18樓雞煲火鍋專門店

唔记得系咪第一次过嚟食鸡煲，鸡煲味道尚算可以，牛肉味道浓郁、海虾和虾滑爽弹方面都算可以，唯一一提系猪润同脆肉鲩非常唔新鲜，煮熟咗之后全部都系淋身。不得不提鸡煲嘅辣味好惹味，鸡嘅份量都算多，建议可以用返啲汁你煮下鱿鱼、鱼皮或者响铃等等，好似街边档小食咁惹味！几惊喜系佢有新嘅柠檬味可口可乐，仲有啲韩式罐装饮品，芦荟汁及雪梨汁等等，不过我途中卡通样嘅番石榴汁就千祈唔好饮超级甜好难饮！不过如果下次再食鸡煲，就未必会拣呢一间了！…查看更多

性价比低，每人318加一，出餐慢，无一次出餐既份量系岩数，食物质素还好，漏单礼貌查问都被职员怪责叫得多食物(9个人点15碟牛肉都叫太多)。结帐埋单希望使用优惠折扣都被拒绝，提醒大家入座落单时已经要即时申请用会员折扣！…查看更多

🐓 鸡煲之选🐔 去到MK一话食鸡煲一定谂起佢，一年四季都系咁多人食🤭佢有3个餐拣，我觉得拣B餐都好够食，记住！佢系任食2小时架！除非你系食牛方面系超讲究，咁可以选择C餐。B餐有3款牛(雪花肥牛、特级肥牛、美国安格斯牛颈脊），又有3款海鲜(韩国蚝、手打虾滑、半壳扇贝)，仲可以任饮啤酒添(嘉士伯、蓝冰、狮威)😏应该叫佢做半自助餐啦，嘢食系要扫code叫，菜同饮品𠮶啲就可以自己出去雪柜𠮶到攞。菜同饮品都好多唔同款架，菜佢有生菜、油麦菜、娃娃菜，冰菜等等 。饮品就有大家饮开嘅汽水、健康茶饮同佢自家制嘅冷泡茶 。自家制冷泡茶就拣咗佢呢个桂花乌龙，佢嘅茶味唔会太浓盖过桂花嘅香，饮落润喉又清新 。Joyfoodstop心动值：💓💓💓/518楼鸡煲火锅专门店(香港)地址: 香港香港旺角弥敦道601号创兴广场18楼电话: +852 31138468…查看更多

未试过食得咁差体验嘅餐厅咩老细会请啲咁嘅人 一系唔应一系就态度粗鲁好似佢出粮俾我咁 十问九唔应 员工又话咩都唔知嘢食又出得慢又出唔够啲嘢饮喺雪柜攞罐啤酒都要等半个钟…查看更多

经典怀旧老香港鸡煲火锅专门店 - 18楼鸡煲火锅专门店冬天到左，系时候约埋三五知己围埋一齐打边炉同叹鸡煲啦！呢日朋友仔就带CK黎左以秘制鸡煲闻名既「18楼鸡煲火锅专门店」!18楼鸡煲火锅专门店旺角分店既装潢走经典怀旧老香港路线，有1970年代既旧式戏院、老上海理发厅及怀旧士多等，玩味十足大家可以边吃边打卡。18楼鸡煲火锅专门店性价比极高，唔止足料同惹味，而且价钱最平$228就可以食足2个钟，无限任叫80款以上火锅配料，包括每日精选新鲜海鲜、花胶、黑豚腩片等应有尽有，令大家食得痛快！每枱必叫既鸡煲，系以啖啖肉既三黄鸡入馔，配以店主自家制既酱烹煮，再用上芫茜、紫洋葱、蒜头、葱、辣椒等香料炒至香味扑鼻，浓稠酱汁带点麻香，每件鸡件亦都嫩滑浓香，辣度可拣大中小什至唔辣，叹完鸡煲，可加入熬制了多小时既猪骨汤来打边炉，又系另一番风味！食材吸尽惹味浓郁的酱汁汤底精华，更滋味！餐厅提供黎自澳洲既M5极上和牛肩卷、美国安格斯牛小排及美国安格斯牛颈脊等多款绵滑嫩口既牛肉选择，肉香味浓！鲜甜爽口既海虾同蚬等海鲜每日入货，都系无限任食 ! :)任叫配料方面，除左新鲜海鲜同肉类之外，蔬菜仲设有「妹仔菜栏」冷冻柜，食客可以随意选择；加上多款汽水、饮品、雪糕同乳酪全部任食，回本无难度，难怪人气超高！提一提大家而家做紧迎新优惠，入座后手机扫二维码登记成为会员后可以全单计9折 ! 18楼鸡煲火锅专门店地址 : 旺角弥敦道593-601号创兴广场18楼 电话 : 3113 8468 营业时间 : 1700 - 0300…查看更多