2派克雞排

营业中

休息中

我今日去荃灣辦事，路過荃灣路德圍65-75號運通洋樓地下N號舖的2派克脆皮雞排TWO PECK(荃灣）外買雞排。小店型式，外觀乾淨企理。我點左脆皮無骨腿丁（芝士）$35，脆皮雞全翼（芝士及海苔共2隻）$28，金菇酥（梅子）$12，脆皮百頁豆腐（海苔）$24，及脆皮台灣香腸（2條）$24。我帶返寫子樓享用，食物還是暖烘烘的，真的是食物即叫即整，製作需時，請耐心等候，絕不花假。基本上，芝士或海苔炸漿都炸得好香口，內裏的食材保留著嫩滑質感，好味又好食。

🔸脆皮雞腿排 $40絕對係招牌必食！雞排有分雞胸肉同雞腿肉兩款，拎上手真係嚇親，兩款都大過塊面又厚肉，呢個價錢好抵食😜雞排每日自家醃製，唔會淡茂茂，保持雞肉原味唔死鹹😍外皮超級香脆，就算外賣半個鐘後先食仍然好脆口，亦唔會油淋淋👍🏻肉質非常嫩滑，特別係雞髀肉，大大塊咬落仲爆哂雞油汁勁juicy，超正🤤！可以揀兩款自己鍾意嘅味粉mix&match店員介紹每塊雞扒都最少250克重，無骨啖啖肉好滿足，食一塊都已經飽哂😉味道：8/10性價比：8/10🔸脆皮無骨雞塊   $35  要香辣（小辣）炸雞塊有一大包，一粒粒啖啖肉，雖然小辣，但食落都幾辣。味道：7/10性價比：8/10除咗炸雞，佢地嘅其他多款炸物都值得一試🔸百頁豆腐    $24嫩滑Q彈加上熱辣辣嘅脆皮，完全係外脆內軟口感😙 有6枚炸豆腐🤗🔸 金菇酥    $12 金菇酥幾特別，這款美食幾年都無加過價，酥脆香口好似薯片咁，同時又保持金菇嘅水份，大大塊只係$12 好抵食。味道：7/10性價比：9/10

朋友帶我去路德圍掃街,入面有間小食店有炸雞扒食,就帶左我去食,呢度有勁大塊去骨雞扒岩晒我呢D唔鐘意食有骨既食物既人,我地叫左一塊原味無骨雞扒$40,全部食物即叫即炸,炸物既味道可以自己選擇,有原味,芝士香辣,咖哩,海苔,梅子等等口味可以選擇,我地叫左芝士味炸雞,雞扒肉質好JUICY,成隻手咁大塊既份量真係好抵,學生仲有優惠,另外叫左酥炸杏鮑菇海苔味,海苔味配菇都幾夾,菇既份量都幾多,大大粒,甜不辣選左梅子味,梅子加軟淋甜不辣口感都幾有趣,飲品買左無糖汽水都係$8支,46113855預先打去落單就可以唔駛等咁耐。

啱炸好只係聞到炸粉嘅味，食落去脆到硬，肉質係嫩滑嘅，但除咗炸到燶燶地有啲苦味之外，食唔到其他味。兩個人食完一塊雞扒即刻喉嚨痛腫晒，又唔好食又熱氣到病，好後悔食左佢。

食完dinner，發口痕想睇吓附近有咩小食，咁啱經過呢間鋪，見個名幾得意，就心思思想試吓～望完餐牌，覺得如果要試吓台式野食嘅實力，就應該叫雞扒同杏鮑菇。唔講唔知，佢哋有得揀兩種味粉，都咪話唔過癮～雞扒我叫咗中辣加芝士，杏鮑菇我就叫咗海苔加梅子～等咗十幾分鐘，終於拎得喇，揸住個袋都feel到熱辣辣～雞扒好脆，無骨又多汁，辣辣地好好食，食到最後一啖都唔覺油膩～杏鮑菇個炸醬好薄，啲菇食落仲好juicy，比起台灣嗰啲仲好食😋好滿足好邪惡嘅宵夜～

突然想念台灣掃街嘅感覺，經過荃灣發現有間主打台式小食嘅外賣店，除咗有大大塊雞排之外仲有花枝丸、香芋丸、脆薯餅、雞皮等！價錢合理，地點方便，當做宵夜就最合適不過了😋炸物即叫即整，需要等候一段時間，而且晚上到訪都幾多人排隊，如果唔想等嘅話可以預先打電話叫外賣，差唔多夠鐘先去攞，夠晒方便👌全部炸物可以自行選擇調味粉，有椒鹽、辣味、咖喱、芥末、麻辣、梅子同海苔～ 脆皮無骨雞排超級大塊，外脆內嫩，啖啖肉，記得要趁熱食，店員推介配海苔同芥末味，香噴噴，無介紹錯！另外有脆皮無骨雞塊，份量比想像中多，同樣炸至金黃酥脆，肉質嫩滑唔嚡，好大一塊，要分開幾次咬🙈 呢個要咗梅子口味，酸酸may may可中和整體油膩感，食到停唔到口呀！私心推介甜不辣，煙煙韌韌，好Q好好味，第一次品嚐有咖喱同芝士口味嘅甜不辣，味道好得意，神奇地match～ 最後要埋QQ Oreo，同樣都係第一次食，十分特別而且價錢好抵食，推👍

好開心呀，之前係旺角分店食過，好懷念，點知現在荃灣開左分店，方便我放工經過座車可以品嚐呢間的小食，今次同同事開心share，可以試曬甘多款的調味（海苔、辣味、原味、梅子、麻辣、芥末、咖喱＆芝士），大家可以點樣任君選擇💯💯脆皮無骨雞腿（芝士、辣味少辣）雞肉好嫩滑，份量又大塊，芝士加微辣呢個配搭非常正，自己出去食飯都成日這樣叫，真係鮮嫩多汁，外脆內軟，賣相都十分有驚喜😎金菇酥 （梅子、椒鹽）金菇炸左之後，有少少梅子＆椒鹽，味道好出色，完全冇左痴牙的感覺，香口酥脆，價錢只要$12，絶對超值的小食🤤脆皮無骨雞腿丁（咖哩、海苔）一舊舊食好方便，細細舊啱曬女士們同埋小朋友進食，每塊雞塊都炸得好脆，加左咖哩、海苔，份外滋味🤩脆皮百頁豆腐（海苔、芥未）百頁豆腐呢個真係要小心辣嘴，外脆內軟又唔會太乾，仲有少少海苔芥未味，真係雙重享受，又冇油膩感，真係好正✅QQ Oreo$10 3件好特食，好特別口感，煙煙靭靭，好似食緊甜品一樣🥰由於所有食物是即叫即整，大家要預時間等候，大約10分鐘左右，請大家耐心等候♥️📍2派克雞排 (荃灣)荃灣富華街9號運通洋樓地下N號舖

平時途經附近搭車, 見到呢個台式炸雞店, 一直都心思思想試下, 見岩岩走左班車, 把心一橫一於試下😂辟邪惡炸雞扒海苔芝士由於即叫即整嘅關係, 等左大約10分鐘左右, 拎上手聞到好香, 熱辣辣同埋都幾重手, 咬一啖, 層皮好脆口, 雞肉好多水份, 好香雞油味, 肉汁脆度都比較好, 海苔和芝士嘅調味完美融合, 食出多層次嘅味道😋金菇酥金菇酥外層油炸到金黃酥脆, 食落去質地鮮嫩, 滋味濃郁, 口感極豐富👍甜不辣甜不辣炸起外層酥脆, 咬落有煙韌有口感, 好重魚肉味, 味道甜中帶辣

台式炸雞排過江龍，2派克雞排終於開到嚟香港啦！食物款式同口味睇落比台灣更多選擇，適合鐘意試新嘢嘅香港人😊😊😊🤩🤩🔥🔥脆皮無骨雞腿扒🐥 $40 (芝士，香辣) , 脆皮雞柳條🐥 $25 (芥末，麻辣) 超大塊雞扒，即叫即炸嘅炸雞係最最最好食嘅，外皮香脆惹味，雞肉嫩滑爆汁，每一啖都食到鮮味肉汁喺口腔爆發，因為剛剛炸起，熱辣辣，要小心唔好熱親♥️♥️😋😋🥳🥳脆皮翠玉瓜🥒 $14 (海苔，芥末) , 四季豆🫛 $10 (梅子), 金菇酥🍄 $12 (咖哩) 總共有8 隻口味， 想試晒全部味道，就叫咗啲小食嚟試下。翠玉瓜同四季豆香脆，油温控制準確，仲食到有汁水喺入面；金菇酥表現唔錯，炸漿只係薄薄一層，仲食到少少菇味😛😛😄😄😙😙榴槤炸彈 $24新推出嘅產品，每一粒都有香濃又充滿奶香嘅榴槤蓉，一啖咬下，有流心效果，好正⭐💞💞🥰🥰店長有細心提醒，所有食物都係即叫即炸，要等15 分鐘左右，煩忙時間會再耐少少，亦可以打電話或whatsapp落單，咁就可以唔洗等，享受即炸嘅美味啦♥️🤩🤩🥰🥰2派克雞排地址：荃灣富華街9號運通洋樓地下N號舖電話：4611 3855

呢間嘢已經唔係第一次食㗎啦對上一次食嘅時候係我安在家中喺屋企點某外賣APP等大概半個鐘到佢就送到上去我屋企啦今次我喺某外賣APP嗰度叫自取10:41 落既order ，App 內顯示10:56 就可以攞，但係其實要等到11:14 等到鼻水都流$40 塊炸雞扒唔算平雖然佢係話即叫即炸但係第一啖咬落去並唔係辣嘴嘅熱度佢嘅粉漿係薄薄咁樣喺塊雞扒上面雖然我揀咗嘅係芝士味粉但係你食吓就會發現其實佢係撈咗其他味粉落去專登唔揀雞髀肉，諗住雞扒瘦啲健康啲但係其實完全唔會覺得係乾爭爭嘅感覺不過食到臨尾，佢好似有啲炒車成嚿麵包咁厚嘅粉漿喺個底度黐住塊雞扒冇諗過咁夜都要用咁耐時間去叫塊炸雞扒睇嚟荃灣嘅居民都好鍾意食宵夜唔想等咁耐嘅唯有下次再早啲叫啦

呢間炸雞店係台灣好高人氣，終於荃灣有新分店每款食物都都可以mix 2️⃣種調味粉由於即叫即炸，落單後都等左20分鐘⏰ 雞扒大份又厚身，目測有一吋厚肉質厚實，咬左見到有肉汁係裡面，口感嫩滑，而且有多份鮮甜味，我估應該炸之前有醃製過如果想再juicy 啲可以試雞柳條就算其他小食亦炸得好酥脆佢地外層粉漿比起一般炸雞店夠薄，而且油膩感偏少＊脆皮無骨雞扒 $38＊脆皮雞柳條 $25＊脆皮雞皮 $24＊炸金菇酥 $12

路過想食下炸雞 之前都食過次 覺得okay既而且本身都知佢地要等一陣 都預15分鐘到 就睇下多唔多人去 去到好彩無乜人 無咩人就去買黎食啦 個陣做緊3張單 心諗住唔洗等好耐 於是乎未就叫左份雞排同雞皮之後突然間佢個外賣機響 仲要一黎黎4-5張單我諗我得二樣野應該唔會好耐掛點知佢即刻處理啲外賣單先 啲外賣仲要張張都勁大份 見住佢包好佢反而你親身去既要等勁耐都唔做比你等左25分鐘左右 同佢講回水唔要喇 佢就話即刻做比你 算喇 無下次 8

這間台灣過江龍小食店的炸雞排以即叫即炸的方式，確保了炸雞排的新鮮和口感。炸粉不厚，這使得炸雞排炸得香脆，同時又不會感到太油膩，這是一個很棒的平衡。此外，該店提供多款不同口味的調味粉，海苔、原味和梅子等不同口味的調味粉提供了各種風味的選擇，讓人可以根據個人喜好來選擇不同的調味。另外，還點脆皮杏鮑菇，這種大粒的杏鮑菇外皮炸得非常脆內軟，一口咬下去就能爆汁，份量也很足。這家店高性價比，絕對值得一試👍🏻👍🏻

必食：雞扒+杏鮑菇必食：雞扒+杏鮑菇必食：雞扒+杏鮑菇荃灣新店，好似未係好多人識行去果條巷仔，希望唔會好快要打蛇餅。第一次去食左個“撐枱腳套餐”, 脆皮無骨雞腿扒，Juicy 外脆內嫩，雞肉好滑，即炸係有d 分別。不過仲有好多野未食，二人餐好豐富，細食既話3個人都夠。第二次食埋個杏鮑菇真係不得了。咬落去果下以為熱氣野，入到口覺得好健康😎新鮮又即炸，入口真係有菇汁。Crispy and Juicy.海苔+芝士味可以mixed埋!值試仲有Party Set, 啱哂我呢d 懶人唔駛諗!

尋晚我同妹妹比媽咪叫左落樓下買野😂，點知比我發現一間新開張台灣過江龍連鎖炸雞店🍗，賣相好吸引🥰，我地就即時買返屋企試下🤩- 脆皮無骨雞扒🐔 $40雞扒厚實，足足有整個手掌份量✋， 炸粉不會過厚😝，雞皮炸得金黃酥脆😋，入口不油膩，雞肉嫩滑多汁😎，啖啖肉，加上香辣芝士粉🧀更加滋味😍- 脆皮雞全翼🐥 $16雞全翼份量十足，炸衣薄身😗，雞皮包滿濃郁椒鹽香味😎，雞肉香嫩多汁🤤，雞翼尖炸至乾爽香脆，味道焦香惹味😛- 脆皮杏鮑菇🍄 $25大大粒杏鮑菇外脆內軟😍，飽滿多汁🥳，厚肉肥美，梅子粉味道甘甜😝，清爽開胃，鹹甜配搭永遠可以相信☺️- 脆皮花枝丸🍡 $18大大粒花枝丸灑上海苔粉，口感彈牙又香口☺️- QQ OREO🍪 $10出於好奇心叫黎試下🤣，冇諗到OERO炸過後😍，口感煙韌軟燸，感覺似朱古力味糯米糍😝，很新奇有趣的口味😯，有驚喜👍🏻所有炸物即叫即炸😋，製造需時⏰，我大約等10分鐘已經可以拎到😗，所有食物拎上手都係熱辣辣🔥，冬天食邪惡炸物真係暖在心頭❤️📍 2派克雞排 - 荃灣荃灣富華街9號運通洋樓地下N號舖@twopeck_hk另有分店： 旺角 / 何田文#justlingggxd_小食#justl