影片
营业时间
今日营业
08:00 - 22:00
星期一至日
08:00 - 22:00
以上资料只供参考，请与餐厅确认详情
放假同同妈子饮茶～呢度茶钱只系$5位超抵食～👉🏻虾肠呢度啲虾肠有少少烟靭，好特别口感好好。👉🏻笼仔凤爪排骨饭标榜用丝苗米蒸饭，落左单等左15分钟左右，饭粒香软，唔太湿有咬口，仲有米香。依家唔系只只米都有米香。排骨凤爪腌得好，送饭ichiban。👉🏻烧卖叫左两粒过下口瘾，烧卖有粒大虾仁，新鲜弹牙，咬开系手切肉片，心机嘢。👉🏻鲜虾春卷春卷即叫即炸热辣辣，无油淋淋，干爽脆口。啖啖虾肉性价比高。
继续阅读
今日黎到油麻地揾食，比我地发现左呢间餐厅，就入去试下啦，服务员热情既招待，好快就入去坐，平日都好满座。好采今次唔使等岩岩有位。首先点左烧汁酿虎皮椒，有成四大条，卖相都十分吸引，烧汁令味道更加提升，更野味。而且唔会好油腻。口感一流。再叫多个荔枝虾球，真系成粒荔枝咁，外面一层红色既脆脆香脆可口，中间系虾滑同荔枝碎整到一个球咁，外脆内软，唔错👍值得一试。我最欣赏系呢个芥末芝士糯米鸡，呢个系我既最爱，面上有厚厚一块芝士再加沙律酱，味道更加丰富。真系好好味。必食之选。$36蚊就食到，非常抵食。世界级享受。跟住再叫多个生滚荔湾艇仔粥，呢个粥底好帛，有几块鱼片，味道口感一流。值得一试，份量十足。再叫多个榄仁榴梿酥，炸到金黄色既外皮，皮薄馅靓，好香浓既榴梿味。非常新鲜。重叫左五香咸水角，烟烟韧韧既外皮，而且唔会有油膱味，都系几唔错既选择。最后试咪个虾饺，皮薄馅靓，大大粒一啖一口，非常过瘾。口感一流。
继续阅读
今日夜晚黑先想食点心，去咗油麻地嘅点心到，由朝到晚都有茶饮！✅✅✅烧卖 🥟 皮薄馅多，猪肉鲜嫩弹牙，味道香甜，入口多汁，系经典点心必点！潮州粉果 🥡 外皮晶莹Q弹，内里鲜虾同猪肉鲜味十足，口感丰富又弹牙，好有潮州风味。酱皇金钱肚 🐄 牛肚炖得软腍入味，酱汁香浓带酱香，口感弹牙滑嫩，滋味浓郁。四宝滑鸡扎 🍗 鸡扎肉质滑嫩，配料丰富入味，味道鲜美，系餐桌上嘅滋补佳品。韭黄鲜虾肠 🌿🍤 肠粉皮滑细嫩，包住爽脆韭黄同鲜虾，清新香口又富层次，食一口就爱上！鲍汁凤爪 🍗🐚 凤爪酱汁浓郁，慢炖入味，肉质软糯又带胶质，鲍鱼汁提香，食完回味无穷。虾饺 🍤 晶莹剔透嘅皮包住鲜甜虾仁，口感爽弹多汁，好似一口海洋嘅鲜味。基本上都唔算贵，而且全部手工作，最欣赏佢系虾烧卖有2只2只咁叫✅✅
继续阅读
朋友喺外国返嚟，就系咁话要食点心，终于俾我揾到一间夜晚都有点心食嘅餐厅。香脆明虾红米肠肠粉眩惑，内𥚃嘅油炸鬼好酥脆，而且包著新鲜嘅虾肉，咬落去有一种鲜甜嘅口感，朋友大赞。鲜竹牛肉球牛肉球外表滑溜，口感弹牙，咬落去有层次感，识食嘅一定要点喼汁食。榄仁马拉糕马拉糕松软湿润，口感轻盈，味道甜而不腻。笼仔凤爪排骨饭个饭又荷叶垫住，饭特别香喷喷，凤爪入味，排骨软嫩，整体好出色。潮州粉果粉果皮薄而韧，咬落去有弹性，内里馅料鲜美，带有一点点的香菜味，清新又开胃。虾饺虾饺皮薄透，里面嘅虾肉鲜甜，口感滑嫩。五香咸水角咸水角外皮酥脆，内里馅料香浓，咬落去有种香脆同咸香嘅完美结合，令人一口接一口。
继续阅读
见咁多人食就入去试吓 点知中大伏 同朋友都表示好难食 个程度系请都唔去首先见做紧宣传都系做follow 𠮶啲就送杯冻柠茶 一饮 咖啡味嚟 明唔明𠮶吓知道系冻柠茶 一饮落去系咖啡味有几冲击？我以为自己味觉问题 叫朋友一饮 朋友唔饮咖啡的 佢饮完即刻揦埋口面 根本完全咖啡嚟 但我又见入面系有柠檬即刻觉得好呕心 第一下谂会唔会系二手😖😖之后就谂佢应该冲错个底？叫个店员佢仲好愕然好似唔想换咁 我心谂我仲愕然过你呀…最后咁简单嘅事 竟然要个老细行埋嚟亲自叫啲员工冲过杯佢哋先肯做嘢 真系呆晒 唔通一杯送嘅冻柠茶我哋都呃你？同埋送嘅都可唔可以唔好咁求奇跟住陆续上菜 菜苗饺三粒有一粒菜都冇 其余两粒就少量啦 然后入面就得虾 大佬我就系钟意食菜苗饺 冇菜嘅我不如叫返虾饺？之后见枱枱都叫荷叶饭 嗌个试吓 但佢根本就系将凤爪排骨饭转咗个器皿上 可以话完全冇荷叶香又嗌咗一个炸两唔似炸两只系有啲萝卜冇乜料嘅脆皮肠 见佢推介咪试吓 点知入口就系一大pat浆咁系唔知自己食紧啲乜流沙包入面啲流心系水咁嘅质地 完全唔系沙状 我哋觉得都唔系咁好食 但比起其他已经算正常了 另外其他都系一般 冇特别好食或难食 但总括嚟讲服务同难食嘅程度下次真系请都唔去 用心整点心小店大把 冇需要喺度受难😂
继续阅读