agnès b. Café LPG

营业中

休息中

與朋友去ifc 參加商場活動，活動時間為中午1點，於是，約了朋友12點左右在ifc 吃個快午餐。芝士火腿法包：芝士味道香濃，火腿咸香好吃，法包香脆😋草莓玫瑰乳酪：啖啖草苺肉兼陣陣玫瑰香😻😻😻正😋

Be careful about this cafe, they don't allow customers to shoot any pictures as long as photos including their things. The waiter can not give any reasonable reasons why they set this stupid rules and just said this was the rule and they are very rude. Oh btw, there is no where to complain to this company, because they do not even have contact information on their website. It is stupid to set this rule and keep away from your customers.

Weekend下午喺IFC想搵個地方坐下都唔係咁易，coffee shop嚟講Agnes b比較理想，因為LGB/Fuel/Starbucks全部都坐喺鋪出面，周圍啲人行嚟行去。叫左個煙肉洋蔥蛋批($48)同埋tiramisu chocolate($44)，價錢唔係貴starbucks好多。杯野飲得個甜字，冇乜tiramisu味，反而似加左綿花糖嘅味。蛋批味道就ok，都幾大件，細食女仔會夠食。其實俾$48我都冇預佢會有伴碟，所以攞嗰下覺得都唔錯，$48抵俾，但望真啲，啲菜霉到呢... 全部切口都變哂深紅色，好唔新鮮。總括嚟講喺IFC唔洗$100有個地方舒舒服服坐下，野食野飲唔係話好出色，但可以接受嘅。

一個星期二午餐時間，我去咗Agnes b cafe ! 我叫咗一杯咖啡，1碟沙律，一個煙三文魚包中環出名lunch time 時間多人，所以我早少少去真係到咗12:30 滿坐我覺得咖啡就不過不失啦煙三魚包都幾好食,有cream cheese 係入面不過牛油果沙律就唔夠多牛油果，比較多豆🙈下次可以試試另一個沙律，我見人仲可以mix 其他沙律或者pasta！我見佢啲cake都幾吸引，下次tea time 試試如果想食個輕便午餐可以去去

忙碌的工作中是需要一點清泉，一個喘息的地方。每次做到頭頂出煙，都想去嘆番杯玫瑰熱朱古力。 雖然cafe位於商店內，環境實在怡人。視覺上的滿足來自幾片玫瑰花瓣，味覺上的滿足來自濃郁的朱古力浸出幽香的玫瑰花味。一喝便知道是高質素的朱古力，甜味沒有蓋過朱古力味，恰到好處。如果是朱古力粉絲，就要試試Melanie！主要是由朱古力慕絲，朱古力truffle, 朱古力蛋糕，朱古力脆餅，一層層建成，層次豐富，上面有小紅莓點綴，用來配熱朱古力一流。

Was having a quick meeting today in IFC, and I recalled that the coffee and cakes were nice by agnes B (it was a Cafe here in IFC, but not replaced by Apple Store)... and so, we went to this Boutique Cafe  ... full of people at around 3pm, and no table service was provided, but the food and drinks offered were nice... Very Rich Coco taste... and the base was rich too... texture was solid... rock solid... Highly recommended... 

響IFC食完午餐，仲想坐低食件cake飲杯啡，三樓有間agnes b. Cafe LPG咁就腳，價錢又唔貴，一於呢間啦！ B. Barista ($48)響蛋糕櫃既眾多選擇之中，唔駛三秒就揀中呢隻熊仔，因為個樣實在太得意啦，再細睇下個description，係Pistachio chiffon cake, vanilla creme brulee, parline mousse，我最鍾意就係開心果同榛子，實在太啱我啦！ 開動啦！好殘忍咁切開隻熊仔，見到入面係一層開心果、一層榛子，由於榛子餡較多，所以榛子味都較重。整體上個cake都幾滑，配埋咖啡食一流！

下午茶時間有客人在佢金司樓下嘅agnes b 買蛋糕. 佢隨手抽左件士多啤梨俾我。除咗士多啤梨之外，仲有杏仁片，其實味道並不豐富，因為底部其實係雲呢拿味嘅撻底。可能因為我食嘅方法同整餅師傅設計食法真會有唔同，因為我怕整污糟人哋嘅地方，所以我先食晒所有嘅士多啤梨，就淨係得返雲呢拿味既底，所以感覺比較單調，但都係唔差既。

開完會，真係要小休下，行到落IFC，搵D野咬下就事旦買件CAKE。。。。今次買Agnesb 啦。。。。。外表乜都特別，完來幾多層次，基本上係朱古力Mousse，入面有蛋糕，質地不是意大利芝士餅個種，係近似海綿蛋糕既但不是純甜味，有少少酸酸地，因為入面有raspberry口感上比較豐富

2人出去食午餐，試新地方。玫瑰朱古力有驚喜。我一向少飲朱古力，只係因為比較鐘意飲咖啡。但愛玫瑰嘅香味，所以決定一試。外貌已好靚，試飲一啖，已被佢恰到好處嘅玫瑰清香吸引。$40幾蚊，好值。另外嘅粟子泥蛋糕，粟子泥好滑，但粟子香啲就更好，甜左小小。但鐘意食甜嘅朋友，一定會好鐘意。白色帶閃嘅小蛋糕，唔記得左咩名，但香軟幼滑，同樣好味。件三文魚包，用料新鮮，味道都好。食物係2人share 食，朋友就飲cuppacino, 呢餐每人唔洗$120。會再去試埋其他未試過嘅蛋糕或飲品款式

同朋友食完咖喱，因為餐廳人太多，我們被埋單之後，極需要多找一個地方坐底，傾多陣計。結果，二人為了甜品而來到了 IFC，我們首要的目標，其實是馳名的美國 cheese cake。可是，沒得堂食，而且排隊的人亦太多，我同朋友二人只好選別的。結果，我們來到了這重新裝修過 (應該是搬左) 既《agnès b. Café》。糧尾，而且大家都各自各要留返舊錢去旅行用，所以我們都係每人乾哽一件 cake 算，咖啡都唔飲。然而，cake 櫃的選擇很多，其實是有必要細心去選的。而精明的朋友就拿了一張外賣 cake 的單，有圖有口味介紹，佢先找位了坐低，我去買。我選中的，是 Danielle，這明顯地是一個法式的蛋糕，有酒心的味道，有咖啡同朱古力的味道，甜被咖啡同酒徇中和了，好香口。朋友選中的，是 Valerie，是一個栗子蛋糕。栗子蓉厚厚的，也甜甜的，女仔食，啱晒。$38一件，夠晒美味，嗜甜的朋友可以多來。

行開IFC見到開左間新既b仔café，新野緊係要試下啦。身為朱古力大王既我，見到朱古力就一定要試。眼見蛋糕櫃入面有多款蛋糕，唯獨眼前呢個金字塔外形既可以吸引到我。呢個咁特別叫DÉLICES。心想唔通同個名一樣咁好食！？金字塔外層，精緻裝飾上有金箔，塔頂插住一個巴黎鐵塔朱古力片，塔上塔～另外有朱古力醬係金字塔頂到流落黎，造到有d溶化既效果，賣相一流。整個DÉLICE都有好濃郁既朱古力味，味道亦都岩岩好，無話好甜。蛋糕內係由好鬆軟既朱古力慕絲造成，口感細滑，富有層次感。食落口既時候仲有朱古力脆脆。鐘意食朱古力產品既朋友一定要試下呢個咁DÉLICES既DÉLICES！