8度餐廳

「 8度餐廳 」位於8度海逸酒店內。餐廳不算太大，卻設置了好多張餐枱，枱與枱之間的距離太近，整個環境有些嘈吵，裝修也有些舊，以酒店餐廳來講環境不算太好。今次酒店聯乘 Häagen-Dazs推出清新果香下午茶，每位優惠價只需港幣$98，非常抵食！食物質素也不錯，個人覺得鹹點方面做得比較出色，整體口味偏淡，味道清新，尤其雜錦花蜜串燒，同行友人讚不絕口！Häagen-Dazs哈密瓜雪糕帶著仙氣翩翩出場，頗有心思！

太耐冇食自助餐，近近地去返附近比較出名既自助餐食返次。咁啱佢呢排又做緊promotion，見佢食物種類都算多，所以就試吓。前菜方面，冷凍海鮮種類都算幾多，蝦，大螺，蟹腳，青口，煙三文魚都有，不過今晚咁啱就冇龍蝦，所以如果想瘋狂食龍蝦嘅人，就要提前問定酒店嗰日會唔會提供龍蝦。味道方面，唔算話特別鮮甜好食，不過勝在種類較多。其他頭盤就冇試啦，因為唔係幾吸引。cold cut完全冇風乾火腿或者辣肉腸嗰啲，不過有煙三文魚，煙三文魚幾好食。主菜就都係嗰啲，有啲通心粉，雞翼，咖喱雞，龍利柳，雜菜，紅酒膾牛脷等等，不過我全部都冇試😂因為大家食自助餐其實都係想食啲貴價嘢㗎啦。所以以下都淨係會講你哋關心嘅嘢。生蠔🦪望落去幾新鮮，有個小妹妹即場開同洗，都唔使點等。鵝肝，出得都算幾快，唔使大排長龍。不過我就嫌佢啲鵝肝出邊係有層炸粉，同埋冇醬汁，所以食落去就有啲油膩。魚生唔知點解好少人食，我就冇試啦，不過見佢種類都好似幾多咁。麻辣湯帶子蜆粉絲煲，鍾意食麻辣火鍋嘅一定要食呢個，真係好鬼過癮。佢係即叫即煮嘅，可以叫佢少辣。但真心呢個係成個自助餐裏邊最好食😋可能因為我真係好鍾意食辣。但佢個麻辣湯真係夠晒重口味，啲粉

投疫疲勞.....實在太多人了......好嘈好逼.....要側身出入.....有圍膠板.....但感受唔到社交距離.....食物方面,,,,,,生蠔魚生係源源不絕o既......尚算新鮮.....送o既半隻龍蝦略為失望.....好老呢.....熱盤上層太高了......哈比人好辛苦.....沒有驚喜的一餐!

老婆同事介紹，以為有番咁上下，點知越食越唔對路，食品一般，食品地方細，選擇少，生蠔同芒果拿破崙已算得得地，其他已算垃圾級別，生果少，飲品少，甜品少，特別係每人送半隻龍蝦仔，同 塑膠無分別，完全食唔到，又凍又硬，諗住飲杯令茶，點知唔係一片片檸檬，係檸汁。以今時今日自助餐計唔進步，仲係要第一次要我寫食評，真難得，唔好以我做你哋，事實係應得

經朋友介紹下選擇到8度餐廳與媽咪慶祝生日， 原先好想去The Promenade 的， 可惜星期一沒有自助餐供應。 一早已經在網上預訂了， 第一次試8度餐廳的自助餐， 酒店內環境舒適， 座位寬敞。 自助區的位置不算很大， 但有很多款式選擇， 特別是熱葷類食物。 有羊架、牛扒、片皮鴨、煎鵝肝、牛尾、咖哩、炸春捲和大蝦伊麵， 還有很多款不能盡錄。 冷盤有凍海鮮、沙律、 刺身和壽司， 生蠔有兩款， 現場即開生蠔非常新鮮，甜美又有濃郁的海水味。 甜品也有多款選擇， 蛋糕類、豆腐花、杏仁茶、心太軟 pancake、Dreyers雪糕和新鮮生果。 一定要 試下芒果拿破崙， 鬆化好味， 值得一讚。當晚是媽媽的正日生日， 預先已經準備好生日祝福句在甜品上， 當她收到的時候開心又驚喜， 她還大讚這裏食物種類多， 質素高，價錢合理。

芒果甜品係晤錯，咸點都ok。成個Set幾精美，我見個個都喺度影相好開心，坐得又舒服，openrice book位有折，折後都係百零蚊一位，性價比高總括黎講，係值得一試

大家千祈唔好畀個價錢呃咗 午餐嚟講佢每個成人大概收三百蚊 (以不同方法訂位折扣有不同82~85折，但每位成人約實收三百蚊)但係佢提供嘅食物水準 完全唔值呢個數 佢最名貴嘅只係得生蠔同埋魚生 其他食物非常普通 雪糕都係牛奶公司 廚師即刻做嘅都只有粉麵 pancake都欠奉 其他食物水準非常非常普通 去卡拉ok食嗰啲咁上緊 完全唔值300蚊一位 你計返轉頭 其實相當貴 完全冇任何食物有印象 所以連影相都費事 完全唔建議再去 尤其是如果你一班人 每人畀多一百蚊左右 已經可以去尖沙咀更高級嘅餐廳

呢間野，幾個月前食過，除了龍蝦一出畀一家四口㩒住一舖清曬之外，其他還算可以。講真，400幾，有齊龍蝦生蠔鵝肝，乎復何求。但呢次就強烈感覺瀨咗野了。首先，係重頭菜，乜都要排隊。排也罷了，排到埋去，問佢，我兩個人，可唔可以取兩份？唔得，一人一份。啱嘅，公平嘛，我排過囉。於是乎，成晚主要的動作是排隊，不是食野。間野地方又細，幾條隊，連綿不絕，互相交錯，行都無位行。或者，這正是管理膠層想見到的現象，好景喎，咁多人，證明夠旺。龍蝦鉗伊面，只有排頭位的人，才有幸食到龍蝦鉗，後面的，只能食龍蝦殼伊面。甜品，榴槤慕絲，唔睇牌都唔知佢叫榴槤。芒果拿破崙，又話係招牌貨，真食不出特色在哪裡。仲有，太多了，唔想寫咁多字。一句講晒，呢間野，可一不可再。

聽聞呢度芒果拿破崙很出名 ，特登約朋友去試順便聚舊由於book位時已預定左指定tea sets，所以一入座等左10分鐘度，食物便到。因為係套餐，所以會跟一杯餐飲。見食物到了，都無人問我地落餐飲。便問侍應，才知道熱飲要自助，凍飲就包一杯，需要落單。一人一個架，拎食物係方便，可以自己一層一層慢慢食。-芒果蝦沙律：蝦是實肉-牛油鬆餅：完全是光酥餅味道，不過就多左舊cream-脆香雞翼：同麥當勞一樣味-三樣芒果食物，芒果拿破崙，芒果班戟，芒果蛋白卷，正正常常。叫左杯凍檬茶，朋友發現杯內超級多黑色物體沉殿，嚇死，即刻告知侍應，跟住就話換返杯比我地。拎左杯新飲品黎，就覆左我地一句查過是茶葉，完。完全無歉意，求其答一句就算，吾好意思都無聲。無諗到酒店裡連一杯普通凍檬茶都沖成甘，吾知呢d情況係咪日常。

最近系網上見到好多酒店都做緊自助餐promote, 趁老公生日就選擇左去土瓜灣8度海逸酒店，之前試過覺得都幾好，雖然吾算大，不過食物種類應有盡有，宜家上網預訂，星期五價錢都系under$450, 已經包埋加一，實在抵呀龍蝦好多羔呀！彈牙有鮮味，感覺上好過長腳蟹，長腳蟹略為咸左啲。生蠔雖然細細隻，不過都算新鮮，即開，每人每次限攞2隻。呢個系全晚至愛，帶子併鵝肝，無得輸，帶子鮮甜，鵝肝煎得脆口和牛刺身，吾系好多間酒店自助餐有，感覺嫩滑，吾似食緊牛肉大量羊架，正初頭以為系穌皮湯 原來系迷你穌皮肉醬薯蓉，幾特別酒店招牌甜品: 芒果拿破崙

母親大人話想食下午茶，所以就上網搵啦，俾我搵到呢間openrice book位有65折，最後埋單$126/人🤭價錢ok得嚟，味道都幾唔錯，total有10件甜/咸點，每樣嘅質素都高過我預期，唔會話好好好驚艷，但以呢個價錢嚟講，每樣都令我好滿意。媽咪覺得芒果拿破崙最出色，個人最鍾意個最上果層嘅白色瑞士卷😂呢間餐廳唯一要挑剔嘅地方就係佢個位置比較格涉，唔近地鐵站，要搭巴士係欣榮花園站落再行1分鐘度。雖然位置唔係話特別方便，但餐廳裡面環境同裝修好企理令人感覺良好🤭總括嚟講，性價比高，我會encore😂

炎炎夏日，當然會想和閨蜜去 hightea一下，今次這間酒店就以「summer」為題，價錢仲好吸引，可以食兩個鐘，仲有鹹點同甜點，兩個人食好足夠🥰好適合同三五知己一齊去👍🏻最好食嘅就係芒果拿破崙必定要試吓，環境幾舒服，仲可以打卡添

今日去食下午茶15:00-17:00,芒果主題，每位168仲有65折，好抵，落左單等左半個鐘先黎野食，應該group埋一次出。。不過無失望，黎到熱既野食都好夠熱，侍應雖然無講食既次序，不過應該都係由下面食到最頂(咸到甜),最尾個芒果拿破侖好正。

我地平日6大1小去，叫左3個鮮果set，3個芒果set。下午茶黎講，份量好夠食，7個都食得飽飽。甜食好味，咸食正常。最好味係芒果拿破侖/ 士多啤梨法式牛油曲奇。牛油鬆餅/ 芝士火腿牛角包就好麻麻。仲有menu可以叫 A la carte，我地有人未食lunch，所以另外叫左個fish and chips，即叫即整，熱辣辣，幾好味。酒店周邊環境較舊，但裏面環境OK。交通可能隔涉少少，所以唔算多人。初夏鮮果下午茶$98/位皇牌芒果下午茶$168/位經open rice訂位，星期一至五全單65折，公眾假期全單7折。經官網訂都有折，不過我冇用過，所以唔太清楚，可以自行去官網了解下。

之前見到谷友推介特價下午茶，😷特跟未開學的囝囝山長水遠由屯門出來試試，可前兩天經網上付款作實，2人為1套，連原加一實收$229.6下午茶餐足三點才可入場，食客魚貫入場後，侍應便徐徐上餐，大家大可在位吃足及傾足二粒鐘就施施然離開，舒適悠閑🙂酒店high tea 一向給人感覺都很高尚昂貴的，故現此個價錢頗為吸引，食物質素不差，但有些食物跟原圖效果有點出入，特別是那咸點薯仔沙律略為細杯，酒店真要小心會被人以商品說明條例投訴😜整個餐我至欣賞那士多啤🍓曲奇，餅底非常鬆化，士多啤梨又夠大粒😋，其次是芒果🥭拿破侖及三文魚麵包。此個餐我們是吃清光的，下午茶份量是恰當的。但若實物可跟足原圖效果及加送餐飲就更完美，因套餐本身的菠蘿🍍砂冰特飲🍹太細杯了，另下午茶若欠缺一杯茶或咖啡，完美度略顯不足。同場有兩對👩‍👧👩‍👦，小朋友們食得不亦樂乎，家長們談天說地亦很高興，故特推介給兒女就快要上學的家長們，快趁此檔期可以平平地體驗一下酒店high tea☕️ 👍🏻👍🏻