龍城冰室

真系好嬲呢间野啲员工态度差到极致我野都未食完 12:26走嚟话我系咪唔食要收走我啲嘢食同佢讲我只系食得慢啲未食完咋㖞，咁我唔食走啰个啊婶侍应就劲大声一路行一路话我坐咗成个钟比说话我听 哇洗唔洗咁啊？Hello?? 我11:53落单 等左10分钟你个餐先到齐我食到一半走来嚟催我仲要咁差嘅态度唔洗咁讲嘢下化？我由坐低到俾人赶走都只系30分钟内嘅事其实好声好气讲一句系咪咁难？一定要用啲咁差嘅态度？大家唔想食餐饭都受气睇人面色就唔好去全部啲阿婶侍应上餐都系呼呼喝喝以后唔会再食呢间嘢…查看更多

个沙爹鱿鱼几好食都唔会再去，茶餐厅食早餐大家都赶都唔驶你好好招呼，但都唔驶当个客嚟乞食咁喝，佢指边个位一定要坐𠮶度，9点钟去到走左唔少人都唔比拣位，落单又西口西面，好似阻住佢地吹水咁，剩系收现金个收银阿姐找钱就系掉出嚟嘅。其他分店都未见过咁嘅态度。…查看更多

今日想去茶仔食个下午茶，本来想去呢间野隔离新开果间冰室，但唔见有下午茶，就误打误撞入左去呢间野，一入去就比个侍应点左去坐个超冻嘅位，我坐落真系顶唔顺，唯有问侍应可唔可以换位，问完之后，果个好似阿婆咁样嘅侍应望都无望周围环境就话：无㖞，无得换咁，枱枱都满晒。。。好，我见第一次黎帮衬，就忍下你，同埋我真系好肚饿，跟住叫左个龙城炒米粉（写住系餐厅推介），食左几啖之后，发现每啖都唔同味道，有时太咸，有时太淡，有几啖系啱味嘅。。。唉，咁都算系餐厅推介再跟住食到半路中迷，上面有几旧尘（唔系几粒，系几旧）随著劲冻嘅冷气飘落黎我同隔离枱嘅枱面，我就觉得好恐怖，但竟然隔离枱嘅客人见怪不怪咁，继续悠然自得咁食食食茶仔我食得多，呢间野都算系极品，喺呢个时势，仲有d咁嘅餐厅同员工，香港嘅饮食业真系比你地搞"弯" 晒喇…查看更多

楼面职员真系巴闭，唔跟指示入座，冇人帮你落单，俾面色你睇；走过嚟帮你落单，晦晦气气，真系大支嘢⋯⋯不过…..唔紧要！我立即冚埋本menu—即刻离座！冇下次！前后左右，茶餐厅林立，唔怪得知隔离啲茶餐厅，间间都要排队，净系你哋呢度唔使排，俾生意你哋做，还要这么恶劣赶客！！！老细真系有见地，请呢啲帮你赶客嘅职员，有眼光！…查看更多

早餐我成日都会帮衬既茶记/冰室，就系龙城~因为佢有我最钟意食既火腿芝士牛角包~真系好好味口感又脆又超化~牛油味香浓再配埋火腿同半溶既芝士一齐焗，超滋味😋不过得早餐先有，每次为咗食都要早d起身:(…查看更多