$10橫丁小食街

買左饅魚同明太子沙律飯團, 饅魚普通, 明太子味超淡, 似食緊無餡既飯團==", 而且壽司飯無落醋, 或者有落但淡到食唔出==, 壽司飯壓得太實而且偏硬, 好一般。安納芋蕃薯個個食評都話好食, 街市賣既印尼、日本蕃薯都又平又香又好食過佢多多聲, 要咩口感都有, 就算唔加任何調味都好香甜。名牌效應, 名過於實。…查看更多

2020年7月4日荃灣海之戀Donki 的Food court 在2020年3月19日開幕，開左咁多個月，最近先有機會去食，不過依然係人山人海，想搵個位都有d難度，有d人就會食完都唔願走，如果遇到好心人就會主動比位我地。Food Court 位置冷氣比較猛，怕凍的人就記得帶外套。當晚一次過試左幾間食店，一場黎到食多幾款，BeefMania 買左碗牛舌丼$68丶山頭火買左牛油炒帶子飯定食$108，有齊拉麵同飯，另外叫左煎餃子(5隻)＄38丶神戶北之坂買左牛油明太子魷魚意粉$55，轉套餐只需加＄7，就有粟米忌廉湯丶炸雞。最後在築地銀だこ買章魚小丸子$42 八粒，排隊人龍最多人就係呢間築地銀だこ。我覺得山頭火拉麵麻麻地，唔識形容，但係我記得尖沙咀分店好食。而北之坂的明太子意粉一般，太古aeon style 的Food court 有一間東京Kitchen的明太子意粉就好食好多，好creamy。築地銀だこ的章魚小丸子幾好味。BeefMania 牛舌丼幾好食，不過牛舌略為薄一d。但係冷氣太大，好快吹凍d野食，唔多唔少都會影響食物質素。呢度係自助形式，食完記得自己拎返去回收區，減輕清潔人員負擔，養成良好習慣，做個有手尾的人，自己食完自己執。買野食都要自己捧埋位，何況係食完之後。…查看更多

今日(20-6-2020 Sat)同老公送發泡膠盒後,就行嚟食啲o野,老公o係o度用$15.00買杯凍咖啡,$20.00北海道士多啤梨牛奶冰,我要$25.00嘅黑糖紫薯.等咗好耐,佢終於拎到嚟,但點解明明紫色嘅黑糖紫薯會係白色?睇睇張單,原來俾咗$23.00嘅黑糖牛乳,老公要去補錢換返.咁我先食北海道士多啤梨牛奶冰,成個味道都唔太濃,牛奶冰份量唔多.味道:3分之後杯黑糖紫薯返嚟喇,黑糖味道唔太濃,但同紫薯好似有啲唔夾,不過唔太甜,而飲飲吓,唔知係咪啲冰溶o緊,味道又ok噃.味道:3分而老公嘅凍咖啡呢?我就唔知喇.抵食係2.67分…查看更多

最近放假多咗個節目就係去行Donki！🥰因為住新界西就係無乜地方好去好玩！而去荃灣真係好方便，啲天橋又四通八達，個個商場都駁住晒😆今日去到同平時一樣都係人山人海，就好似新年行年宵咁樣！行到咁上吓見到熟食區啲嘢食好似好吸引，落咗order先新鮮即叫即整！即刻忍唔住買返個芥末牛肉可樂餅嚟試吓❣️我就估佢請唔切人，廚房入面啲人好似都好新手咁！食個可樂餅都等咗幾耐下...不過最後成品唔錯！外皮好鬆脆、熱辣辣🔥芥末味好重，超正！等我下次嚟到再試埋其他小食先！…查看更多

Boyfriend and I ate at Don Don Donki by buying various snacks from their hot food are and ate at the food court. You can get a variety of items from roasted sweet potato to oden and even coffee.These are the random items we shared. Some fried stuff as boyfriend would say. The croquette was pretty good.  He also grabbed a deep fried quail eggs and fried chicken. Yum. The eggs were great. Nice and springy. The chicken was moist and tender.  It was also freshly prepared so piping hot.He chose a selection of odne. The soup was a fairly light yet tasty dashi soup. The items were soft and fluffy as oden usually is.The only item we didn't like was the shaved ice with pudding on top. There was clearly not enough sugar syrup and so we were only eating on flavorless ice. The pudding itself was also not that good. A rather rubbery consistency with not much strawberry flavor.Over all, good for snacks and fairly cheap so you could probably keep eating without breaking the bank.…查看更多

今次嚟到荃灣西嘅海之戀商場當然係去Don Don Donki朝勝！雖然疫情肆虐但店鋪內仍然人山人海😱.佢地嘅壽司真係好正啊🤤首先試咗三文魚拼拖羅嘅壽司組合🍣($140)三文魚好新鮮 厚薄啱啱好！拖羅入口即融 脂肪比例好平均🤤壽司飯唔硬 口感似手握壽司冇諗過呢個價錢有咁高質嘅水準！.另外亦試咗滑蛋豬扒飯($35)有需要可以用店鋪內嘅微波爐加熱估唔到個蛋一啲都唔老豬扒仍然有少少脆口！.同埸加映炙燒三文魚壽司配明太子醬🍣($72)半生熟嘅三文魚口感一流🤤加埋明太子醬真係絕配❤️$72就有10件咁高質嘅壽司！.最後我地仲試埋Donki嘅$10橫町小食街！所有炸品、串燒都只係$10😱全部都係即叫即炸佢地嘅筷子燒同炸香菇都好正！當然唔少得食埋Donki最出名嘅紫薯($10/半條)🍠真係好甜ahhhhh🤤🤤.總括而言 性價比好高啊！🤤📍激安之殿堂 (荃灣)荃灣大河道100號海之戀商場2樓…查看更多

海之戀商場呢間Don Don donki 大過尖沙嘴店好多好多，而且仲增設呢個＄10橫丁美食區域。有好多小食選擇，例如：北海道大豆自家製豆腐花丶可樂餅（即係薯餅)丶壽司小卷丶麵豉湯丶北海道牛奶刨冰丶炸串丶銅鑼燒丶蜜糖牛油多士丶薯仔芝士沙律多士丶關東煮丶筷子燒(新產品)⋯⋯種類繁多，鹹甜小食都有，總有一款啱你心水。當日喺Donki 買左盒章魚小丸子＄30 有8粒，不過粒章魚就細粒d，過下口癮都唔錯。呢度仲有微波爐可以比人叮返熱。排隊買筷子燒花左好多時間，其實一般，只係用一塊簿餅皮，包住d椰菜絲，落d醬汁，好似大阪燒咁。仲買左塊沖繩紫薯薯餅，係期間限定，＄15 一個。再買左關東煮，包括：雞蛋豆腐魚球＄6丶腐皮麻糬福袋＄6丶芝士燒魚卷＄6丶厚燒玉子＄10丶淮山卷＄6丶魚餅＄6。仲買左一條烤蕃薯＄20，好甜好好食。呢度仲有好多張枱俾人坐咗喺度食，尖沙咀店冇位坐。…查看更多

-🦄激安の殿堂-關東煮 Hkd32蘿蔔Hkd10 竹輪Hkd6 芋絲Hkd6Rating🌕🌕🌕🌑🌑-第二次去荃灣分店既激安の殿堂🌱果然熱潮過左再加上平日係冇咩人😂不過係店內推車都好唔方便🙈🙈今次去係想兜個圈同埋專攻佢既關東煮🍢我係超級鍾意食關東煮🍢既人來但其實佢啲關東煮都唔平好掛住日本🇯🇵便利店既關東煮🍢呀蘿蔔同日本🇯🇵既好唔同😟係好簿唔係厚身個隻不過勝在夠淋同埋好入味 過關啦👌🏻👌🏻仲叫左竹輪同芋絲都冇咩特別😗😗都係啲關東煮必食 好吸汁既食材來🤪竹輪既話佢仲有平時好常見既細細條個啲但同大條既價錢一樣都係6蚊😅😅咁我就緊係叫大條架啦 咁先有日本Feel嘛🤩-…查看更多

嘩！荃灣西開左間激安之殿堂，真係想不到會咁受歡迎，頭一個星期日日都要排隊，所以令到我入去意欲大減，到第二個星期，終於唔駛排隊，就馬上入去，真係比尖沙咀大好多，行完買咗好多嘢之後，俾咗錢到最後發現有好多小食可以立即買去食，全部都係$10，有大阪燒，有可樂薯餅，壽司卷物，等等，咁我都見幾抵食我就馬上買咗個可樂薯餅及大阪燒，薯餅唔係好大塊，但入邊啲餡料都好足，食落都唔錯大阪燒值得推介，好味，但如果你叫我好味嗰度有乜特別我又講唔出，我只可以話咁嘅味道至少賣$30，$10真係好抵食。值得推介…查看更多