點滾鮮點心火鍋

屯門街坊有福啦！同朋友去咗「點滾鮮」打邊爐，真係驚喜連連！唔係普通任食火鍋咁簡單，仲有即叫即蒸嘅酒樓級點心任點，仲要二人同行就有優惠，帶埋小朋友/老人家仲可以免費食，抵到爛啊！🔥🍲湯底超有誠意！我哋揀咗冬瓜豬骨白湯+養生雞湯雙拼，夏日清甜消暑又滋補，啖啖都係真材實料，未打邊爐已經飲咗兩碗～🐮和牛控必試！叫咗C餐澳洲和牛套餐，重點推介：✅澳洲牛板腱 - 牛味好濃又唔會太肥膩✅無激素和牛 - 雪花紋靚到尖叫，入口即溶仲有超新鮮海鮮：🐟爐魚片厚身，零骨刺好嫩滑🐚扇貝大隻鮮甜無砂，encore咗3轉都唔夠喉！🥟點心震撼過酒樓！即叫即蒸熱辣辣：✨蝦餃 - 皮薄到透光，每隻包足兩隻蝦✨燒賣 - 豬肉蝦膠打至起膠，頂頭蟹籽卜卜脆✨菜苗餃 - 菜苗脆卜卜，健康之選✨鳳爪 - 入味到連骨都想吞埋🥬自助區多到選擇困難症發作：- 十幾款蔬菜丸類任夾，店員refill速度好快- 鮮蝦雲吞/鳳城水餃要落單叫- 自家製甜品勁好食，芒果布甸同涼粉甜度剛剛好📱私心大愛座位設計：每個卡位都有私人投屏，可以connect自己手機煲劇，打邊爐都唔會悶！總結：屯門難得嘅高質任食火鍋+點心，價錢超值，下次再帶屋企人去捧場！👯（溫馨提示：記得留肚試點心同甜品，真係會食到捧住個肚走㗎～）…查看更多

今次同朋友殺入屯門試呢間「點滾鮮」，唔單止打邊爐任食咁簡單，仲有即場製作嘅點心，質素拍得住高級酒樓，仲要係無限任點，二人同行開始計起仲有好多優惠，絕對係屯門街坊嘅福音！超足料湯底：冬瓜豬骨白湯＋野菌鍋雙拼我哋揀咗新款「冬瓜豬骨白湯」拼「野菌鍋」，一上枱就嚇親！個冬瓜豬骨湯真係有大大嚿豬骨喺度，湯底熬到奶白色，飲落去超濃郁但唔油膩，仲有淡淡冬瓜清香，打邊爐前飲咗兩碗都唔夠喉～野菌鍋就真材實料，有齊香菇、杏鮑菇同金針菇，菌香十足，同豬骨湯一濃一清配搭得剛剛好～高質食材：靚牛肉＋巨型海鮮牛肉油脂分佈靚到不得了，雪花紋理清晰，輕輕一淥就食得，入口牛味香濃又唔會太肥膩～海鮮方面真係要俾個like，海蝦大隻到成隻手掌咁長，蝦肉爽脆鮮甜；扇貝厚肉彈牙，完全冇雪藏味，我同朋友encore咗三轉～即製點心：完勝酒樓水準最驚喜係佢哋嘅即場製作點心，全部即叫即蒸～菜苗餃皮薄餡多，菜苗翠綠爽口～蝦餃晶瑩剔透，每隻都有成兩隻蝦；燒賣豬肉同蝦比例完美，頂頭仲有蟹籽～真心講，比好多連鎖酒樓嘅點心更好食，而且任食唔使就住就住～自助區多到眼花：蔬菜＋丸類＋甜品自助區選擇多到誇張，蔬菜有成十幾款～丸類除咗普通款式，仲可以自己落單，叫鮮蝦雲吞同埋鳳城水餃～最正係自家製甜品，試咗芒果布甸同涼粉，甜度剛好唔會死甜，食完火鍋嚟碗超滿足～貼心設備：每個座位有得投屏不得不讚佢哋嘅座位設計，每個卡位都有私人投，可以connect自己手機播劇～…查看更多

幾好食呢間小店 又有多款湯底揀嘅台式火鍋 我驚我唔過嚟寫食評 冇人知佢都算幾好食 同埋鍾意佢有啲台灣小食 有啲糖水幾好 我多數係食佢宵夜餐八點半後128嗰個餐 真係幾抵食 佢係個位置唔夠靚如果唔係我覺得應該會多啲人食…查看更多

呢間餐廳好多人食，建議訂位，環境舒適座位闊落，職員友善，我地叫左一個Set C，澳洲純血和牛片片都好大片肉質嫩滑，牛板腱肉質煙韌有咬口另外呢度比較特別有多款點心可以任食，蝦餃蝦肉涵料多，水晶包都有得食，叉燒包入面好足料，所有點心都即叫即蒸岩晒鐘意食點心又想試下每樣一件都得除此以外仲有多款配料丸類，蔬菜，牛腩，涵肉飯，豬手，甜品，飲品等可以響外面自取，小食推介炸花枝丸即炸脆卜卜，台灣腸外脆內軟，一個價錢食到甘多食物真係好超值…查看更多

除左火鍋之外，仲有點心任食，價錢由2百到3百幾就可以邊打邊爐邊食點心，抵到冇人有✨️至尊澳洲和牛火鍋餐湯底🍲台式牛肉湯拼菇菌湯，牛肉湯底香濃得嚟又唔會太膩，菇菌湯清甜，想食健康d就岩哂🥩 牛肉方面澳洲純血和牛油脂分布真係平均，食口即溶-澳洲無激素牛板腱肉味濃郁，咬落去有彈性- 牛五花趾膠質豐富，爽口彈牙🐓鳳爪炆得入味，啖啖都係香濃豆豉味🥛大良炸鮮奶外脆內嫩，奶香濃郁🥓排骨夠腍，仲食到蒜香味蝦餃晶瑩剔透，蝦肉爽口彈牙🐂牛柏葉爽口冇腥味，配埋辣椒油更加惹味。🐽燒賣肉汁豐富，豬肉同蝦肉比例啱啱好，唔會太肥膩金錢肚炆得夠腍，醬香味濃郁鹹水角外皮香脆，內餡仲好豐富另外自助區仲有唔同既丸類、蔬菜同熟食最後仲有每人一杯Haagen Dazs…查看更多

火鍋打邊爐和嘆茶食點心，都是香港人喜愛的飲食活動，這間位於屯門時代廣場的食店， 提供的台式火鍋和港式點心任食放題， 讓人一次過滿足不同的味蕾需求。點選了至尊澳洲和牛火鍋餐及皮蛋芫茜湯底，多款港式點心以供選擇，蝦餃、燒賣、鳳爪和排骨絕對不容錯過， 蝦餃皮薄透明，餡料新鮮。 燒賣肉質結實，鮮味濃郁，鳳爪和排骨肉厚嫩滑。還有鹹水角、粉果、菜苗餃、蠔皇鮮竹卷和金錢肚等， 每一口都充滿港式點心風味。芒果糯米糍和大良炸鮮奶， 甜香可口。台式火鍋肉類選用澳洲無激素牛肉，包括澳洲純血和牛和安格斯特級牛肉，還有牛五花、牛板腱、牛舌心和豬梅花等，肉質香滑。海鮮方面有虎蝦、鱸魚片、扇貝 、魷魚、蝦滑 、 墨魚滑和青口，台式小食椒鹽四季豆和梅香地瓜條，令 火鍋更加豐富。自助區有飲品 、蔬菜和多款丸類， 還有布甸仙草等甜品，更可選擇häagen-dazs雪糕， 讓這頓大餐畫上完美句號。…查看更多

屯門呢個打邊爐新寵 居然仲有點心任食？🔥** 喂！屯友有福喇～今次試咗「點滾鮮」個至尊澳洲和牛火鍋餐，真係驚喜到拍枱！**120分鐘**任食唔單止有靚牛，仲玩埋港式點心fusion，打邊爐同飲茶兩個願望一次過滿足👏 🐂和牛控必mark！佢哋嘅澳洲和牛片真係靚到發光✨ 油脂花紋靚到似藝術品，淥8秒食落**又滑又濃牛香**！仲要唔係得個樣，啲肉一啲唔韌，入口即溶嘅感覺真係食到停唔到手～湯底我揀咗**蕃茄薯仔豬骨鍋**，清甜到飲咗兩碗湯先肯落料啊！ 配料枱係「選擇困難症地獄」丸類全部高質過便利店貨式：**手打墨魚丸彈牙到跳舞**、蟹籽丸爆汁唔在講～最正係有齊晒鵝腸、魷魚鬚呢啲刁鑽料，連蔬菜都有成十款揀，啲粟米仲要甜過初戀🌽 **仲有勁多款醬料任你DIY**，由麻辣到蒜蓉油應有盡有！ 飲品櫃自由過超市！**汽水黨必搶百事可樂**、解膩首選紙包檸檬茶🍵、**仲有韓國直送嘅芒果汁**，甜到好似飲緊芒果肉咁！打邊爐一路食一路歎冰凍飲品，爽度爆錶❄️ 秘密武器：即蒸點心任點！火鍋配料未夠？點心部先係高潮！**蝦餃皮薄到見餡**、流沙包熱辣辣一咬**金黃瀑布湧出嚟**～鳳爪蒸得夠腍又入味，仲有脆皮春卷、香茜餃輪住上，同打邊爐夾住食超過癮！ 牛魔王+點心精集合喇！呢個餐抵讚在**冇將貨就價**，和牛靚料真材實料，點心即叫即蒸夠熱辣。最正係坐得舒服唔趕客，慢慢食足兩粒鐘～約班食肉獸friend或者family gathering啱晒！ 點滾鮮點心火鍋屯門屯合街2號屯門時代廣場南翼L2樓26-27號舖…查看更多

依間係點心火鍋放題，湯底都幾多選擇。有最普通嘅雞湯，亦有台式湯底。我地兩人去揀左冬陰功同酸菜湯，酸菜湯比較出色，唔會太辣。醬料都多😋😋😋。我地叫火鍋C 餐-至尊澳洲和牛火鍋餐（$348/2hr)2人同行可以有85折。我地每款牛都有試下，都係最鍾意澳洲和牛，之後就係安格斯牛。色水唔算好靚，但牛味充足，唔會話太肥。👍💕外面嘅自助區基本菜都有，放去湯底度好夾，同見菜都新鮮。點心方面都有唔同嘅選擇，我比教鍾意甜嘅點心，特別紅豆水晶包，口感同味道都好好。😋😋但放自助區嘅甜品有少少雪乾左。整體嚟講都好滿足，可以一試👍💕🥗…查看更多

同friend諗住食餐好既，又想打邊爐又想食點心，緊係黎「點滾鮮點心火鍋放題」可以滿足我地咁多個願望！✨呢度主打台式火鍋，最正係可以任食即叫即製點心，仲有台式小食，每張枱都有電視可以投屏自己中意既片，一路食一路睇，真係好chill～價錢又合理，性價比超高！ .今次揀左套餐C，任食兩小時，原價$358，而家仲有2人同行85折，折完人均$331，抵到笑！😆套餐C主打「至尊澳洲和牛」，岩晒我地呢班牛魔王狂歡～ .湯底揀左「老譚酸菜鍋」，酸香中帶微微麻辣，酸同辣平衡得好好，吾會一味得個辣字，比普通麻辣湯多左層次感，越滾越入味，淥肉一流！👍 .澳洲純血和牛油脂分布靚，入口即溶；澳洲無激素牛板腱肉味濃又有咬口。仲試左牛五花趾、上腹牛五花同牛舌芯，全部質素在線，encore左幾轉！🐷豬梅花同花雕雞腿肉都正，花雕雞酒香入味，嫩滑吾柴～ .點心同小食即叫即製，新鮮到不得了！🥟粉果皮薄餡多，入面既韭菜翠綠，仲有花生、菜甫同蝦乾，口感豐富到爆！🍠梅香地瓜條外脆內軟，甜薯味超香，仲好食過薯條！菜苗餃有大粒鮮蝦同嫩菜苗，鮮味十足。🥢鹹水角炸得香脆，酥炸花枝丸彈牙有嚼勁；蒸排骨嫩滑入味，奶皇包流心濃郁，款款都令人想encore！ ,自助區勁多料揀，南瓜、白玉菇、鮮香菇、金針菇、牛百葉、墨汁丸等等，仲有熟食五香牛腩同香鹵豬手，入味又軟淋，打邊爐之餘仲可以食埋小食，超滿足！😋 .最後每人送一杯Haagen Dazs雪糕，完美作結！🍦自助區仲有芒果布甸、愛玉同陳皮紅豆沙等甜品，可惜太飽食吾落。整體黎講，呢個價錢有咁多選擇，仲要質素吾差，絕對會再黎！ …查看更多

閒日夜晚兩條友去咗屯門食台式火鍋配港式點心放題，都幾多人。 環境同服務餐廳環境乾淨企理，枱與枱之間唔算太密，坐得幾舒服。職員態度好殷勤，落單、加水、收碟都好快手。 火鍋食材 虎蝦都幾大隻、鱸魚片滑捋捋，扇貝、蝦滑、青口、魷魚等都好有鮮味。餃類選擇不少，台式蛋餃、菜苗餃、凰城鮮蝦水餃、鮮蝦餃，特別推介鮮蝦餃，滿滿蝦肉超正。蔬菜同菇類新鮮，響鈴炸得夠香脆，放落鍋煮一煮，吸晒湯汁。 港式點心酥炸杏鮑菇外脆內嫩，熱辣辣食好香口；港式水晶球（紅豆蓉味）煙韌；大良炸鮮奶外皮酥脆，入面奶味濃郁；芒果糯米糍軟糯，芒果餡香甜；香滑奶黃包熱辣辣juicy！ 雪糕 食完熱辣辣火鍋，食返個哈根大師收尾，perfect！ 價錢同抵食度 我哋選擇火鍋C餐，原價人均$348，做緊二人同行85折，加10%服務費，總共$661（人均$331）。呢個價錢食到咁多新鮮海鮮、手工餃子、港式點心同埋哈根大師，放題形式任食，CP值高，兩個麻甩佬食扶牆。 p.s. 大部分枱都有個mon可以玩投屏，免費wi-fi可以找職員協助config…查看更多

屯門「點滾鮮」火鍋點心放題｜$348雙重盛宴，舌尖上的極致享受✨ ✨ 創新組合：火鍋與點心的完美邂逅 「點滾鮮」打破傳統框架，將高質火鍋與手工點心巧妙結合。$348的 C餐「至尊澳洲和牛火鍋餐」，不僅能品嚐六款頂級牛肉，更可免費升級點心放題，創造出獨一無二的美食體驗。 🥩 頂級牛肉盛宴：六款風味一次滿足 - 澳洲純血和牛：細膩的油花分佈，入口即化，散發濃郁脂香 - 牛五花趾：筋絡分明，口感爽脆，肉味鮮明 - 安格斯牛肉：肉質緊實，帶有堅果香氣，涮煮後風味更顯層次 - 牛舌芯：薄切處理，彈牙多汁，簡單蘸鹽便能突顯原味 試了個新湯底「冬瓜豬骨白湯」🍲，清甜不膩，完美襯托牛肉的鮮美。 🥟 手工點心驚喜：現點現蒸，品質保證 點心絕非配角，而是另一場味覺盛宴： - 蝦餃🦐：外皮薄透，內餡飽滿，整隻鮮蝦爽口彈牙 - 金錢肚：滷煮入味，軟嫩中帶嚼勁，風味濃郁 - 鳳爪🐔：膠質豐厚，醬香滲透，一吮即脫骨 和牛與手工點心同時滿足，每一口都是驚喜💖。…查看更多

最近同朋友去咗屯門「點滾鮮點心火鍋」晚市C餐，揀咗蕃茄鳳梨湯同蟲草花雞湯做湯底，驚喜程度爆燈！蕃茄湯酸甜清新，滾完海鮮特別提鮮，鳳梨更係畫龍點睛。蟲草雞湯就濃郁養生，滾牛肉同豬肉都好夾，入口仲帶少少藥材香，冇預期中咁重味，好啱鐘意清淡嘅朋友。配料方面依然精彩，和牛、安格斯牛板腱都嫩滑無筋，連花枝丸都炸得香口唔膩。點心真係無得輸，蝦餃燒賣都係即叫即蒸，皮薄餡靚，仲有金錢肚同韭菜餃咁懷舊嘅款式，夠晒港味。蝦餃燒賣唔止蒸，依度一樣得，夠創意！甜品方面我最愛香芋椰汁西米露，椰香濃郁又唔會過甜，加埋Haagen Dazs雪糕一人一杯，真係完美收尾。仲可以連手機睇片，真係打邊爐界新體驗！推介比鍾意啲有心思火鍋放題嘅朋友！°°°°°°°°°°°°°°°°°°°°°°°°°°°°°°點滾鮮點心火鍋📍 屯門屯合街2號屯門時代廣場南翼L2樓26-27號舖樓#MrsLong #hk #hkbloggermama #Longs #mamablogger #香港美食 #餐廳推介 #hkfoodie #親子好去處 #假日好去處 #香港探店 #foodieshk #hkigfood #tasteofhk #hkfoodlovers…查看更多

很久沒有「擦餐勁」，來到 7月生日月，總要對自己好一點，隨心所欲滿足口福！  友人帶我來到位於屯門時代廣場的《點滾鮮》，享用任食放題。這家台式火鍋，晚市台式火鍋除了美味牛肉、台式小吃，還有港式手工點心任食。  還是第一次吃火鍋同時享用港式點心，可以一次過滿足兩個願望，而且點心選擇也不少，即叫即蒸，當中更有我喜愛的蝦餃、燒賣，以及菜苗餃、蠔皇鮮竹卷、排骨......等。就連甜點也有提供，我們點選了港式水晶球，分別有蓮蓉味及紅豆蓉味。特別推薦大良炸鮮奶，外酥內軟，外層金黃酥脆，奶凍滑滑嫩嫩，散發出濃郁奶香，口感綿密滑順，令人一吃難忘！台式小吃方面，個人特別喜愛梅香地瓜條，口感鬆軟香酥，地瓜肉份外甜美，加上甘梅粉的酸甜可口，味道水準真不俗。湯底方面，我們選了鴛鴦鍋，分別是養身雞湯，及新推出的皮蛋芫荽肉片湯。兩款湯底都相當足料。 吃火鍋，牛肉當然是主角，《點滾鮮》選用澳洲無激素牛肉，提供優質風味，還有多款選擇，而我們主要點選：澳洲精選無激素牛板腱、澳洲純血和牛及安格斯特級牛肉。個人特別喜歡澳洲純血和牛，不但可以品嘗到和牛的獨特香氣，而且口感軟嫩，卻又不至於吃多了會有膩口感，相當味美！海鮮方面，當然不能錯過虎蝦及扇貝，份量大，又新鮮，下鍋輕勺已相當鮮味。吃火鍋吃到飽，也要吃得健康，當然少不了要加點蔬菜，自助區內有這麼多選擇，相信也能滿足不少食客需要。自助區內設有兩個大鍋，當日黃色鍋內是甜品熱南瓜西米露；而黑色鍋內是五香牛腩，熱烘烘的，我選了五香牛腩，牛腩肉質軟腍，香濃入味，鮮嫩多汁，又不會太膩，絕對值得一試！自助區還有大大個雪櫃，提供多款飲品選擇，當中有不少大熱產品，而我，就試試新野 - 番石榴‧檸檬‧綠茶，酸酸甜甜，味道也不錯，有機會大家也不妨試試喔！值得一提的是，飲品櫃內藏了細細杯的法式布蕾，味道有點像我喜愛的雞蛋布丁，味道相當不錯喔！大家千萬不要錯過！完美作結，最後當然要來杯冰凍味美的雪糕，這裡有數款 Haagen-Dazs 供食客選擇，太幸福吧！環境方面，以木系為主，搭配淺灰色沙化，簡約時尚，充滿家的感覺！有趣的是，部份位子更附設電視機，食客可以自設投屏，友人更笑言：「早知設計一段慶生短片給你！」晚市放題套餐設有三個等級，有90分鐘及120分鐘可供選擇，價錢由$158起。我們點選的是C套餐 (每位$348)，二人同行，還可享有八五折優惠，性價比相當高！  …查看更多

今晚同朋友去咗間火鍋店打邊爐，揀咗個冬陰功湯底，嘩，個湯底真係夠晒惹味！酸酸辣辣嘅味道，一入口就令人精神一振，完全係味蕾嘅盛宴！湯底嘅顏色鮮豔，紅彤彤嘅，睇落已經好吸引。除咗湯底，我哋仲叫咗好多嘢食。首先係肉類，有牛肉、豬肉同雞肉，每款都切得薄薄的，好容易熟。牛肉嘅油花分佈均勻，入口嫩滑；豬肉肥瘦適中，唔會太膩；雞肉亦都鮮嫩多汁，簡直係完美配搭！除咗肉類，我哋仲叫咗啲油炸小食，例如甜不辣、梅粉地瓜同炸青豆。呢啲小食炸得金黃香脆，外脆內軟，蘸上少少醬汁，更加滋味！特別係炸青豆，鹹香可口，令人停唔到口！另外，我哋仲叫咗一碟蔬菜，有番茄同生菜，用嚟平衡下油膩感，啱晒！蔬菜新鮮爽脆，口感一流！總括嚟講，呢餐火鍋真係好滿足！冬陰功湯底夠晒惹味，肉類新鮮嫩滑，油炸小食香脆可口，蔬菜亦都新鮮爽脆。價錢方面都算合理，下次一定會再嚟！強烈推薦俾大家！…查看更多

呢間任食火鍋表面上話任食，但實際上每款食物最多只可以叫20碟（唔係每次落單，係總共，佢哋職員講嘅），每樣食物加起嚟都有限制，令我同朋友都好失望。本來想食餐開心火鍋，最後覺得好失望，決定以後都唔會再嚟，亦唔推薦俾朋友試（以前推薦過比其他朋友，我亦會同佢哋講番呢個情況）。…查看更多