龍城冰室

**千万不要在外送平台落这间餐厅订单**早几天我在外送平台下了订单，餐厅职员不小心按错确认，致电给我要求我自己跟外送平台联络取消订单，我跟外送平台线上沟通了45分钟，最终是外送平台说取消不了，因为订单已经确认，要我再联络餐厅，后来我致电回餐厅，餐厅职员话退不到款，因为他们也做不到取消，要我自己去找外送平台取消。做错事是餐厅职员，现在不肯退钱，把责任推在外送平台，超级差的态度，我再致电跟他们沟通，后来他们直接cut我线。我错在选了他们餐厅落订单，无辜的损失金钱！…查看更多

冇乜好讲，其实帮衬开都系因为对食物质素有信心，但系员工真系餐厅一大败笔，一入到去就系见到佢地系度吹水，完全冇招呼过d客，然后我地用完餐牌就放系台上面 ，个伙计就要语气超级差咁讲：用完唔该摆返原位啊！ 大佬，我系黎食饭唔系黎帮你执手尾啊，你张牌原本就放系台度我点知你有一个特定放餐牌嘅位？你可以要求我放返原位但至少态度唔应该系咁。然后我屋企人请佢帮手攞个碗，佢都系表现得极其唔耐烦！总之唔会再帮衬淘大呢间铺！宁愿去观塘𠮶间食，远d就远d至少唔会食成肚气翻黎。…查看更多

上个星期入左牛头角做嘢，放饭睇到龙城冰室好多人食，未食过就入去试吓。间铺算大，位都多，但lunch hour都要等吓位，见到都谂住系抵食先会咁受欢迎。环境整洁，装修简单但算舒服，连锁冰室嚟讲收货嘅😊嗌左滑蛋牛肉饭，估唔到系开芡嘅滑蛋style，自从中学毕业无食冬菇亭就无食过，估唔到连锁餐厅会见到😂不过份量算好足，牛肉正常，滑蛋个芡算顺口同有味，蛋花份量都唔算少唔会芡水多过蛋，值得一赞饭粒煮得啱啱好唔会太硬👍份量嚟讲男仔食完都觉得够饱，杯冻奶茶就一般般无乜特别。份量足，价钱合理，附近放饭唔想太贵，又唔知食乜嘅可以间唔中食一次，不过外卖应该好啲，唔洗惊要排🤫…查看更多

一朝早想食翻碗沙嗲牛，所以就去咗附近嘅龙城冰室～B餐就系沙嗲牛配炒蛋牛角包，36蚊的确抵食。个面上面牛肉份量都几多，汤头沙嗲味浓郁，系一碗标准嘅沙嗲牛。炒蛋够滑，而且牛角包入面夹住芝士火腿，几有诚意。…查看更多

牛头角龙城冰室 下午饭套餐罗宋汤味道普通带微酸辣，蔬菜及牛肉味稍淡，有少少似中国嘅酸辣汤。酸菜鱼鲈鱼肉滑皮韧，酸辣开胃，川椒辣椒加埋一齐食好惹味，做得几出色，酸菜味淡缺乏酸味，伴碟装饰够靓仔，但系一定要食得辣先至好落单。五香牛杂五香味浓咸味足够，牛肠口感强烈充满浓郁油脂味，粉嫩软腍。金钱牛肚炆得稍腍冇烟韧爽口感觉，牛蒡粉嫩软绵绵甘香味十足，牛肺缺乏口感，整体五香味道丰富，牛杂汁捞饭相对较味咸。焗芝士咖喱牛筋腩椰奶椰汁味香浓滑，咖喱香气扑鼻，带微微辣，虽然要等长啲时间烹调烧焗，但系上枱热辣辣，薯仔索咗椰汁咖喱够软腍入口溶化口味一流，藉得一试嘅午饭套餐。盐焗鸡饭味道咸香浓郁，鸡肉软腍腍有鸡味冇柴皮，砂礓汁稍为过咸，白饭软硬度适中。红豆冰甜味足够，红豆软绵奶香味浓滑溜，红豆量足够，系一杯好出色嘅红豆冰。餐厅好多顾客帮衬，我哋一行五人都俾咗一张U型大餐枱，进餐时宽敞舒适，装修一般普通。杯碟碗筷清洁干净，店员非常忙碌，但都应对有礼貌。餐牌价钱比一般茶餐厅略高。…查看更多