龍景軒

今次生日特登去咗四季酒店嘅龙景轩，无论食物同服务都好有水准，庆祝特别日子真系好适合！片皮鸭师傅会推住部餐车过嚟即场片皮，仪式感十足！鸭皮烤得香脆，带少少脂香，用蒸笼保持温度好细心。配料可以无限添加，夹住薄饼一齐食好满足。生菜包鸭松（二食）用片皮鸭剩余嘅鸭肉碎炒成，镬气够，夹住新鲜西生菜一齐食，爽口又惹味。甜芥辣烧鳗鱼鳗鱼烧得皮脆肉嫩，甜酱同山葵味意外地夹，味道有层次得嚟又唔会太呛，几有惊喜！鲜合桃百合炒虾仁虾仁大大只，口感弹牙，合桃同百合清新爽脆。不过调味相对保守，钟意清淡口味嘅人会钟意。龙景轩炒饭炒饭粒分明，龙虾肉都几大旧，整体合格，但以米芝莲标准来说未算特别难忘。前菜同甜品当日有免费前菜小品，另外因为生日，餐厅仲送咗甜品碟上写咗祝福字句，餐后仲有龙井荷叶茶帮助消化，好贴心。总结：环境同服务绝对对得住米芝莲级数，食物整体质素高，片皮鸭同烧鳗鱼尤其出色，适合庆祝生日或纪念日。价钱偏高但偶尔享受下都值得！…查看更多

屋企人生日，今晚嚟到四季酒店嘅龙景轩食晚饭庆祝🥰餐厅六点开始晚饭时段，未够钟就唔入得。门外有座位同餐牌俾客人可以睇住等候。🍽️前菜点餐后，餐厅会向每位客人提供一份欢迎前菜。唔需要另外收费嘅。前菜款式应该每日都唔同。🦆北京片皮烤鸭（二食）$1380片皮鸭系呢度嘅招牌菜，如果想食需要提早预订。片皮鸭上菜时，侍应会俾客人睇咗完整嘅鸭先，之后再攞去餐枱旁边嘅附属小桌片皮。客人可全程睇住片皮嘅过程。片皮后，待应会两件两件片皮鸭连包皮咁上好碟比每位客人。包皮未上菜𠮶阵，都会有专用小炉保持温度。至于酱汁、青瓜、葱丝就会放喺餐桌转盘，客人自行取用。片皮鸭嘅味道好好👍🏻肉质好之余好有鸭油香。包皮都有鸭油香，烟烟韧韧咁，正👍🏻🥬生菜包鸭松 （北京片皮烤鸭二食选择之一）片皮鸭系二食嘅，用餐当日可选择第二食嘅项目，选择有生菜包鸭松、鸭松炒饭、鸭松炒面。今次就试咗生菜包鸭松。同之前片皮鸭一样，上菜会两件两件咁俾。片皮鸭二食共$1380，性价比都好高，推介👍🏻👍🏻🍤虾籽姜葱炒虾球 $520虾籽姜葱炒虾球有八个虾球，碟边有虾籽作装饰。虾球爽口弹牙，姜葱虾籽亦都提升咗虾嘅鲜味。好味😋呢度菜待应就唔会分𩠌嘅，就放喺转盘度俾客人自己夹。🥢香酥七味炸鳝球 $590炸鳝球都系有八个，伴有炸紫苏叶。鳝球炸得脆又唔会油腻，配埋炸紫苏叶味道咸香，唔错👍🏻🦞🍚龙景轩炒饭 $480龙景轩炒饭都系呢度嘅招牌菜，系龙虾肉炒饭嚟嘅。成碟上菜后，侍应会按人数分成小碗俾客人。炒饭粒粒分明，唔会油腻，味道都唔错👍🏻可惜食到呢度菜我已经好饱，冇食哂😅🍑迷你寿桃包 $120因为系庆生晚饭，所以订咗寿桃包。寿桃包同片皮鸭一样，都系要提前预订嘅。特别之处系，寿桃包系三个一份咁订嘅，有莲蓉同麻蓉两款味道。今次我哋订咗三个莲蓉三个麻蓉，共$120。寿桃包卖相一般般，味道都麻麻哋，包皮偏硬，有啲失望😞🍴甜品同前菜一样，餐厅会向每位客人提供一份甜品，唔需要另外收费嘅，款式亦都应该每日唔同。今日系芝麻曲奇同马豆糕，味道都唔错😁💵价钱方面，茶钱每人$50，加埋以上食物、加一后共$3619，四个人食人均$904.75。呢个质素，都算超值。🏙️环境方面，龙景轩窗向维港海景，景观唔错👍🏻食晚餐可以一次过欣赏维港由日到夜嘅景色👍🏻如果想坐窗口位嘅话，建议至少早两至三个月电话订位，致电时讲明想要窗口位。餐厅内部布置就好一般，楼底都低。👤服务方面，四季嘅服务真系一流👍🏻由打电话订座起，已经享受到细心用心嘅服务。电话订座后，再打电话去职员会记得客人嘅称呼、订座日期时间。入座后，服务态度由始至终都礼貌亲切，又唔会过份。饭后离座时，附近全部服务员都会同你讲道别道谢。呢个服务态度，会令人觉得今餐系超值😍…查看更多

ғᴏᴜʀ sᴇᴀsᴏɴ ʟᴜɴɢ ᴋɪɴɢ ʜᴇᴇɴ ʙɪʀᴛʜᴅᴀʏ ᴅɪɴɴᴇʀ🎂餐前小食-陈皮酥炸鲮鱼球佢每次既餐前小食永远都吾会失望😂一啲都吾腥 好弹牙🩷-片皮乳猪件 $560基本系每次必点既👍个皮劲脆，又吾会好肥好油，3层好分明🤤-金沙炸虾球 $600正常一份8件，职员好好人主动问我地不如帮我地转半份，怕你哋太漏食唔到8件😂每人食咗一件之后，心谂好彩个职员帮我哋转咗半份😂咸蛋黄味好香，虾好弹牙好爽🩷-羊肚菌上素芋丝烧豆腐（片中错字）😂 $340男朋友反而觉得呢个最出色，因为觉得个芡汁好出色👍豆腐超滑，但我自己本身偏向淡味，所以我会觉得有微微地咸咗少少☺️-龙景脆皮鸡 半只 $500个皮好脆，中规中矩🩷 -燕窝蛋白炖鲜奶 $288呢个都系每次必食，其实佢嘅炖鲜奶系有姜汁，所以好香好出色，但系本身呢啲都系偏漏😂所以我食到一半都好饱😂…查看更多

同老公庆祝纪念日，特意选择中菜，因为我俩最喜欢中菜。环境、服务、菜式一流，员工服务态度令人感到舒适，介绍酒类饮品时会详细讲解，态度友善。当晚共叫了五道菜，两杯酒和一壶菜，本身想叫饭后甜品，但想不到菜品份量意外地十足，肚皮实在没有位置再吃甜品，唯有下次探访再试吧！五道菜最惊喜的是黑蒜爆炒虾球，整道菜镬气十足，虾球个头大而弹牙，品质绝对是优秀，加上黑蒜独特味道，令人惊艳。另外亦十分喜爱炸蟹盖，啖啖蟹肉，配上喼汁别有一番滋味。老公最爱龙景轩炸子鸡，外皮薄而脆，鸡肉嫩，多吃几件亦完全不感到腻。其他菜式味道亦十分满意，相比起中环另一间5星酒店著名的中菜厅，我认为龙景轩味道更佳，会令我想再访。…查看更多

想试这家餐厅已有多年，发现好难book位，然而今次试吓book周末午餐，半年也没有位，但今日午餐有位便试试香。装修高级优雅，感觉舒适，虽然高级，但没有太拘谨的感觉。前菜：陈皮脆米鲮鱼球这个鲮鱼球炸得松化香口，鲮鱼球口感弹牙，带浓厚的陈皮香，不错。虾子海鲜饺$95 each这个虾子海鲜饺大大件，超正！－口爽弹的虾肉，有D似龙虾的口感，清爽新鲜，配上鲜美的海鲜饀料，满有鲜虾和带子感的鲜甜味，饺子皮又薄又通透，好好吃！原只鲍鱼鸡粒酥$99 each原只鲍鱼鸡粒酥超正！鲍鱼煮得入味，又软腍又滑，加上甜香的脆挞和滑溜的饀料，味道鲜甜，又有松化的口感，真系完美的咸甜配搭，必吃！柠香菜苗鲈鱼饺$88这个鲈鱼饺也十分可口，有淡雅的鱼肉鲜甜味，口感软滑，味道的配搭新鲜，又有柠檬的清香，感觉轻盈，好吃。黄桥藤椒烧饼$88这个好吃到不得了，烧饼口感松化就不得了，烧饼嘅馅料以猪肉蔬菜为主。猪肉馅相当鲜甜又Juicy，加上甜甜地又松化嘅烧饼，再配上香口嘅芝麻，真系好好食，份量啱啱好，吃完都唔会好腻滞。皇汤鸡丝羮$390鸡丝羹YouTuber都赞不绝口，今日一试，果然令人十分难忘，简直系每一口系鸡汤汁嘅精华，味道相当鲜甜浓郁，口感香滑，每一口有一丝丝鸡肉，配上爽口的笋丝？而且有火保持汤羮的热度，正，真系十分滋味非同饭响$380Xo 酱牛肉炒puntalette, 怪不得意大利粉口感硬硬地，几香口，加上微辣嘅XO酱，洋葱和牛肉碎，香口惹味。蜂蜜姜茶糕$44/2件蜂蜜姜茶糕口感软滑，有浓厚嘅姜茶风味，姜味十足，唔会太甜。香芒杨枝甘露$138香芒杨枝甘露真系超正,口感香滑，啖啖芒果茸，酸甜味道刚刚好，加上底层的芒果布甸，双重滋味，正！餐厅送上甜品，椰汁绿豆糕，味道香甜，又好有椰汁味，椰汁和绿豆的味道十分合拍，好味。而cookie 口感香脆，唔油腻亦唔太甜。这一天的午餐真难忘。…查看更多