影片
以上资料只供参考，请与餐厅确认详情
Accro Coffee📍元朗元朗安宁路162号金城楼地下D号舖重返元朗，正式开工前，约到两位爱食之人一齐聚下，真系特别高兴。为咗坐得舒服啲、可以倾得耐啲，我哋一致同意拣间就脚嘅cafe，而讲到元朗嘅高质coffee shop，排喺榜首嘅一定系Accro Coffee。个人觉得佢外在嘅水泥工业风，同内在嘅复古和洋风形成强烈对比，阴暗嘅灯光令人觉得异常地舒适。本来人太多，被安排坐喺吧枱位，及后有食客离开，赶得切喺落单前转咗张更加舒适嘅大台，lucky！ 💰$58鸭胸肉意式香草包 🥯因为Accro主打咖啡，所以佢基本上无提供主食，幸好有唯一嘅咸食，等我哋可以医下肚仔。呢度嘅Panini外微脆内软熟，完全唔会烤到干争争！配料可选择鸡胸肉、鸭胸肉或蕃茄，而且只需要加$24就可以食到清新无渣嘅水耕沙律菜，性价比算几高。Panini内夹有数片厚身鸭胸肉、洋葱、大量芝士同酱汁，啖啖都有鸭香同芝士香，一啖包一啖沙律，唔会太饱太腻，非常适合brunch或tea time食，大推！ 💰$98 (全份)窝夫 🧇最出名嘅Waffle有两个plan供选择，分别系Plan A - 时令生果配吉士酱同Plan B - 伯爵茶忌廉、枫糖浆配特浓朱古力雪糕。知我口味嘅都知我实系拣后者啦，朱古力㖞，伯爵茶㖞，点可以错过啊！呢度嘅Waffle系好靓嘅心形，全份就有四件，半份则为两件，卖相已经无得输，而且佢嘅口感外脆内绵密带少少烟靭，伯爵茶忌廉味道浓郁但轻盈，非常独特。Accro严选New Zealand Natural出品嘅特浓朱古力雪糕，又用日本蛋制作甜品，咁靓料俾贵少少都值得。 💰$50开心果巴斯克蛋糕Regular menu上面唔系样样都每日供应嘅，今次我哋去到就撞正有Seasonal menu产品，朋友最钟意食开心果，当然要叫一份一齐开心share啦！因为件蛋糕相对比较细，所以上枱嘅时候见到有少少失落，觉得有啲overpriced，殊不知原来系物超所值！首先佢嘅开心果味一啲都唔假，味道好出，比好多打住开心果旗号嘅甜品出色数倍。其次，佢嘅口感好软滑，蛋糕质感够湿润，㗳真啲仲有浓郁嘅忌廉芝士味，世一！最后就系佢mix咗腰果同开心果，洒喺蛋糕面点缀，咸甜组合，果然好夹，超级无敌推荐大家食！ 💰$48百香果沙冰 🍧因为我唔好咖啡，又想饮冻嘢，就拣咗最吸睛嘅Frappe试试，喺士多啤梨、Mocha同百香果中，拣选咗最特别嘅口味。百香果味非常浓郁，特别之处系味道毫不假甜，沙冰唔会稀冧冧，每一啖都饮到百香果嘅精华，即使用餐时间超过一个钟，饮到最尾都仲系冻冰冰。一杯份量超足，值得再次encore。 💰$41烤杏仁朱古力 🍫朋友好欣赏朱古力都有拉花，听佢讲朱古力唔会太甜，饮落有淡淡杏仁香，应该同样高质。 💰$80虹吸咖啡 ☕️新朋友系品咖啡嘅专家，所以佢当然拣咗specialty coffee，并选择以虹吸而非手冲方式冲泡。实际上系咩豆同味道如何我不得而知，但睇佢嘅反应同我亲自闻到嘅咖啡香味，应该是个好东西！
继续阅读
元朗出名美食多，极少到访的我今天跟两位元朗朋友聚会来到「Accro Coffee」朝圣，此店只提供香草包、窝夫、蛋糕及饮品；朋友告知屯门店有更多美食选择-对咖啡没认识的我看到餐牌上的咖啡种类多不胜数，感觉到小店的专业与讲究，更因为朋友而了你到手冲咖啡跟虹吸咖啡的简单区别 😂😂-🔹鸭胸肉意式香草包 $58内有洋葱、酱汁和芝士；+$24 可配水耕沙律菜一客水耕菜清嫩柔软，配上黑醋及车厘茄清新健康；意式香草包外轻脆内松软，口感甚佳，夹著软嫩细致脂肪率低且富鸭香的鸭胸肉、咸香适中的芝士、洋葱及酱汁，创新出色，是令人满足的餐点-🔹伯爵茶忌廉、枫糖浆配特浓朱古力雪糕窝夫 (全份) $98具 4 个心形窝夫，摆盘得体窝夫有别于坊间外脆或偏硬口感，它是轻韧软绵有类似麻糬的口感，个人特别喜欢；配搭邪恶感十足的轻伯爵茶忌廉、枫糖浆及浓香的朱古力雪糕，没有可挑剔之处-🔹开心果巴斯克蛋糕 $50磅蛋糕的样子配搭不少香脆甘甜的腰果，就是与别不同；幼滑细致的口感，浓郁的开心果香咸甜平衡，非常出色，超级推荐！-🔹烤杏仁朱古力 (热) $41连朱古力也有精美的拉花，清雅的杏仁香配搭浓香细滑的朱古力，毫不甜腻-朋友则点选了热情果沙冰及虹吸咖啡，人均消费 $135，整体食身质素令我惊喜满意，绝对是值得推荐的 Cafe，定必到访屯门店 🥹🥹
继续阅读
元朗一家很有人气的咖啡店店内环境复古日式不过这里向来出名咖啡，食物质素是真的很一般蛋糕款式每日不同今天是豆腐红豆芝士蛋糕及海盐焦糖芝士蛋糕口感怪怪的，有点像啫喱，芝士味不突出，味道偏甜另外点了招牌窝夫，配特浓朱古力雪糕和伯爵茶忌廉窝夫的口感比较特别，感觉上有点像用牛角包做（？）有种说不出的甜味，不觉得有面粉的香味最好吃的是那个雪糕饮品 lattle 和 Americano 正常发挥～另外座位安排方便我说了是三位，然后店员安排了二人的座位，我问那是不是需要加櫈，然后对方说公司规定不能加凳，之后由另一位职员再安排了吧枱。纯粹探了店，不会再来
继续阅读
今日黎开元朗 终于可以试试 。人气cafe Accrocoffee 佢地 出产左 几位冠军咖啡师好劲！果然冇令人失望 一入去已经闻到好香咖啡味。我地叫左几杯 吾同口味嘅咖啡仲有热情果沙冰 都几好饮。仲叫左伯爵茶窝夫做下午茶
继续阅读
⭐ 评分：★★★★☆ (4.3/5)---☕ 咖啡推荐Americano Double Shot ($41 | 冻饮+$2) ✅ 风味：酸苦平衡，Double Shot提神效果一流！ 💡 贴士：冻饮用厚身冰块，融化慢不怕冲淡味道。 ---🧇 甜点必试 半份窝夫配伯爵忌廉 ($65)✅ 窝夫：外脆内软，蛋香突出，带微微甜味。 ✅ 伯爵忌廉：茶香优雅，质地轻盈不腻，与窝夫绝配！ ⚠️ 份量：半份已足够2人分享，适合下午茶浅尝。 开心果巴斯克 ($50) ✅ 口感：中心流心质地，外层焦香，开心果味浓郁真实。 ✅ 惊喜：顶部撒开心果碎，打卡able！ ---🌿 环境 & 服务 - 文青工业风：水泥墙、原木家私、易出片。 - 咖啡吧枱：可近距离看冲煮过程，咖啡师乐意分享豆单资讯。 - 座位：约20个，周末易满座，建议平日前来。 ---📌 总结 「元朗隐世咖啡店！巴斯克蛋糕水准拍得住市区名店～」 👍 优点： - 咖啡专业度高，甜点手工制作且创新（如伯爵茶忌廉）。 - 价钱合理，比连锁店更重质感。 推荐组合： 1. Americano + 开心果巴斯克（浓郁系之选） 2. 冻拿铁 + 半份窝夫（轻盈下午茶） #元朗咖啡 #手作甜点 #巴斯克蛋糕 #文青Cafe
继续阅读