龍城冰室

今朝8點幾去了尖沙咀申請特區護照，居然唔使等位香辣魷魚公仔麵 ，個招牌辣魷魚真心有驚喜！爽彈得嚟夠哂辣汁撈勻公仔麵之後，掛湯效果滿分。另外再加五香肉丁同辣魷魚形成雙重口感，忍唔住連湯都飲了幾啖，再加埋一杯凍檸茶，就已經好滿足了…查看更多

尖沙咀龍城冰室位於尖沙咀黃金地段，方便交通且接近主要購物區，具代表性的港式茶餐廳風味。尖沙咀龍城冰室環境寬敞，座位舒適，裝修簡潔帶點懷舊氛圍，燈光明亮讓人感覺輕鬆。咖喱雞翼配湯，湯底香濃微辣，裡面有豆卜和蔬菜，雞翼炸得金黃脆口，旁邊係一杯凍飲，珍珠奶茶。整體配搭豐富又夠味，食得好滿足！…查看更多

📍 龍城冰室 (尖沙咀)尖沙咀金馬倫道23-25號地舖👉 招牌美國西冷牛扒😋😋😋😋.8/5今次試咗招牌美國西冷牛扒，真係唔錯！牛扒煮到3成熟，肉質鮮嫩，切開時肉汁流出，超級誘人。配上蒜蓉汁，味道更上一層樓，完全唔膩。搭配的薯菜口感好好，食完真係令人滿足！👉凍檸檬茶凍檸檬茶好清新，特別適合炎熱嘅天氣。茶味醇厚，加埋新鮮檸檬片，酸酸甜甜，飲完令人精神百倍！回頭:yesyesyes!!食物選擇超多，無論中式定西式都一定有款啱你😍😍🍱…查看更多

收工約咗朋友吹吓水，就去咗附近龍城冰室，坐得舒舒服服，叫幾個小炒食吓，邊食邊傾比起普通茶餐廳，嘢食選擇更多，有晚餐有焗飯亦都可以單點咕嚕肉食小菜必嗌，酸酸甜甜開胃好味，肉厚炸粉薄，啖啖肉送飯一流，配菜份量都夠，彩椒菠蘿洋蔥樣樣齊涼瓜斑腩煲大片涼瓜甘而不苦，斑腩無骨大啖肉，撈埋個豉汁送飯又係正是日晚餐枝竹龍躉煲相比起斑腩肉質會更有咬口，有油香d，鍾意噒骨嘅就岩哂食得港式茶餐又點少得杯香滑奶茶，茶香奶滑，冇得彈整體嚟講嘢食質素唔錯，地方夠大，嘢食選擇夠多，最緊要坐得舒服，另外員工服務態度都好好非常客氣有禮貌，食完嘢仲可以慢慢嘆吓杯奶茶同朋友吹多幾句水唔使急急腳走，認真唔錯…查看更多

住家飯幾好食都好有時都會好想食鑊氣小炒，中式小菜唔想去大排檔一定係去港式茶餐廳呢間喺金馬倫道嘅龍城冰室都幾大間入邊座位好闊落打開餐牌乜都有超多款揀仲要有得食中菜之餘再飲湯羅宋湯😂超開心.羅宋湯好足料，又熱同埋夠蕃茄酸味加埋胡椒粉辣辣地勁惹味.平時都好少食魚，所以食開啲煲一定會揀魚腩煲，呢個涼瓜斑腩煲勁吸睛涼瓜食落去好香口，爽爽哋又帶甘味.咕嚕肉估唔到都幾大份 同埋炸粉唔算好厚啖啖肉冇乜骨，加埋啲青紅黃椒同埋新鮮菠蘿酸酸甜甜好送飯 ～臨尾先至發現原來staff係Hallos hahaha.今次試咗小菜，下次可以再嚟食吓港式嘢因為其實都好多款式又有酸菜魚又有台式乜都有 -順帶一提杯奶茶冇影但係好香滑好好飲，港式奶茶世一！…查看更多

同龍城嘅緣份要追索返去到疫情嘅時候因為公司叫咗佢嘅外賣嗰陣先第一次認識龍城 (當時係銅鑼灣分店)仲記得當時係食佢嘅牛脷焗飯啲牛脷厚切又淋不在話下我一個小女子都清晒成兜焗飯 因為真係覺得好正隔咗咁多年今次去開尖沙咀做嘢叫咗佢個咖喱牛柳粒焗意粉一樣都仲keep到個水準！意粉仲要唔係普通茶餐廳 煮到漲晒嗰啲意粉咖喱汁又惹味咁熱嘅天氣之下我最care嘅都係我杯凍檸茶啲冰會唔會溶晒。。。係無嘅！係典型茶餐廳檸茶，而且夠凍☺️生意難做，而家出開去都會幫襯吓因為真係唔想一間咁好食嘅餐廳又執笠😫臨走仲俾個侍應問我好唔好食😂唔知係咪香港人唔慣被問候😂 都真係好錯愕🤣🤣🤣…查看更多

今日自己食午餐，就去附近茶餐廳食火腿奄列整得唔錯，都算滑，味道都合理丹麥包，算係咁多茶餐廳轉晒丹麥包之後最好食嘅一款丹麥包，比以前嘅方包同埋餐包比較好食依家嘅腸仔冇以前廚師腸嘅咁好食，總係好似有陣怪味咁豬扒雪味都幾重 下次可以選擇其他總括嚟講一個人嘅話都多數會食茶記，間中食吓都可以…查看更多

港版老式茶餐廳，出餐快，份量多，選擇多。每天中午都有不同的午餐推介。蔥油雞扒煎蛋薯菜除了一般的飯和意粉，還可以選薯菜，連餐湯可記中式湯或羅宋湯，羅宋湯不辣，港式羅宋湯的味道。雞扒大塊，外皮香脆。瑞士汁雞翼米粉+丹麥吐司 +火腿奄列鹹甜鹹甜的；尖咀茶記鍾意用丹麥吐司，配火腿奄列都幾好味。…查看更多

大家好今次來了尖沙咀金馬倫道龍城冰室食午餐叫了椰香葡汁焗一口雞球飯午餐己經包左湯同熱飲我揀了羅宋湯呢度既羅宋湯都係港式比較多茄膏蔬菜都幾多所以湯都幾溶同埋加左好多蒜蓉所以都幾香個飯就係即焗所以等左十零分鐘上枱時都見到好熱同起晒泡泡講講呢個焗飯葡汁都到少少燶幾多紅蘿蔔洋葱同埋菇面頭仲有D白色既芝士雞飯都係有前過同己經切了一件件個飯就有炒過有D蛋香跟住就係西多士西多士有得揀花生醬饀不過今次要了芝士流心西多士呢個西多士都有蛋漿包住己經加了牛油糖漿自己落裏面芝士己經溶溶地有一種咸咸甜甜既感覺飲品加3蚊要了凍奶茶口味要左少甜少冰另一杯是龍鳳檸樂呢個係加9蚊係用新鮮檸檬加咸檸檬再加埋7起汽水都係咸咸甜甜既感覺而且冰底係另上所以比較大杯總括龍城冰室都係幾正宗港式既風味大家都可以試下…查看更多

茶記無論去到邊都總係香港最好食。 今日同朋友一齊黎龍城食飯。 佢好一段日子冇食過茶記，話去過好多唔同地方始終都係香港先係個回事。 其他地方食既已變左名物，但只有香港先食到街坊既味道。 講得好似幾深奧，不過我鍾意食就係啦。坐底就叫左杯凍咸檸七先。 佢呢間既咸檸都幾唔錯，堅大粒又好有味，配埋七喜好好味。 我就叫左杯熱檸茶先，佢個杯底唔澀，仲有得簡濃同淡。 朋友話見到個流心芝士西多好想試，講真咸西多我都未食過，所以就試下先。 唔講得少，佢都幾大份，切開真係勁多芝士流出黎，配埋糖醬，咸咸地又冇咁漏，真係幾好食。 跟住再叫個粟米吉列豬扒跟薯菜，嘩超大份，仲要炸到脆得黎唔會乾柴。 而個焗薯超好食，入面好熱好軟好甜，加埋佢既醬真係想食多個添呀。 食完呢餐我同朋友都超滿意，都話香港食茶記先夠盡慶。…查看更多

係尖沙咀做野好幾年，坦白講，龍城既價錢一直都唔算太平，每一餐係中上價錢，但係一直有幫襯，仲幫襯過好多次，包括早餐、午餐、晚餐。原因係出品一直唔錯，坐得亦舒服，但經過今次既經驗，決定以後唔會再幫襯，亦會叫埋身邊所有同事、附近舖既人唔再幫襯！其實最近有聽到附近舖既人講龍城晚市員工態度好有問題，佢地都決定唔再幫襯寧願去附近排長龍冰室，話人地態度好好多，所以12月8日，夜晚7：30左右同同事放左工，諗住一齊去試下，我地都好奇怪，以前明明生意好好，係要等位，但個日居然只有3分1既客，大量空枱，然後一枱遊客都無，我地入到去，無員工理我地，我地自己搵枱無問題，然後因為有問題想問，發現2個金髮職員十分離譜，首先叫左第一個職員，當時佢居然一直公然攞住電話不斷講同聽語音whatsapp，叫到佢既時候，佢皺曬眉好唔情願咁行埋黎，解答完之後突登走到好遠，係角落位置繼續whatsapp，然後有朋友問一個茶記最基本既問題，想問咖喱牛腩飯可唔可以轉意粉，有另一個金髮職員行過，於是大家好有禮貌咁叫“唔該”，個金髮職員居然賴到行都唔願行，然後好無禮貌咁大叫：掃code落單架！我地嬲到直接叫：有野想問！佢就惡神惡殺咁行埋黎，然後一句：咩都無得轉！既然員工咁唔願意出糧既狀態下做野，咁我地都成全佢地，即刻起身走！但係我地肯定以前係有得轉，而且飯同意粉，不嬲係茶記最基本既野，我未聽過茶記咖哩只可以跟飯囉！我地終於明白點解短短幾個月，龍城可以由晚市 座無虛席變到無晒人，淨係睇呢幾位員工既態度，足以解答晒我地亦終於明白點解龍城明明出品唔錯、坐得又舒服，都會無晒生意，而附近既就永遠大排長龍，原因係人地員工態度真係好好多，有時顧客食野同消費，唔係淨係睇出品，員工咁既態度，顧客連1蚊都唔會願意消費既然老闆願意係尖沙咀俾咁貴租，然後每分鐘亦出住糧咁俾一班員工鬧客、趕客，然後白交租，作為客人只可以選擇幫襯其他餐廳我地已經同左公司既同事表達左今次既經歷，然後發現原來連附近舖既員工都曾經類似經歷，既然個兩位員工咁鍾意白企等出糧，我地只可以恭喜龍城老闆請到好員工，導致明明有好既出品都生意大跌。我地全公司既員工同附近舖排既員工都決定唔會再幫襯尖沙咀龍城冰室，亦會係其他評台宣傳，會盡力將龍城兩大惡員工hea做鬧客既事蹟傳播出去！…查看更多

今日嚟尖沙咀做facial，因為夜晚要上堂所以唯有五點零左右搵少少野食醫下個肚先，經過依間冰室見到入邊有好多選擇，又有下午茶揀，決定入去試吓！喺冰室嚟講入邊都坐得幾闊落幾舒服，而且有卡位坐~scan qr code就可以落單，個系統勁多野食揀，搞到唔知食咩好，最後我揀咗招牌古早鹽焗雞飯，花生醬西多同埋檸檬可樂☺️首先講佢哋嘅招牌古早鹽焗雞飯！一上枱已經聞到雞香，雞肉嘅份量好多，而且雞肉亦都唔會話過分烹煮，令到肉質難咬，鹽味滲透入肉，基本上都唔需要再點薑蓉！跟餐送嘅例湯係佢哋嘅老火湯，雖然唔知係咩湯，但係入邊嘅材料亦都煲到超腍，雞腳基本上亦都皮肉分離，感覺係煲咗好耐嘅老火湯講完主食，一定要推介佢哋嘅特厚花生醬西多！真係厚到我擔心自己食唔晒，新鮮出嚟嘅西多士真係唔一樣，加上邪惡嘅牛油同埋糖漿，我切開已經見到中間嘅花生醬流緊出嚟，真係邪惡！另外比較貼心嘅位置係佢哋嘅糖漿係分開俾你嘅，所以你可以按照自己嘅需要去睇吓落幾多。最後講返杯無糖凍檸樂，唔係間間餐廳都可以揀無糖可樂，所以覺得都幾貼心，加上食完西多士再配返無糖可樂真係透心涼！價錢方面都幾親民，喺尖沙咀食咁多嘢買單都係百零蚊～…查看更多

今日要係尖沙咀工作，行來行去全日冇食過野，終於傍晚5點幾收工可以坐低食我嘅早午晚餐想休息唔再用腦，選擇大大間光猛乾淨的冰室實冇錯，貪佢又近又方便，食物選擇又多，最快捷當然係叫是日晚餐，但又心大心細好想試其他野，終於揀左鐵板牛扒餐！細個果時，有咩大時大節，老豆就會帶成家人落樓下茶餐廳食鐵板扒餐，諗起都開心😃原來長大左已經好耐冇咁樣食今日工作咁疲累，我諗我都值得好好地嘆番個豐富扒餐嘅！就選擇招牌鐵板西冷牛扒配蒜蓉汁啦！手機掃QR code落單好方便，牛扒可以選不同熟成度，本人喜歡全熟的，所以選7成熟，來到再鐵板煎一煎就剛剛好了👍🏻鐵板扒餐最興奮莫過於倒醬汁果下，聽到滋滋聲就更加餓！滋左一陣，切開塊牛扒，又估唔到真係剛剛好熟晒，咬落好軟熟，一d都唔柴，啖啖肉好爽，配蒜蓉汁好香，醬汁都幾重口味，配食肉就啱晒！成盤仲有蔬菜、焗薯好滿足👍🏻跟餐其實仲有一碗湯、一塊多士、一杯餐飲。想講熱奶茶有驚喜，果然用黑白淡奶沖係滑d,而且茶味和奶味都平衡，唔洗加糖飲最正！平平地据左個咁豐嘅扒，性價比幾高！有機會再來試其他野食👍🏻…查看更多

今日行經尖沙咀龍城，食左個下午茶。😋服務員既態度親切友善，地方又光猛。😍叫左一個主食，一杯飲品。😬😬1.招牌微辣肥牛拼鮮蝦配白飯❤️分量十足！肥牛唔會太肥，調味適中，送飯一流！鮮蝦都係爽口既。👍🏻👍🏻白飯好大碗。🤣🤣2.紅豆冰❤️好大杯！喜出望外！！紅豆分量多，又大粒！😋😋😋鐘意紅豆既朋友一定唔可以錯過！！性價比極高！仲有好多抵食既餐！之後會encore!💪🏻💪🏻…查看更多

其實龍城嘢食幾好食，估唔到午餐嘅牛扒都唔錯，60多元一個餐牛扒好腍。我選擇咗薯菜，係有個焗薯仔總括嚟講質素保持到水準，午餐餐餸嘅中式湯好足料，唔覺有味精，個奶茶都係好好飲。總括嚟講午餐抵食。…查看更多