龍順軒海鮮酒家

今晚同朋友游车河去到筲箕湾避风塘海边吹吹风，然后喺东区一带游下，最钟意喺屋邨揾嘢食嘅我，今晚就试下耀东邨呢间酒楼。1.今次食嘅豉油鸡真系正！鸡皮油润够弹，咬落满是豉油香，肉质嫩到飙汁，咸甜比例岩岩好，连骨都入味，舐舐脷仲想再食多件，绝对要试！2.咸菜猪肚浸蚬超惹味！猪肚腍得嚼得透，蚬肉鲜甜无沙，汤底带咸菜嘅鲜爽，饮落好开胃，一口汤配啖𩠌，简直系送饭神器！3.美极煎虾够晒香口！虾壳煎得脆卜卜，肉质紧实弹牙，美极酱裹得匀匀哋，咸香带微甜，咬落满口鲜，一粒接一粒停唔到口！好多时候屋邨都会有啲小惊喜，下次有机会再嚟啦！…查看更多

老豆屋企楼下嘅酒楼，街坊生意，啲哥哥姐姐（服务员）态度几好，好亲切，系啲坐位有啲逼，间酒楼应该有一定历史😅 因为所有野都好旧，但菜色都ok, 啱老人家口味嘅中菜，个冬瓜宗几出色，系只切鸡麻麻地⋯⋯整体来讲抵食，唔好期望太高就可以啦…查看更多

耀东邨商场的餐厅只有一间快餐店、一间茶餐厅、一间酒楼。附近有两间护老院，所以对有长者或有坐轮椅的家人，龙顺轩便是最方便的选择。..其实他们价钱合理，味道也不算差，以种种条件一齐考虑，算是一个值得支持的选择，尤其对长者和照顾者来说，是帮了不少忙。正所谓一分钱一分货，都真系算系咁。去过很多次，早午晚餐都试过，现在才发觉一直无写过食评，决定写下。今次是食晚饭，因是周末，部分菜式比平日加少少钱，还是合理价。食物评分 (5⭐️最高):清蒸海斑仔$68 ⭐️⭐️⭐️⭐️🥈红烧乳鸽 $38一只 ⭐️⭐️⭐️⭐️⭐️🏆🥇蜜汁叉烧例牌 $68 ⭐️⭐️⭐️⭐️⭐️金银蛋浸苋菜 $72 (假期+$10) ⭐️⭐️⭐️.茶价每位 $11白饭每碗 $11..🏆🥇蜜汁叉烧例牌 $68 ⭐️⭐️⭐️⭐️⭐️全餐冠军是叉烧，有时六点几想叫都卖晒😅😅 这碟叉烧好味到食完都忘了影相，大家都可猜想真系几好味，手快有手慢无，所以抱歉无相😅😅..叉烧好味在味道好，肉质不会太硬或太”梅”，叉烧汁亦好好味。..🥈红烧乳鸽 $38一只 ⭐️⭐️⭐️⭐️⭐️第二名是烧乳鸽，味道的确不错，价钱又好抵食。长者小朋友都话好味👍👍😋😋..清蒸海斑仔$68 ⭐️⭐️⭐️⭐️条鱼蒸得不错，挺滑。金银蛋浸苋菜 $72 (假期+$10) ⭐️⭐️⭐️碟菜份量多，3⭐️是因为稍为咸了一点。..另送糖水或中式糕点。..总体而言我觉得龙顺轩是不错，始终方便，味道价钱合理😊😊…查看更多

先唔讲其他，今日叫左大陆乡音嘅女侍应加水，叫咗三次佢都唔应，然后同我讲：「你不如走啦，唔好饮茶啦」。然后个女侍应仲好大声咁度表示不满。首先我唔系歧视新移民，但好明显佢系新移民，而且系一个质素超低级嘅新移民。我未见过服务性行业竟然有咁差嘅服务水平，仲要企喺度同茶客嗌交。同个经理投诉，个经理扮撞聋听唔到。我差唔多叫左五六次，个经理话终于嚟到我面前，但只系表示宜啲情况好平常，叫我地接受。可以见到成间茶楼管理水平极低。叫咗一个烧味例牌，烧味将入边有只蚊郁下郁下，我叫个经理换过碟，佢就若无其事。真系好后悔冇影到相。虽然系屋村茶楼，但都未至于要俾钱买难受。…查看更多

寻晚系屋企食饭，但系呢发现冇𩠌，落咗楼下龙顺轩买咗半斤叉烧大家可能觉得好奇怪，点解斩料都要写？因为我觉得龙顺轩嘅叉烧真系好好食，唔会太瘦，有少少脂肪，烧出来的感觉非常好味。…查看更多