黃珍珍泰國菜館

营业中

休息中

一早就開始規劃去黃珍珍食餐正宗泰國餐，周六帶上老婆亞女同亞仔，先在九龍寨城公園玩到十二點，然后去打鼓嶺道的黃珍珍菜館，坐下來之後，熱情的姐姐就招呼我們茶水，老婆大人點了四樣特色菜：菠蘿炒飯，蝦片鷄，馬來盞通菜，冬陰功湯，本來還想再點的，心想吃完再點畢竟每道菜都過百元，相對我們來說，算很貴的，吃完之后果斷不再點了，尤其是冬陰功湯，酸得嚟又咸，碗仔細細，過百元，老婆飲咗一啖，其他的我勉強飲落肚，通菜太老，亞仔咬唔到，除咗貴之外，沒有任何留戀！老婆和我的感受是：僅此一次，盛恵462元。

呢幾日放假，老爺班兄弟姊妹同啲仔女到港遊四日三夜，租咗酒店喺沙田帝都，之前二日就先聚下食飯暢談，去啲近地方一遊，今日老公租左旅遊巴港島一日遊，行程好急早上先到車公廟，黃大仙同庤蓮淨院，午餐就回爺家附近酒樓，下午就到山頂，淺水灣同金紫荊廣場，因星期六難搵食，晚餐諗住喺帝都自助餐，但有長輩反對話食唔到又浪費，最後姑姐提議出九龍城食泰菜，叫咗個12人餐但18個人連二個小朋友，諗住唔夠另加可能唔太啱食她們就話夠，好似二款柚子大蝦沙律同木瓜絲沙律就無人食連小朋友都唔喜歡好浪費，但呢個餐都好夠食，食得飽部份食物都幾好，招呼都唔差，因有老人家同小朋友，好多辣嘢都幫我哋改唔辣或好少辣，蝦同法包個個都話好食，雞味道幾好但肉質感覺唔太新鮮，芒果炒飯都好好味

家人食晚飯。來到這裡點了生菜包，螺片豬手，串燒，咸魚椰菜苗。第一次來這間店食。裝潢好新。一坐下來就有人會送水。6:00pm坐低。人唔算多。菜式都好多。不過點得多左啦。下次再點榴連椰汁糯米飯

泰國菜之中垃圾食物 豬頸肉不是燒 好像微波爐叮熱变豬肉乾俾你哋食 通菜油到無人有 青咖哩牛腩不像青咖哩的 吃在一口是另外一個黄咖哩味精道 柚子沙律嗰個更加難食 黄珍珍試過一次不敢回頭再去食

開年喇! 果然開年食泰菜就是輕鬆自在。雖然餐牌設計改版了，trendy 了，但食物味道仍能保持水準。家人對傳統泰菜有較大興趣: 明爐蒸烏頭魚、沙嗲串(豬、雞)、馬拉盞炒通菜、炸蝦餅、菠蘿炒飯。明爐蒸烏頭魚鮮甜，斤兩十足，肉質嫩滑，肉丸收了湯汁和魚的精華，更是鮮味，蘸上特製醬汁，味道更分層。沙嗲串烤得剛好，醬汁粒粒花生，食落多加幾分花生香。通菜翠嫩，馬拉盞辣度剛好，非常惹味。炸蝦餅是全晚焦點，外表金黃香脆、厚身，啖啖蝦肉，爽口彈牙，蝦片亦脆口誘人，但要小心燙嘴。菠蘿炒飯炒得粒粒分明乾身，配料充足:腰果、肉松、提子乾、雞肉粒等，但略嫌菠蘿不夠多。飯後固然少不了甜品啦! 芒果糯米飯芒果香甜而不太腍、黑白糯米飯的煙韌口感加上雪白椰汁讓味覺昇華。芒果糯米糍外皮恰好，不會太厚，芒果肉豐富鮮甜，椰絲清香，讓人愛不釋口。

想食泰國嘢當然係去九龍城啦！而有多年歷史既黃珍珍泰國菜館都算得上係九龍城嘅地標。九龍城你家黃珍珍有三層，可能係平日嘅關係地庫嗰層今日係冇開架..一入到去餐廳其實所有侍應都係唔會理你，自己搵到位就可以坐低。講服務質素其實都真係冇乜。鮮蟹肉南瓜美羹點左個細嘅我同朋友兩個一人都可以大概飲到三碗。泰式金邊粉唔算特別出色，但係不過不失雜錦串燒呢個我就覺得麻麻喇...啲肉咬落去好似好銀同好于馬拉盞炒通菜我最欣賞就係呢個..吵得真係好好食仲要啱晒唔係好食得辣嘅我。總括來講..唔算特別抵食..但食物嘅質素都唔差。

依兩位員工態度極差 因為一家大細有小朋友係到 所以廢事當場大吵大鬧 所以只好係依度寫低發生咩事。首先 一開頭因為有bb車 袋各樣東西 所以將啲嘢搵張櫈放好係隔離 然後突然食食下飯 有人要係隔離張枱食飯 依個時候男嘅個位員工已經用好差嘅態度叫我地移開啲嘢 更加拎起我地嘅嘢直接想移走 然後我地都好自覺咁移開哂啲嘢 但神奇嘅係 因為間鋪無乜人 其實已經唔明點解一開始要安排班人坐係隔離張枱 最後嗰班人係去左第二張枱坐。頭先嗰件事都係小事 我地都無理會過 但之後更加嚴重嘅事就發生 我地叫左條烏頭 佢有個爐 然後上面會一路煮住啲湯/汁 其間因為嗰湯幾好飲 所以我地大家都有'筆'尼飲 加上個火不停煮住所以好快無哂 神奇嘅事就尼啦 因為見佢就快乾 所以叫佢加啲湯 竟然男個位員工用極差同大聲嘅語氣過尼話:「我地啲湯有限 唔可以比你地咁樣飲！」我地嗰時即刻話咁唔洗 然後佢繼續不停講話依家只會幫我地加多一次 我地講左好幾次唔洗佢先收口 其後唔知有心定無意 不斷與隔離位女員工望住我地傾計 持續好一斷時間 長期嘅視線望住我地食飯 令我地都食得好唔舒服 望翻過去 都係繼續望過尼 雖然我知你間鋪靜 都唔需要望住客人

想起食泰菜...第一時間就諗起九龍城老字號《黃珍珍》泰國菜館。對上一次去食...都差不多應該係七、八年前！今次再來，雖然餐廳環境依舊變化不大，但感覺服務質素就大不如前！晚飯時間八點有多...都只係有兩、三枱食客！至於食物方面，還算 Okay！兩個人食...order 咗一個冬陰公湯、兩個餸(包括香芒炒雞柳同鮑汁螺片炒椰菜苗)、一個炒金邊粉、同一個甜品(泰式楊枝金露)。個人覺得除咗香芒炒雞柳做得比較出色！其餘的...沒有什麼特別，味道還是一般！

今次喺九龍城食黃珍珍大約八點半左右到都要等一陣先至有位又係咁啱次次你呢度都落地牢， 冇所謂啦叫咗個套餐 套餐有啲咩食呢 泰式燒雞 冬陰功湯 泰皇炒通菜 咖哩炒蟹 炸 蟹鉗仲有幾個豬仔包 飲品方面我叫咗杯椰汁冰朋友叫咗的珍多冰椰青檸梳打 燒雞唔錯入味 冬陰功湯又唔酸又唔辣唔好飲 通菜可能係全晚最好食嘅因為最快食曬 ， 蟹鉗其實唔係好多肉全隻包滿蝦膠 咖哩炒蟹大約都有兩隻炒得幾好唔錯 咖哩好香椰汁味點豬仔包食絕配 飯後甜品有糯米糕 椰汁糕 甜品反而幾好食， 各位如果下次去到可以選擇散叫不一定要叫套餐。

串燒好硬，燒雞超乾，蝦餅唔新鮮，咖哩蟹無味.....只有啲炸蝦片好味啲之外，様樣差曬.....黃珍珍你發生咩事。同幾年前嘅水準差好遠。求其去九龍城啲泰國鋪仔仲好味⋯⋯

黃珍珍係香港開左廿幾年，真係細細個就聽過佢個名喇，今日放假同朋友去開九龍城，就試下有咩咁巴閉。三個人叫左四樣野食，份量岩岩好唔會太飽。馬拉盞通菜 :食泰國菜必點菜式之一，通菜用微辣既馬拉盞炒得香口，唔會炒得太老，食落仍然鮮嫩，但同一般炒通菜一樣，食到最後都係比較油膩。串燒沙嗲 :雞同豬每樣叫左三串，咁每人可以兩樣都試下。串燒即叫即燒，上檯時香味濃郁，點埋秘製沙嗲醬，兩串真係唔係幾夠喉。泰式炒金邊粉 :除左菠蘿炒飯，炒金邊粉都算係比較熱門既泰菜。金邊粉配料豐富，有豆腐干，芽菜，肉片同花生碎，撈埋一齊食，感覺好滿足。青咖喱雞 :咖喱相當香滑，雞肉亦煮得入味，由於覺得配麵包好似更夾，所以叫左一籃法國麵包，用麵包點汁食，咁就唔驚浪費左d咁好味既咖喱汁啦。食完主菜後，覺得爭咁d野咁，就梗係叫返個甜品啦。叫左一份芒果椰汁糯米飯，芒果鮮甜，配埋我最愛既椰汁糯米飯，為呢餐泰國菜畫上完美句號。

今晚要同幾位長輩食飯，九龍城眾多泰國菜之中揀左黃珍珍，貪佢就腳、唔洗等位同坐得舒服，但結果係後悔選擇左呢度。老實說水準真係好一般，價位亦唔低，唯一要讚的就真係座位比較闊落，同店員會主動斟茶遞水。（當然呢個服務已經包括在加一服務費內）酸辣鳳爪（$78）：鳳爪唔係好入味，亦有點硬串燒沙爹（豬、牛、雞）半打（$102）：價錢不便宜，而最大問題係唔熱唔似燒過咁，我地5人食都食剩了泰式炒椰菜苗（$88）：比較可取的一味餸菜，味道不過不失蝦羔炒飯（$98）：炒飯可以炒到冇鑊氣，我地食到一半又放棄了辣椒膏炒蜆（$108）：辣汁都幾惹味，不過用上大蜆有點浪費，可能用細蜆會更索汁呢冬蔭功湯（M:$208）：每人有一碗湯同一隻蝦，味道還可以啦整體感覺係比以前差左，實在好難在泰菜雲集的地區中突圍

今晚family gathering. 好耐冇試黃珍珍，味道一般⋯記得以前好好味，衣家冇哂風味，連㤗式美食都好味過佢好多，價格又貴過人，連串燒都冇水準，又硬又嚡⋯😓😓😓

記得細個過黎食嘅時候 印象中係非常好食嘅泰國菜最近有一次同朋友經過九龍城 諗翻起黃真真就嚟咗呢度食啦食泰國菜唔少得嘅梗係生蝦啦 呢度嘅生蝦擺得好靚 都尚算新鮮 係唔錯嘅😊😊😊之後仲帶叫左個豬頸肉 佢就連埋啲蝦片一齊上都燒得幾好食 係唔會死嘅菜式之後仲叫左平時係中式食肆無得食嘅椰菜苗呢度椰菜都炒得唔錯啱啱好最後仲叫咗我最鍾意食嘅明爐烏頭佢連埋個冬陰公湯一齊煮真係唔錯嘅最後仲有個芒果糯米糍我覺得整體水準比以前差左少少 以前食落係 嘩 真係好好食依家就覺得都幾好食同一般泰國菜冇乜分別但價錢就貴左少少 下次會寧願試新餐廳都唔會返黎

黃珍珍聽亦聽得多啦，要食好味嘅泰國菜就要食佢，不過我十五分鐘生活圈嘅我，係事無幹又點會離開我嘅comfort zone呀，而今日好好彩，約左朋友食晚飯，咁啱佢又喺附近返工，喺佢建議之下，我地去左食呢間傳說中嘅黃珍珍喇~~一入到去，整個嘅裝修以棕色為主，營造泰國純樸原始嘅氣氛，燈光昏暗，配合色系，而盡收眼底嘅係一張張大枱，可以坐八至十個人，我心諗，唔通兩個人要坐咁大張嘅枱，唔通講野要好似朗誦咁! 不過好彩原來黃珍珍有兩層嘅，下面個層就有啲細枱，所以都無咁驚!!食泰國野，當然就唔少得叫泰式生蝦沙律喇! 呢個生蝦有分大細兩個size，細嘅就有六隻蝦，大嘅就有十二隻，價錢一啲都唔平呀，細嘅都要成百幾，大嘅就要二百幾!!我地就要左個細嘅，滿心期待食佢個生蝦啦，點知食落去無咩鮮味，如果唔點醬食架話可以講係無味可言，真係有啲失望不過佢個泰式醬料就真係幾正宗，我啲泰國親戚整嘅都係咁嘅味，如果好似我咁怕辣嘅朋友仔就唔好點咁多，因為真係幾辣下咖哩都係食泰國菜唔少得嘅菜式，我地又點會唔叫呀，佢有青、紅、黃咖哩可以揀，我地就揀左個黃咖哩牛腩，呢個菜都幾好味，黃咖哩只係微辣，好適合我呢啲唔係好食得辣嘅朋友😊 而