不一樣🤷🏼‍♀️ 另外白飯像隔夜飯一樣。還有其中一樣食物是粟米蟹肉餅，煮到外濃內脆。而服務員態度也不想理會客人一樣…查看更多

今日與同事去食午餐，呢間好似係Greyhound同一集團餐廳，之前在Greyhound食過幾次佢啲蛋糕如椰子蛋糕都幾好味（不過唔平），最後叫咗一份菠蘿海鮮炒飯，但食到最尾原來海鮮只有三隻蝦，沒有一般的青口同魷魚，食完經理嚟收碟，問佢竟然話應該早啲同佢講證明只得蝦冇其他海鮮，完全冇諗過同廚房了解，亦冇任何回覆（例如只有蝦咪直接改名菠蘿鮮蝦炒飯咁，因為菜單都有鮮蝦炒金邊粉同虎蝦配白飯等），沙田分店希望有所改善。😅…查看更多

🌕🌕🌕🌑🌑Greyhound Style Iced Lemon Tea🌕🌕🌕🌑🌑鮮蝦帶子墨魚汁麵🌕🌕🌕🌕🌑粟米蟹肉湯🌕🌕🌕🌑🌑啖啖蟹肉奄列 開頭以為係啲咩新野，原來係Greyhound嘅副線，食物方面係接近嘅，本身唔係好熟Greyhound，驟眼睇好似無咩分別。 本身諗住假期應該都要等位，點知唔使，入到去就知道出事。樓面完全唔夠人手，糾纏左15分鐘先成功落單。好彩食物方面無乜走樣。 🍋Greyhound Style Iced Lemon Tea：喺Greyhound飲過，味道都一致嘅，但係上枱嗰陣有啲醜樣，可能今日太手忙腳亂 🦑鮮蝦帶子墨魚汁麵：同上，感覺有少少hea，但係應有嘅味道都喺度嘅 🌽粟米蟹肉湯：呢個湯加埋個蒜萁包其實會有少少飽，因為都幾多蟹肉同粟米 🦀啖啖蟹肉奄列：呢個奄列直頭係加大碼，好大份，不過味道一般…查看更多

餐廳前身是Greyhound Cafe  裝修後改名為 another hound café 食物水準仍然保持到 見到Openrice堂食訂位有優惠 (主餐牌及海鮮餐牌有 9 折優惠但不包括飲品及甜點) 所有預約了與朋友慶祝生日泰國甜酸明爐雜錦海鮮大頭蝦 $368湯頭濃郁 辣酸開胃 不論是海鮮或湯水份量都大 每個人都可以有兩碗湯  除了有泰式香料的香味 還有有椰奶香氣鮮芒果酸辣鳳爪 $78芒果香甜 中和了鳳爪的辣味 十分開胃 但份量較少特色小食拼盤 $248種類多 可以一次試到不同的小食泰式豬肉炒河粉 $118炒河粉調味出色 味道濃郁 鑊氣十足 但得一試飲品以熱帶水果為主 配合味道濃郁的泰國菜 味道清新試了以下幾款:Innocent Votage $62 (橙 西柚 菠蘿)Pick You Up $68 (西柚 菠蘿 香蕉 乳酪)Pink Cooler $62 (西瓜 橙 菠蘿 有泰國香茅香料味道)斑蘭千層蛋糕 $78蛋糕選擇多 但是同行朋友表示太飽 只加點斑蘭千層蛋糕給壽星 餐廳可以免費提供生日朱古力牌同蠟燭 千層蛋糕斑蘭味上菜時明顯 但食則沒有那麼濃郁 但不會太乾 味道正正常常 …查看更多

今日同朋友慶祝生日, BOOK左8點半。然後, 我提早到餐廳放底蛋糕, 無問過我BOOKING DETAILS. 就咁收左個蛋糕.8:30 準時入座, 叫左好多野食..  先稱讚下d野食先~大蝦海鮮冬蔭湯鍋  - 大大鍋, 好多料! 唔辣, 味道剛剛好, 喜歡! 黃咖哩蝦 - 唔辣, 多汁大蝦冬蔭公螺絲粉 - 唔錯, 不過冬蔭公味淡左d MOCKTAIL 有d失望, 以為有層次, 點知黎到原來係隻杯的色... 味道可以, 不過有D貴! ~然後去到LAST ORDER都仲未出現既~小食拼盤 - 分量都幾大,  d 醬麻麻地,  好乾(因為服務問題, 我無乜時間慢慢品嚐) 豬頸肉 - 正常發揮, 切得幾大件..  如果細件D就開心D 至於點解我講 垃圾服務以下男待應所講既語氣 100% 係咁..1.    原來LAST ORDER係要食客自己醒覺 ?? 男待應問我  然後我答[要既話先問你拎], 男待應回答[收啦wo]  然後就問佢有d野未黎齊....2.    埋單既時候, 男待應俾錯人簽名, 直接講呢句 [唔關你事] ?? What? 3.    時間9:40 埋單簽卡同時, 我叫男待應拎蛋糕出黎, 男待應同我講 [ 如果要我地切要收切餅費200]  當時我只係聽字面上的意思, 我唔洗你地幫手切就ok啦? 加上男待應三番四次強調餐廳收10點. 我俾200蚊, 我地又唔可以坐耐D。然後我地無問餐廳拎碟, 只係問個女待應要左把刀仔, 女待應都肯俾我. 我地只係食左2啖..  男待應又衝出黎 [ 你地係度食呀? 係度食要收切餅費200 ] ?? 咩意思?? 即係究竟有D咩係要俾200先可以做?? 9:55 我地拎埋蛋糕 嬲嬲地咁走... …查看更多

小鬼帶我去沙田食飯，搵到這家餐廳集合泰國菜同西餐，見店舖裝修骨子就試試喇！入到去座位果然舒服空間感高。服務態度期待改善🤨。🥢講左木瓜沙律先，從未食過辣到跳舞嘅木瓜沙律，完全無話可說，下次不會再試。😅🥢泰式鳳爪，正常酸辣爽口。🥢泰式三文魚沙律，有驚喜👍味道同樣酸微辣。🥢最好食泰式炒貴刁，香氣撲鼻，入口酸甜味美，不過貴刁份量都太小。🥢酸辣火山骨，味道不錯非常入味，但食得有點狼狽，餐廳只提供一支叉一支匙，不知從何入手。🎂奶茶千層蛋糕， 👏👏😋泰式奶茶奶味香濃，帶出千層蛋糕香甜，一道不錯的甜品。…查看更多

前身Greyhound cafe，菜式基本上冇乜大變化，本身其實都有水準，只係餐廳名唔同左，入面d餐具及環境完全一樣。薄切三文魚配泰式辣汁 $148讚黎呢間餐飯必叫菜式啖啖蟹肉奄列 $128見泰國咁出名諗住試下，蟹味不多，食得出雪藏味，奄列外面炸過，夠香脆，整體來講一般鮮蝦炒金邊粉 $148都係必叫菜單內…查看更多

因為我係泰式肉碎飯迷，所以去到泰菜食店無論貴平，都會叫泰式肉碎。我覺得呢道既肉碎飯可以媲美九龍城泰菜舖，絕對好食過同商場泰菜Nara.👍一上枱就聞到好香炒辣九層塔香草。👍肉碎唔會太鹹唔算重口味又唔乾，剛剛好同時又有辣辣地好惹味。（食過Nara既肉碎偏鹹）👍煎蛋又脆又有蛋味，係半煎炸既流心荷包蛋。👎衰在飯唔熱＆偏硬(雖然少少頂胃但可以接受，因為啲肉碎熱，同飯一齊"筆"黎食都唔算好覺啲飯唔熱)跟飯既湯係鹹酸菜肉丸湯。感覺有啲似飲緊胡椒豬肚湯啲湯冇胡椒。個人覺得酸酸地好開胃，可以中和返啲硬飯同辣肉碎既味，令我又可以大啖大啖“筆”啲肉碎飯食。同行朋友食海南雞飯，啲雞份量較少，又唔算滑。但嗰個油飯真係入味到不得了，又夠熱。同我個白飯相差太遠。雖然1百幾蚊食個街邊50-70蚊既“碟頭飯”超級貴又奢侈(我星期日正價食仲貴)，但at least係好食同埋足料(勁多肉碎勁多辣椒勁多九層塔)，環境座位同氣氛太舒服。對我呢啲窮L黎講，間唔中好想食一個真係好食既肉碎飯咪忍荷包痛再黎囉。…查看更多

在沙田新城市廣埸 — 豹家又出動去食嘢喇！今次帶大家嚟到沙田食剛開嘅《Another Hound》頭盤：招牌脆炸單骨雞翼｜$39✴️仔仔指定要叫，亦係呢度不嬲最出名嘅！果然保持住水準！炸到外脆內軟，食吓食吓食晒😝💟Lunch Set 💟泰式豬肉丸湯河粉| $108✴️仔仔揀嘅，佢本身好鍾意食肉丸+佢話個湯河滑捋捋，啖湯好濃好甜！啖啖蟹肉黃咖喱飯 (+$28) | $138✴️我自己必食，好在仲有呢個黃咖喱飯🍛我仲介紹比豹豹食，佢試咗一啖之後，係咁追住要食多啲！黃咖喱唔會好辣，小朋友都好啱食，而且有甜甜蟹肉，實在好美味！配埋個苦瓜湯，食到膩得滯飲啖湯可以解一解！火腿茄汁焗長通粉｜$138✴️仔仔至愛啦，有芝士喎！所以食物加塊芝士比佢都係極好味嘅食物🤣熱辣辣又真係又香又正嘅！每個餐都包前菜（湯/沙律）及飲品✴️前菜-我哋2樣都叫咗，沙律比仔仔食晒咁滯，湯係磨菇湯so creamy 😋✴️飲品-泰式奶茶，唔錯👍🏻+凍檸茶，出名嘅檸茶冰好飲好飲…查看更多

我好鐘意食泰國🇹🇭菜，但自從生完小朋友就無去過，因為總覺得泰國菜香料比較多，怕小朋友未必鐘意食。最終，早兩星期終於俾我係沙田發現一間岩小朋友食既泰國餐廳喇～就係「Another Hound Café」！全間餐廳淺木色調，係摩登的曼谷氛圍，與傳統泰國餐廳佈置大不相同，係輕鬆既渡假感覺！最後，我哋一家四口點左，2個午市套餐，2個主菜，1個小食，1件甜品！（到上菜果刻就發覺，點得太多了）泰式海南雞飯(套餐)、泰式豬肉丸湯河粉(套餐）、泰式檸檬香茅蒸原條爐魚、泰式炒三文魚意粉，(+$39)鮮芒果酸辣鳳爪，(+$28)抹茶千層蛋糕！套餐頭盤包餐湯/沙律，諗住試晒2樣，所以我哋每樣要一個！沙律好新鮮，最驚喜係餐湯「蘑菇湯」！一整碗，滿滿都係新鮮蘑菇打成，味道口感都十分濃郁，絕對比自己做更足料！原本諗住2兄弟每人一半，結果二寶一個人飲晒全碗，然後二寶就飽左一半了海南雞飯爸爸同二寶share，雞肉好淋好滑，油飯好香濃，份量都大碟，男士食都夠飽！豬肉丸湯河仲有豬肉片，係好闊身果種河粉，哥哥一個人食唔晒碗河粉呢！我就襯爸爸係度，點左新菜式「泰式炒三文魚意粉」同樣有驚喜wor！微辣，好香香料味，但又唔會蓋過三文魚，平時食三文魚，食到最後凍左會有種好油既感覺，呢個意粉唔會，我真係一啖接一啖咁食晒，好似只係俾左一啖唯爸試味重頭戲，「泰式檸檬香茅蒸原條爐魚」送到上枱，哥哥：「媽媽，好大條魚！」真係好大條，唯爸好努力都食剩1/4條，如果share食，我覺得5-6個人share會好啲跟餐加錢既千層蛋糕，係哥哥點既！原本諗住試原味，但賣晒，轉左抹茶味！我同哥哥都幾鐘意，唔太甜既甜品（奇怪的人），呢件蛋糕微甜正合我哋口味，雖然係千層蛋糕，每層中間都有cream，但又唔會「好漏」既感覺！只係加$28，好抵！總結：心情：好滿足，好多年無食泰國菜了！特別喜歡菜式：蘑菇湯、泰式炒三文魚意粉、泰式檸檬香茅蒸原條爐魚、抹茶千層蛋糕點菜tips：菜式都幾大碟，如果好似我一家四口同小朋友去，真係唔好好似我哋咁點咁多！我哋大人負責包底，食完飽到晚餐都食唔落餐廳主打新派泰國菜，仲有一啲西餐，倒如三文治、漢堡、意粉，岩晒小朋友口味，咁大人就可以盡情享受泰菜，唔駛就住小朋友口味啦～今次仲有好多鐘意既泰國菜未試，冬蔭公湯、咖哩蟹、青咖哩、炒金邊粉、火山骨等等，我諗住約多幾次朋友一齊去encore呢Another Hound Café地址: 沙田正街18號新城市廣場一期1樓103A號舖…查看更多