61E Coffee

好失望下。。。。路過好多次，覺得間cafe幾靚幾chill。今日見無人排隊就去試試，點知好失望😣首先server個個黑口黑面無表情都算，上咖啡放落枱有無需要咁大力，已經被嚇一嚇。第一啖ice americano 無乜咖啡味😞冰都未溶啫，食物不過不失啦但最可怕係server 玩火槍！雖然係細細把但佢其他2個server都俾佢嚇都企喺外面無行入去個bar度。無表情可以，但最重要嘅安全！！都唔識，真係唔會有下次…查看更多

🌿☕ 走入城市小巷嘅 61ECafe，環境好chill又舒服 🎶🪴，木系裝潢加綠意，陽光灑落嚟好治癒 ✨。 🥪 今日唔算好肚餓，只係食咗件煙三文魚忌廉芝士酸種多士 🐟🍞，外脆內軟，煙香同芝士滑順好夾，份量啱啱好。 🌹 最掛住嘅係佢杯 rose latte，粉紅色好夢幻 💕，咖啡香清新，奶泡細緻，甜度啱啱好，飲落幸福感滿滿 😍。 ✨ 食物高質、咖啡好飲、環境舒服，無論一個人坐定同朋友傾都好適合。…查看更多

📍荔枝角cafe高質lunch之選💕☕Flat whit x2☕咖啡好飲😋係啱我口味不太酸嘅咖啡☕我知道佢咖啡好出名☕好多附近番工朋友都會去買番杯黎飲☕🐟煙三文魚乳酪配酸種麵包🍞朋友十分欣賞佢地酸種麵包🤭未到店已經諗住叫😌🥩焗芝士牛排汁香料鍋飯🥘第一樣次食😆飯粒分明有咬口牛扒好香同好腍好好食 😋醬唔搶味食到牛扒同飯香😋今日lunch mvp!!! 🏆🏆🏆🍝 咸肉卡邦尼意粉 🍝有煙肉有鹹肉嘅炒意粉😆意粉彈牙不過不失👍如果個汁多小小我會再開心D😆🍯蜜糖芥末牛扒意大利軟包🐂醬味道都好惹味開胃😆軟包鬆軟👍下次會同朋友再去😆環境清新簡約😇打卡飲杯啡休息下都好舒服😌好多植物環繞置身花園感覺🪴Lunch time都幾多人😌人多就記得book定位💕…查看更多

位於城市小巷的 61E Cafe，有一種令人放慢腳步的氣氛。柔和的音樂、簡約的木系裝潢綠化植物，再加上晨光從窗邊灑進來，是個令人想靜靜坐一陣的地方。今次試咗佢哋嘅 三文魚酸種多士同玫瑰Lattez，多士外層微脆、內裏柔軟，酸種麵包帶出淡淡麥香。三文魚煙香十足，配上忌廉芝士嘅滑順同微酸，而面包經過烘煎，味道層次豐富又唔膩口。三文魚份量足夠，一份已經夠飽肚。玫瑰Latte令人驚喜，粉紅的顏色令人感到幸福，咖啡香氣清新但唔會過濃，奶泡細緻滑順，甜度恰到好處!朋友叫左的Flat White，附有超精緻的擠花，望到已經心情大好~整體感覺，食物質素穩定、擺盤用心，服務親切。環境寧靜乾淨，無論係一個人食早餐、抑或同朋友閒聊，都係個好選擇。推介指數 ：⭐️⭐️⭐️⭐️⭐️Chill指數：⭐️⭐️⭐️⭐️⭐️…查看更多

其實幫襯都唔少 ，order 嘅 食物 亦唔算少 ， 但係如果叫咗咁多食物 ，再加幾杯咖啡 ☕ 都要驗守這個規則只半個時辰需便要離開交枱， 說真的，有時真係大殺風景，乜嘢 mood 都冇曬。感覺上今天都唔算多人， 畀我平日嚟 叫做小 Tim......其實真係有啲心噏，因為 特登 搭車 行路 過嚟，飲杯咖啡 ☕ 食下 意粉(經典Carbonara卡邦尼意粉)； 未食已經開始 語重深長咁同你講 ，只可以食一個鐘便要交枱， 你話 啦，心理上都畀佢打曬折扣啦。另外 vegi set ok 啦 ，不過唔好釆都唔多夠沙律醋。講真其實中規中佢都唔錯，打算得閒都搭車過嚟飲杯，但係經歷過今日 嘅感覺 ，以後就真係會幫襯少好多喇。 …查看更多

女帶位職員和男收銀員都要改善服務態度，唔helpful黑口黑面，要知道咁嘅工作態度，係好影響客人會否再次幫襯。食物質素普通，性價比低。只可以話收費唔平，有更多更好選擇。…查看更多

下午1時半左右到達也不用等位，環境比人感覺清優舒服，門口及𥚃面都有植物的裝飾，令人當下能停下來，好似去左一個好安靜既環境。（佢同地鐵站係有啲距離，要行10分鐘左右）野食既價錢同坊間cafe 差唔多，都係80-120元內的餐。由於唔想成日都食意粉，所以叫左包類，最後雞果個包有驚喜。個muffin藍莓都幾清，唔算好甜。個橙汁咖啡幾清新，啲橙皮同橙汁都係鮮榨的。😛佢唔趕人走，鐘意坐幾耐都得，值得去下。☺️…查看更多

櫃檯排隊叫野食，欄位有兩邊，第一次嚟唔知邊邊排，收銀男職員話阻住出餐（當時唔見有食物準備出餐），請禮貌告知便可，不用黑面對待客人吧～餐牌食物不算太多選擇，但揀好的兩樣都已經沒有供應，要同朋友再揀過，男職員再次出現不耐煩～咖啡及食物正常，星期日lunch不用排隊～提議如不想與客人溝通太多，排隊叫餐位置或有售完食品，可於櫃面出告示～…查看更多

荔枝角食休閒早餐，必去61E Café！超鍾意佢環境清新舒適，高樓底搭配落地玻璃，陽光灑落喺綠植與藤椅之間，營造出悠閒嘅歐陸風情，真係忙碌都市中嘅一片寧靜綠洲啊！呢度 All Day Breakfast 份量豐富！早餐包含炒蛋、煙肉、香腸、香脆多士、蕃茄、沙律菜、牛油果同薯仔。炒蛋滑嫩帶奶香，多士外脆內軟，好滿足！環境寬敞，適合朋友聚餐或者獨自工作！早餐搭配舒適環境，簡直係打卡聖地，岩晒鍾意影相嘅朋友#香港美食 #FoodieLife …查看更多

成日去荔枝角都想去呢間Cafe, 不過成日都見到好多人，其實佢都開左好幾年架啦，但係時間唔啱就一直無入去, 平日佢下晝三，四點就無咁多人，但係嗰啲時間都要返工。今日終於有時間可以入去，約左朋友就搵間舒適嘅cafe食野, 差唔多一點半左右到, 入面環境都幾舒服,又有啲綠色植物。 佢係自助叫餐先嘅, 一入去搵個梳化位,然後我哋就睇下有咩好食。 今日見到佢個All day menu,我就叫左一個Big Brekkie早午餐, 有Scrambled eggs, smoked bacon, vegan, Nurnberger sausage, Salmon, Avocado, Sourdough $128。佢嗰個早午餐其實都唔算大份,份量足夠啦, 都有半個牛油果, 食物都新鮮。 另外朋友叫咗個自製鹹肉卡邦尼意粉Home made salty pork belly spaghetti $128蚊。 朋友嗰碟卡邦尼意粉肉碎或者意粉涼都足夠囉。我去收買銀餐, 因為第一次嚟，見餐牌無寫有無加錢買飲品，問收銀處個女仔, 我問呢個餐會唔會包飲品, 佢話‘’包架‘’。 咁我叫埋咖啡, 但係佢畀返張單我係唔包咖啡....咁算啦太多人，唔理論，當詐騙啦，我唔知點解佢會咁講？如果我自己一個嚟我會叫佢退錢兼Black list.叫咗杯Dirty $42 同Americano $34。 味道都還ok, 但其實佢依間貴過出面就算尖沙咀或港島Cafe好多, 因為佢個飲品係另外叫嘅, 冇話你可以加錢有discount或者其他，變咗你一杯嘢飲四，五十蚊,再加埋嗰個百幾蚊嘅一個餐, 其實都差唔多160蚊, 咁嘅Lunch，又唔係食左D咩，又唔係大份，又唔係好好食，埋單$332蚊。 出面嘅尖沙咀或者中環嘅Cafe對海景食都差唔多,咁仲有佢哋好多Cafe都係,譬如你額外加多30蚊有杯咖啡, 總之就咖啡如果你嗌餐就會有discount, 但係呢間就冇, 你話係咪真係好出色, 我又唔係覺得真係好出色。 只不過可能嗰一區就冇咩呢啲Cafe， 不過如果大家覺得值得，無所謂咪得囉。…查看更多

今日同朋友去咗呢一間Cafe，晏晝一點時間左右去到，餐廳都keep住有人流。嗌咗一個青醬微辣嘅蝦意粉，意粉味道一般，味道有啲似牙膏味，不過辣辣地所以都可以食，不過個人就覺得呢間餐廳嘅食物一般。另外朋友嗌咗egg Benedict酸種麵包，份量都比較細，唔可以當正餐，食完可能要加其他甜品或者小食。另外仲有一個芝士汁牛肉飯，呢個就話需時要等15分鐘，不過同其他食物都差唔多時間到。我哋三個人每人嗌咗一個主菜，款式唔係好多，但係味道都比較一般。…查看更多

煙三文魚cream cheese sourdough煙三文魚分量都ok但係cream cheese真係太薄太薄了吧😟本身哩兩個係絕配但係cream cheese 真係可以大方小小😢😢加厚返一層一定會好食好多‼️$72但係無配埋小乳酪 淨係得一塊sourdough見之前menu$78係有小乳酪 如果有埋會滿足d😋😋帶子飯清清淡淡 不過不失🤝🏻帶子數量適中飯裡面有d甘筍粒份量唔算好大 女仔食ok👍🏻男仔應該唔會飽😥…查看更多

荔枝角推介：61E Café 食評 🍴☕️喺荔枝角返工，今日就嚟介紹一下 61E Café！呢間Café有種清新嘅 greenery garden vibe，環境舒服，樓底高、空間闊落，坐低就唔想走個種。不過音樂今日略嫌大聲咗少少，想更chill就可能要再調整下音量啦。---Lunch Menu 時間：11:30 - 15:30今次點咗佢哋嘅 Light Menu： ✨煙三文魚忌廉芝士酸種麵包配小乳酪✨價錢：$78+ $10 轉 Flat White =$88---✨食物分享-酸種麵包 (Sourdough)🥖 麵包焗得好脆口，咬落去外層香脆，內裡軟糯，仲帶有濃濃嘅牛油香氣，再加上煙三文魚嗰陣油脂味，簡直係perfect match! 係好好嘅comfort food- 忌廉芝士 + 檸檬 🍋** 芝士+一絲絲檸檬味，整體感覺清新唔膩。食落去酸酸鹹鹹，味道好平衡～ - 小乳酪配少少蜂蜜，甜度啱啱好，健康得嚟又唔會太heavy，幾得意嘅小心機～ ---✨Flat White ☕️老實講，之前試過佢哋嘅咖啡都係中規中矩，唔會話特別出色，但算穩定。今日照舊飲Flat White，點知有啲奇怪，飲咗幾啖之後，d奶一路起泡，杯啡變咗奶水咁，感覺失準。希望下次可以改善返啦～😅 ---✨小加分：有寫Calaries & nutrition Intake！呢個Light Menu大約 420卡路里，方便想控制飲食嘅朋友---✨環境及氣氛Wifi 穩定，如果你係嚟做電腦嘢，呢度會係個好選擇- 綠化環境，好多植物，整體感覺好relax～ - 唔會太逼，樓底高，坐得非常舒服。 ✨待應正常服務，語氣係比較直---Overall食物質素ok，環境加分，Flat White就有少少失望。不過，本身氣氛舒服，真係幾啱同朋友聚會或者搵個位靜靜地做嘢。儘管有啲小問題，我都覺得值得再黎！ 👉 總結：7/10…查看更多

同朋友週末經過荔枝角 見到呢間Cafe幾靚入去食咗個brunch叫左牛油果雞蛋sourdough配乳酪正常水準 價錢都係正常 仲叫咗杯flat white同黑糖咖啡都幾好飲 順帶一提只收現金🤣環境幾大又舒適 係個休息傾偈好去處👍🏻…查看更多

Met up with a friend over coffee; I have wanted to try this place for a long time. However, the service we encountered was so bad, just as other reviews have mentioned. I wonder why these people are even working here at all. Their attitude is terrible; they barely want to speak and made us afraid to ask for more. The beverages and coffee we ordered were completely fine. Due to the unwelcoming experience we had here, we do not recommend this place to anyone who wants a relaxing brunch and coffee experience.…查看更多