麵館皇

营业中

休息中

午餐想一個人享受片刻的寧靜，於是自己一個食，叫咗「成年人不做選擇」，一次過食晒三款不同的肉類，分別有香滑落湯雞、家鄉祖傳豬軟骨以及特級手切牛頸脊，好好彩可以食到原隻雞髀，三款肉之中，最欣賞雞肉，肉質鮮嫩，雞味濃郁，咬落去吾會過於煙韌，最重要係見唔到血🙈，呢樣非常緊要！而喺麵底方面，叫咗麻醬刀削麵，刀削麵軟硬適中，配有青瓜絲，最鍾意佢麻醬嘅份量充足，不會過於油膩，啱晒重口味嘅我 😆，買單$80！🙌🏻

放工突然想食上海菜飯就入左呢間食，估唔到大中伏。入去時大約 8點, 睇左陣 menu 就手機落單：瑤柱牛腩菜飯，熱奶茶。點知落完單侍應先講已經無晒飯兼唔會再煮，要我揀返麵食。夜繽紛都唔至於8點就無飯呀？不過既然都坐低左，就順佢意轉藥膳拉麵。轉個頭佢又同我講洗左茶機無得沖熱奶茶。我心諗又無，唯有聽佢講轉凍奶茶。但以上都係小事，但主菜先真係出事。首先佢上左碟得 5-6舊仔既牛腩（收緊70幾蚊）一食，臭既。我畀多次機會，食啖麵飲啖奶茶，再揀另一舊食，都係一樣既臭味。似係牛腩處理得唔好，或者調味料出事。實在太臭入唔到口，我又無理由放佢係到齋食麵。我就同侍應反映，要求幫我換炸豬扒，好在侍應都爽手幫我轉，仲計返平俾我。但！！！個炸豬扒黎到係好鞋又好咸，佢仲要淋豉油上去…不過起碼唔係臭。我見過鬼怕黑，快快手食完就閃人，埋單 $75。依加回想，我落單時既期望同最後食既野完全唔一樣，而且體驗奇差，兩款肉既質素亦唔好。銅鑼灣有其他更好食 & 抵食既選擇，完全唔推薦呢間。

呢度喺銅鑼灣登龍街，呢度有好多嘢食。就揀咗呢間地道麵店。啱呢度都選擇，我就叫咗秘製拌麵，秘製麻辣口水雞。頭先講下個秘製拌麵，麵底煙韌好味，小麥味濃鬱。賠償秘製醬汁非常之惹味。秘製麻辣口水雞，麻而不辣。唔食落去口味麻麻的。雞肉鮮嫩嫩滑。雞皮輕易分開最啱唔食雞皮的我。雞肉爽口，多汁。秘製紅油抄手，唔算太辣，細細粒易入口。爽口好味，令人回味無窮。用檸檬紅茶，用上新奇士檸檬酸酸地好味，紅茶底香。服務員服務也好好！

平時嚟呢度食多數係冬天，因為佢啲面係用個鍋上，夠晒熱辣辣，冬天去食就最啱。雖然今日好熱，但突然間好想食口水雞，都照就嚟食。呢度嘅藥膳灌湯好正，平時就會叫麵，今日就試吓佢嘅圓圓米粉。米粉有啲似新竹米粉，但又比新竹米粉粗身啲，食落去夠爽身。掛埋啲湯底上去食好正。主食我每次都係叫口水雞，雞嘅份量夠多，同埋一定會有雞髀，啖啖肉食得夠過癮，唔怕淨係輪骨。口水雞汁亦都夠晒辣。仲會伴啲青瓜仔俾你，留返喺食完之後食啲青瓜仔，個口就會Fresh 啲🤣

今日響銅鑼灣收工唔知食咩好，知道登龍街好多好嘢食就同老公過去行吓睇吓~睇完之後發覺嗰條街好多餐廳都試過，唯一係呢間麵館王冇食過，可能因為入口唔算好起眼所以一直都冇意欲行入去食~ 我哋見反正冇試過就入去試吓啦，點知酸菜肉碎令我好有驚喜其實我一向都比較鍾意食湯麵，但因為嗰日天氣真係好熱所以唔想再食熱嘢，於是就決定叫個撈麵試吓~ 肉碎辣度適中之餘唔會太肥膩，夾埋酸菜食非常開胃，完全係夏日消暑恩物老公就叫咗成年人不作選擇嘅藥膳灌湯麵，乜餸都有齊夠哂飽肚~ 唔好見到藥膳呢個名就驚，其實佢藥味都唔算太濃，所以唔特別鍾意藥膳料理嘅人都唔會抗拒，值得一試~ 另外我哋仲叫咗個雞翼都係水準之作，炸得好脆~ 不過成餐飯令我最懷念都係個酸菜肉碎，我諗佢會成為我日後黎銅鑼灣嘅必食之選

位於銅鑼灣登龍街嘅小店，特色係所有湯麵都係用砂鍋盛住上菜，保留住剛剛煮好嘅溫度，亦都係食物最完美嘅味道。秘製麻辣口水雞 配 太子湯米線(小辣)雞肉嫩滑，麻味和辣味在口中迸發，令我食指大動。而太子湯米線則是酸酸辣辣的，米線則吸收了酸辣湯的精華，每一口都非常滋味！柱侯牛腩刀削麵(豬骨清湯)湯頭濃郁而唔油膩，牛腩燉得非常入味，入口即化。刀削麵的口感非常厚實，而有煙煙韌有彈性。 蒸鮮肉北京水餃皮薄餡靚，鮮美多汁，一隻好似其他地方既兩隻一樣咁大隻！太子雞翼外皮酥脆，肉質嫩滑。而且係好大隻，非常抵食！凍豆漿打泡處理過既豆漿，好有特色。

早幾日去完書展夜晚過咗嚟銅鑼灣呢頭食野 本身諗住銅鑼灣食野都預咗偏貴 但見呢間食上海野嘅餐廳唔太貴而且又唔洗等位就決定試下啦蕃茄肉碎拌麵配葵花獅子頭見有幾款拌麵都係期間限定最後就揀咗呢款蕃茄肉碎拌麵 蕃茄肉碎呢個組合本來就好夾 揀咗刀削麵食落好有嚼勁 仲有3大粒獅子頭 以前試過係其他地方食到唔夠熟嘅獅子頭 好彩呢度無呢個問題 肉丸軟稔得嚟仲啖啖肉牛展配自家製米粉 (豬骨清湯)本身嗌咗特級手切牛頸脊但店員話無哂所以轉咗牛展 牛展嘅面頭鋪上咗蒜蓉 食落有好豐富嘅膠質 而且脂肪含量低 個底仲鋪咗d青瓜絲 食落就無咁寡大白菜及小棠菜雲吞 (8粒)雲吞比想像中大粒 而且肉質扎實 肉同菜嘅比例亦都啱啱好 而個湯底係藥膳湯嚟 飲落好濃嘅藥材味 第一次試藥膳湯底感覺都唔錯

呢間餐廳喺銅鑼灣來說，價錢都非常親民！平時同銅鑼灣收工嘅朋友仔食飯都好鍾意嚟呢度食！**四大名醋之鎮江骨飯(菜飯):** 這道菜飯采用頂級的醋香配以軟嫩可口的排骨，入邊加入咗有少少豬軟骨嘅煮法，有啲係真嘅排骨！口感醇厚而不油膩,讓人難忘的鮮美滋味。**蕃茄肉碎拌麵:** 酸甜適中的蕃茄肉醬與筋道Q彈的拉麵: 麵條粗硬和軟硬度適中**蔥油餅:** 酥脆的餅體外皮,搭配滑嫩的內餡,再加上爆香的蔥花,齒頰留香,加咗雞蛋超級香更添層次感,口感更為豐富。**冰鎮檸檬紅茶:** 清新爽口的冰鎮檸檬紅茶,恰到好處的甜度和適量冰塊,既能清涼解渴,又帶有柔和的紅茶香氣,非常 refreshing

放假同老公嚟到銅鑼灣呢邊買嘢🥰差唔多要食lunch就嚟到好多嘢食嘅登龍街，今日想食啲熱小小嘅嘢因為落雨都幾凍，我哋揀咗食呢間麵館皇😌😌我哋嗌咗一個獅子頭刀削麵，獅子頭好大粒😗啖啖肉😆個湯要咗藥膳湯，藥材味都幾濃，刀削麵份量超大！一個女仔一定食唔晒！😝😝另一碗嗌咗新出嘅麻醬撈麵🤤有少少辣，麻醬超多！又係女仔一定食唔晒嘅份量🤥男仔一定夠飽！我哋搭咗個鎮江骨，鎮江骨啲肉都幾好，味道酸酸甜甜咁！配麻醬都幾夾😮😮🤤另外都嗌咗個抄手，唔會好辣，有大量蒜同蔥🤣都好濃味，而且每一粒都好大隻😛😛搭多份拍青瓜添❤️❤️自家豆漿都好香濃🥰埋單200蚊勁抵食🫡

最近食咗好多唔同地方嘅刀削麵，今次呢間算係我最常食嘅刀削麵店！基本上每三四個月就會嚟食一次，平時比較多食藥膳醉雞米線🤫今次就試吓新嘢！✨成年人不作選擇 藥膳灌湯麵🍜 $80選擇困難症嘅人表示我全都要🫢有齊最想食嗰三樣，香滑落湯雞、家鄉組傳豬軟骨、特級手切牛頸脊😋之前已經嚟過食幾次，藥膳雞永遠唔會失望，第一次食豬軟骨同埋牛頸脊，豬軟骨經過醃製味道香濃同好夠腍，牛頸脊厚度適中，大大塊好有口感😋麵方面就揀咗手擀麵，之前嚟食過幾次都係刀削麵，今次試新嘢👀個人覺得相對下手擀麵較闊身✨韭菜鮮肉雲吞 蕃茄肉碎拌麵🍜 $65前幾個月嚟都冇見過👀應該係夏天新嘗試嘅拌麵，個人覺得米線比較襯拌麵🤣蕃茄肉碎味超級香濃，豬肉碎份量好多，而且好有肉味，唔會得個酸👍🏻另外本身以為係涼拌，但原來係熱拌😮有驚喜！韭菜鮮肉雲吞用咗餃子皮，較厚身，配上份量爆燈嘅餃子餡😮韭菜同肉嘅份量啱啱好✨太子雞翼 3隻 $26炸到脆卟卟嘅香脆雞翼！外皮超級脆，完全冇炸粉嘅口感，雞翼好嫩口之餘唔會太油膩👍🏻下次叫五隻🤣✨凍豆漿 $9凍豆漿磨得好細滑，豆味好天然👍🏻但個人覺得味道再香濃啲就更加好

呢間餐廳銅鑼灣登龍街，價格都幾平民！番茄肉碎拌麵: - 酸甜適中的番茄醬和鮮嫩多汁的肉碎搭配,蕃茄味唔假而且好香濃！拌麵索汁好惹味！韭菜鮮肉雲吞入邊唔算多肥豬肉！減肥人士都可以食！香。藥膳刀削麵: 麵條厚實彈牙湯汁帶著藥膳的濃郁甘醇,滋養身體,令人暖意融融 而且雞都係用咗雞背，唔會嚡！仲有牛都唔算好肥！香酥炸小雲吞: - 外皮酥脆可口,一口咬下脆卜卜！一啖一嚿凍檸檬紅茶: 完全冇令我失望嘅港式檸檬茶！茶香與檸檬酸甜交織,喝下去回甘無比！太子雞翼: - 外皮酥脆金黃,一口咬下,肉質鮮嫩多汁！呢度而且仲有高質素畫滿晒，我最鍾意動漫人物嘅黑板包括有排球少年，獵人，spy family 火影忍者等等超可愛嘅黑板！超級有愛

係銅鑼灣想平平哋食到高質餐廳呢間好岩！門店簡約環境，但食物質素有驚喜！喜愛藥膳湯同口水雞一定唔好錯過！招牌口水雞刀削麵真係砂煲上熱辣辣 口水雞又大碟 口水汁好惹味！刀削麵好有咬口 軟硬度適中 唔會咬得辛苦，而且雞湯底好香濃！藥膳湯煲我揀左米粉！湯同米粉真係好夾～藥膳湯好令人驚艷！濃厚藥材味，真係忍唔住連湯飲晒！ 入面除左有鮮嫩雞肉 仲有豬軟骨同鮮牛肉！ 湯底仲有甜粟米粒 係推介嘅湯煲!平民推介之選！真係大大煲好好食😋

夏日炎炎 食拌麵解暑又開胃🤤🥢成年人不作選擇 藤椒麻醬拌麵 $80: 有齊3款肉: 香滑落湯雞、家鄉祖傳豬軟骨 特級手切牛頸脊揀咗拉麵 幾彈口!! 藤椒香辣惹味，鋪滿麻醬及青瓜絲😆+$12 加底 夠曬飽😚🥢家鄉祖傳豬軟骨藥膳刀削麵 $6: 豬軟骨炆得入味 軟骨爽脆 肉嘅部份都嫩滑☺️ 藥膳刀削麵口感煙韌😝 🥢太子雞翼(5隻) $36: 炸雞翼香脆內嫩 簡單調味好正😚

自家製堅持新鮮製造而且無添加👍已經有30年歷史重新裝修餐廳及更新咗餐牌有不少夏日限定食物叫咗佢哋最新出品的拌麵系列蕃茄肉碎拌刀削麵（四大名醋之鎮江骨）～刀削麵食落煙靭彈牙又滑溜，蕃茄肉碎新鮮又滋味，鎮江骨肉質肥厚，味濃而不油膩，酸酸甜甜非常嫩滑，而且係另上的，非常軟腍，推薦👍五香滷水豆腐乾～豆腐乾索滿滷水汁，香氣四溢，而且富含豐富的蛋白質😋太子抄手（小辣）～醒胃小食，勁大隻，皮薄餡料勁足😄

一個人去銅鑼灣做野，做完野之後搵野食，不過銅鑼灣雖然多食肆但好多lunch 時間都要排隊，經過見到呢間主打食刀削麵但無咩人排，就膽粗粗入左去試下，點知非常有驚喜！環顧四周，見周圍嘅食客都係叫口水雞藥膳湯刀削麵，由於減緊肥不宜食太油，所以就清清地叫個花雕醉雞藥膳湯刀削麵試下！等左一陣就上左份雞先，似係雞脾位，不過肉骨參半（如果可以去骨就好，岩懶人) 肉質幾嫩，仲有啲雞湯啫喱！等左一陣就上埋個藥膳湯刀削麵！岩岩上到嘅時候仲係滾緊！勁新鮮熱辣，聞落仲有好重嘅藥材味，飲落藥材味都好濃，係似有當歸個隻味！ 刀削麵都幾彈！整體唔錯，不過食完有少少口渴，我估點都有少少味精