Accro Café Bar

今日入屯门揾男友，晚饭时间去收藏咗好耐嘅Accro Cafe Bar，主要系因为之前去过元朗店感觉好唔错，所以想试埋屯门店-有晚市套餐，点咗红酒牛肉饭配 cappuccino 同焦糖布丁，牛肉煮得够腍有肉香，红酒汁有酒香，配埋胡萝卜、薯仔同珍珠米，感觉唔错，不过男友就觉得麻麻，cappuccino 啡香几浓郁冇酸味，布丁够滑焦糖香重，如果蛋香再浓郁少少就更完美-另外点咗慢煮鸡明太子乌冬配焙茶拿铁，加咗海苔同温泉蛋，鸡肉好嫩，乌冬够滑但唔系烟韧𠮶种，整体味道层次几丰富，好味！焙茶拿铁焙茶香够浓，我钟意！…查看更多

📍 Accro Café BarAccro Café Bar 真系屯门数一数二嘅人气 cafe，外表超低调，但一入去成个 vibe 好似居酒屋，灯光＋音乐气氛一流，啲人情味加上装潢，完全唔似喺屋邨入面。🍜 慢煮鸭胸肉汤荞麦面鸭胸软腍到入口即化，外皮仲有焦香油香，配上吸饱鸭油嘅汤底同大葱嘅甜味，好似去咗日本居酒屋食 Soba 一样。鸭肉完全唔柴，嫩到一夹就散，好惊喜！🍮 焦糖布甸布甸超大件，滑到爆牙，质感绵密香浓，入口仲有焦糖微微甘味。以呢个价钱嚟讲，性价比极高，真系抵到烂！🍰 热情果芝士蛋糕蛋糕绵密软滑，芝士香浓但唔腻，热情果带出酸酸甜甜嘅平衡感，好 refreshing，食到尾都唔觉 heavy。☕ 玫瑰 Latte咖啡味浓厚有回甘，饮落顺滑舒服，但系可惜玫瑰味唔太突出。🥤 抹茶汤力呢杯抹茶味有但比较弱，因为俾汤力嘅酸爽同气泡感盖过咗。不过胜在清爽，夏天饮一杯都几解腻。✨ 整体感觉环境舒服、食物饮品性价比高，系屯门一个唔可以 miss 嘅精品咖啡店。屯门安定邨 H.A.N.D.S. 爱定商场 A区 A-123号铺⏰ 10:00 – 21:30…查看更多

一入去已经俾个戴眼镜嘅女侍应呼喝，心谂都谂住算，嗱嗱临食完嗱嗱临走，点知去到一半个戴眼镜嘅女侍应抌餐具俾我哋，落单嘅时候个样又好似欠咗佢咁。前几次未有呢个女人𠮶阵个个都好好，对上一次去已经听到佢系咁喺度闹，虽然佢把声真系令人冇乜食欲，食物亦都极差，想饮热latte但系杯野冻嘅,以后唔会再嚟…查看更多

Accro Cafe Bar真系屯门数一数二嘅人气咖啡店，每次去都见到好多人排队，证明真系有返咁上下实力！我最钟意佢哋嘅碎蛋沙律多士，啲蛋碎捞得超滑，加埋烘到脆卜卜嘅多士，简单但系好食到停唔到口，早餐食呢个真系一流！仲有红酒炖牛肉饭，啲牛肉炖到好淋好入味，个汁浓得嚟唔会太咸，捞饭食简直无得弹！日式咖喱饭都系必试，咖喱香得嚟带少少甜，仲有啲薯仔同红萝卜煮到好淋，送饭真系一绝！饮品方面，玫瑰Cappuccino真系打卡首选，面头有朵好靓嘅玫瑰拉花，饮落去有淡淡玫瑰香，咖啡味又够浓，女仔一定钟意！不过讲到服务就真系要扣少少分，次次嚟亲某个男侍应，长期黑口黑面落单又唔耐烦，搞到成个用餐体验打咗折扣。如果佢哋可以改善吓服务态度，咁就真系完美啦！总括来讲，Accro Cafe Bar嘅食物质素绝对对得住佢嘅人气，价钱又合理，绝对系屯门区入面值得一试嘅咖啡店，不过就希望佢哋可以对客人友善啲啦，咁就真系无得顶！…查看更多

《轻烟的遐想—缱绻珈啡里》一缕轻烟，不是送别。点起第一炉香的味道，前尘往往了无烟，喝一杯咖啡了无痕。一炷香的时间刚好吧。一扇自动门，将你带入另一个空间。静静的、悠悠的，坐在吧台里头，揭起餐牌，随手一点一拼，衬托著日本流行曲的伴奏下，默默的在这珈啡室里出神。烟从四方八处涌来，那是米香，如丝如烟，细细幼滑。牛尾煮的火候尚欠，烩得不够焖。且肉汁锁得不够紧，吃下去不够软绵，汁的份量不够，纵有淡淡而浑香酒的味道，这红酒烩牛尾饭亦只不过不失而已。一炷香走了半炷，仍是拿铁的珈啡香最诱人。烟慢慢的、幼幼的、弯弯的盘扭上空，刚巧与抒出的闷气结合，这就是人生吧。珈啡总会带点涩、带点甘的味道。赏尽苦与甘，方为人上人。这珈啡豆由烘培到冲调都有上佳水平。比较可惜的是这味道不太持久，一闪即散，就好像一炷香烧到一半，已透不出清香般，光烧著急而已。烟团团的向著上天盘旋，就算还有半炷香的光景，在时代曲的加持下，珈啡的味道不可以轻易的说散就散吧。牛奶与珈啡的搭配份量刚好，且又细滑点甘，冲调的功力是十分不错的了。喝到这里，未见杯底，香气已消散得八九分了，纵使一炷香仍未烧尽，那第一炉香的告别总是来得突然，来得无影无踪。霎眼间，啡已喝完，人要走了。要不，留在这里，看那烟团缱绻，要不走出现实，返回现实的人间世。烧尽了的一炷香，所依恋的只是一种余韵，散尽了的啡香，所换来的只是一种出神里的闲适。如果，珈啡的烟圈、烘培的味道，能多久一点好的话，我想这时光会吸引更多人慢慢就此溜跶。至少，你会在这里多留一会吧。#珈琲日记 #猫咪日常 #珈啡店 #精品咖啡 #手冲咖啡 …查看更多