龍門金閣海鮮酒家

经朋友介绍呢一间传统粤菜，真系一试难忘。最惊喜系佢嘅小炒王，超级大碟，卖相好掂，师傅真系炒得好好，可能系暂时我食过咁多小炒王唔知中最好嘅，除咗炒得干身又唔油之外，佢嘅材料味道同埋口感都好分明，脆嘅脆爽嘅爽香嘅香。第二经起就系古法太爷鸡，出面好多太爷鸡都系有名无实，始终用烟熏去整熟只鸡呢个技巧系难掌握嘅，下次嚟会再试，睇下师傅系唔系撞手神，要做到有烟熏味而鸡肉仲可以嫩滑系好难嘅。虾球煎米粉就只熟属一段般水准，可能因为个米粉有少少厚身，令到尖嘅时候未够脆。至于个煎莲藕饼同埋桂花炒鱼肚亦都相对嚟讲比较失色，特别系个煎莲藕饼，冇谂过佢太爷鸡同埋小炒王咁出色，但系个莲藕饼就有少少出事，主要系莲藕饼嘅馅料运得唔够平衡，感觉上莲藕好似太少，所以食嘅时候就冇咗莲藕饼应该有𠮶种爽嘅感觉。至于个桂花炒鱼肚就湿咗少少，可能控制芽菜出水呢一部分要留意下。…查看更多

呢间粤菜馆真系可以话系沧海遗珠，价钱合理，而且出品质素高，但系又好少人会讲，今晚真系食得好开心。最有惊喜嘅菜式，就系佢哋嘅小炒王，炒得少油又够干身，银鱼仔芋头丝脆卜卜，虽然百几蚊一碟，但系个size真系超劲大。桂花炒鱼肚有一啲旧式粤菜，用上大量嘅芽菜但系又唔会湿纳纳，事关芽菜最麻烦嘅地方就系一边煮一边会出水，所以控制水份系好紧要，呢个𩠌炒得好靓。我自己非常欣赏佢哋嘅太爷鸡，出面好多太爷鸡记烟熏味都唔够，呢度做到恰到好处，入面啲骨都有烟熏味𠮶下劲，烟熏得来啲肉又够嫩滑，师傅功力非常劲。个前菜几特别，花生云耳同埋咸菜都好食，最后仲送咗个甜品，应该系姜汁撞奶、不过未「鲸」得好，味道都OK嘅。…查看更多

碟头大，人少想叫多个𩠌都惊食唔晒🤣一行10人，预订皇牌：杏汁猪肺汤，杏汁味浓，遗憾的是汤料中猪肺只有寥寥几片炒乳鸽崧（$98只配生菜）头、翼炸香，配酒一流必吃的生炒糯米饭，虽然预订，但系都漏单，追左3次先至有得食不需要预订小菜：必吃冰镇咕噜肉小炒王，色香味全，但虾干、鱼干比以前少左好多、砵仔焗鱼肠、抵食南澳龙虾加$50加伊底、椒盐九肚鱼。最钟意佢地送的甜品：姜汁炖双皮奶埋单$4366，好抵食。…查看更多

几年无见姨妈姨丈，姨丈话请食饭，梗系介绍姨丈钟意食既砵仔焗鱼肠啦。果边无呢啲中菜食。呢间之前老公有食过，甘啱姨妈姨丈住对面酒店，天时地利人和，掂！呢间系老店饭店，厨师手艺老到。碟碟都甘好食，系食到最后先上个鱼肠，就有啲饱同腻。杏汁白肺汤，处理𠮶个肺要好多功夫，不断泵水清洗干净，杏汁味好浓！好饮！冰🧊镇咕噜肉好脆！啲糖浆冻咗会变得更加脆口。好好味，但吖仔问点解无菠萝同青椒🤭鱼标猪润煲: 比较钟意一系爽一系沙润既，呢个唔够爽又唔够沙，个鱼标撘够。鸡油豆苗: 好味😋菜心炒牛肉: 呢个我仔成碟清晒。烟熏太爷鸡: 只鸡好有烟熏味，岩岩好，滑鸡花鳝煲: 我唔食，但其他人话好好味，条鳝电缆甘粗，成煲食晒！鸡蛋焗鱼肠: 无腥味，胡椒味重。豉油王炒面:好味，再干身啲就好啦！姜汁撞奶:用日本3.6牛奶撞出嚟，有姜味，但系冇姜𠮶种辣味，好滑好好食！饱到呕都要食埋，所以话甜品系有另一个胃😂埋单约3600。姨丈请客实际唔知几钱。9大1小，差唔多啦👀系啲老人家话贵，都唔知而家啲米几贵😎同去靓啲既酒楼包一围甘上下。应该平过姨丈美国唐人街食中餐挂。…查看更多

今次为庆祝前辈生日，我嚟到尖沙咀龙门金阁海鲜酒家，呢间中菜馆唔大间，但网试推介既菜式，一试之下真系好好食，有用心整，唔系浪得虚名杏汁猪肺汤 🍲呢碗汤真系好正！杏汁香味十足，汤底清澈，味道鲜美，猪肺又滑又嫩，饮完真系暖心。每一口都有杏汁嘅甘甜，完全中和咗猪肺嘅浓郁，绝对值得推介！冰镇咕噜肉 🍖呢道菜真系特别，外面炸得金黄香脆，里面却保持住肉嘅鲜嫩。冰镇做法令咕噜肉口感独特，冷热交融，酸甜酱汁好好味，食完一口想再食多一口！鸡蛋焗鱼肠 🐟呢道菜真系好吸引，鱼肠焗得啱啱好，入口即化，搭配鸡蛋嘅滑溜，味道真系相得益彰。海鲜嘅鲜味加埋蛋香，食到真系令人怀念。虾多士 🍤呢个虾多士就系经典！外脆内软，虾肉嘅鲜甜同多士嘅香脆简直完美结合，每一口都充满海味，真系食完仲想再叫多一盘！生炒糯米饭 🍚呢碗生炒糯米饭炒得好好，粒粒分明，口感Q弹，加埋各种配料，真系好丰富！特别系腊味同香菇，味道真系好正，完全唔会令人失望。甜品：姜撞奶 🍮餐后附送！最后嘅甜品姜撞奶真系一绝！唔系普通生果唔系红豆沙咁简单！姜汁香气扑鼻，配上滑滑嘅奶，甜而不腻，完美收尾，食完真系心情好好价钱与份量 💰虽然价钱唔算平，但样样菜都大大碟，份量足到你唔使担心！每道菜都系用心做出嚟，无论系材料定系烹调，真系值得呢个价。份量、功夫同价钱完全成正比，食得安心又满足！总括来讲，龙门金阁海鲜酒家唔单只系味道出色，服务都好到冇得输，环境又舒服，真系好适合家庭聚会或者同朋友一齐食饭。下次再来，我一定要试其他菜式！🎉…查看更多