101手工涮涮鍋 (金朝陽中心二期 - Midtown)

营业中

休息中

101手工涮涮鍋 ，位於銅鑼灣登龍街1-29號金朝陽中心二期 - Midtown 29樓。 朋友生日我一早已經訂位， 餐廳環境舒適，我哋坐的卡位仲可以望到維港靚景。 當晚星期六我們點了美國安格斯牛頸脊套餐$458位， 醬料$30位。 📌前菜 手工麻醬麻辣手撕雞 & 秘製麻辣木耳， 兩款前菜都好惹味又開胃。 📌鍋底冬瓜卜卜蜆海鮮鍋， 湯底鮮甜，卜卜蜆新鮮冇沙。 📌肉類手切牛頸脊的肉味夠濃，質感嫩滑。 西班牙伊比利亞黑毛豬的口感極柔軟，肉汁可口。📌火鍋拼盤墨魚汁鳥結糖、太極冬菇、黑松露蟹籽海鮮軍艦、三重芝士鮮製蝦丸， 坐低不久已經送上火鍋拼盤， 四款味道都不錯。 另外可用qr code落單點其他火鍋配料， 我推介花膠，厚切美味。飲品有紅酒、白酒、 雞尾酒和無酒精飲品， 款式很多，無限時任飲任食， 性價比高。 🏷️溫馨提示～ 整個用餐體驗均屬個人分享意見， 只作參考😊。

銅鑼灣午飯高性價比必選大概$60就嘆到海景，一人一鍋餐廳位於登龍街Midtown樓底極高不過要留意番就真係超多人排隊基本上12.3前到達先會安全$60有可以請三個餸一個麵或者飯最重要係佢可以配一個超特色飲品例如珍珠奶茶、可樂沙冰樽裝可樂有多種湯底可以選擇我最愛嘅就係蕃茄湯底同埋麻辣食材推介係雞件、台灣嘅辣肉腸、金菇同埋娃娃菜麵底通常會選瑜川拉麵或者米線越煮越入味餐廳午餐限時一個鐘上菜速度快唔使趕頭趕命基本上45分鐘都可以食完

父親節晚飯，好搵笨價錢貴了很多海鮮籃也沒有了（問咗點解員工都唔知講乜嘢）最離譜是火鍋醬料要額外收 $30 一位（仲要係用咗先話俾你聽)食物質素比以前差坐的位置也很狹窄，人家話坐到腳痹永不回頭

餐廳位置位於銅鑼灣，地鐵站行過去大概係5分鐘，佢喺A出口嗰邊最快，位於登龍街，餐廳都採用任飲任食嘅模式，價錢嚟講只有兩個餐可以選擇，我哋就揀咗平日比較平嘅$419，所有酒精飲品同埋食物都無限添加，呢個價錢嚟講唔算太貴，佢酒精嘅種類非常多，包括有紅酒白酒cocktail, 鍾意飲啤酒嘅朋友亦都有Orion drafted beer, 而且有即叫即整嘅台式飲品同埋其他特色飲品，當然仲有汽水！食物方便到非常高質，有少少美中不足係呢一個價錢冇海鮮，要另外加錢，個人嚟講鍾意佢嘅手切肥牛，味道做得好好，而且牛肉味非常香濃，墨魚滑亦都係非常推介！

Went here twice. The first time was for class gathering, while the second time was with colleagues. .For the first visit, all of us ordered the Handcraft Shabu Shabu Set. Since we had more than 10 people, we were allowed to choose three types of soup bases. We decided on mala, sukiyaki, and pickled vegetables with pork.The set also included appetizers, such as Shredded Chicken in Spicy Sesame Sauce and Fungus. The chicken was cool and well-marinated.The set offered a wide variety of ingredients,

101 hotpot@cwb🌟我哋今日10個人食，叫左$418set, 另外會加醬料費，一開始會每人比手切牛肉/西班牙豬肉，另外就會有一次性嘅響鈴，炸魚皮，其他牛肉豬肉同埋杯都係任叫，最特別係嘢飲，都係free flow, 餐廳嘅價錢都比較貴，所以係冇限時，我哋就我最鍾意冬瓜盅，嘅湯底，幾好食，而且非常清新嘅味道，總括嚟講餐廳都幾抵食，我哋坐到12點，佢last order 11點，適合可以坐成晚好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟

睇到OpenRice有人寫負評，話服務態度差，嚟食之前都有啲驚但係嚟到發現服務態度明明就好好，有啲嘢唔係真係睇負評就可以反映，到要親身嚟食先知道，唔一定係餐廳問題$61又有面 又有餸 又包嘢飲 又有海景睇真係超抵落座之前reception已經同我哋講咗，用餐時間落坐起計一個鐘，完全好夠用，四十分鐘左右就食曬，夠鐘之後都冇出現催客嘅情況揀咗豬骨清湯底，雞件啲雞好大嚿，好抵食杯嘢飲都好大杯，好努力咁飲，最後都飲唔晒

踏入餐廳果一步已經開始即計時一個鐘落單等佢送到枱面 湯底都浸唔過啲食材 又要等佢滾熟咁大鍋野 前前後後都無左15-20分鐘之後食左應該半個鐘將鍋入面既野岩岩夾完落碗已經問我個爐仲要唔要隔左一陣 因為撳緊手機 放低左筷子一分鐘都無又即問我個碗仲要唔要（入面仲有大半碗既野食）收走埋之後又話我夠鐘差唔多要走杯野飲都仲有3分1早知我應該答佢未食完 等佢咪收我唔係想做西客 但一黎我未夠鐘二黎佢成個趕我走既過程令我好唔舒服對唔住囉 我一個人食霸住左你張二人枱 阻住你做下一枱客個湯底又無以前咁濃味 唔怪之得執淨呢一間分店！香港人成日鬧依加既飲食業 就係因為有你地呢啲老鼠屎

經Open rice 訂枱，到場時紿我們一張對著冷氣風扇的卡位。我問可否給我們三位窗口位置，畢竟我兩位外籍朋友從遠方來，經理說所有窗口位已訂滿，窗口位置會張枱客人需要消費三千元或以上！心想現在的經濟環境還有這樣的消費要求，況且窗口位也看不到維港景色。食物尚算新鮮，但晚餐只可以選擇任食，不可以a la carte, 給予的食物份量太多有點浪費。

呢間餐廳平日有做lunch set，十分抵食，一飯/麵加三餸同飲品先ard $60，但就長期超多人，要食就真係要預多啲時間排隊先搞得掂湯底叫咗沙茶湯底，當然要叫埋沙茶牛肉，平時都食開，牛大件又多。另一個推介係秘製台灣雞件，平時邊爐唔食雞嘅我都次次會叫，真心又滑又夠味。 另外個餸就嗌咗羽衣甘籃，感覺立即健康咗🤣。朋友都係沙茶湯底，但就好邪惡地叫咗公仔麵，都偷食咗幾條麵，索哂湯底係正嘅。飲品就叫咗杯熱蜜桃水果茶。 偏甜咗啲但係好多水果粒。同事就叫咗邪惡嘅忌廉砂冰，呢度凍飲一向大杯到傻，呢杯已經唔算大杯。位置方面，今次坐到近窗口卡位，幾十蚊仲有海景位，認真不得了。

今次同三五知己嚟到這家餐廳，打頭陣既係台灣養生藥膳花膠雞鍋，飲一啖湯，好有回甘，每一啖都係滿滿滋味🍲。雞肉同花膠都超級入味，特別係花膠，食落去真係QQ彈牙，補身又開心！再嚟講講特選手工拼盤，黑松露蟹子海鮮軍艦真係一絕，黑松露個香濃郁，好過癮！同埋啲蝦滑真係得意得滑，入口即溶嘅感覺🤤。話時話，安格斯牛頸脊都幾正。牛肉香味撲鼻，紋理分明，軟嫩得嚟又有煙韌感，配上微微生菜的清新，真係夾得好！另一個驚喜係即炸響鈴同海苔鹹蛋黃魚皮。響鈴外脆內軟，而魚皮則脆到喳喳聲，滿嘴鹹蛋黃既香脆，啖啖都是幸福😋。無論係拼盤定係湯鍋，質素都掂晒，真係一個字—正！無咗咁多專業術語，大家放工嚟一試，有靚湯又有香脆，仲等咩？快啲行動啦！🤗

今晚黎試下呢度既火鍋放題，佢有兩個價錢可以揀，$418就只有一款牛肉同豬肉放題，而$518都係得兩款牛同豬，價錢黎講真係唔算平，第一次黎就試個平既先放題其實仲有海鮮，不過每位要加+$68先有，如果冇追加基本放題既海鮮類就只有鯇魚片魚腩同魚頭🤔套餐仲會送兩款前菜，一碟滑類拼盤同一碟響鈴+魚皮個墨魚滑都幾好食，其他一般響鈴魚皮都係正常水準上湯底之前有醬料提供湯底揀左台灣麻辣雞鍋同壽喜燒鍋，壽喜燒鍋冇咩特別，都係一貫日式甜醬油湯底，但係個台灣麻辣湯，有得揀大中小辣，揀左小辣，第一口都已經辣到大辣咁😫食左兩三件牛肉已經食唔到除左辣以外既味道😵‍💫，俾條脷休息左一陣之後我就冇再食過麻辣湯底，好在今次叫左鴛鴦鍋！火鍋配料黎講，好似好多選擇，但其實都冇咩特別，而最主打既牛肉亦未係正到可以淨係食佢就滿足，其他食物都係丸類餃類蔬菜咁，感覺真係冇咩好食，食完記憶都好矇糊🥱呢度放題俾我感覺性價比係非常之低😮‍💨，可能係因為佢地飲品free flow包括紅白酒、啤酒同cocktail，所以仍然吸引好多人黎放題

第2次回訪😍很少餐廳我係會寫兩次食評，呢間火鍋真心高質，有靚景又有vip room，重要係銅鑼灣打邊爐唔限時，重要啤酒紅酒白酒任飲！真係要大推一下😎白酒易入口又夠凍，一整晚起碼飲左7-8支😍炸響鈴同魚皮好好食，送酒一流，牛肉同台式火鍋料都好正！食到咁上下記得一定要去露台影相打卡！拎埋杯酒出去飲野傾計勁chill！

今日好似中左頭獎咁, 每次黎親都要至少等20分鐘或以上, 今日居然上黎等一陣就有位. 超好彩. normal lunch time 門口等位人潮你一出lift就感受到. 無咩位企成日迫到實一實. 雖然店家有放menu係枱面但都未必迫到埋去睇.  到你入座scan QR code落單時, 又會發現d餸同呢個menu 唔同. lunch time時段用餐時間只有60mins, 所以每次入座後都好似打仗咁. 一坐底先scan QR code 落單. 佢的選擇都幾多, 先選湯底有辣有唔辣. 再選麵, 烏冬等. 然後就可以選三款餸. 有少少似車仔麵, 但佢又感覺高級左, 超過三個餸要再加錢, 不過normal 三個餸真係已經好夠食. 最後就到飲品, 唔好以為一個餐$61 飲品會hea你, 呢度的飲品真係一d都唔 hea. 係出面飲可能收你三四十蚊一杯. 之前試過蕃茄湯底但當d湯滾起時, 彈到周圍都係, 為左今日件白色tee都係要返豬骨湯, 個湯普普通通但都好夠味. 佢 的秘製台灣雞件雖然感受唔到有咩咁特別. 但勝在夠大件. 三件已經好夠食. 而且都幾多肉. 今日重有叫花枝丸, 好彈口. 呢個幾推

性價比超高👍🏼👍🏼👍🏼網上落單方便，速度快🤭🤭必食推介：午市火鍋套餐 $61 包一杯特飲一人一個鍋👍🏼先揀湯底（包含粟米，蕃茄，生菜）再揀一款粉麵⭐️重有三款配菜一定要介紹湯底⭐️⭐️⭐️三杯雞👍🏼夠濃+小小辣⭐️⭐️沙茶-如果濃小小就更好😂配茶-蜂巢豆腐（吸晒湯底精華）-台灣雞件（次次都係雞脾肉）其他麵好出色❤️❤️❤️服務好👍🏼要加一🤭回頭率⭐️⭐️⭐️⭐️⭐️#101#cwb味道（4/5）環境(4/5)＃港島區_跟dada食玩