麻甩系(花甲粉)

营业中

休息中

麻甩佬美食盡在荃灣, 呢間麻甩花甲粉.麻雀雖小五臟俱全.鋪面設計獨特, 充滿地道特色.呢度有好多選擇 有花甲粉 有鰻魚 有豚肉 飯盒.狂野雞槌 一客總共有三隻雞槌 配上惹味的七味粉 都幾好味仲有好多香港地道特色小 例如炸饅 魚肉燒賣 豬肉燒賣 牛肉球 你諗得出嘅都有.首先我叫咗個煉奶炸饅, 頭的麵粉 很靚 炸到鬆軟 外脆內軟的感覺 一旦咬落去暖笠.再點一點煉奶非常之惹味.之後就嗌咗個泡菜豚肉烏冬, 用上黑毛豬豚肉 充滿豐富的豬肉味 配料若然重口味 鹹鹹地 比較鍾意食重口味的就啱曬啦。最後配上稻庭烏冬 配合重口味的豚肉非常匹配。

Thu 14/9/2023 農曆七月最後一日 微雨鬼月最後一日，都係趁日落前買個外賣返屋企，又可以睇醒白獅表演。行過路過見到呢間「系甩麻」。引起我嘅興趣，原來係 麻甩系。….. “阿拉伯文、希伯來文都是從右向左書寫的，據說這與古代人在石頭上刻字有關，對於一般人來說，左手拿釺子，右手拿鎚子，刻字的方向自然是從右向左的。”……佢嘅午餐，好在選擇少 唔使煩。咁嘅價錢仲有嘢飲 係抵嘅。a la carte 就多好多嘢揀。豬牛羊雞… 粉絲米粉烏冬飯 …. 大中細辣….. 即係車仔…試咗個 爆蒜腩肉飯。真係有啲特色，爆得好香口，微微嘅泡菜辣，掩蓋豬裏面唔應該有嘅味，啲肥位更加爽香。配搭子薑有心思，好解腬。炸餃子+沙律醬。火候啱啱好，脆香口，咬落爆汁。呢啲地方好少有甜品供應，呢度好難得有幾款選擇。越簡單越考師傅，就試吓佢嘅冰凍腐竹蛋花糖水。另眼相看，夠凍、腐竹味濃、微甜適中。最後拎住佢 Tiffany deep blue 嘅外賣袋，行返屋企程中吸引到唔少艷羨目光。

好少有以花甲為主嘅店，啱曬本身都好鍾意食蜆嘅我！店舖門面充滿特色，除咗花甲粉，仲有好多唔同小食可以選擇。叫咗外賣一碗小辣招牌世一花甲粉，胡椒豬肚湯同埋腐竹蛋糖水。世一花甲粉 $52揀咗小辣麻辣蒜香，粉絲底。老闆煮嘅時候，已經聞到好香嘅蒜辣味，未食都覺得好吸引。外賣包裝好細心，將粉絲同花甲湯分開，以免粉絲吸湯漲曬。花甲雖然唔係好大隻，但係好鮮甜，荃灣既花甲/蜆真係世一！小辣唔會太辣，粉絲吸晒味，又唔會太淋，剛剛好。胡椒豬肚湯 $39湯底輕微帶甜，胡椒味唔重。豬肚份量適中，唔會太韌咬唔斷。腐竹蛋糖水 $18夏天食一碗凍嘅腐竹蛋糖水，真係透心涼！好清甜， 唔會過份甜，呢個價錢加上傳統糖水，是可以一試。經過掃街可以一食！

荃灣呢間麻甩系餐廳，係一間專賣麻辣小吃嘅店舖，身邊有唔少朋友都話正～～金菇肥牛卷(4件）：肥牛金菇卷配上秘製香甜嘅醬汁，真係好惹味。肥牛肉質好滑好嫩，唔會有筋，而且唔會太肥膩。醬汁香甜，令人食得停唔到口。蒜爆LLT五花腩：五花腩切得夠薄，炒得幾乾身，有啲地方仲有啲焦香。五花肉炒完逼出更多嘅油香，同蒜味好夾，食落更加惹味。麻甩魷魚鬚：魷魚鬚炸過外層超香脆，內裡彈牙有嚼勁。佢哋用咗一種特製嘅麻甩粉撒喺上面，有啲似雞粉咁嘅味道，又香又辣又鹹。

我同朋友經過呢間隱世小店，已經俾佢嘅牌面吸引住🤩 寫住「麻甩系」、「世一花甲粉」，一於試試龍與鳳🍴睇個餐牌仲有好多款唔同嘅美食😋 除咗湯粉類之外，仲有炒烏冬、特色飯、風味小食、炸物同糖水，應有盡有😍我同朋友就試咗佢哋嘅世一麻辣花甲粉同蒜爆腩肉，真係好好味㗎🤤麻辣花甲粉嘅湯汁好香濃，啱啱一飲落肚就感受到佢嘅辣味同麻味，唔止係口感豐富，仲有微微嘅甜味，令人回味無窮。啲花甲又夠彈牙，同埋啲粉絲都煮得啱啱好，唔會太腍，配埋非常足料嘅津白餃子好好味🍜🥟蒜爆腩肉就更加係一絕啦！啲腩肉煮得幾香，外脆內軟，配埋啲蒜粒，味道更加突出，令人食完都想再嚟一碟🤤總括而言，呢間餐廳嘅麻辣花甲粉同蒜爆腩肉真係值得一試！如果你鍾意麻辣同埋蒜嘅味道，一定要嚟試下啦♥️

我好喜歡食花甲湯粉，在荃灣享和街既麻甩系（花甲粉）有世一花甲粉，好吸引我前來品嚐。由荃灣地鐵站行到荃灣廣場，享和街就係大霸街隔離，十分容易搵。店舖既裝修好顯眼，貼上食物的實照更吸引人。真係眼花撩亂。😃今日我叫左世一花甲粉$52，蒜爆豬腩肉$38同綠豆沙$18🐖落單後店主即刻煮，一邊煮一邊傳來好香的蒜蓉味，令我留晒口水。🤩🤤世一花甲粉，我選左粉絲底加秘制蒜蓉辣椒係好味道的秘訣。唔食得辣可以只加蒜蓉。湯底非常惹味花甲好乾淨，鮮甜又無沙蒜爆豬腩肉一邊煮一邊傳出好香既蒜蓉味十分吸引面頭舖滿晒蔥花同芝麻香氣很濃豬腩肉好入味，一流綠豆沙清熱解毒，冰凍消暑

路過這家大熱花甲粉小店，身為花甲愛好者的Iby，絕對要試試！😋 世一花甲粉（香辣 中辣）🌕🌕🌕🌕🌕 52hkd一碗有7隻當天捕撈的鮮活花甲，鮮甜多汁、粉絲份量多而入味、湯底濃而順口。😋 蒜腩粉（香辣 小辣）🌕🌕🌕🌕🌕 52hkd米線彈牙、蒜腩邊脆入味，沒有豬臊味，湯底味濃卻順口。煎蛋 +5hkd肥牛 +11hkd 😋 魚皮餃 🌕🌕🌕🌕🌑 +11hkd皮薄、餡量適中、調味不錯。😋 雞軟骨(2串） 🌕🌕🌕🌗🌑 20hkd每粒雞軟骨連着份量不少的雞肉，不過雞肉本身沒有醃製，只在最後加上七味粉，味道較淡。😋 炸饅頭（4件） 🌕🌕🌕🌕🌕 20hkd小店竟然能夠做到酒樓質素的炸饅頭！充滿油香之餘，外酥脆、內鬆軟，加上大量煉奶，非常高質！😋 麻甩魷魚鬚 🌕🌕🌕🌑🌑 36hkd炸得還算酥，不過有點鐵線味。😋 蒜蓉炒花甲加辣 大辣 🌕🌕🌕🌕🌕 52hkd意猶未盡，又叫了一碗炒花甲，一碗有20隻，同樣鮮甜多汁，而且伴炒的洋蔥相當入味，超級美味！😋 可樂 🌕🌕🌕🌑🌑冰冷度尚可，不過Tall can始終避免不了較重的鐵銹味。二人享用，人均129.5hkd（沒有加一服務費）。味道 🌕🌕🌕🌕🌗服務 🌕🌕🌕🌕🌕店員

今日同朋友去荃灣行街，聽朋友講有間麻甩系嘅小店好好味，所以想去試吓。小店充滿懷舊氣息，以滑板同小燈泡作裝飾，好得意。我哋都食咗午餐，其實唔太餓，所以諗住每樣試少少，然後諗住叫一個麻辣炒花甲，一定好滋味，結果係老闆已經賣晒，冇辦法，唯有下次再試。。最終同朋友商量，決定叫幾個小食，品嚐下狂野嘅滋味。狂野炸魚蛋10粒，啱啱出爐，香噴噴熱辣辣，表面輕脆，配上佢嘅辣粉，真係好好味。食狂野辣味停唔到口，追加狂野辣雞鎚三件，點知都係好好味，辣得好過癮，一啲都唔失望。另外，我見到有幾個後生仔企喺鋪出邊食緊麻甩魷魚鬚，好吸引，見人哋食得好開心，於是我又叫咗，又係超級脆口，味道唔鹹唔淡啱啱好，都有少少辣味，好正！金菇肥牛卷係即叫即整，都等咗好一陣，老闆有認真擺位，盒入邊嘅四舊金菇肥牛卷整齊排好，細細舊，一啖一舊，唔使一面咬一面跌落嚟，好貼心，已經係切到細細件。金菇一啲都唔韌，金針菇同肥牛係絕配，配上特有醬汁，正呀！

今晚屋企冇飯食，只能買外賣俾我和妹妹吃。剛經過荃新天地，看到有辣嘢食，辣下個奀皮妹妹先。麻甩係(花甲粉)位於荃灣，提供各種美味的粉麵和炒飯，其中泡菜豚肉炒年糕和勁炒海鮮烏冬，好美味喎。在家中品嚐麻甩係(花甲粉)的美食先。我買了泡菜豚肉炒年糕和勁炒海鮮烏冬，兩道菜都非常美味。泡菜非常入味，豚肉和年糕夾在一起，口感豐富，讓人食指大動。勁炒海鮮烏冬的海鮮非常新鮮，有鮮味，而烏冬也炒得夠火喉，一點也不油膩，非常適合喜歡辣味的食客。麻甩係(花甲粉)的地點非常方便，位於荃新天地隔離，非常容易找到。要品嚐美味的粉麵和炒飯，種類繁多，價廉物美，真係幫襯10次，都是食不完麻甩係(花甲粉)內的美食。我已經諗定下次食乜嘢。

今晚住附近嘅朋友話上去佢屋企打機，諗住買啲野食請佢食下，最後揀左佢最愛嘅辣菜式。 呢間餐廳裝修好搶眼又潮潮地，用左好多顏色燈泡。買左2樣食物分別係鹽酥香雞同世一花甲粉。鹽酥香雞就其實買埋比我自己，因為好鐘意食炸野，呢到有好多炸野嘅選擇，炸魚蛋，炸韮菜餃，炸饅頭，炸魷魚鬚等等，最後我揀左鹽酥香雞，貪佢一口夠方便，邊打機邊食都無問題！食落好香口，入面嘅雞肉又嫩，邪惡又滿足，好食！主角世一花甲粉，朋友讚到爆，話個湯底好正，調味岩岩好，少少酸辣唔會辣到頂唔順，而且酸酸口味反而更開胃，加上又夠香濃，粉係分開裝，份量十足，佢明明話食左晚飯都食勁多，睇嚟真係好岩佢口味！我食左少少，確實係好味道，粉吸左湯汁但食落仲好qq彈牙，花甲夠新鮮夠甜，煮得好，唔會老曬！我見到仲有其他配料（豆卜、金菇、芽菜等），見佢食到話下一鋪機先玩，應該真係好鐘意食。

附近做完運動又唔可以食咁多野，簡花甲粉就非常好😊豬先生又岩岩收工要食野，買多少少，每樣食一啖冇咁罪惡😂鐘意餐廳既波波燈，好吸睛🤩🔸麻辣花甲粉（$52）我叫左小辣粉絲，好鍾意分湯既外賣盒，開蓋已經有香濃既麻辣味，粉絲份量都唔少，湯底入面已經有芽菜、娃娃菜、金菇同豆卜，而且都成8、9粒花甲，粒粒都好新鮮，配上索哂味既粉絲，大愛😍🔸炸饅頭（$20）炸饅頭一d都唔油膩，食佢最緊要緊係d練奶啦，老闆都唔手軟，令到每一粒都有足夠既甜野🔸狂惹辣雞槌（$25）一打開好香，咬開仲有肉汁流出，以為會好辣但又恰到好處🔸腐竹蛋花糖水（$18）以為糖水會好稀，番到屋企攪均佢就會杰身d，因為薏米係哂底，糖水唔會過甜，仲食到腐竹同蛋絲👍🏻

難得去荃灣，經過街中比較突出嘅呢間舖，見到好耐冇食過嘅花甲粉欣賞小食店有花過心思怖置店舖有位置可以供堂食用，食物係即點即整，大約等十分鐘左右，店員好好，叫我可以先坐低等侯世一花甲粉 $52外賣碗分湯，拎到返屋企都仲熱，將粉絲放返落湯內就食得。有8隻鮮嫩花甲，蒜味濃，配料有豆卜丶金菇丶菜，最正係啲粉絲好爽口！麻甩魷魚鬚 $36即叫即炸，趁熱食最好陳皮海帶綠豆沙 $18本身想試木瓜雪耳糖水，可惜賣哂，轉食綠豆沙，幾足料，又唔太甜

舖面裝修潮，七彩波波好吸睛。因為得老闆一個，落完單即煮，加上要煮埋外賣平台既柯打，walk in預要等20-25分鐘。⭐️狂惹辣雞槌 (3件) $25幾入味同大隻，外脆內軟，少少辣🤏🏻⭐️雞軟骨 (2串) $20質地正常發揮，但好似冇調味，加七味粉係面應該會好D。⭐️麻辣花雕孖寶 (10粒) $22白魚蛋有魚味同彈牙，豬肉燒賣唔粉，麻辣醬唔會好辣但好香。⭐️世一花甲粉 $52湯底揀左酸辣(中辣)，食花甲粉一定揀最掛湯既粉絲。湯底濃味得黎唔係死鹹，花甲有7-8隻，幾大隻同鮮甜，加埋豆卜、娃娃菜同金菇索晒湯汁，世一花甲粉呢個名冇改錯。推介指數: 🧸🧸🧸🧸

1️⃣咖喱牛肋條飯🐮🔸大大條牛肋條🐮，肉質軟腍，好入味，連薯仔🥔都入晒咖喱味😋2️⃣炸饅頭配練奶🍞🔸即叫即炸，外脆內軟，仲比咗好多練奶😋👏3️⃣狂野辣雞槌🐔🔸即叫即炸，好香口，好滋味，好細心將 d辣汁同雞槌分開。4️⃣冰凍綠豆沙💚（掛住食，忘記影相😆）🔸夠冰凍，正常味道

上次係一間串燒店食左個花甲粉好好食，今日回家路經呢到有間專賣花買粉，於是決定左晚餐啦！今次係我第二次食，我揀左個名最架勢果款🤣呢排要戒口唔食辣湯底揀左蒜香，等外賣時係店外都聞到勁香嘅蒜味！番左屋企成粒鐘都好夠熱，粉絲同湯分開裝非常好！配菜都唔少娃娃菜、金菇、芽菜、豆卜，主角花甲比我上次食嘅大隻，大概有十幾隻，粉絲偏韌，鍾唔鍾意偏韌嘅就見人見志啦！建議要早d放落湯整散佢，因為唔係淋身果隻，唔係會難吸湯～魷魚鬚不過不失啦，唔會好大條，但係呢個份量絕對對得住呢個價錢嘅！今晚嘅驚喜位係糖水，本身冇諗住食架，見餐牌寫住十八蚊，就算好細碗細極有個譜嘅，咁平唔試下對唔住自己！打開都唔係好細碗啫，料又多，唔會太甜得黎個甜味岩岩好，呢個份量對我黎講岩岩好，下次要試其他糖吖，因為我本身想叫腐皮果個冇晒凍，應該都好好味🙈