麵館皇

营业中

休息中

天氣轉涼又不想下廚，一家人在家附近見到這家新開麵館，決定一試。餐廳主打藥膳湯麵，先來個成年人不作選擇，湯頭清甜淡淡當歸香，刀削麵煙韌彈牙。配料豐富，雞肉味鮮，豬軟骨軟稔，牛肉同樣料靚。跟餐小食白菜雲吞大隻足料，非常抵玩。滷豆乾同樣份量十足入味。另一套餐獅子頭菜飯，小棠菜爽口翠綠，伴飯清香。獅子頭炸過表面香脆但不過油膩，内裏香嫩，肥肉不多，配上滷汁十分下飯。還附送小食青瓜。這裏餐點不凡中見功架，值得推介。

經過見到幾多人食同埋好多好評就試吓點知中晒伏 掃code落完單等咗好耐先有野食落湯雞藥膳刀削麵成兜好似湯渣咁唔知食緊咩，雞肉勁鞋又多骨 斬得碎食嗰陣要好小心，刀削麵又厚又短 成嚿麵粉咁，湯底全部都係雞油無藥膳味 食咗幾啖就冇食去咗食其他野 唔明點解啲人都食得落

見到呢間小店新開，又多選擇（湯麵又有、拌面又有、菜飯都有！)，又平民價位👍🏻，就走入去試試！四大名醋之鎮江骨 拼 藥膳灌湯麵 (刀削麵)呢款菜式係麵館皇嘅必試之一！鎮江骨以鎮江醋為靈魂，醬汁酸甜濃郁，滲入到排骨內，肉質軟嫩入味，酸香味道開胃又唔膩。鎮江醋嘅味道同佢藥膳湯嘅味道超幾夾！令人不停口！湯底以藥膳熬製，帶有淡淡嘅中草藥香氣，湯味溫潤而不苦澀。刀削麵厚薄適中，口感彈牙，令人非常滿足😌，食完之後暖笠笠～🍜🍖秘製麻辣口水雞 拼 藤椒麻醬拌麵 (手擀麵)呢道配搭推薦辣味愛好者，呢個組合完美結合咗川菜嘅麻辣風味同手擀麵嘅彈韌口感。首先佢哋嘅秘製麻辣口水雞，雞肉滑嫩大大嚿，配上花椒與辣椒調製嘅麻辣醬汁，層次豐富，入口先係辣，再係香，非常過癮。然後藤椒麻醬拌麵，非常非常推薦叫手擀麵！今次第一次試手擀麵，原來呢種麵質感爽滑，又有彈韌口感，加埋藤椒麻醬嘅濃郁同青瓜絲，texture同味道都非常過癮！真係令人停唔到口！🌶️🍝小食炸鮮肉大白菜及小棠菜雲吞炸得金黃酥脆，內餡以鮮肉、大白菜同小棠菜調製，餡料鮮甜多汁，外皮鬆脆，係一道令人一試難忘嘅小食。太子雞翼雞翼炸得外皮香脆，內裏保持嫩滑，醃料滲透得非常

呢間麵館皇嘅出品真係唔錯，佢地嘅招牌藥膳湯麵真係超正，雞肉嫩滑，豬軟骨好入味，軟硬度適中，牛肉肉質軟嫩，湯底濃郁，飲落去有種暖心嘅感覺；仲有佢個芫茜刀削麵，麵條煮得啱啱好，咬落去有彈性，好有口感；加埋啲蔥花味道更加提升，真係一碗滿分嘅湯麵！而佢地嘅麻辣口水雞飯亦都係必試，有雞味不在話，而且醬汁濃厚，辣到適中，菜飯又好香；仲有葱油餅亦超鬆脆，好香口；另外，不得不提嘅就係佢地嘅即磨豆漿，第一次飲到咁滑咁香濃嘅豆漿，真係好正。總括來講，無論食物質素、環境衛生、服務態度同價錢方面，性價比都非常高，下次一定會再去試埋其他嘢！

成人不作選擇 $78可以一次過滿足晒三個願望，食到佢哋嘅雞，豬軟骨，牛！好豐富😂當中豬軟骨最令我深刻，超級腍，又入味，仲有好多骨膠原添！😆牛係用牛頸脊，好正！湯底係寫明無添加，藥膳湯底，好補氣，冬天飲就啱晒！今次我揀咗食手擀麵，唔係我想像中嗰種添🥹好薄皮，食到最尾會發脹叔嫂傳糖醋魚 $62好抵食！魚係分開上，炸到好香脆，配糖醋汁好味道👅今次揀咗刀削麵，果然係signature！超好食，煙煙韌韌！雙拼水餃 $63分別嗌咗大白菜水餃，鮮肉水餃！鮮肉水餃個皮厚啲，但係好多汁😍大白菜就感覺上大隻啲同好多菜😂蔥油餅 $29里個好好食！平時好少食到咁重蔥油味，又唔會好油咼！好正！

今晚真係好有驚喜。 係新蒲崗附近放工，咁啱有朋友一齊食飯，見有啲凍想食麵，就入左呢間麵館皇食。入到去好住家既感覺。 打開muen就比佢既藥膳煲吸引到，所以第一樣就點左個”成人不作選擇”跟手擀麵黎食。 一黎到個藤椒麻醬已經好香好吸引。 食落少少辣，麻味好正，令人暖笠笠，仲有個餸係雜錦，好嫩既雞，豬軟骨同手切牛頸脊，果然係成人不作選擇，咩都要。仲要加配有好鮮甜既菜心，而且熱飲都好大杯。而其他仲叫左叔嫂傳珍糖醋魚，香酥炸雞扒，都係好正。 即叫即炸，一啲都唔油，亦冇肥膏，好好味。 試埋佢既刀削麵，拉麵同年糕都好出色。 好明顯真係手做唔係機打，咬口好Q彈。 最正係佢啲湯好住家feel，超好飲。 唔會好大陣藥味，但飲落好舒服。 竟然係新蒲崗搵到咁正既麵店，下次去開呢頭都有好野食啦。

我詁計樓上嗰十個好評都係請搶手制作出來的，口水雞飯，菜飯+$3，啲飯凍冰冰，一入口就食得出唔係即日煮嘅，口水雞更加難食到嘔，唔知佢哋廚房邊度學出嚟嘅，完全未食過咁難食嘅口水雞，我食左兩啖就掉咗。連個拉麵都係只係暖暖哋嘅（忘記照相，因為其他人食）所有食材完全唔夾，份量少得可憐，邊有樓上嗰幾位人兄影出嚟咁多呀，咁嘅出品都有人贊好🤔️從來都未試過寫呢啲食評，因為覺得，搵食艱難，大家生活唔容易，過得去就算，但係今次真係忍唔到🤬

今晚黎開新蒲崗呢邊，天氣凍凍哋，見到佢有藥膳湯底嘅麵，就一入食下啦。特級手切牛頸脊藥膳拉麵先飲個湯，熱辣辣得黎，個藥膳味道好平衡，唔會話過重藥材味，牛頸脊幾軟腍，牛肉味幾重，拉麵爽口彈牙。加左$12 要一隻藥膳糖心蛋，隻蛋好流心，淡淡藥膳味好香。加$12香酥炸小雲吞，總共有10粒，一口一粒，炸得酥脆得黎又唔會好油。加$18白灼菜芯，都大碟。花雕醉雞藤椒麻醬拌麵個麻醬味好香濃，少少麻辣味令食慾大增，個醉雞酒味平衡得啱啱好，加$5就可以轉做雞髀，啲雞肉好嫩滑，所以性價比好高。另外仲叫左一杯豆漿同埋一杯凍檸樂，豆漿都幾厚身👍👍。

整體都幾乾淨，座位都算寬敞。一個人嚟食都唔會覺得迫。藤椒麻醬拌麵: 個麻醬味好濃郁，撈勻啲麵條食真係好過癮！藤椒嘅辣度啱啱好，食完成個口都好香。個面底仲好煙煙韌韌，好有咬口。花鵬醉雞藥膳米粉:雞肉好嫩滑，酒香入味，用瓦煲盛起配埋啲米粉一流！個藥膳湯底好濃郁，標榜無添加味精，食落去唔會好口渴。太子抄手:皮薄餡靚，韭菜豬肉餡好足料，仲好夠辣糖醋魚:大大嚿外脆內軟，酸甜夠晒開胃，配埋熱豆漿，豆味香濃。整體價錢唔算貴，份量十足，天氣咁凍，嘆碗瓦煲藥膳湯麵啱晒。

今日天氣凍，特別想食下熱辣辣的麵食。特級手切牛頸脊拉麵（$72）：牛頸脊肉鮮嫩，脂肪分布均勻，烹調後保留了肉質的鮮美。肉的口感滑順，彈性十足，讓人一口接一口。拉麵具有嚼勁和彈性，能很好地吸附湯汁，讓每一口都能品味到湯底的美妙。這套餐加了$12要大白菜及小棠菜雲吞：雲吞皮薄透，包裹著豐富的餡料，顏色清新，給人一種食欲感。大白菜和小棠菜的顏色亮麗，增添了視覺上吸引力。雲吞皮非常滑嫩，不會有過於硬或厚重的感覺。當咬開的瞬間，清脆的蔬菜口感隨之而來，大白菜的水分充足，小棠菜增添一絲清香，口感清爽。香煎蔥油餅（$29）：香煎蔥油餅的外層金黃酥脆，內層則柔軟有嚼勁。當你咬下去時，餅皮的香脆與內部的柔韌形成了極佳對比，每一口都充滿滿足感。秘製麻辣口水雞（$58）：口水雞肉質的鮮嫩。雞肉十分多汁，搭配上醬汁後，風味更豐富。秘製麻辣的醬料更讓人回味無窮。+$5配了芫茜刀削麵：刀削麵外表光滑，彈性十足。嚼勁十足，令人滿意。芫茜的使用為這菜增加清新的香氣，平衡麵條的厚重感。

今日跟朋友去咗位於新蒲崗「麵館皇」lunch …. 「麵館皇」裝修簡潔，坐位寬躺，坐得舒服…而且意麵底有多款選擇如…拉麵….刀削麵…手擀麵…米線…和竟然有芫荽刀削麵👻😍😍成年人不作選擇🤪加$5 轉埋芫荽刀削麵…….有齊雞、豬軟骨同埋牛頸脊🤭🤭🤭藥膳雞湯底，濃厚好味……豬軟軟腍，好入味⋯⋯啲不錯！跟餐+$12…香酥炸小雲吞…有10小粒，一粒一口👻五香滷水豆腐乾 加$18……豆腐乾滷得好入味👍

呢排喺新蒲崗做野比較多，今日天氣涼涼地，見呢間麵館新新淨淨又有藥膳湯, 就試左呢間。主要分左湯麵、定食、拌麵，湯底有藥膳湯、太子湯可以揀，拌麵有藤椒麻醬拌麵、蕃茄肉碎拌麵、酸菜肉碎拌麵可以揀，然後就揀咩餸。我試左藥膳湯配刀削麵、手擀麵，餸就試左麻辣口水鷄、花雕醉鷄，小食就試左炸小雲吞、鹵水豆腐乾。✨藥膳湯就略嫌唔夠藥膳味道，可以再濃 dd，花鵰醉鷄都係唔夠花鵰酒香氣，可以再濃 dd，麻辣口水鷄就比較有番 d 味，微微辣。✨小食可以直接放棄🥲，炸小雲吞真係小到一個手指頭尺寸、鹵水豆腐乾係無味的😓，豆腐乾其實係豆腐，唔係豆腐乾。

新開傳统北方文間小店👨‍🍳主打手製刀削麵及藥膳灌湯拉麵🍜採用新鮮無添加食材，保證客人吃得健康😊藥膳雞湯米食材屬溫性🍲有補氣益血作用🔄最適合秋冬天氣，有補身功效🤗雞肉鮮嫩，還有豬軟骨及手切牛頸脊😋湯底香甜濃厚，帶點黃酒香味🍶糖醋魚酸甜滋味，有酥脆口感🐟魚肉夠嫩滑😙酸菜及肉碎經過快炒散發特有香氣🔥再配搭拌麵，口感豐富🤩醉雞上枱散發淡淡的酒香🐓花雕酒完全滲透到雞腿內🍗雞肉肥美多汁，非常入味😍水餃包得很精緻，皮薄、肉鮮🥟吃落餡料很足，好多肉汁☺️

平時一向鍾意食刀削麵 但係屋企人話唔想食咁重口味咁啱見到屋企附近開咗間新嘅刀削麵餐廳價錢屬於大眾化 一般嚟講$50左右就有交易天氣開始涼，食返一碗熱騰騰的刀削麵都唔錯湯底好味 飲得出冇味精 全部都係自己煲小心個煲真係好熱 分量非常充足，揀咗呢碗叫做「成年人不作選擇」有三款餸豬軟骨 滑雞 牛頸脊個名都幾搞笑，麵條彈牙，好多餸特別滿足另外我自己好鍾意食呢度嘅雲吞但係我鍾意濃味 所以揀咗炒手醬汁香濃好食 仲可以揀大中小辣另外我仲揀咗：藤椒麻醬拌麵選擇咁多真係好困難 另外配咗口水雞雞肉好淋 相信係慢煮 非常惹味另外單點咗一份麻辣豬耳 份量比較多口感爽脆

最近見到新蒲崗Mikiki附近開咗間藥膳刀削麵，仲要係事業當中仲未正式開業，於是入去試吓。餐廳就簡約風，老闆娘亦非常友善推介我哋試吓佢哋嘅藥膳湯底，我同老婆仔叫咗成人不作選擇藥膳芫荽刀削麵和花雕醉雞藥膳刀削麵，仲加咗藥膳糖心蛋。小食方面就試咗太子雞翼及上湯菜心。藥膳麵用原個砂煲呈上，上枱時仲係非常滾，小心焫親手，藥膳湯底非常濃郁有濃濃藥材味，配料方面亦非常慷慨花雕醉雞竟然俾咗¼隻雞。成年人不作選擇就有手指牛頸脊，豬軟骨及滑雞，非常多配料，呢度嘅刀削麵竟然有我最愛嘅芫荽刀削麵。藥膳糖心蛋一屆開蛋黃已經流出嚟另外太子炸雞翼亦非常香脆，上枱時仲feel到啲佢嘅熱氣，入口非常多汁入味非常喜歡，最後仲叫咗上湯菜心及加配了凍飲。去開新蒲崗推薦大家試吓。