黔知味牛肉米線

黔知味牛肉面（$45）可选不同辣度，要咗BB辣。汤底味道浓（以原牛骨熬制汤底），并不是死咸，BB辣轻轻吊起辣味，配埋芫茜葱，再加枱面嘅花椒粉，味道层次更丰富。牛肉薄切，小片，但好多片（应该都有十数片），牛味一般，质感偏嚡。面条似幼版米线，滑溜兼有些少弹性。黔知味蹄花米线（$46）同样要咗BB辣，汤底系同一款。蹄花即系猪手，有两大件，炆得极腍，食落欠缺口感，味道普通。米线口感比面条多啲。黔知味夜郎糍粑：三色糍粑（$22）本来系糯米、玉米、高粱各一件，但无玉米，所以要咗两件高粱。即煎，外层脆身，里面软糯，加埋花生碎、黑白芝麻、椰丝碎、黄豆粉、黄糖浆，多重味道加口感，味道不错。但糯米（白色）同高粱（深紫色）味道有咩分别就食唔出，但糯米口感比高粱就滑少少。黔知味大定玫瑰冰粉（$22）冰粉口感类似凉粉/爱玉，但本身完全无味。配料加上糖浸玫瑰花瓣、提子干、山楂碎、糖莲子碎、花生碎、黑白芝麻，整体味道淡酸带甜，第一次食几有趣嘅。…查看更多

汤面简直就系行几步就有一间，我自己系好钟意食米线嘅，以前会食麻辣汤底，近排唔食得辣，所以就拣啲清汤米线！今次嚟到呢一间食牛肉米线嘅店，虽然选择唔系特别多，但系都好有惊喜咁！佢嘅招牌牛肉米线，米线偏粗，有口感，最钟意系佢嘅汤底，牛骨煲出嚟嘅，唔可以话超浓郁，但系浓厚度适中，食米线啱啱好！佢嘅牛肉系好薄嘅薄片，几特别！另外几钟意佢嘅冰粉，佢嘅冰粉会有一种玫瑰香，有啲提子！佢个底就唔系好甜嘅糖水，但系配埋提子食同埋啲花生配料，我就觉得啱啱好！…查看更多

放工同老婆路过，见有间食店门外排哂长龙，行埋去八卦下，原来排紧台湾食店。见隔离𠮶间店铺相对人少，又有D肚饿，又吾想排队，即管入店一试，店名叫黔知味，完全吾知系食咩菜。叫蹄米线（问过老板娘，原来系猪脚)、宣尉府豆干。猪脚非常淋。豆干一定要点辣粉食。最后叫咗碗酒酿丸子加蛋，好好味，忍吾住再叫多一碗，正！吾明此店味道吾算差，为何食客相对少？所以要为佢写这篇食评！希望为食嘅香港人都可以比机会小铺，尝尝不同嘅味道！…查看更多

见到有新餐厅就试试！黔味牛肉面唔系好多地方有得食，真系几有特色！我地就叫左个黔知味牛肉同蹄花米线！估唔到个牛肉份量都几多，舖满左成个碗面，而且薄切够吸汤！蹄花就即系猪手，煮得好炆好入味，仲啖啖肉又够滑！呢度既云吞系限时供应，粒粒够大粒，肉汁满满！小食叫左个怪味牛肉，配上酸酸既酱汁同辣椒粉！ 都几特别！甜品我地叫左酒酿小丸子+鸡蛋，热辣辣即刻整，好香桂花味，又唔会太甜，食完暖笠笠！另外都会有d特色饮品好似什果宾治，价钱又唔太贵！平民之选…查看更多

最近去荃湾试了家叫黔知味的牛肉米线，真系好惊喜！这里的食物新鲜得无话可说，牛肉又嫩又滑，米线的口感也超级Q弹，汤底浓郁，喝一口就觉得好满足！黔知味牛肉米线牛肉的味道非常足，搭配米线真系一流。而且份量都好大，性价比高！黔知味肉碎燃干捞米线肉碎的味道香，让人一口接一口，根本停不下来，配上特别汁，正！另外，餐后的酒酿小丸子也好好味，软软的，还带点酒香，吃起来又甜又香。再加上他们的凉拌海带，凉拌青瓜和凉拌木耳，整体的搭配真系清爽又开胃。黔知味牛肉米线不但食材新鲜，味道好，还非常划算，地点又方便，无论工作日午餐或者周末约朋友，都好适合。下次再有机会，我一定会再来！！…查看更多