麥當勞 (荷里活廣場)

早餐拣咗「热香饼精选套餐」，加埋薯饼、Nestle蓝莓乳酪同热朱古力，一次过齐晒甜同咸。 热香饼三块叠高，外层微焦，口感松软带少少烟韧，淋上枫糖浆之后即刻多咗层甜香，配牛油更滑口。薯饼就典型麦记水准，外皮脆卜卜，里面马铃薯蓉软绵，咸香油脂感正好中和香饼嘅甜腻。 乳酪系个清新惊喜，入口凉爽，蓝莓果粒酸甜突出，令餐点唔只得heavy口味，仲有层轻盈收口。至于热朱古力，甜度偏高，但香浓幼滑，早餐时饮落几舒服，特别适合想要暖一暖胃嘅人。 成份早餐组合算系平衡，小小甜腻、少少炸香，再加埋乳酪同暖饮作对比，感觉饱足但唔至于太腻。虽然系快餐，但食落竟然带嚟一份简单满足，啱晒赶时间又想有少少安慰感嘅早晨。…查看更多

【荷里活广场麦当劳｜$10九件麦乐鸡狂热实测】 今晚放工冲去钻石山荷里活广场麦当劳，挑战传说中「$10九件麦乐鸡」极限食法！一啖气扫两盒当晚餐，$20豪食18件鸡，仲有4包甜酸酱任点，简直系打工仔福音！ 第一盒新鲜出炉热辣辣，咬落脆皮「咔嚓」声超治愈，鸡肉虽未算Juicy但绝对唔柴；可惜第二盒明显摆耐咗，外皮开始变韧，证明麦乐鸡真系要即炸即食先完美。甜酸酱慷慨俾足4包，酸甜平衡够开胃，但食到第15件开始有啲腻，建议配杯无糖可乐解滞。 性价比：★★★★★（破表！） 饱足感：★★★☆☆（男士可能要加薯条） 邪恶度：★★★★☆（减肥人士慎入） 后记：食完两盒罪恶感爆灯，但望住$30找数单据——麦记今次真系赢晒！…查看更多

而家唔系间间Mcdonalds有Mc Cafe，好多都变咗built in coffee machine，even 叫mc cafe drink, 都系直接机出，冇晒拉花。原来钻石山荷里活广场呢间麦当劳，有额外一个mc cafe counter,亦都有三位baristers. 今日嗌咗杯latte, 本身讲明要堂饮杯，但系最后俾咗外卖杯，揭个盖发现又系冇拉花。同职员讲讲，本身谂住算，但系职员都好好换过另外一杯，咖啡同奶味OK，拉花勉强合格。…查看更多

终于返来啦麦当劳将军汉堡餐于2月14日情人节开卖一于去捧下场啦，今天还有限定一天优惠还有同时推出焙茶麦旋风同抹茶麻糬批今天一气过试哂佢我好喜欢玉子将军汉堡既酱汁🍔焙茶麦旋风好得oreo控必点而抹茶麻糬批不是太甜浓抹茶味烟烟哽哽祝大家情人节快乐❤️🤠#hongkong #hongkongfoodie #hkfoodie #foodie #hk #food #yummy #hkig #ig #eater #eat #hkeater #photo #delicious #deliciousfood #mcdonald's…查看更多

麦当劳系一间快餐店咁当然话明快餐店，当然系快㗎啦但系佢快得来好食之外，仲有不同嘅主题例如如果热门系多啦A梦佢就会有多啦A梦嘅小玩具送俾小朋友不过一定要系开心餐虽然话系一个餐先有玩具 但系开心乐园餐系唔贵嘅好抵食同埋可以送到俾小朋友开心每个玩具都系有分日期所以要玩具嘅就快啲去买啦！…查看更多