2 Good Bakery

同巴士迷朋友去完油麻地图书馆，我地谂住揾间cafe坐下，跟住地图就黎左呢间。环境店铺真系几细，放满座位，所以坐落真系有啲窄，建议可以自备S勾勾袋～服务估计由一个家庭负责，虽然有点鸡手鸭脚，但都系几友善～饮品冻latte $45朋友话：9分，虽然细，但好饮。有垫，环保咖啡渣饮筒，大杯小小就好喇。热latte $42虽然埋想普通，但咖啡味好浓郁，令人好想再叫多件蛋糕～柠檬芝士蛋糕 $40我就觉得有啲普通，食落似奶冻，朋友就话人生第一次试，唔济柠檬汁都有柠檬味。巴斯克蛋糕 $42呢个真系好好味，食落中间冻，好似雪糕，食到我地好开心！见到餐牌仲有好多款蛋糕，揾机会一定会再黎试～题外话一入店，我地见到贴了很多像是动画角色的东西，又见到有些少女在整理应援产品，原来在店内消费就可以免费获得～虽然我地唔知个角色叫咩名，但收到礼物都系开心～难得年青人有却聚脚点。虽然呢度系有啲窄有啲嘈有啲迫，但野食好味，就好有大家庭吵吵闹闹嘅有趣感觉～…查看更多

因为夜晚喺附近返学，所以经常都会经过呢间舖头，比佢门口嘅蛋糕吸引，但因为番学时间而错过左佢地营业时间终于有一次入店铺买佢地手工制既蛋糕，老板知道我系附近番学，比我可以放左学先去拎外卖蛋糕，果刻真系觉得呢间小店好窝心…到放左学去拎，即使过咗营业时间老板依旧都流到好夜去准备明天既餐点，老细仲好贴心帮我装好我买既蛋糕，果刻就同呢间蛋糕铺结左缘之后每一次返学都会过去呢间舖头度食嘢，不论蛋糕定系意粉都好好味，特别系开心果芝士蛋糕，唔会太甜亦都好浓香嘅开心果味意式云吞更加系芝士味浓厚，每粒云吞都好足料，回味无穷佢多咗舖头几次，同老板熟左倾多左计，就好似朋友咁一齐讲笑，分享日常一间小店有人情味，野食同蛋糕都好食，环境舒适令人放松，重重原因令到我一去再去多谢老板一直以黎既关照…查看更多

系佐敦经过见到有oreo cheesecake就入去买咗件返屋企食。一入到间店发现入边一个人都冇，但心谂openrice嘅评分算正常就试试佢。返到屋企试咗一匙，一食落口就食到有怪味，似系件蛋糕吸咗雪柜嘅其他味，完全冇oreo味得d异味跟著吐返出黎再成件放入垃圾桶呢件蛋糕系$42蚊，系高档蛋糕店嘅价钱但完全连吞落肚都唔得我奉献大家真系唔好帮衬全部一粒星，绝对冇夸张或恶意中伤，成件真系食唔到落肚，完全浪费我嘅$41蚊，好彩只系帮衬咗佢买一件，希望见到我呢篇食评嘅人真系唔好去中伏…查看更多

中午吃完午饭，殊不知附近的工作，突然要改迟一点，还有个半钟，饭又吃饱，于是打算到附近咖啡店打发一下时间⋯⋯找到一间自己曾Bookmark 过的小店，于是打开OpenRice 一直找⋯⋯由于店舖位置门面唔算当眼，原来行过错过了，足足找了一些时间⋯⋯美式咖啡$35~豆腐芝士蛋糕40~豆味香浓，还有笔者最喜欢的新鲜无花果，大爱。整体来说店主一人打理，看著她很落力地处理，小店值得支持，下次要过来吃午餐，因为看见隔离枱的青酱意粉好吸引。…查看更多

如果有食开「2good Bakery 」都知道-开心果芝士蛋糕断咗一轮！最近佢哋又整返喇！今日去食，超正！好味过之前添！松软啲，但又好饱足！另外就系呢杯无得输「牛油果奶昔」好清新，如果钟意牛油果一定要试！跟住要介绍埋「士多啤梨牛奶」上星期，佢哋嘅「牛油果奶昔」太好卖，我去到无得饮🥺店主家姐就介绍呢杯俾我哋！哗！佢哋用靓士多啤梨，一啲都唔一酸！加埋牛奶，好夹！大家快啲去试！不过，佢哋17-21/1/2024会休息（系终于休息）大家就唔好摸门钉喇！…查看更多