8度餐廳

睇到做完優惠4舊幾水就有波士頓龍蝦任食梗係即book啦，點知等咗咁多日換嚟唔知食咗D乜。6點入座，等咗成個鐘先出龍蝦，仲要每次出得幾隻，已經嬲嬲哋，計埋其他食物質素，真係麻麻哋都講唔出口呀。逐樣點評啦：波士頓龍蝦：遲出，出得少，肉仲要太韌生蠔：唔夠大隻，仲要有d鹹鵝肝：煎得夠化，可惜麵包唔脆片皮鴨：肉太厚，唔應該配薯片，唯獨桂花醬ok燒牛肉：同片皮鴨輪住出，水準一般酥皮焗海鮮：白汁太搶海鮮味，而且出三四轉就冇哂，冇再出籠仔蒸海鮮：海鮮唔鮮，蒸太耐，結果d肉又霉又乾前菜：都係平價貨，唔吸引，仲要冇芝士拼盤熱食：肉類似到會貨色，炸物唔脆，冇黃金炸蝦，仲要車厘茄都當一味，選擇好似好多但都唔會揀係自助餐食其他海鮮：冇特別，常見菜式蛋糕：選擇少，食哂冇人refill麵包布甸：得表層有麵包，唔係真嘅麵包布甸榴槤班戟：榴槤肉太少，忌廉太多，唔鮮甜雪糕窩夫：窩夫更似格仔餅，夾埋雪糕算係咁雪糕：haagen daaz選擇唔夠，一樣食哂冇refill飲品：果汁溝稀哂，可樂唔凍又冇氣，又冇凍紅茶環境：有d迫，難行出行入，太嘈服務：欠缺笑容，仲有d西面，但都會滿足客人要求，執嘢快但有時太快整體嚟講，唔值呢個價

原本這間餐廳對我感覺非常好，有家庭聚會，喜慶節日都會到這裏食晚餐自助餐，因未試過中午，就諗住試下，點知令我大為失望，中午自助餐由11:30-2:30，我12:30才到，距離完還有2小時，不過坐低唔夠15分鐘就攞收費簿收錢，我剛出去取食物，職員就放低收費簿，過了不夠2分鐘又再來，同我友人講：「卡呢！」當時真係火都黎，問職員點解咁快收錢，職員話要埋數，其實有無諗過客人感受，坐低無幾耐就收錢，太過份！下次我唔會再黎呢度食野，好嬲晚餐d食物質素比中午好好多，價錢又唔係平過人，大家要諗清楚先幫襯🤬

8度海逸酒店做緊10周年優惠。抹茶做主題既下午茶Tea set 做梗$98 未連加一 鹹點甜點各有5種包括有抹茶芝士蛋糕、抹茶千層蛋糕、芒果拿破崙、煙三文魚他他伴蟹籽、芥末鮮蝦沙律、黑松露蟹肉沙律開面三文治、炸薯角伴綠茶鹽、脆香無骨雞翼。跟set 會連茉莉綠茶(凍/熱）一杯甜點🍰🍵部份做得還可以沒有死甜以這價錢做這個水準還可以😆以優惠價換個地方聊天😄😄還可以有下午茶時光☕️

酒店唔Buffet做半價！🤩👍🏼8度餐廳為慶祝十週年！💕$98就可以係酒店嘆下午茶！🤩👍🏼🤤😋而且可以係酒店泳池出面對住個泳池嘆下午茶！💕又可以影相呃下like！📷📸😎不過因為太熱既關係最後我地選擇左室內！仲要我最喜愛既綠茶Tea Set！😋🍵推企綠茶千層酥！👍🏼綠茶紅豆布甸！🍮一定會再黎book泳池出面影相呃like！📷📸P. S 記得訂枱之前註明要喺泳池坐！如果唔係會自動Auto編返係室內架！☺️#8度餐廳#土瓜灣九龍城道199號8度海逸酒店地下#吃貨Girl

9月份都多朋友生日，公司近 8 度就喺度訂個蛋糕方便攞。朋友們都係甜品怪，所以 10 個人訂咗個 2 磅嘅。去到餐廳攞蛋糕，經理笑容可恭，但我一睇個盒咁細就有古怪，所以問咗一句，我訂個係 2 磅蛋糕喎，經理就怪責攞蛋糕出嚟個侍應攞錯，咁我再等，越等越唔對路，聽佢哋對答應該係做錯 size 😥由頭到尾經理係無話比我知咩問題，由得我坐喺餐廳度等，水都無杯比，後來餐廳夠鐘要做自助餐客，經理先迫於無耐請我去 cafe 度送杯咖啡比我，結果我等咗差不多半個鐘廚房重新整個新嘅比我，但網頁上嘅芒果花就無咗 😭😭😭蛋糕其實味道可口不膩，餅房速度都好有效率，我哋都唔介意無咗個芒果花，但希望經理對同事態度都好啲，比啲客睇到都失禮啦！BTW, 去佢網頁訂有 85折。

上次我地一班全職BB聚餐揀咗嚟8度餐廳，今次佢地新推「秋日環球海鮮盛宴自助晚餐」，又點可以錯過！嚟到梗係先食冷盤啦！有雪花蟹腳，仲有海蝦、海螺等，星期五至日同公眾假期仲會有波士頓龍蝦添呀！即開生蠔更係必食啦！或者唔多人會有興趣，但嶠媽就好鐘意食冷麵，所以必試呢個日式冷麵，好值得試！芊嶠同劻霖係壽司迷，所以呢個壽司 & 雜錦芝士拼盤一定唔會錯過啦！今次秋日環球海鮮盛宴新推「迷你酥皮焗黑松露海鮮」，原來海鮮配黑松露真係好夾，好creamy 呀！仲有呢個搞笑造型嘅「籠仔蒸海上鮮」，完美演繹海鮮嘅鮮味。另一個挑戰味蕾嘅「四川麻辣海鮮煲」，真係辣得嚟又食到海鮮嘅味道。仲有重錘推介「桂花片皮鴨」，用薯片墊底，唔錯唔錯！講到甜品，嶠媽必推「芒果雪莓娘」，啲芒果勁甜，配埋軟軟嘅糯米糍，真係好夾！仲有嶠媽至愛：藍莓芝士蛋糕，正呀！甜品區有幾多選擇，一眼睇哂，係咪好吸引先？雖然話甜品第二個胃，但食完甜品，梗係環食埋雪糕雪條啦！呢度有 Häagen-Dazs & Dreyer’s 雪糕食，又有榴槤雪條。今餐真係食大人個胃，好彩唔係成日食，間唔中聚會食下自助餐，真係唔錯！

朋友仔同我都好鐘意食抹茶食品，佢一見到呢間酒店出左呢個tea set就搵我一齊tea。一開始黎左薯角同雞䭔仲有杯綠茶。薯角配上少少抹茶粉，幾特別。本身薯角同雞䭔都好香脆好味。之後就上主角，三層既tea set，最上層係咸點，包括三文魚他他、吞拿魚多士同蝦沙律，中層係抹茶芝士蛋糕、抹茶千層蛋糕同芒果千層酥，下層係紅豆抹茶布甸同scone配抹茶cream。咸點就一般，三文魚他他太咸，多士唔脆。但甜點就非常出色，我鐘意抹茶味濃dd，同埋唔好太甜，佢做到了！價錢仲只係$230成set。好抵食呀！如果唔係個優惠要十月內食，真係想再食多次！

食過返尋味！我哋又來食啦～依家酒店10周年有折扣仲好抵食！平日折左三百幾蚊咋！冷盤好多選擇！海鮮好新鮮！蟹腳好鮮甜～仲有原龍蒸海鮮！食到海鮮嘅鮮味～桂花醬片皮鴨！下面係配薯片！好得意酥皮黑松露海鮮～正有意粉Pizza薯蓉！雞翼、小朋友都啱食沙律都好新鮮任食Häagen-Dazs雪糕！正呀！有Waffle、杏仁茶、好味道甜品都有好多選擇！必食皇牌芒果拿破崙！超好味榴槤pancake，超香！有果汁同茶任飲～超滿足食到好飽！抵食又好味！

秋日環球海鮮盛宴自助晚餐 ，六歲以下免費我哋又黎食自助餐啦！而家折上折優惠！實在非常抵食！食物選擇多～甜品仲好啱我心水！非常適合一班朋友、屋企人嚟食架～桂花片皮鴨～籠仔蒸海上鮮麻辣海鮮煲新鮮即開生蠔、雪花蟹腳、海蝦、海螺等⋯星期五至日及公眾假期仲有波士頓龍蝦供應，非常鮮味泰式粉絲蝦沙律、日式燒牛肉沙律、意式海鮮沙律等⋯鮮甜刺身、壽司，雜錦芝士拼盤即開生蠔！好新鮮～即煎鵝肝伴黑松露汁、迷你酥皮焗黑松露海鮮、籠仔蒸海上鮮～原個蒸籠清蒸、食到海鮮鮮味！四川麻辣海鮮煲～有扇貝、蝦、花甲、藍青口、皇后蟹腳！好惹味～桂花片皮鴨～皮脆肉嫩配係桂花醬同薯片上，口感特別！後日好林！好多肉汁！限定口味！芒果好甜！芒果拿破崙榴槤雪條！超好味～每次必食嘅芒果拿破崙，芒果奶凍、榴槤忌廉蛋糕、雜果香檳啫喱、紅桑子朱古力蛋糕、熱情果慕絲蛋糕，榴槤班戟！Häagen-Dazs雪糕、窩夫、限定嘅牛奶日式焙茶同朱古力蛋糕咖啡、甜品迷唔好錯過！重點！6歲以下免費！太好啦！超正！係酒店 eShop 預訂，仲有高達 8 折優惠架～晚餐折咗平日$3百幾蚊一位咋！31/10/2019前身份證號碼有「8」、「1」或「0」可額外9折優

超抵超值今日第一次去呢間酒店high tea大堂設計好特別都算靚嘅！去到2樓pool bar ，入到去都已經好多人坐係度，好快就上high tea餐！high tea set主題係綠茶先食熱食雞翼、炸薯角就係平時超市都買到果啲，雞翼都算好味！但薯角配左啲綠茶鹽就有啲唔match ！可能唔加綠茶鹽或分開上會好啲。鬆餅都唔錯，配埋綠茶cream，鬆餅既熱力足夠溶化啲cream ，煙三文魚蟹籽、黑松露蟹肉沙律三文治、蝦沙律等正正常常不過不失，都算新鮮！來到high tea重點甜品😋抹茶芝士蛋糕綠茶味道都幾出，唔會話過多綠茶味而變得苦、千層蛋糕同出邊食果啲差不多、巴伐利亞蛋糕呢個真心好味，食落口好滑溜。最後輪到傳聞呢間酒店既皇牌芒果拿破倫，酥皮夠脆！芒果夠甜！夾係中間既cream真係好味到不得了！總括甜品ok 不會太甜不會太淡！埋單每位一百蚊頭，咁多野食超抵，但可能bar太細！枱與枱之間太近，傾偈隔離一定會聽到你講乜（唔係咁好）臨走叫大堂裡有間餅店！見到有一磅拿破倫賣！二話不說買番個俾屋企人食！下次會再幫襯

8度海逸酒店既10週年抺茶下午茶套餐，$98每位不連加一咁抵，梗係要黎試下啦😁近呢一年好鍾意食下午茶，高級少少至中價都試過。下午茶除左講食物質素之外，賣相同presentation都好重要，黎得食下午茶都係想放鬆下慢慢enjoy，打個卡咁啫😉😂我地一早已經book左呢個優惠，早半個鐘係G/F餐廳門外輪候。現場有不少客人同我地一樣早到，時間一到大家都衝上前，有少少混亂。安排方面不完美，尚可改善。當我地拎出已print 的booking form，reception先告訴我們要上2/F入座，而booking form地址係寫大堂的。到我地上到去，完全冇路牌或工作人員帶路，最後我地經過一系列的客房，穿過泳池，先搵到原來我地被安排係poolside cafe。輪環境，樓下大堂grand d 開揚d。我對於環境方便有d唔滿意的😢Tes set上得好快，等我地成間房仔坐滿人時，侍應就開始上下午茶。侍應亦有禮貌地問我地要熱或凍的綠茶。賣相傳統，用左三層架放置鹹甜點，脆雞同薯條則分開擺放。如果可以把炸雞同薯條用靚d既碟上效果會更好，而家有少少格格不入，好似食食下teaset叫左鄭嘉穎黎送外賣咁😅😅抹茶

土瓜灣這個地區, 住宅為主, 但當中也有家8度海逸酒店. 而這裡的8度餐廳, 主打的, 應該是本地市場吧. 而這晚來這裡吃秋日環球海鮮盛宴自助晚餐, 是旺場到不得了. 在風雨飄搖的日子, 很難得. 當然, 風雨不會沒了期, 終於會等到夢寐, 全城在變遷, 不減你是你. 主打是海鮮, 馬上看看冰鎮海鮮有甚麼選擇. 波士頓龍蝦是最受歡迎的, 要逢星期五至日及公眾假期供應. 有波龍供應的自助餐, 旺場是指定動作吧. 份量十足之餘, 更是新鮮貨色, 爽口, 鮮甜, 沒有理由不吃的.同樣地, 亞拉斯加皇后蟹腳也是風頭躉, 再加上海蝦, 海螺, 以及青口, 這個部份, 很滿意.即開生蠔, 說真的, 已經越來越少自助餐會供應. 能夠在8度餐廳吃得到, 難得. 這晚的選擇有美國的Pacific Rock, 以及法國的Fine de Claire. 要先吃味道淡一點的Pacific Rock, 再吃海水味重而鮮甜的Fine de Claire. 這晚CEO吃了六隻, 太少了吧?! 應該一打起跳嘛.今期推介的是籠仔蒸海上鮮, 以為這裡是點心檔? 其實是一籠籠海鮮, 想吃, 就拿一籠. 這樣地清蒸, 吃到的

先由價位說起. 8度餐廳的秋日環球海鮮盛宴自助晚餐, 預訂優惠價每位低至$392連加一, 已經包括一系列海鮮, 甚至乎有即開生蠔. 市場定輸贏, 這個時勢, 生意難做, 但是晚8度餐廳是全場爆滿. 似乎, 不少客人是繼續用行動來支持這裡.頭盤: 7.5分, 從頭盤開始吃. 沙律永遠是我的目標, 是晚就有意式香草雜菌沙律, 日式海草八爪魚沙律, 煙鴨胸沙律, 蕃茄芝士沙律, 南瓜沙律, 日式蟹子沙律, 扒雜菜沙律, 以及香草蝦沙律等等. 自行混合的, 就有牛油生菜, 沙律雜菜, 蕃茄沙律, 薯仔沙律, 粟米, 羅馬生菜, 青瓜, 以及菠蘿蘋果沙律等等. 選擇那麼豐富, 我就建議大家試試香草蝦沙律, 蝦肉挺爽口的.吃點水果吧, 西瓜, 哈蜜瓜, 菠蘿, 以及火龍果四款水果, 我的一票當然投給清甜的西瓜. 其他選擇還有雜錦凍肉盤, 涼伴蓮藕, 麻辣紅油雞, 煙三文魚, 以及煙鲭魚柳. 想喝口湯的話, 就可以喝粟米馬蹄甘筍鮮淮山湯, 或者甘筍忌廉湯.海鮮: 8.5分, 冰鎮海鮮當然成為大家搶攻的對象, 鮮甜的亞拉斯加皇后蟹腳, 爽彈的海蝦, 加上海螺及青口, 是新鮮靚貨來的.至於即開生蠔就更是

喺某某apps 見到呢間嘢，有優惠咪 下載 優惠券囉， 加埋一同原價咪差唔多!都係冇咩數啫 ! 唯有要再搵下次啦，，睇下有冇啲所謂嘅 ! 著數囉 ! 食開自助餐嘅食家都知!海鮮有啲咩食啦! 皇帝蟹腳， 好粗嘅青口，翡翠螺任食， 仲有嗰啲，咬到牙都崩嘅蟹鉗! 生蠔呀，可以四隻四隻咁囉! 都算係咁啦!幾舊水你想食咩吖 至於熟食方面，我覺得有啲奇怪囉， 豬牛羊都有得食， 係唯獨是同雞有關嘅嘢就冇， 唔知係咪我眼大睇過龍走雞呀 ! 還是真係冇， 最後我都係冇問過點解冇。

夏日熱辣辣, 想不到吃甚麼, 最好就是去吃自助餐, 因為食物種類多, 想吃甚麼也可, 例如8度海逸至強的凍海鮮, 多款西式熱葷及超美甜點, 看到也胃口大增. 先來新鮮即開生蠔(法國及美國)、每人每次限取兩隻, 是鮮甜的, 我當然首選法國蠔. 凍海鮮有蟹腳、凍蝦, 最吸睛是波士頓龍蝦, 味道也不錯.  吃完凍海鮮, 就吃熱的. 意式煲仔白酒煮青口, 非常美味, 汁的稠度也是完美, 酒味濃些就更好. 另一款海鮮是油鹽水蜆, 這個我也是盡情地吃! 蜆肉也算肥美. 要惹味的話有泰式咖喱大頭蝦, 蝦肉實淨, 咖喱汁是要用來拌飯的好醬. 香煎冰島龍脷柳, 就算我不吃魚, 也覺賣相吸引. 要滋潤一下, 當然要喝一碗花膠北菇螺頭燉雞. 兩片炭燒豬腩肉, 看這個presentation就知有多好吃! 香脆皮層夾著惹味脂肪層及咸香肉, 實在非常誘人!羊扒火喉剛剛好, 因此肉質不韌兼帶適當羶味, 也是推介!再來是炭燒牛柳, 五成熟, 非常適合無牛不歡的朋友吧!至於日式方面, 壽司刺身是有的, 不過在其他美食當前, 我唯有放棄這部分.鵝肝多士看來也不錯~ 中式一點的有燒味及蒸魚. 另一焦點, 自然是甜品, 榴