2派克雞排

营业中

休息中

2派克開到黎荃灣啦! 係荃灣掃街黎呢邊岩曬，呢到主打即叫即炸!之前就食過佢既雞排，今次就想食下雞中翼。叫左脆皮雞中翼配紫菜粉同埋香辣粉，雞中翼大大隻。今次係番到屋企先食，但番到去個皮仲係脆! 中間雞肉好juicy ! 脆皮杏鮑菇份量比想像中多，呢款就配椒鹽同 香辣，剌激又過癮，杏鮑菇拎去炸真係好好食! 平時叫蕃薯條先配梅子粉，之前朋友話就咁薯條配梅子粉都好食，今次就試下，點知又真係幾match。而且呢到係用粗薯，食落更有咬口，重薯味。

今日同朋友行經呢帶搵嘢食，作為炸嘢愛好者嘅我，遠遠聞到一陣炸野嘅香氣就畀佢吸引咗過嚟。呢間舖頭應該係新開張，同朋友點咗以下幾款炸物，店鋪提供好多口味嘅調味粉作配搭。脆皮無骨雞塊炸得夠香脆，粉漿唔會太厚，雞肉食落嫩嫩唔會鞋口，揀左咖哩粉同小香辣粉，食落更香口惹味。而且份量都好多，好食。小扇茄子炸茄子食落外脆裏面卻軟綿綿，口感豐富，簡單加少少椒鹽味已經好味道。脆皮花枝丸花枝丸比我地預期中好食，不嬲都鐘意食台灣嘅花枝丸，口感真實，味道又好食，呢間花枝丸真係滿足到我地，炸後當然更滋味，推介！

荃灣地鐵站附近開左間新的台式炸雞去到見到有唔少人等緊一家人下午有點餓，叫份炸雞當下午茶食因為即叫即炸，要等十分鐘左右有唔同的口味可以揀，小朋友最愛芝士味雞塊其他選了原味最好即時食，好香，味道很不錯雞腿肉很不錯，都很入味，偏濃味本來打算買兩塊雞排，點知有個$100的套餐更加優惠，雞排，雞塊，花枝丸三粒，炸金菇，仲有兩杯飲品性價比好高，推介！老闆娘好好人，唔想等的話，可以網上外賣平台叫定or WhatsApp 佢哋都得🤓

好食既野係要等叫左金菇、杏飽菇、花枝丸、炸雞扒每種都可以用不同調味粉，有辣有唔辣！ 雞扒令人驚喜，保留原汁原味值得一試 The chicken cutlet is very juicy, crispy and the seasoning does not overpower the original taste of the tender chicken!!! ❤️❤️😋😋

做左成個星期牛工真心想食啲邪惡食物放鬆下心情呢間係台灣開店十幾年既連鎖雞排店主打脆皮口感調味同台灣小食攤一樣多款口味 一時之間好難揀好在有店員幫手推薦叫完野食要等 因為即叫即製脆皮無骨腿丁（芝士/梅子）腿丁大大粒 熱辣辣食好juicy雞肉帶甜味外面配微酸既梅子粉岩岩好脆皮真心 crispy 正甜薯地瓜條唔止肉呢度有唔少素食選擇地瓜條比薯條少見厚身得來內心軟熟炸食店內相對健康又香口一定係佢脆皮花枝丸呢個最推介大粒到乒乓波咁外皮少少辣粉調味食得過癮丸內好彈牙有啲墨魚粒食完一串已經飽左一半台灣香脆小食

2派克雞排 (荃灣)位於荃灣運通洋樓地下，地點鄰近地鐵站，南豐中心對面，好方便，經過店舖被他們「即叫即炸」標題，同埋陣陣炸雞的香味吸引。於是就買了三款試吓🥰他們的menu分三大類，分別為主食，小食，素食，店員非常貼心問需要加辣嗎？麻辣或香辣，另外亦有不同的調味料任意加配。脆皮無骨雞腿排：份量十足，加咗芝士粉，香氣撲鼻，雞肉嫩滑，外皮非常香脆。😊甜不辣：台灣夜市其中必食的甜不辣，我揀了香辣，十分惹味。👍金菇酥：我選擇加了海苔，金菇超級脆口，與海苔超夾。😍

搭車經過見到新舖開張，店員介紹呢間係來自台灣既炸雞店立即上網Google，揀左台灣網友大推既炸雞（必須配咖喱粉），炸腸仔（梅子粉），炸杏鮑菇新開張優惠買$50送金菇真係幾好食，好有台灣既感覺最欣賞係炸雞外面脆皮係做到薯片既脆卜卜質感，外脆內嫩腸仔，菇都好正，尤其係杏鮑菇，咬落去嫩到我以為食緊炸豆腐可以揀椒鹽/梅子/芝士/海苔/麻辣/wasabi咖/喱粉配搭性價比算高，仲有花枝丸，雞翼未試，會再encore

個人中意食炸雞，但之前食另一間連鎖品牌覺得好乾，但呢間可能即炸，食落唔柴口，幾juicy ，同埋我食原味個款，甜甜地，岩我自己口味，呢間地點係路德圍，方便成日係荃灣既我

今晚去開荃灣，行返去地鐵站時經過，見到新開就八卦一下，原來係台式炸雞扒。佢哋居然有好多蔬菜類啱晒我喇。買咗店員推介嘅素食拼盤、杏鮑菇、黃金香芋丸，老公揀咗雞腿排、花枝丸。佢哋有8隻唔同嘅調味粉可以揀，店員好有耐性逐樣食物問我要乜調味粉，搞到有選擇困難症嘅我呆咗最後樣樣都試吓，都唔記得邊樣要咗乜嘢調味粉。等咗大概10分鐘有得攞，一邊行一邊忍唔住開始食，杏鮑菇好正，落咗椒鹽，又爽脆又野味老公都偷食咗花枝丸，佢加咗香辣粉，個皮好脆好香返到屋企，其他素菜類都好正，而老公件雞腿扒大大件，勁飽

早咗放工，行過路德圍見到間新開嘅雞扒又見到有咁多人排隊即刻買來試吓我揀咗無骨雞腿扒，勁大塊囉，不過唔記得咗影相….仲可以揀唔同嘅口味大塊過豪大大雞扒仲要好Juicy！落完單先至發現，原來佢有二人餐！下次一定要叫呢個！值得再嚟幫襯！

係早排朋友介紹旺角店我先認識呢間台式炸雞佢哋social media嗰度，見到原來荃灣都開咗最近好似開始試業於是今日晏晝就走去買------睇左個menu 都有幾多選擇仲以為剩係得炸雞因為第一次食 所以嗌咗個二人套餐（$100）再加左啲想食嘅小食------落單到拎餐大約等10分鐘因為佢哋收咗order先即炸炸雞佢哋有個電話你哋可以打電話去訂定又或者用app落單 ------2人餐（我揀左撐枱腳套餐）脆皮無骨雞扒（香料：芝士，香辣小辣）脆皮無骨雞塊（雞胸肉）（香料：海苔）脆皮百頁豆腐（香料：麻辣小辣）四季豆（香料：原味即椒鹽）送飲品金菇酥（香料：麻辣小辣）（新張期內滿$50送）脆皮花枝丸（香料：原味即椒鹽）甜薯地瓜條（香料：梅子）QQ Oreo-----取餐後我冇立即現場食大約15分鐘後返到屋企先食一開波食咗花枝丸先有三粒都幾大粒炸漿唔太油，花枝丸給彈口4⭐️跟住就食Oreo(大有3件）咬落去有啲驚喜，完全唔似食緊Oreo唔知你有冇食過西貢嗰間冇食過嘅就買來試吓4⭐️跟住就食雞塊同雞扒件雞塊稍微炸到燶咗少少但入口係冇問題海苔係咪唔太濃，亦都唔太鞋口4⭐️到件雞扒超級大件，同我手掌有得揮見到佢

好耐無去過台灣見到台灣2派克雞排開咗喺荃灣即刻要買來食過下口癮食物即叫即炸今次等咗10至15分鐘就有拎脆皮雞柳條$25外面脆皮拎到返屋企都冇變淋到👍🏻唔知點解食到外皮有陣陣粟米甜味入面雞柳條嫩滑Juicy滿足❤️脆皮無骨雞塊$35雞塊一口size 一粒粒拮入口食好方便一樣Juicy有肉汁比起雞柳更鍾意雞塊有八款調味粉可選原味（椒鹽）、辣味（大，中，小辣) 、咖喱、芥末、麻辣、梅子、海苔、芝士可以揀兩款今次揀咗海苔加小辣味道都幾夾下次想食脆皮杏鮑菇😋

下午茶時間經過，見到應該係新開張，類似台式外賣炸雞店咁，聞到香噴噴，又肚餓，即時忍唔住買左幾袋仔返office食！即炸野點都唔會輸吧？！如我所講，拎到返去d炸雞仲係咁juicy咁脆！see you tomorrow金針菇同炸四季豆出乎意料嘅表現！辣度剛剛好～唔會死辣！食完都唔覺話咩重味精好口渴，所以我覺得應該無乜味精野！值得推介！見佢餐牌仲有好多唔同款式同味道，搵日再試吓先，最好叫多幾個朋友咁就可以試多唔同種類嘅味道😬 210