37°C Cafe

想讲之前畀friend带过嚟𠮶阵就已经见到呢间好靓嘅舖头, 但系因为价钱嘅问题都有少少却步。今次出粮之后带妈妈过来试食，店姐姐好热情。今次点左，榛子咖啡，云呢拿咖啡，鳗鱼pizza同吞拿鱼多士。两个咖啡有拉花，而且个拉花好靓系真系好惊喜。吞拿鱼多士，估唔到入面有山洋葱粒，好特别得黎好清新，系好有惊喜ge一个菜色。鳗鱼pizza真系要点！！！ 足料得黎芝士好厚，好creamy，而且鳗鱼味浓真系好好食！！！而且呢度环境真系好好，打卡真系好靓！！！下次一定要带frd黎🤩🤩…Read More

完全垃圾！不停话人多唔够食，唔食就不停叫你叫多啲，𩠌到食物垃圾级水准，咖啡无味，鸡粒变鸡骨，价钱又贵又唔合理，仲话做会员有平好彩冇做，三道菜几杯嘢饮七百几蚊！千祈唔好去！…Read More

第一眼望呢个餐牌我心谂： Seriously？ 我时不时都会去锦田行下，系红砖屋入面食下野，Relax下，次次路过都俾呢间Cafe既装修吸引左，觉得好似去左土耳其咁，其实打卡系好靓架。但系当我望个餐牌时，其实吓一吓，呢个地段，收到咁贵？Seriously？有一日我就同我老公入左去食，我地无叫佢个招牌乳鸽，因为无论系所谓的会员或非会员，都系贵。。。！我地叫左个烟熏鸡肉饭配沙律，炸薯条同一杯野饮。Well，个烟熏鸡真系好食既，调味恰到好处，肉质鲜味，配饭好好食，沙律非常新鲜。薯条都系好好味，唔系D急冻货色，不过两种食物既价钱真系人地出面Decent环境，黄金地段先收既价钱。。。。。。追求性价比既话就唔多岩黎食。另外，份量亦唔够多。。加杯野饮，埋单我记得系 200尾 300 蚊左右。。。完全唔够饱。。。。…Read More

今次主要想同3月之星庆祝生日，所以系openrice 拣左间睇落打卡唔错的餐厅，所以对食物本身都无抱太大期望，谂住正正常常就好了。。。 首天想讲讲环境，餐厅分室内同室外座，今次我地被安排系室外座就餐（室内环境无睇到🙈） 室外环境系舒适的，打卡位都好靓～ 咁岩有d 食客带埋爱犬来食野，毛孩太可爱啦有帮环境再+分🤣 不过今日天气有d热同晒，就辛苦d.. 见角落有d 类似冷风机的，不过今日无开。。。迟d 再热d 应该会开吧？食物方面。。。价格系偏贵的，加上无套餐，餐饮需另外正价单点。我地3个人，点左一个4个野食，3杯野饮。。。整体食物还好。。。就是主菜令人大失所望，有中伏的感觉。。。当我地埋单果阵，见隔来枱上左个甜品，个样好唔错咁，我估。。。呢间cafe 唔叫main 就稳阵d 啦😓 整体而然，呢度打卡ok，但性价比就差点了。。。最后，因为有订位，有9折…Read More

想当年一间锦田摩洛哥风网红cafe转左手但装修无变，而家变左乳鸽专门店😅乳鸽做法都有7种，我地就试下烟熏，好快出菜，烟熏味几浓，乳鸽嫰但唔系太多肉，价钱都几进取，成旧水只!另外2个意粉，法国蟹皇海鲜扁意粉同麻辣大虾扁意粉，呢个价位用雪藏海鲜我唔ok，意粉同味道都好一般，无set要散叫饮品加埋完全唔值!佢仲有会员价，要150蚊入会有8折，但正常应该唔会有人想入会吧!…Read More