18樓雞煲火鍋專門店

营业中

休息中

呢間18樓雞煲係去創興食飯見到18樓真係有間18樓雞煲，所以一直都揾機會去。本身抱住試伏嘅心態一試，結果發現好有驚喜～-雞煲火鍋放題限時兩個鐘，有三個套餐選擇今次就叫咗最貴嘅嘅套餐C19:00-21:29時段入座都係$288蚊1位入去之前首先就係揀雞煲辣度， 我哋叫左小辣，適合唔太食到辣嘅朋友。我覺得大家可以加少少湯落個雞煲到，會變得更香～更加估唔到嘅係雞件份量唔少，肉質新鮮嫩滑，仲可以refill(((o(*ﾟ▽ﾟ*)o)))蔬菜同熟食可以到自助區攞，其他全部都係用QR code落單嘅~海鮮超級新鮮🥰叫左五碟蝦～全部都唔梅！勁彈牙！除以之外，我哋都叫多咗好多肉C餐嘅重頭戲一定係 ✨澳洲和牛M5牛肩卷✨ (1份3-4片)牛嘅香味好出，一咬落去勁Juicy，唔韌又唔會太油膩！叫完一碟又一碟( ´ ▽ ` )ﾉ 質素唔差之餘仲要賣相都靚！飲品有好多唔同選擇，除左茶同汽水之外，叫左B餐同C餐嘅朋友仲可以任飲啤酒咖～-好值得讚嘅係會有位店員會keep住去收每張枱嘅碟有禮貌仲好要細心 係好難得先會見到有咁好嘅服務！後尾番到去先發現荃灣都有一間！下次去荃灣店食(((o(*ﾟ▽ﾟ*)o)))-18樓

天氣凍冰冰 最岩打邊爐 食完雞煲再打邊爐就更滿足🥰坐底冇耐雞煲就上枱 超級快👍🏻 雞件兜炒幾下已經食得 份量適中 雞件多肉夠惹味 一人幾件食完就可以加湯打邊爐 雞煲雖然惹味 但加湯後略嫌淡味 打邊爐要另外攞豉油醬汁邊爐料方面 十分推薦海鮮類 非常新鮮 特別推薦蝦🦐 啲蝦用竹籤穿住 好易剝殼 而且鮮甜爽口 蜆肉亦飽滿鮮甜冇沙 唔鍾意郁手又想食海鮮既懶人岩哂🫶🏻另外都好欣賞佢既響鈴同炸魚皮 響鈴同魚皮都好香口 同埋呢到啲炸魚皮大大塊 唔會碎哂😋

之前晚市嚟過，好多人排，結果冇食到，今日凍凍地又咁岩放假，所以就早啲黎，4點9到左，得一兩個人等緊食5點至7點時段，超級準時5點派位，入到用QR cord落單，上菜都快，可能唔係繁忙時段👍🏻先講個雞煲先，叫咗小辣但係完全唔辣嘅，自己再加多少少辣椒落去，個醬汁有啲普通唔似出邊食嗰啲麻辣雞煲我哋揀咗中間㗎嗰個228放題，雖然牛牛同海鮮都冇乜食物既原味🤣扇貝真係同睇食評所講同個殼係分開既，不過食完冇肚痛，問題不大，，第一次黎入會有9折，所以整體來講呢個時段價錢係抵食嘅

終於感受到冬天要來臨啦，冬天就緊係要瘋狂打邊爐。。所以呢排同朋友食飯，都離不開打！邊！爐！講到旺角食飯，一定諗起創興廣場，基本上全幢嘅食肆我都試過哂呢排成日食台式火鍋，今晚我要食雞煲！上18樓食雞煲啦。。我地6點15分左右到，未算好多客人唔洗等位。餐廳座位都好闊落，見到大部分都係全卡位，有二人，4人，6人卡位都有，坐得舒服我地只係揀左最普通嘅A餐，估唔到質素都一樣有驚喜！入座前會問雞煲食幾辣，因為朋友食唔到辣，所以揀左bb辣，之後入座直接可以用QR code落單。。我地拎左飲品先，飲品絕對有驚喜！有自家製冷泡茶，各款汽水，仲有茶，啤酒，清熱飲都有！配料落左單，3分鐘就到齊！真係超級無敵快！仲要無漏單，我地一共落左3次單，每次都係好快上齊，大讚！雞煲好快就上，滾一滾就食得啦。另外我加左牛柏葉，花膠同土魷，鮮魷魚。拌勻啲汁一齊食，正！大家都要試下加啲配料，唔好咁快加湯喔！雪花肥牛質素好高，真係肥瘦均勻，以有牛味！響鈴卷記得必點，係鋪頭自家製㗎，好大件，吸哂雞煲汁，好正！其他配料都好好食，又有鯇魚片，白鱔片，萵苣，小蟶子。新鮮又好味！餐廳仲有小食！台灣腸，鴨血，炸肉酥，丸子。。都好多元化食到

天氣凍凍地, 同老公去食雞煲. 幾鍾意佢嘅裝修, 別具意義, 希望生意好, 全院滿座.真係好似戲院咁, 有幾個院線 湯底任攞成個菜檔咁, 菜芯, 娃娃菜, 生菜, 油麥菜, 仲有西洋菜, 樣樣都咁新鮮. 隔離個櫃係汽水, 樽裝飲品等.仲有清熱冬瓜茶及其他茶類飲品, 都係自家製的.即食雞煲, 熱辣辣香噴噴, 雞肉嫩滑又夠入味.食完 d 雞即刻加湯底食火煱, 好淋甜嘅娃娃菜.大大塊花膠, 最適合女仕食, 滑 luet luet 薯粉好爽口.大蝦、肥牛, 鮮腐竹等都係火煱必備嘅, 仲有各樣雜丸雞肉豬肉菇類等等.無理由唔玩下個雪糕機, 雪糕有乳酪味及綠茶味.仲有朱古力、椰果、燕麥及爆珠幾款配料.食埋個雪糕就夠晒滿足.

今日試旺角呢間雞煲+任食火鍋，揀左最平嘅套餐A但都已經勁多火鍋配料可以點，抵！首先會先離一份細嘅雞煲份量都幾多，揀左微辣岩岩好有少少辣得離又好惹味，而且雞肉都幾嫩滑，唔係啲老雞咁鞋🤣食完雞後自己加湯打binlo，啲湯好似係雞湯都幾清甜，binlo配料估唔到有咁多，牛的話有雪花肥牛同特級肥牛，一款多啲肥膏一款少啲，其他仲有是日海鮮（個日係卜卜蜆）、豬、羊、丸、菜etc 仲有小量即炸小食例如芋泥球、鹽酥肉等都幾特別🤣甜品有2款雪糕原味同朱古力味自己整同+toppings，朱古力係類似牛奶樂個隻味不得了，另外飲品有飲品櫃可以自己揀，除左盒裝同罐裝仲有啲自家製茶，相對無咁甜，打binlo都唔洗驚熱氣

呢兩日天氣跌到得返10幾度，最啱就係去打邊爐👍🏻 呢間18樓雞煲火鍋專門店，就係位於創興廣場18樓 真係好方便好好記😬入座之前店員就問我哋雞煲要咩辣，坐低2分鐘雞煲就已經送上！對於任飲任食嘅餐廳嚟計 佢真係好重視食客們嘅每分每秒🤭我哋叫咗最平嗰餐，有兩款牛肉 一款比較肥，另外一款就比較瘦 兩款都有牛味，但我偏好比較肥個款，食落比較唸身！另外海鮮嘅種類有好多，有海中蝦，蜆、魷魚、八爪魚、墨魚滑！個人強烈推薦🦐🦐🦐 好大隻 新鮮彈牙！而且用竹籤串起，食上嚟都好方便 完全唔需要用手去剝殼🤭佢嘅響鈴都係新鮮即炸 大大嚿好好食，不過響鈴都比較飽肚，食唔得太多。飲品方面，佢都有自家嘅冷泡茶，同埋一般嘅汽水飲品 選擇都算幾多！最後食埋個甜品收尾～ 佢連雪糕都有兩款味道，而且有幾款配料 加埋入去食！打完個雞煲邊爐 再食埋冰凍嘅雪糕🍦，真係超正👍🏻

天氣凍凍哋梗係要食雞煲啦！之前已經同唔同朋友來過幾次，因為真係又抵食又好味，介紹去食的朋友都話唔錯。熱辣辣食打邊爐，最鍾意呢個仲有半自助式無限續飲飲品，除左有可樂雪碧呢d邊爐伴侶，仲有兩款鴻福堂的飲品，道地解茶同台灣冬瓜茶，選擇多多！生菜同娃娃菜都係自助拎！雞煲係選擇微辣的口味，剛坐下不久就好快上左一個雞煲，望落都應該有至少半隻雞，舊舊都係肉，肉味香濃，唔會鞋，先食左大部分雞肉，然後點的火鍋配料都快到齊了。倒上清湯底，滾左就可以加配料啦！配料選擇都好多，不過就冇咩海鮮揀。雖然每件份量都唔係太多，但係真係要保證件件新鮮好味都費事一d肚飽眼唔飽的浪費食物嘛.. 值得一讚既係特級肥牛同紐西蘭羊肉片，薄薄哋一片，肉味十足！性價比高～

呢間雞煲店位於創興廣場18樓全層，日日座無虛席😝，一定要預先訂位先得。舖頭裝修係以懷舊風格為主，有好多霓虹燈佈置同埋茶餐廳卡位設計。 雞煲火鍋放題限時兩個鐘，有三個套餐選擇，今次就點咗最經濟嘅套餐，208蚊1位，夜晚嚟講真係非常之實惠👍。 坐低首先就係揀雞煲嘅辣度， 雞煲醬汁好夠味，而且雞件份量唔少，肉質新鮮嫩滑，另外加咗辣椒同埋芫茜一齊炒，令到成個煲更加香噴噴🥰。 食完雞煲之後可以自己加入高湯，每張枱都有一大支已經裝滿咗嘅高湯，按照店員建議加入兩吋嘅高湯作為打邊爐嘅湯底，味道就最適中😉。 邊爐配料方面有非常多選擇，除咗豬牛羊雞之外，仲有唔少海鮮、蔬菜同丸類，應有盡有。 除咗蔬菜係喺自助區雪櫃自己攞之外，其他配料全部都係透過QR code落單，非常方便。牛肉片好新鮮，味道濃郁。特別欣賞佢嘅花膠，好大舊，成件花膠扒咁樣，一定要試下👍。另外蝦都非常之新鮮彈牙🦐。 仲有熟食小食，香酥肉鬆軟惹味，都一定要試一試~飲品方面亦都有好多選擇，推介自家製嘅冷泡茶🥰，另外仲有唔少罐裝同埋包裝飲品。

創興廣場真係雲集各種火鍋放題，由大堂到入𨋢都見到好多間火鍋店既廣告，可見食店競爭真心大。朋友話之前去過18樓雞煲食，網上又見評論好多，就跟大隊食😃上到18樓，見到佢地門口寫左地表最強呢😉入到去，店員就問要咩辣，有大辣、中辣、細辣同埋無辣，我們選擇了細辣😅😅先黎雞煲，食完雞煲自己再加湯變成火鍋邊爐餐廳用手機落單，掃個QR code, 佢地仲有Wi-Fi, 不過我果晚電話用左一日電力就唔太夠，唔夠點唔到就真係尷尬啦😂😂朋友帶路話先點d小食，等加湯邊爐先點生的食物食物選擇好多，海鮮類、肉類有牛、羊、豬、雞，飽肚既麵、粉都有飲品當然唔少、仲有自助雪糕乳酪雪糕配料自己落，任君選擇入面環境都幾得意，有德記牛肉檔、又有妹仔菜欄、仲有好似戲院咁寫咗全院滿座，好盞鬼😸😸今晚食得幾好，impression 唔錯，下次要再黎食過😎

今日約左朋友去旺角呢間名符其實在18樓的雞煲。餐廳環境好大，佈置好有懷舊色彩，設計有新意，好多都係打卡位。我們一坐低，店員就拎左雞煲比我哋，加左紫色洋蔥、蒜頭、芫茜等既配料，未食已經香氣撲鼻。雞煲我們點了小辣，好惹味，每件雞都吸收左個汁既精華，雞肉保持嫩滑，唔會只流於表面，非常有質素。食完雞煲之後再加湯打邊爐，蔬菜可以出去自助區攞；其他火鍋配料就用手機掃碼落單，當中唔少得一定要點花膠，新鮮有咬口，肥牛亦都係必食之選，呢度提供左3款牛肉，包括雪花肥牛、特級牛肉及鮮牛肉，個人最鍾情雪花肥牛，肥瘦均勻，肉質夠腍，另外仲有幾款熟食可選擇，應有盡有。飲品方面，值得一提係餐廳自家製茶類，清熱解渴，一定要試。甜品有乳酪及雪糕，仲有唔同既toppings可以自由配搭。雖然當晚客人都幾多，但落單至食物上枱都好快，無咩漏單，非常抵讚👍

好耐無食雞煲同打邊爐，一於一次過滿足兩個願望。要咗套餐A，食完雞煲打邊爐，主要包雪花肥牛、特級肥牛，當然仲有其他食材。2小時任食。依度地方好大，走動拎嘢食都方便啲。裝修有舊香港嘅特色。000000000雞煲要咗小辣，已經好惹味。雞肉又滑又嫩，食得好滋味。份量啱啱好，夠過足癮又唔會飽，留肚一半打邊爐。食到咁上下，加湯就可以開始下半場。一開始會放定一樽湯、之後加湯係出面取。掃QR code落單，落完單好快就有。另外自取蔬菜、飲品、甜品和醬料。每次分量唔會多，咁樣先好，唔會浪費食物。好食嘅先再追加。真心推介是蜆、滑牛肉、肥牛、鮮淮山、白鱔片同脆鯇骨腩，好新鮮。其實丸都好味，但會飽肚，一次就好。店員清吉碟好快手，所以即使二人座位，都唔會出現唔夠位放嘢嘅情況。今餐好滿意。

同一班朋友相聚，最好就係打邊爐🍲坐得奈又食又傾😃今次黎左旺角既*18樓雞煲* 係創興廣場18樓地點方便易找價錢唔太貴*我地簡左套餐A🌟$208加一食120分鐘成個場都好大，除左自己枱QR Code 落單叫野食之外，出面都有雪糕區、飲品區 好多選擇🌟小辣雞煲-雞份量都多，每舊雞都入曬雞煲醬味，而且肉質嫩滑👍🏼洋蔥最正最入味🥰大過我拳頭👊🏼既響鈴😱，好新鮮，浸湯3秒食落爽脆👍🏼炸魚皮都高質特級肥牛🌟好有牛味，唔太多油脂👍🏼海鮮類好多野叫，蝦🦐、峴、水魷、鯇魚等等二百零蚊一位，真係好抵食👻

今日放工約左朋友去旺角食雞煲放題，呢排天氣凍多左好多人食雞煲，好彩一早book定枱先有得食，見到有人想walk-in但已經full哂，我地揀左個中等價位既美國安格斯牛套餐，每位只係二百幾蚊，店員送上熱辣辣既惹味雞煲就開動啦，揀左小辣都幾惹味，雞件煮到好入味，啖啖肉夠juicy，食完雞煲就可以叫店員加湯開始打邊爐套餐B: 嚴選美國安格斯牛 ($248/位)呢個套餐包括多款高質靚牛: 雪花肥牛、特級肥牛同美國安格斯牛頸脊，推介牛頸脊，油脂分佈平均而且牛味香濃，牛肉吸收哂湯底既精華超好味海鮮類就可以任食廣島蠔、手打蝦滑同半殼扇貝，廣島蠔肉身飽滿，海水味濃，手打蝦滑真材實料，食落爽口彈牙，我同朋友都食到好滿足

呢間任飲任食雞煲火鍋 喺香港嚟計算係做得幾好，好多任飲任食嘅 啲配料都麻麻哋其實 比起牛X X 呢間啲牛肉好食好多，唔會話好多肥油 牛肉味濃👍🏻👍🏻👍🏻火鍋配料選擇都算多 飲品都多 又有冷泡茶 唔錯既