am.pm (譽發廣場)

㖊日（10-5-2025 Sat）晏昼，同老公睇完戏，天气有啲翳热，想饮或食少少嘢，行过呢喥，记得佢除咗梳乎厘外，重有软雪糕，奶昔，于是走嚟买，嚟到时见到有造型似雪条嘅牛角窝夫，于是睇有咩味同价钱，都系$38.00起，D24榴梿牛角窝夫就$40.00，我见到话7周年，牛角窝夫$28.00，平$10.00㖞，于是买牛角窝夫而放弃雪糕，奶昔，到买飞，我就要D24榴梿牛角窝夫，收银$40.00。我问唔系$28.00咩？佢答星期一至五系。噢，我睇漏眼，咁好啦，照要啦。等咗几分钟就整好，食落，外脆内软嘅牛角窝夫暖暖地，配唔太冻嘅D24榴梿cream，感觉都唔错嘅。题外话：呢喥价钱比起葵涌广场‘’九鸟‘’戟嘅平（可参考2023年6月18日刊登嘅https://www.openrice.com/zh/hongkong/review/yeah-%E4%B8%8D%E4%BC%BC%E9%A0%90%E6%9C%9F-e4862782呢篇食评），可能“九鸟”戟始终要俾商场管理费啩。上次食评系2018年1月3日刊登嘅呢篇：https://www.openrice.com/zh/hongkong/review/%E5%94%94%E5%80%BC-e2946306…查看更多

油麻地有一间开咗好多年的专门疏乎厘店，外面装修就好似黄巴士一样，呢间除咗疏乎厘出名之外，另外仲有milkshake 和牛角包窝夫..而且呢间即叫即整，一直都keep住有人排队等！静冈抹茶梳乎厘疏乎厘都有好多不同口味，之前食过原味都唔错，今次食抹茶味，食落去我觉得好轻盈，好有空气感，上面再加上抹茶粉，我呢个抹茶控来了😋特浓朱古力牛角包窝夫窝夫都有唔同口味，而且大众化，朱古力味真系超浓，窝夫烘到好脆，再加上好滑的朱古力和朱古力粉，真是朱古力的诱惑静冈抹茶3.6牛乳奶昔都系拣咗抹茶味，用咗特浓日本牛奶，更加香浓…查看更多

油麻地人气Soufflé店，唔知系咪因为香港人太钟意食甜品定呢间特别好食，每次经过都大排长龙，胜在食物即叫即整，等候时间短，而且口味多，实有一款啱你心水。招牌之选有炎烧布丁梳乎厘，劲动L，口感松软，充满空气感，面层火炙过，带有淡淡焦糖香，薄身，咬落香脆可口，甜度适中，搭配超邪恶日本3.6牛乳雪糕，冰火交替，正。牛角包窝夫亦系另一大主推，个人超钟意，外脆内嫩，奶油香气四溢，仲有真D24榴梿同肥仔Cream，榴梿爱好者切勿错过。饮品则有黑糖同宇治抹茶珍珠牛乳，套餐有优惠，可加点。…查看更多

今日去咗位于油麻地嘅甜品店，店舖主打梳乎厘同牛角包窝夫。我今日试咗几样佢哋招牌嘅甜品，全部都好好味。提拉米苏梳乎厘（双块）$50两块梳乎厘外观轻盈蓬松，色泽金黄。轻轻一咬，梳乎厘嘅质感非常柔软，蛋味香浓，泡泡感十足。配合著提拉米苏特有嘅咖啡香同Creamy嘅忌廉，甜度适中，唔会过于腻口。黄金布丁烧牛角包窝夫 $28金黄嘅窝夫，上面铺满咗香滑嘅布丁酱，再烧咗一层焦糖。焦糖薄薄一片，充满焦香。布甸酱蛋味香浓，质地好滑。搭配外脆内软嘅牛角包窝夫，口感层次非常丰富。窝夫外脆内软，布丁嘅香气配合著牛角包嘅质感，真系好有满足感。培茶珍珠牛乳（套餐） $25呢杯饮品培茶香气浓郁，黑糖珍珠Q弹，牛奶嘅奶香十足。饮落去，焙茶味香浓，配搭转牛奶啱啱好，唔会过甜。日本鸡蛋焦糖布丁牛乳雪糕 $40 雪糕牛奶味香浓，食落好滑，好Creamy。布甸有滑溜嘅口感，带有浓厚嘅鸡蛋香味，配上焦糖嘅甜味，甜丝丝，简直无法抗拒。…查看更多

各位甜品控请注意！🚨 呢间系由韩国综艺带旺嘅甜品店。今日我嘅甜品之旅，主角就系呢两款甜品：静冈抹茶疏乎厘，同埋焦糖布丁配3.6牛奶雪糕。首先登场嘅系「静冈抹茶疏乎厘」🥞。一上枱，佢𠮶种空气感十足、涨卜卜嘅外型确实好吸睛！💚 满心期待咁用匙羹一挖，质感轻盈如云朵，入口即溶，呢点绝对合格。但系，味道就系另一回事喇… 静冈抹茶嘅威力实在太强横，茶味浓郁得嚟，苦涩味完全盖过咗一切，几乎揾唔到一丝回甘或者甜味嘅平衡。😮‍💨 对于我呢啲追求层次感嘅人嚟讲，呢种「太苦」嘅体验，实在难以亲近。正当我眉头紧皱之际，另一位主角「焦糖布丁3.6牛奶雪糕」就如救星般降临！🍮🍨 布丁本身质感滑不溜口，蛋香十足。面头嘅焦糖酱熬得恰到好处，带有焦香，系成熟大人嘅味道。隔离𠮶球3.6牛奶雪糕奶味浓郁到不得了🥛总结嚟讲，如果你系抹茶嘅极端主义者，唔怕苦涩，或者可以挑战一下个疏乎厘🧁…查看更多