8號冰室

营业中

休息中

34蚊 一個咁既豬扒包 值唔值得大家自己判斷下我叫左走醬 但個包出黎似俾人食剰咁應有既蕃茄同生菜都無埋塊豬扒係又薄又油又韌 真係頹既極點絕對會納入黑名單 以後都唔再幫襯！

灣仔早餐系列服務：上菜快，收碟仲快。 (不過明嘅，office hour, 盡量做多幾轉). 對客的服務還可接受，但職員間會互相責怪。多士： 叫了齋多士，但面包竟然都會唔好食， 可能唔fresh炒蛋：ok 沙爹牛通： 味道ok, 但通粉唔夠滑價錢： $37 +3 (凍飲)不過可能近地鐵站關系，早上還是挺多人的。佢有個樽仔奶茶，如果跟餐要加 $13, 散叫 $22. 本來睇落幅相的顏色幾靚，不過試過杯凍奶茶後，也不敢抱大期望結論：比較喜歡後一條街謝斐道的茶餐廳

本身係九龍人好少會去港島今日下午經過灣仔想搵個地方食個Tea見到呢間“8號冰室”睇過餐牌價錢OK就入去試吓叫咗雞翼薯條下午茶餐雞翼係生炸(所以等耐啲)薯條亦炸得唔錯賣相亦係值得“相機食先”食落嘅味道亦幾好(無雪味，感覺唔錯)連埋凍飲，四十幾蚊埋單等緊嘢食嘅期間見到有好多人入來買外賣有買客飯套餐，小食，晚餐，餐飲等等我相信呢間冰室係區內地道小店之一十分受街坊及上班朋友歡迎小店加油~！下次過來一定會再幫襯

完全唔知想點。滑蛋蝦仁飯，就係一碟透明冇味既汁，成碟唔知有冇一隻蛋，蝦就肯定冇味架啦（本來都冇預期有蝦味），噤樣就收55蚊？仲要碟飯唔熱既，最後攞左碗豉油撈飯食囉

本人因為工作需要所以定期會到灣仔蒲頭, 咁灣仔呢個地區好特別, 所有消費要貴有好貴, 要平要地踎都有, 我相信灣仔區都算係香港最貧富懸殊都會共同生活到嘅一區, 而且呢個微妙嘅平衡係其他區比唔到今日如常返工打卡之後就準時到樓下食早餐, 今次就選擇食8號冰室, 其實果幾條街都好多餐廳提供早餐, 例如茶餐廳, 粉麵, 三文治, 土耳其卷等等, 但本人對港式茶餐廳情有獨鍾, 而8號冰室就係我其中一間不時encore 嘅餐廳, 內容就如相中所影, 現在一一介紹沙嗲牛肉麵, 麵就係光身麵, 其實係可以加錢轉出前一丁, 但本人覺得食茶記配料麵一定要光身麵先可以食到果種風味, 而且光身麵比出前一丁淡味而且唔算吸湯, 可以唔洗怕太鹹, 牛肉方面口感結實, 唔似用過鬆肉粉, 而且份量頗多, 塊塊都有1/3 手掌咁大, 不過呢度嘅沙嗲牛肉好好好濃味, 所以食光身麵嘅時候就可以溝淡陣沙嗲味, 溝淡之後就容易入口, 我對呢碗麵評級好高呢多士方面呢度焗整係比較乾身, 就就算係厚身方包, 咬起都酥脆無比, 而且面有炸蒜頭粒, 所以呢份多士嘅味都好重嫁食完呢塊多士都好頂肚了煎蛋方面我就叫太陽蛋, 佢整太陽蛋邊位多數都

未食過咁正嘅炒飯，嗰炒飯炒到金黃色，啲飯粒粒分明，又多海鮮，真係足料，廚師勁就勁嗰飯好似咁正，但係竟然連白粥比佢有味，如果大家有住過醫院，大家會發現醫院飯竟然好咸，呢間冰室用心良苦，希望大家學惜珍惜醫院廚師們嘅努力，呢間餐廳絕對值得嘉許。😘😘😘😘😆😆😆

係呢到返工好多時候都會叫8號冰室既下午茶，因為佢提供外送服務，而且以外賣既質素黎講都算可以，但係就一直都無食過佢既午市。今日行過見到無乜人，又想快D買完飯係公司訓返一陣補一補眠，就叫左佢今日既午餐 - 鰻魚汁滑蛋吉烈豬扒飯鰻魚汁滑蛋吉烈豬扒飯（配熱檸水）打開個飯都算迷你，男士可能會唔夠飽，滑蛋又唔多覺似滑蛋，似平時出面既炒蛋，而且份量亦唔多，基本好難每一啖飯都有蛋食落口鰻魚汁就同超市買既差唔多，無咩特別，而豬扒就比較薄身，似港式早餐既豬扒配上炸粉，好彩豬扒都熱熱地同脆口，都算可以接受午餐仲有例湯送，送完即止，不過試過之後覺得送唔送都無所謂了，飲左兩啖就無飲了

想來一個輕怡下午茶，粉麵絕對唔啱我，見到有下午茶包餐，親民價，就試吓啦⋯⋯叫咗個瑞士汁雞脾配蒜蓉厚多士，熱檸茶。隻雞脾比我想像中細隻咗啲，食落唔係好食到瑞士汁，似普通鹵水多啲，肉質亦十分普通，唔夠滑，一路食一路幻想緊北角祥發嘅瑞士汁雞脾⋯⋯🤣 不過塊多士係出奇地好味喎！好有蒜蓉香味，又脆口，真係唔錯喎！檸茶就中規中矩啦⋯⋯整體來講都算ok。

今朝係灣仔處理完文件野，大約9點幾、10點，到附近搵地方坐下，食個輕鬆早餐～灣仔多數酒吧、扒房等等，行到返修頓附近先多少少茶記，見到8號冰室外表唔錯，應該可以坐得舒服就入左去～叫左個鮮滑牛肉公仔麪，配餐肉炒蛋、蒜蓉包、凍檸茶。蒜蓉包都唔錯，聞到幾香、食落好香口、廿蒜蓉味都夠（以茶記來講算唔錯），餐肉都煎得唔錯。炒蛋就”諧”左少少，不過睇落就唔係好熟，仲有蛋汁，而牛麪偏咸少少，食完有少少口乾，好似有少少胡椒味，要入多幾啖水先好d。凍檸茶就不過不失，茶記既茶底都係唔錯，所以可以慢慢嘆下。朝早唔多人，坐耐少少都無壓力，同埋都算舒服，最後$40埋單。

2020.7.14 (二) 同事叫外賣, 一定幫我叫埋。 今日想食平d, 就叫午餐B梅菜扣肉飯+熱檸茶=$45。平日多數叫常餐: 豬扒麵+omlett +HOT lemon tea=$50一盒飯=好飽/好眼瞓, 所以留左1半返屋企晚餐。佢地既梅菜扣肉, 有d唔同一般餐廳既味道, 有濃郁既南乳味, 入味既都好味既, 扣肉既比例有8成瘦肉, 間格好一致: 皮/肥/肉/肥/肉, 如果可以炆耐少少=淋dd就perfect, 所以唔係好肥。 平日唔多食白飯既我, 要講一下佢地既白飯, 撈左梅菜同扣肉既汁,竟然好好味。 當然白米本身既質素亦唔錯。 其實以前有食過炒飯, 感覺佢地既米飯係有精選過。

等待時間還好。本來可能受疫情影響生意冷淡外賣價格比堂食平左好多 都想讚店鋪良心。點知返到office 準備開餐（叫左個蝦仁炒蛋飯）個個飯簡直猶如水+小小蛋白+幾條葱+重點！内臟還還黑色物體的細蝦簡直就好似大陸個d地攤貨咁。個飯成本10蚊都唔洗。難怪人流稀疏

話說今日去灣仔開會，未到時間諗住食個lunch,一出MTR一望就見度8號冰室，外觀吸引了我上前一看，在門外看餐牌有咩好食，最終經門口女子介紹下入嚟試試，環境可以，店舖員工多是後生仔女，還有音樂聽，在社會氣氛緊張既情況下入到嚟見度佢地有講有笑氣氛良好，叫咗個常餐沙嗲牛肉面，奄列還有茄汁，總括嚟講都好味，下次嚟灣仔會再嚟，香港人加油

今午外賣自取，竟見自己的飯盒在某處在地上（被人推或踢，因視線被阻）滑行2米出來，再被職員從地上拿起給我，我當面斥責，但佢哋若無其事懶理。這樣對待食物的態度，可想而知衛生程度，各食客自求多福！

恰巧到灣仔工作，忙裡偷閒，打算吃個下午茶，途徑這間「餐廳」，就試試吧，豈料⋯⋯中伏！餐廳之大，但客人包括我在內只得兩台，本應是較為清靜，但數位員工卻在高談闊論，不斷在談論賭博、私務，場內亦播放著極大聲量的音樂，仿佛去到90年代的酒吧一樣。最後那位女收銀員，更極沒禮貌，那副高高在上的咀臉更令人側目，她掛著玩電話，收錢要客人等她，還發脾氣大力扔計算機，真的不知所謂，非常後悔進內，所以以後決定永不幫襯。

第一次食早餐都想食個食評, 因為好耐無試過食到咁好食既早餐呢個早餐唔係好豪華嗰種, 而係好舊式, 可以話係懷舊既港式早餐. 火腿仿鮑魚絲通粉, 火腿煎蛋厚切方飽, 加埋一杯熱咖啡.通粉湯底唔係馬虎, 而係雞湯底, 通粉都係傳統滑身嗰種, 好耐無食過呢種味道. 火腿煎蛋塊火腿竟然有煎過, 少少燶.. 依家九成九都唔會煎!! 所以覺得係好有心做, 另外塊厚切方䬲, 飽面揸咗少少好似 XO 醬, 好香好味! 讚!杯咖啡如果鐘意飲傳統香港味道咁就啱晒你.. 完美香港味道早餐. 盛惠 $36.. 真係麥記都要咁既價錢