85度C (大本型)

今日又嚟到85度买面包食，今次见到大阪烧好似几正，所以就试下，佢嘅外型系外层面包再包住配料，而面层系酱料，都几大件。我买咗返去用微波炉叮咗十几秒加热，感觉会更加好食，佢主要嘅配料有烟肉片，椰菜丝，海苔碎，沙律酱，柴鱼烧，同埋日式照烧酱，面包系松软包底。一咬落去就系椰菜，口感比较爽同清新，感觉几健康，唔会heavy，加埋佢嘅照烧酱同沙律酱食落真系几似大阪烧嘅味道，然后食到一块烟肉片，但唔会油腻，好快就俾我清咗。呢款包5分满分我俾4分，如果配料再多啲会更加满足…查看更多

每一次去亲油塘凑我家姐个小朋友都会黎呢度买面包同嘢饮，其实之前买过几次服务态度亦都唔系好好，但系都能接受到，其实我觉得呢度啲面包真系几好好食嘅，卫生又好环境又唔错所以每次嚟亲我都系会买面包做午餐或者买定听日返工食，但系点解而家个个服务生要咁差服务态度呢？公司系咪冇出粮俾佢地啊？其实唔想做可以唔做㗎㖞，唔使咁样㗎，由身体接触，加眼神，戓态度所有都好唔友善仲有D不可一世嘅态度点解呢？点解咁样呢？真系令到客人非常反感，重点系佢哋唔觉得自己有问题，我买完面包之后就冇出声比完钱即刻走好差嘅感觉，唔怪得知可以执咗咁多间…查看更多

早上着灰色衫，扎小辫嘅店员服务恶劣，当客人需要付钱时，扮睇唔到，见到转身走，我好有礼貌咁开口个阵，藐视一眼，走出店舖，再次扮看不见、听不到。平时去亲帮衬个阵，呢个店员都系一副全世界得罪佢嘅样，明明人哋带住善意，买完野，唔该前唔该后，但佢成日啤住人，比嘢饮又大力放，好似好唔耐烦。呢种赶客嘅店员，好似对每一个嚟嘅客人都好不满。如果单纯是因为懒惰、唔想工作，其实可回家休息，唔洗将气撒系人哋度。买杯咖啡都令人咁嬲，希望改善员工的质素，让客人一个正常消费体验。…查看更多

:) 2022年6月30日 (星期四) 3:00pm 29°C 提供多元化面包、西饼及咖啡等饮品。 灯光明亮，环境整洁干净，各款蛋糕卖相精致，摆放齐整，一目了然。 店员提供胶叉子，方便顾客随时进食，可算贴心。 为庆祝本人 22 周年纪念，特地选择此饼店。:) 人数：1人 HK$40 不用排队 纽约芝士蛋糕 - 芝士味非常浓郁，质感厚实，甜而不腻。整体来说，厚切大件，甚为抵食，质素亦属高水准！【推介之选】❤❤❤【 温 馨 提 示 】：❶ HK$100 以下只收现金❷ 买满 HK$100 以上才可使用信用卡…查看更多

85度既系一间面包舖，同时亦都系一间饮品舖🤣🤣佢舖头入边系会买唔同嘅面包、蛋糕、同埋饮品👏🏻-面包方面我最钟意食佢嘅玫瑰芝士面包，有好香嘅玫瑰味，再加埋软滑嘅cream cheese嘅内馅，成个包都好好食呀❤️佢仲要系劲大个面包，好抵👏🏻👏🏻-饮品方面佢有海岩系列，咖啡同埋茶饮系列等等。。。通常我都会饮佢嘅海岩绿茶，面头有一层咸咸地嘅cream，再配埋无糖嘅绿茶，味道好特别，同时又好解渴😍…查看更多