麻辣香鍋

营业中

休息中

招牌香鍋（微辣）：鑊氣爆棚，香辣味攻鼻，🥰食落又唔會太嗆喉！肥牛香滑，🐤雞軟骨爽脆到"嗦嗦"聲，脆蘿卜索盡湯汁，午餐肉煎到焦邊最惹味，🦐海蝦鮮甜彈牙，成鍋好滿料~京蔥羊肉（配6張麽麽皮）：羊肉片炒到啱啱熟，🐑又嫩又惹味！京蔥段半透明，清甜辟羶仲帶焦香～重點係熱辣辣嘅麽麽皮！薄到透光，🥢捲住羊肉大葱一啖咬落，肉汁夾住麵香飆出嚟，香噴噴！口水雞：紅油浸住雞件，雞皮金黃色，🧊肉質冰涼滑溜，麻油同花椒濃厚，芝麻同🥜花生碎的咔咔脆，甜辣吊癮，微辣舔脷。

喂！各位食肉獸同辣痴注意喇～ 砵蘭街呢個龍蛇混雜嘅美食戰場，竟然收埋間「麻辣香鍋」寶藏店！地址係198號地下（認住霓虹燈招牌閃到盲就係），今次同班餓底兄弟掃咗四道招牌，食到拍枱叫安哥啊！🔥秘製撲青瓜($38) 一上枱就知唔簡單！青瓜俾人「撲」到裂哂紋，索盡蒜蓉辣椒油，咬落「嗦嗦聲」爽過打機通關！酸辣汁仲識後空翻㗎，喉嚨涼浸浸尾韻衝上鼻腔～ 朋友食到眼淚鼻涕齊飛仲要搶多件：「頂！呢碟係青瓜界葉問呀！」👊臘肉炒花菜($68) 臘肉靚到發光！肥膏位晶瑩似琥珀，瘦肉鹹香到令人想唱《我的驕傲》🌹 花菜索哂臘肉油香，咬落「咔嚓」一聲仲脆過薯片！最抵死係碟底啲油撈飯... 阿媽我對你唔住，今日要破戒食三碗飯！🍚💥金湯酸菜魚(例牌$188) 個湯底癲㗎！用南瓜茸同雞湯打底，金黃色靚到可以自拍打燈📸 酸菜脆卜卜醃到入魂，魚片多到似潛艇，滑嘟嘟一啲骨都冇～ 飲啖湯先至高潮：酸香得黎仲識得同你按摩喉嚨，我班朋友爭住舀湯倒落飯碗，成枱人變晒啄木鳥！🐟✨白飯(15)咪睇小佢！用瓦煲上枱熱辣辣，飯粒企過紀律部隊🍚💂 後記： • 店員姐姐超霸氣！見我哋辣到噴火，靜雞雞送咗壺「菊花露」（仲要係冰鎮！）🌼結帳先

麻辣香鍋是我一間很喜愛的餐廳，每次經過旺角，想不到吃甚麼，它都會是我的首選！因為麻辣香鍋，實在能為我帶來麻辣刺激口感！招牌香鍋（醬香）鍋底濃郁，香氣四溢。配菜方面，我們選了新鮮鮑魚，口感鮮嫩，帶有海洋的清新；五花肉片則肥瘦相間，肉質滑嫩，吸附鍋底的醬汁後更添風味。牛百葉的口感脆爽，鮮腐竹則增添豆香，花菜的清甜則平衡了整體的油膩感。這道香鍋既豐富又滿足，適合各種口味的食客。而黃金蝦球是我必點摯愛！蝦球外酥內嫩，裹著金黃的脆皮，每一口都能感受到蝦肉的鮮甜和香脆的口感。這道小吃不僅色澤誘人，還非常適合作為開胃菜。前菜香辣魚皮的脆度恰到好處，搭配香辣的調味，帶來層次感的味覺體驗。這道小吃非常適合搭配飲品，作為下酒菜也非常合適。餐廳的百香果檸檬茶，獨特香氣和檸檬的酸味相結合，味道更加豐富。它的酸甜平衡，使得這道飲品不僅解渴，還帶來愉悅的口感。麻辣香鍋 (旺角)地址：旺角砵蘭街198號地舖

今晚帶一位來自四川的同事嘗試香港的川菜，為了遷就我選了小辣菜式，不吃辣的我也可以接受這種辣度，非常好。金湯酸菜魚：金黃璀璨的湯汁，表面浮動著嬌嫩雪白的魚片，再配上翠綠的萵筍、潔白的蘿蔔片，和褐色相間的雜菌，色彩斑斕。湯汁濃郁醇香，魚肉滑嫩細膩，萵筍與蘿蔔爽脆，令人回味無窮。片皮鴨：是個經典名菜。拿起一張柔軟薄韌的麼麼皮，配上色澤金紅誘人鴨片，鮮翠清爽的青瓜條，潔白而辛香的大蔥絲，蘸上秘製醬料，口感層次豐富多變。幹煸四季豆：碧綠的四季豆經過煸炒，表面微微皺縮，口感外乾內嫩，乾香中帶著一絲清脆，微辣的滋味溫和不會嗆辣，火候也掌握得剛剛好。總括來講，四川同事對今晚的晚餐也覺得很滿意。

其實係香港都幾多高質好味既川菜，呢間就係其中一間幾好食既！家姐話見到D啊姐就知道會係正宗同好食~因爲D啊姐都係四川人~鍾意食辣既一定要試下個烤魚🐟酸辣香烤鱸魚$298極大條抵食！條魚本身炸熟左，再去煮，就甘都好好食，大條到食極都食不完！而且有6種已包的配菜，如薯粉、蓮藕同木耳同金菇分量都多！值得encore~~~🐖蒜泥白肉$68煮法同平食開不同，呢度好食好多，最重要係五花肉炒薄，但又肥瘦適中！個底既青瓜似都好爽脆💪口水鷄$66醬汁不會太辣，係少麻同甜甜地，好食。🍯紅糖糍粑$58去親食川才我都一定會叫既甜品。好多條，軟軟糯糯，點黑糖好好食。飲品好足料！有心機！無加一，抵食。

上星期和朋友去旺角食晚飯，我們想食川菜，這餐館的川菜挺不錯，價錢亦合理，餐館不是很大，但人氣十足，經常常座無虛設。招牌香鍋，是該店招牌菜之一，我們選了牛百葉、肥牛、豬大腸、雜菇、雲耳仔和薯粉，好大盤，份量十足，可自選辣度，超惹味，我特別喜歡食豬大腸，爽口彈牙，完全沒有豬腥味，整體味道不錯，好有質素。片皮鴨，沒想到半隻都幾多，鴨皮好酥脆，有一種獨特的香味，加上青瓜、大蔥、醬料，不會覺得膩，口感很好。大盤花菜，辣度適中，不會太辣，硬度適中，爽口而不會過硬，炒得好入味，份量不少，都幾低食。整體而言，價錢合理，味道好，出品頗有質素。

上星期和朋友去旺角逛街，她介紹我去食川菜，該餐館不是很大，但食客滿滿，人氣十足。黃金蝦球，蝦球好大隻，外皮香脆，咸蛋味香濃，蝦肉爽口新鮮，口感很好，好好味，大家都爭著食。籐香雞，雞皮爽脆，肉質相當嫩滑，比泰國海南雞更嫩，有淡淡的籐椒味，味道調得很好，而且份量夠。清炒萵筍絲，看似平平無奇，但入口爽嫩香脆，有一種清新的感覺，不會過火，剛剛好，大家都覺得不錯。炸饅頭，色澤吸引，熱辣辣，現點現炸，超香脆，可謂外脆內軟，加點煉奶更香甜美味，雖然邪惡，但無法抗拒。紅糖糍粑，份量都幾多，看到都流口水，酥脆的外皮，裏面是軟糯，加點紅糖，相當美味，不會太甜，是一道不能錯過的甜品。

下雨天，不想在家煮飯，出街食不失為一個好選擇。夫妻肺片$66薄切牛肉、牛舌、牛肚⋯等伴上香油撈勻，醬汁的味道厚醇香辣，還搭配有香菜和蒜片，更增美味。孜然羊肉配麼麼皮$108羊肉與孜然的味道好夾，特別喜歡加入了大量的洋蔥，洋蔥經過油炒後夾雜羊肉一起，用麼麼皮包住食，別有一番風味。麼麼皮好薄，令餡料減輕油膩感，相得益彰。招牌香鍋香鍋提供了多種自選菜式，可以根據自己的口味自由搭配。我們選擇了五花肉片、田雞、海蝦、椰菜和涼瓜。各有特色，辣味選了小辣，是普遍香港人可以接受的辣度。滿滿一盆的香鍋，配上一碗白飯。是一個下飯小菜。午市客飯套餐由50元起，價錢合理，份量不少。

餐廳位於旺角人流極旺的地段，交通方便。餐廳內燈光明亮，座位舒適。麻辣香鍋在乾辣椒和青椒的點綴下，賣相吸引。配料選擇多元化，我們選了鮮冬菇、肥牛、牛栢葉、萵筍和韮菜。香鍋醬汁濃郁，每口都充滿麻香和辣香，令人回味無窮。籐香雞冷盤之選。籐椒味椒香撲鼻，雞肉嫩而不肥，凍凍地食，口感一流。秘制拍青瓜青瓜爽口健康，有少少辣，屬開胃之選。炸饅頭6個 饅頭外皮金黃香脆，每啖饅頭點上鍊奶，真係令人垂涎欲滴。京蔥牛肉配6張麼麼皮牛肉炒得好夠穫氣，又保持滑嫩。京葱又爽口又夠味，提升咗牛肉的香味。麼麼皮熱熱地，夾住牛肉和京葱一齊食，口感一流。凍檸茶清新解渴。如果餐廳能提供更多特色餐飲，就會讓客人有更多的用餐體驗。

♡ 旺角抵食川菜｜麻辣香鍋 ♡-喺旺角行完街 朋友話想食川菜跟住就搵到呢一間平靚正嘅川菜館✨聽講呢度嘅招牌香鍋都好好食 😛-♡ 黃金蝦球 ♡ $138 外層鹹蛋黃粉炸到脆卜卜，咬落去蝦肉爽彈仲有淡淡牛油香，鹹香惹味到食唔停口🤣-♡ 片皮鴨（半隻）♡ $168 份量足夠兩個女仔食鴨皮香脆 肉質嫩滑唔乾 加埋醬同青瓜🥒，油脂香爆棚但唔膩口🫰-♡ 川香鮑魚雞煲 ♡ $ 168鮑魚真係大隻到嚇親！😂咬落彈牙鮮甜，雞件索晒麻辣醬汁辣得嚟帶啲花椒香🌶️ -♡ 大盆花菜 ♡ $78 椰菜花炒得好爽脆仲有啲肉吊味，炒得夠哂鑊氣食到停唔到口啊～～-❥#⇢店鋪資料：麻辣香鍋 (旺角)旺角砵蘭街198號地舖## 🔍尋找同區美食📍➾ #礦泥黃X旺角-

同朋友一齊嚟咗呢間喺旺角嘅川菜餐廳食午餐🤣$108「泡椒炒鯛魚片」：鯛魚片新鮮，肉質軟熟兼幾鮮甜，用泡椒炒辣辣哋，咁又香口啲😋$28「招牌麻辣香鍋」，我哋揀咗5個餸，包括 $48「蝦球」、$48「豬頸肉」、$36「黑魷魚」、$42「雞件」、$42「鯛魚片」：要咗BB辣不過已經味道好濃郁，各種食材都好惹味，加咗大量芫荽🌿，咁樣又香啲🤣$38「蒜香拍青瓜」：青瓜新鮮爽脆，加咗大量蒜蓉簡單幾好食🤣；仲有，真係好大碟，份量好多，咁嘅價錢好抵食🤣$15「無糖可樂」：凍冰冰嘅可口可樂就梗係好飲啦🤣$16「烏龍茶」：完全唔甜，配濃味嘅食物好夾🤣

旺角嘅麻辣香鍋，絕對係嗜辣之人的天堂！呢次晚餐，香辣乾鍋，泡椒炒牛肉，涼拌毛肚，每一樣都充滿四川風味，讓人食指大動。首先，**香辣乾鍋**絕對係今次食飯嘅靈魂！牛肉片經過高溫爆炒，鎖住肉汁，入口嫩滑；大腸則煙韌有嚼勁，吸收晒香辣乾鍋醬汁嘅精髓，每咬一口都散發出濃厚香氣；而娃娃菜提供咗一點清新口感，同乾鍋嘅麻辣味形成絕妙對比。整體嚟講，乾鍋香氣四溢，麻香刺激，令人一口接一口停唔到手。**泡椒炒牛肉**更加係一大亮點！泡椒帶出獨特嘅酸辣感，令牛肉味道更有層次，唔止辣得過癮，仲多一份回甘，呢種四川特有嘅泡椒風味簡直係驚喜。牛肉本身炒得恰到好處，保持嫩滑又唔失彈牙，配埋泡椒，真係刺激味蕾！最後，**涼拌毛肚*就好似一首溫柔嘅樂曲，為麻辣菜式提供咗完美嘅收結。毛肚爽脆多汁，加上秘製涼拌汁，微酸微甜，清新解膩，食完麻辣嘅主菜後來一口，剛好平衡味蕾，讓整個晚餐更加圓滿。今次旺角麻辣香鍋之旅，真係一次味覺盛宴，每款菜式各具特色，麻、辣、鮮、香交織出極致嘅川菜享受。

今天終於約到朋友同我一齊食旺角呢間麻辣香鍋川菜啦! 舖面雖然唔算好大, 但簡約整齊又有少少中國特色嘅裝潢, 燈光柔和, 有舒適嘅座位。餐廳嘅食物種類都多呀, 有香鍋, 酸菜魚, 烤魚, 片皮鴨, 小炒都有。招牌香鍋 - $28(起)我哋點咗一個招牌香鍋配5餸起炒, 口味要麻辣小辣; 餸就揀咗 蓮藕 ($28), 鮑魚 (4隻)($68), 蝦球(4隻)($48), 豬頸肉($48), 墨魚餅($36); 香鍋嘅份量真係大, 真係4個人食都夠; 上枱嘅時候, 已經聞到香味, 香鍋有多種香料一齊炒, 辣椒乾, 薑蔥芫茜, 辣得嚟帶有花椒香, 味道真係好豐, 而且一啲都唔油膩。鮑魚夠鮮味, 蝦球都好爽口。 乾煸四季豆 - $72四季豆煸得外皮微焦, 口感爽脆。肉末加上蒜蓉和辣椒乾炒得乾香, 帶有鹹香微辣, 越食越好味, 加埋一碗白飯就更加好。籐香雞 - $66選用三黃雞髀, 皮薄雞肉嫩滑, 籐香的味道係香多過辣, 冷盤嚟講, 真心好食, 好滋味呀!烏龍茶 - $16飲品方面，我哋要咗兩支烏龍茶, 清新解膩, 平衡咗辣味。

朋友話要帶我食麻辣食店，雖然我真係少食，但係都樂意去試吓原來呢度叫麻辣香鍋，香鍋嘅意思，係醬料再加選料嘅一個干鍋，由入門口到坐低，經過每一枱，香鍋嘅味道真係令我垂涎三尺點選了涼拌黃金皮蛋作為餐前小吃，有麻辣醬拌勻，皮蛋咬入口的柔軟感加上麻辣的刺激，即刻胃口大開，而且還沒有一些皮蛋那種腥渴的感覺，選料佳！干鍋最少要選擇五款材料，特色係沒有肉同菜嘅限制，即是可以選五款肉，或者五款菜，不同材料清楚列明價目，但我哋當然取個平衡，有肉有菜啦：肉類選擇了肥牛，豬腰片，墨魚餅，蔬菜類則選了腐竹和茄子，可以選多過五款，而醬料有三款可供選擇，我們選了微辣原來五款材料裝成一個大鍋，已經很豐富，上菜實在香噴噴，忍不住叫了一個白飯，一人半碗拌著干鍋吃，店員說香辣醬是自己調的，經過多次嘗試，才出現現在的味道，特別着重香味的調配。而整個干鍋不用撈勻，由面頭慢慢吃即可，吃到底的時候，食物仍保持熱度，而且不油膩，很厲害！我們尤其是選對了茄子，因為茄子索醬料是最好吃的，在伴上百香果檸檬茶，一邊吃鍋一邊喝檸檬茶就是爽選對了的還有京蔥羊肉，一上菜已經即刻夾入口，羊肉有少少孜然粉放在京蔥十分香口，而且咬口極佳，隨著羊肉會附上

相約朋友行完朗豪坊， 購物完我們就去了呢間#麻辣香鍋 食晚飯，餐廳地點好方便，就系朗豪坊旁邊！好早之前已book定檯，因為這餐廳亦都係街坊之選！🌶️招牌香鍋*（香辣，小辣）蓮藕仔+牛肚+豬皮+土豆片+薯粉可自選不同配菜，似足車仔面咁!辣度都可自選，叫左小辣，一眼看到大量乾椒，以為好辣。但入到口岩岩好，蓮藕仔夠爽脆。豬皮脆嫩可口。土豆片入曬味，樣樣餸都好好食，成個鍋好惹味呀， 而且一啲都唔油膩添!🌶️川香鮑魚雞煲有四粒大大的鮑魚，而且一啲都吾韌，都幾大隻同新鮮多汁。雞肉夠曬彈性，夠晒醬汁夠曬惹味，香辣嘅味道真係令人食極都唔厭，好彩我哋叫咗少辣，朋友都能食得到！過足癮！很適合伴飯食。🌶️酸菜炒肥腸上枱視覺極震撼！勁多酸菜，肥腸細心切成片方便食嘅，食落口感豐富又香口🤤用酸菜是坊間甚少見的川菜，絕對可以成為招牌菜😋🧊金桔檸檬茶🧊百香果檸檬茶呢度有2杯特色飲品，清爽解辣，粒粒百香果，口感層次豐富，又唔會得個甜👍🏻而呢度服務員都有禮，價錢合理，性價比之選！