麵鮮醬油房周月 (啟德零售館2)

本来想去『碌铃』，点知排晒队，结果变咗揾食，一出嚟见到呢间～面鲜酱油房周月，又「米猪莲」，又拉面，为食嘅我～唔系好肚饿都要试吓。叫咗～辣味噌拉面，同埋～和牛拉面。另外加咗碟～紫菜，呢碟紫菜有啲特别，系要加埋落碗汤面一齐食至过瘾好味。和牛拉面（$143），价钱系有啲高，但由汤底，和牛，以至啲脆笋，都相当好水准，牛肉份量其实唔小，二块大加二三块小的，够食有余（总扺过上次二片鸡肉），牛肉入口咬落去，牛嘅嫩度牛嘅油脂同牛味，虽然薄切，但到足以满足到我，顺带一提，以前食日本拉面都会经常有「笋」呢样野，依家拉面店真系小见咗好多。女友食呢个，辣味噌拉面～入面烧果个日本黑豚肉，真心不错，辣味噌汤够味，唔够辣，女友加埋啲辣椒粉～完满。攞咗块黑豚肉试，你哋睇吓几有层次？！同埋都有相当厚度。紫菜几得意，捞埋落面食，真系又另一番口味。埋单三佰有找。回头度～9/10真心好食，真系食得好开心，好耐未试过有咁嘅感觉，水准绝对对得住个价钱，期望佢哋保持水准之外，再多啲选择！以上纯粹个人食后分享，绝对没有收受任何利益或优惠。对于本人所有嘅言辞，一律承担所有责任。…查看更多

《山椒油 • 面 🍜》系启德店限定，之前一直冇试，而家正藉天气炎热，正好系食捞面嘅好时机，所以一于试试佢。山椒可能对香港人较为陌生，不过如果你有关注开日本料理，不难知道山椒系日本普遍会采用嘅辛辣调料，例如食鳗鱼饭多数会习惯加山椒粉提升风味。而山椒同香港人较熟悉嘅花椒味道虽接近，不过山椒会比较温和清香，带柑橘味, 而麻痹感亦冇咁重。《山椒油 • 面 🍜》香味 (3/5)山椒味为主，冇乜其他香味可言，香味较单调调料 (4/5)周月最令人津津乐道嘅首推佢嘅秘制酱油。有左佢加持，加上生蛋中和左山椒同青葱嘅辛辣感我认为相当好味，不过较为淡左少少。好彩，店家一早有所准备，只要点呢款面，店员会另外比一樽酱油，正好可以为呢款捞面加味。酱油嘅豆味非常香浓，而且好够咸，加埋醋，令个调料嘅味道提升左一个层次。面条 (5/5)同沾面同一款面，烟韧有弹性，面味强，好食！配料 (3/5)配嘅叉烧粒都系切头切尾d位，偏硬。葱同芽菜配埋个酱同个面一齐食，增加口感，效果不错。完食冇难度！整体 - 值得推荐 👍👍👍👍…查看更多

荣获米芝莲推荐的沾面专门店最近系启德零售馆开了新分店店内格局好日系格调每日新鲜自家制面条面条烟韧有口感，可自选面条粗度周月沾汁味道特别浓郁酱油经过18个月发酵而成再加入沙丁鱼粉、鲭鱼粉及海带等调制多种材料结合之下，令味道更加醇厚面的份量无论100g/200g/300g价钱都相同避免浪费食物可因应自己食量选择亦可以拣热面或凉面和牛寿喜烧沾面～ 和牛油脂丰富，沾汁味道浓郁，两个人share刚刚好小食～ 关东煮五点、周月の饺子、炸鸡、三杯酢炸鸡软骨、炸豆腐关东煮好入味，饺子、炸鸡和鸡软骨香口、豆腐豆味浓日本Sapporo特级啤酒 / 苹果梳打～ 好挂住日本🇯🇵特别钟意饮Sapporo😂 苹果梳打好清新最后记得饮埋碗自家制鸡汤，解腻一流！…查看更多

呢间米芝莲拉面店，终于都喺九龙区开咗分店，位置就系喺启德体育园启德零售馆2入面，位置相当方便，我哋今日都特登收工后去食晚餐。平时中午嘅时候必定要排长龙，好彩我哋六点收工之后即刻飞过嚟，先叫做即刻有位坐咋！一嚟到就已经好有惊喜，竟然期间限定系山葵，到2025年年尾12月31日！我要咗个日本A5和牛山葵拉面，佢用咗秘制山葵酱汁，完全系味蕾嘅冲击，有少少刺激感啲嘢，亦都唔会覆盖咗汤底本身嘅浓郁度，和牛亦都好嫩滑。另外朋友就叫咗个黑豚香葱拉面，特登拣淡汤同少油，感觉上比较健康，肉质鲜嫩，而且葱嘅份量真系好多！同时亦都叫咗啲小食一齐分享，包括关东煮五点盛、烧黑豚伴味玉，野菜渍同埋饺子。饺子煎得外皮酥脆，入面肉汁满满关东煮亦都好入味，烧黑豚伴味玉亦系诚意之作！…查看更多

📢好多年前曾经在鲗鱼涌店光顾过，只有稍微嘅记忆，味道也唔太有印象 。资料显示，「周月」系城中极少能做到绝不添加化学调味100%自家制面嘅拉面店，连带配菜如黑豚肉、溏心蛋亦系全自家制作，以保持食物质素。鲜美汤底以酱油为本，拥有140年历史，绝不简单 🍜.📢点选咗招牌款式「周月沾面」，拣咗淡汤底，已经好够浓郁酱油度 。面条确系爽弹有咬口，粗面亦系喜欢嘅粗幼度 。将面条沾在汤内，加上炙烧过嘅叉烧豚肉，仲有笋干同自家制温泉蛋，觉得系非常满足，绝对可以在香港🇭🇰吃到正宗嘅日本🇯🇵味道🍜…查看更多