龍鳳呈祥火鍋雞煲

仲未有秋凉嘅感觉不过天气明显已经冇咁热啦，咁就同朋友一齐嚟咗呢间火锅店打边炉🤣依家食午餐仲有啲优惠🤣$298「招牌无骨凤翼酿鸡煲」：将鸡翼去骨后填入馅料包括墨鱼滑、红萝卜及其他蔬菜等制成嘅特色鸡煲，鸡翼啖啖肉唔使噒骨口感丰富，鸡煲仲充满浓郁的酱汁味，我哋拣咗《稍减调味（少鸡煲酱）同埋 走辣》已经好够味🤩食完鸡煲加汤开始打边炉，$62「手工粟米粒猪肉饺」：一共有6只，只只都大大只🤩，里边充满猪肉仲有啲粟米粒，所以食落有少少爽口，好食🤣$388「龙凤呈祥牛肉拼盘(细)」：包括有手切牛肉、牛肉粒、牛舌片、雪花肥牛、牛胸油、牛柏叶 等，全部都好牛味兼肉质软熟🤣$138「新鲜龙趸腩片」：龙趸腩新鲜、好食、肉质够滑，仲系厚切所以口感特别丰富🤣$138「龙凤呈祥丰盛杂菜拼盘」：蔬菜有好多包括 白萝卜、黑木耳、莲藕、娃娃菜、油麦菜、蕃茄、菜心、粟米 、生菜 等，全部都够新鲜😋$38「自家制咸柠七」：转咗要无糖可乐，冻冰冰嘅可口可乐加埋咸柠檬饮落非常清新🤣；要咗两杯一人一杯😁…查看更多

一入去已经好似返回70、80年代的感觉。连招牌都用霓虹灯做成，墙上贴满好多70-80年代嘅旧poster、电话、唱片。仲有以前喺酒楼会见到嘅结婚龙凤雕像。要热水时，餐厅都会使用70-80年代的热水壶。现场更大播70-80年代的怀旧香港经典歌曲。现在有客人生日，更会播福寿歌同比个寿字你帮你去中式背景到影相。西班牙黑毛猪：播歌脂肪分布靓到像大理石纹，渌10秒即刻捞起，入口即化仲带住果木香。同普通猪肉完全唔同层次，个肉汁甜到漏，点少少豉油已经够晒吊味。必食推荐！无骨风翼酿鸡煲：厨师手工了得！鸡翼拆骨酿入西芹红萝卜虾胶，咬落「索索声」又弹牙。食完热辣辣嘅鸡煲再放汤就可以打边炉。龙凤呈祥杂菜拼盘：摆盘精致到唔舍得渌！有生菜、油麦菜，娃娃菜，莲藕、白萝卜、蕃茄、粟米、金菇及云耳。全部蔬菜都非常新鲜最下面绿色蔬菜竟然塞到成个盘都满晒，非常足料龙凤呈祥牛肉拼盘：一次过试匀本地手切牛肉，顶级雪花牛肉，南非和牛金钱𦟌，牛舌片，骰子牛肉粒，牛胸尖共6款。牛味浓到像在草原奔跑，渌耐啲都唔韧，抵赞！自家制陈年咸柠七：打边炉绝配！咸柠檬腌到黑过墨汁，一啜落去咸、酸、甜完美平衡，仲有阵陈皮香。够气够冰，解腻一流，饮完成个胃顺返晒！最紧要系小时候嘅味道。…查看更多

怀旧老香港火锅店，净系个门面都已经觉得返左去70,80年代，入到去餐厅仲更加feel到个阵口旧香港风，播住D旧歌加埋个气氛同装修简直就以为穿越左返左几十年前咁期间限定 - 秘制榴梿鸡煲 $268鸡煲可以自选多酱少酱同辣度，半只鸡嘅鸡件都唔少，拣左榴梿鸡煲真系有两大旧榴梿捞埋落个鸡煲到。辣度拣左少辣容易接受到，个榴梿同辣味都好浓香，见到有唔少香料同辣椒唔怪知愈滚愈香食鸡煲食到咁上下加埋个汤入去打边炉，个汤底都唔会因为加左汤而变得太淡。龙凤呈祥牛肉拼盘(细) $388牛肉拼盘一大盘有6个唔同部位嘅牛肉几抵食，雪花感都够多，肉香得黎几有油香，正的！龙凤呈祥丰盛杂菜拼盘 $138用左个好靓嘅杯装D蔬菜，个份量非常多。芋丝 $32另外无叫粉面，反而叫左芋丝，吸到汤之余食落又爽弹D柚子蜜凉拌白玉苦瓜 $48就咁食好好食，白苦瓜加埋柚子蜜又几香，一D都唔苦仲要有阵阵柚子甜味椒盐鳝骨 $108起左肉一旧旧炸得够脆，个鳝肉好弹牙好鲜同埋椒盐个味够多好好食自家制陈年咸柠七 $38个杯几搞笑，用左以前D红色胶水杯几有特色，一大粒咸柑桔加埋D可乐几好饮。…查看更多

就咁听餐厅名已经觉得好有气氛，位于尖沙咀嘅龙凤呈祥鸡煲火锅专门店。丰富嘅室内设计，每个角落都花尽心思，有老香港特色情怀。招牌无骨凤翼酿鸡煲非常创新嘅鸡煲，味道浓淡适中，唔会愈食愈口渴，花椒八角洋葱芫茜样样嘅香气都好配合，最好重点系用去骨墨鱼滑酿鸡翼去代替普通鸡件，就最啱啖啖内嘅人去食，鸡油同底料味完全渗入墨鱼滑。真系好好食。龙凤呈祥牛肉拼盘一个大包围嘅组合，多个部位都可以食到，各个部位都有唔同肉味同口感，整体来讲都系高质嘅牛肉，食落唔会有雪味同埋肉质系靓嘅。两个人食份量亦都算抵食。龙凤呈祥手打鲜虾丸（6粒）虾丸口感够哂弹牙，味道方面海鲜味相对之前嘅墨鱼滑更加浓，所以食落嘅感觉完全唔同。牛骨浓汁牛丸（6粒）超级爆汁嘅牛丸，食嘅时候真系要小心热，牛丸够弹牙之余，浓汁个阵牛油脂味又可以俾到滑嘅口感。鱼皮饺（6粒）个人最爱，火锅必食。size 够大粒好满足。龙凤呈祥杂菜拼盘卖相极打卡嘅蔬菜篮，好有老香港嘅风格。嘅材料又塞到满一满真系够晒抵食。自家制陈年咸柠七清热顺喉，咸酸甜嘅味道消滞解油腻之余，又有够哂解渴。…查看更多

最近同朋友想揾个地方食火锅，仲要系有特色既地方！上网见到好多人提到「龙凤呈祥鸡煲火锅」，话系复古风设计，满满七八十年代既怀旧feel，仲有秘制榴梿鸡煲，作为一个榴梿控，点忍得住吾去试？😋 餐厅由装修到餐具都系浓浓既复古风，墙上有老香港既霓虹灯招牌，播住怀旧广东歌，仲有个婚礼舞台，随手一影就系社交平台打卡点，气氛岩晒我胃口！.秘制榴梿鸡煲 半只 $268主角登场！秘制榴梿鸡煲真心系今晚既亮点！半只鸡煲份量多到夸张，砂煲入面有腐竹、洋葱、芫荽、辣椒，满满既鸡煲酱裹住鸡肉，香到不得了！😍 上面仲放左成堆榴梿肉，店员会帮手将榴梿同鸡煲捞匀，再煮一阵，入口系浓浓既鸡香同微微既榴梿果香，辣辣地又好夹，估吾到两种味道咁合拍！食完鸡煲仲可以加高汤打边炉，简直系一锅两食，抵到爆！🔥.龙凤呈祥牛肉拼盘细 $388牛肉控有福啦！拼盘有牛舌片、牛肉粒、雪花肥牛、手切牛肉、牛胸尖同牛颈脊，每款都新鲜到飞起！😋 牛舌片爽脆、雪花肥牛入口即化，手切牛肉同牛颈脊咬落好有嚼劲，沾点鸡煲汤汁一齐食，简直系人间美味！份量都好足，2人share都够晒满足.手工韭菜猪肉饺 $62作为饺子控，点会吾试下手韭菜猪肉饺？即叫即包，饺皮薄到透光，入面满满既韭菜同猪肉，肉眼见到绿油油既韭菜好新鲜！😍 猪肉肥瘦岩岩好，咬落汁水丰富，味道浓而不腻，真心推介比饺子迷，食完一个想再食十个！🥟.酱爆芝士肠 $38一碟有16条，份量多到傻眼！😳 芝士肠外脆内软，芝士爆浆感一流！.香脆厚切午餐肉 $68切得厚身，煎到外层香脆，内里仲保持软嫩口感，单食已经好正，浸落火锅汤底食更加系另一种滋味！😋.龙凤呈祥杂菜拼盘 $138杂菜拼盘真心有心思，摆盘靓到似艺术品！有油麦菜、生菜、金菇、娃娃菜、黑木耳同淮山，仲有萝卜同蕃茄砌成心型，影相一流！🥗 蔬菜新鲜爽脆，食落清甜又健康！.出前一丁 $28出前一丁用火锅汤汁拌成捞面，简直系神来之笔！面条吸满汤汁既浓香，入口弹牙又够味，每啖都系满足感！😍 .自家制陈年咸柠七/无糖可乐 $38味道真心浓郁，酸酸甜甜好解腻！仲有买三送一优惠，几抵！无糖可乐清爽，配火锅岩岩好，饮完真系舒服到飞起！🥤…查看更多