一间静静哋、又几有质感嘅餐厅，装修系怀旧工业风，水泥墙 + 木枱 + 柔黄灯光，环境舒服唔迫，啱晒拍拖或者同 Friend 子嚟倾吓偈 ✨ 今次我同老公试咗佢哋嘅 Aga Special Set ($298)，每道菜都好有心思，唔系求其整个样就算，食得出诚意！🦀 明太子蟹饼 外层炸得香口唔油腻，切开明显见到一丝丝嘅蟹肉，净食蟹饼味道略咸咗啲，不过上面加咗芒果肉，微甜啱啱好平衡返整体味道。🎃 是日餐汤：南瓜汤配多士 汤底香滑，南瓜甜味浓，配埋松脆嘅多士浸一浸汤再食，层次系高质西汤嘅味道！🦆 法式油封鸭髀配香橙鸭胸 法式油封做法，即系慢煮加低温油浸鸭髀，做到外皮微脆、里面肉质嫩滑。鸭胸味道清新，有些少血橙味，带少少果香，旁边仲有薯仔沙律，食完有饱足感但唔 Heavy，好食！🦞 烧红魔鬼虾龙虾汁意大利饭 ($198) 呢款 Carabineros 红虾嚟自西班牙，体型大、虾膏多，味道鲜甜。虾头膏鲜味唔腥， 虾上面铺咗蟹子同鱼子，加上意大利饭用原只龙虾慢火煮成，饭粒吸晒精华，每啖都食到龙虾鲜味，难怪系 Signature 之一！🍰 Daily Dessert：Oreo 芝士蛋糕 食落似 Mousse Cake，芝士味唔太浓，配埋 Oreo 饼碎加多咗口感。🍸 Etsu Pacific Ocean Gin Tonic ($128) 入面有海盐，饮落带轻微咸香，仲有花香同柑橘味，好啱平时钟意比较轻酒感嘅朋友～成间餐厅座位之间有足够距离，坐低之后可以慢慢食，慢慢倾，唔会赶客。服务方面都唔错，店员会主动介绍菜式，问咩都细心讲解，成餐饭食得好自在！以尖沙咀嚟讲，价钱唔算好平，但以食物质素、摆盘、服务同整体环境系值嘅！…查看更多
