Amitie Kitchen

Amitie Kitchen装潢以柔和灯光配搭木系家俱，营造出温馨而优雅的用餐氛围，特别适合情侣或朋友共度悠闲晚餐。晚市选择丰富，包括餐前面包、前菜、主菜、饮品及甜品。 餐前面包令人惊喜，有牛角包、竹炭面包及竹炭脆面包捧，外脆内软，香气扑鼻，为整顿晚餐揭开序幕。前菜是火炙半熟三文鱼伴紫苏莎莎，三文鱼肉鲜嫩，微炙的香气与紫苏的清新完美融合，仲有新鲜既沙律菜。主菜方面，牛肝菌芦笋意大利饭口感creamy，菌香浓郁；而8安士美国顶级西冷则肉质鲜嫩多汁，我哋叫左7成熟，觉得火候掌握得恰到好处。配搭冻抹茶牛奶朱古力饮品，茶香与朱古力味道层次分明，甜度适中。甜品是士多啤梨朱古力窝夫伴士多啤梨雪糕，窝夫外脆内软，配上香滑雪糕与新鲜士多啤梨，为整顿晚餐划上完美句号。整体而言，食物质素非常高，环境气氛都令我们很满意，是值得回访的浪漫餐厅。…Read More

一坐低就捧咗盘暖暖地嘅面包上枱 味道好普通 牛角酥 芝士条同一个软包 普通面包 唔好有期望加拿大猪鞍扒（10安士）猪鞍扒好厚肉 表面煎得好香口 保存到肉汁 亦尚算嫩滑 配埋个汁 都几juicy 喱个价钱 算系交到功课 火炙半熟三文鱼伴紫苏莎莎 三文鱼面铺了紫苏沙律汁 配合埋新鲜沙律菜 肥美入口即溶 满满omega 3 感觉 清新可口 好开胃 牛油果 红菜头藜麦沙律伴蜜糖刁草乳酪汁（素）蜜糖刁草乳酪汁配合新鲜沙律 味道酸甜 牛油果啱啱好熟 好似食紧乳酪杯配丰富配料咁 口感丰富清新D24榴莲巴斯克 整体味道唔算突出 只有少少流心同少少榴莲味 唔系话好好味 因为芝士同榴梿应该可以好match 但好似就系做唔到喱个效果 榴梿味好似好假咁 芝士味又食唔出 而且喱个价钱亦唔平 我就觉得唔驶试整体而言 喱个价钱同个质素都算成正比 不过系咪叫好出色又未至于 况且环境格局几挤迫坐得亦唔见舒服 暗黄色调形成西餐厅格局feel 喱个价钱可以有更多好选择…Read More

今次嚟呢间餐厅真系感受到一份高雅同埋用心。餐厅嘅菜式多元，唔单止系味道出众，仲好有创意，令人每一口都充满惊喜。头盘系火灸半熟吞拿鱼，配上柚子味噌酱，清新又唇齿留香。再嚟嘅忌康汁烤烧大啡菇、焗酿鲍鱼、北海道带子，个个都系海鲜界嘅精品，鲜甜多汁，令人一试难忘。虎虾意大利饭配龙虾汁，浓郁又唔失海鲜嘅鲜味，系海鲜迷嘅必点之选。主菜方面，8oz 美国顶级西冷牛排，肉质厚实多汁，经过精心烹调，入口即化，展现出牛肉嘅最佳风味。搭配冻水果茶，清甜解腻，好啱呢个季节饮用。甜品方面，朱古力心太软配云尼拿雪糕，浓郁嘅朱古力配上滑嫩嘅心太软，甜而不腻，雪糕嘅清新完美平衡。整体嚟讲，呢间餐厅不单止系一个享受美食嘅地方，更系一个细腻、品味兼具嘅用餐体验。每一道菜都展现出厨师嘅用心，系一个值得反覆光顾嘅好去处。✨🍽️#高雅美食 #海鲜盛宴 #西冷牛排 #朱古力心太软 #香港美食推荐…Read More

Amite Kitchen 一间位于尖沙咀厚福街既楼上西餐厅🍴有朋友推介过，呢间整体都唔错，就过左黎试去到等冇耐，餐厅店员就好快有招呼安排左个位置坐，坐得好舒服，而且餐厅环境比较优雅，之后order左个二人餐😋简左火炙半熟吞拿鱼伴柚子味噌酱，阿拉斯加比目鱼柳，烤大啡菇鲍鱼，带子，虎虾配龙汁饭，饮品系伯爵红茶，甜品叫左朱古力香蕉金宝🍌每样菜式都相当唔错，吞拿鱼新鲜，比目鱼柳食落好香口，大啡菇上面配左唔同材料，有新鲜感，同食材新鲜，再夹汁龙汁饭，唔会溜，好match 甜品系最后上既，热辣辣，新鲜焗出。难怪望见好多枱客人，都系庆祝生日，纪念日，同收工一大班朋友一齐系到享受下🍷食饭既好地方服务店员好细心，keep住为客人服务，加分…Read More

火炙半熟三文鱼伴紫苏莎莎：火炙后渗出鱼油香味，三文鱼味香浓，跟有微微辛辣感嘅紫苏酱汁，感觉平衡。沙律菜新鲜爽脆。美国顶级西冷：5成熟西冷煮得刚刚好，肉嫩软滑，冇筋又无乜血水。牛肉味道浓郁，加上表面烧烤的焦香味，好味好吸引👍🏻伴菜都几多，酿有南瓜蓉嘅香菇，秋葵同肉碎茄子，味道唔错。牛肝菌松露意大利饭：牛肝菌松露好香，意大利饭软硬适中，有𡁻口唔会软淋淋。加上芝士薄片令酱汁更creamy 。饭内有大量菇菌，洋葱，彩椒，令意大利饭唔腻，清爽有口感。士多啤梨雪糕窝夫：窝夫热辣辣，口感劲松脆，加上朱古力同士多啤梨酱，仲有雪糕同士多啤梨粒同蓝莓，感觉好满足。夏日新鲜水果茶：用twinings茶包加上大量水果粒，感觉新鲜唔会太甜，份量唔少，可以同朋友share 。沙律前餐厅还有比面包assortment ，喜欢香草饼干条香脆好味，牛角包松软酥脆。餐厅食物质素高，怪不得平日晚上都几多人。…Read More