麥記美食 (景文樓)

营业中

休息中

以前喺北角住過一段時間，都食過幾次麥記，今日喺北角匯行開，就特登過嚟食返兒時味道🤭-見到都幾多遊客嚟食，估唔到原來麥記已經連續九年攞到米芝蓮推介～記憶中呢度嘅鍋貼同小籠包好好食，今次再食覺得水準都冇變，小籠包嘅皮厚度啱啱好，而且係爆汁，匙羹都裝唔晒啲湯汁🤤鍋貼就比較細隻，感覺有啲似餃子，不過個底煎到好脆，同樣都係好多汁👍🏻-另外我朋友就好欣賞過雲吞擔擔麵（套餐$63，連鍋貼飲品），雲吞嘅皮好滑，擔擔麵嘅花生味又夠香，淨係食個麵再加啲鍋貼都已經好飽～-見佢有黃金雞翼（$33/3隻）就叫埋嚟試吓，雞翼面包住滿滿嘅鹹蛋黃，啖啖都超邪惡🤣而雞肉亦都幾滑，唔會煎到乾晒身～-呢度好多食物都有水準，建議同朋友嚟，叫多啲款可以share嚟試😝

這是一間連續多年榮獲米芝蓮推介街頭小食的食店，主要提供堂食及外賣上海美食，有鍋貼、生煎包、上海湯麵等。酸辣小雲吞餐大大碗酸辣湯加入多粒鮮肉雲吞，酸辣湯酸味同辣味都啱啱好，唔會太刺激，剛好為雲吞調味，套餐包括3隻生煎鍋貼，鍋貼生煎，啲肉味同肉汁保留喺鍋貼，鍋貼個底煎得好脆。鴛鴦餐兩種招牌生煎鍋貼同生煎包各四隻，生煎真係唔同，功夫同時間掌握好重要，生煎包亦一樣煎得脆底，包身鬆軟，肉餡沒有複雜調味，係原汁原味道。套餐跟酸辣湯都真材實料，好足料唔太酸。追加～小籠包，小籠包啱啱好一啖一隻，皮好薄但夾起唔會穿，半透明透視成隻小籠包裏面充滿肉湯。蒜香牛油雞翼超有驚喜，雞翼外層鋪滿蒜蓉，蒜香味爆燈，雞翼入味非常之嫩滑，同餐牌說明一樣～好惹味呀！

北角地膽必食 米之蓮黃金鍋貼作為一個北角人，又或者你嚟到不過冇可能唔去食麥記美食嘅鍋貼，簡直係北角嘅表表者。一試難忘。如果你住喺附近，更加可以買返屋企慢慢嘆👍🏻我成日都係咁😆佢嘅鍋貼煎到金黃色，個底脆卜卜🥟仲有佢嘅酸辣湯好啱我，夠酸再加少少辣👍🏻原來佢即場食嘅雲吞麵，都好好食，雲吞包得好足料今次再試咗佢新店呢邊有嘅特色雞翼，有蒜蓉味，同埋鹹蛋黃味，炸到脆卜卜，但係入邊有肉汁👍🏻😋😋，呢個新產品唔錯［麥記美食 (景文樓) (北角)］📍北角堡壘街19號景文樓地下2號舖推薦度（10👍🏻滿）：8.5👍🏻滴汗度（10😅滿）：不適用衞生（10⭐滿）：7⭐環境（10⭐滿）：7⭐賣相（10⭐滿）：9⭐味道（10⭐滿）：9.5⭐價錢（10⭐滿）：9⭐服務（10⭐滿）：8.5⭐地點（10⭐滿）：8⭐#晚餐#晚市 #食飯 #推介 #美食 #美食推薦 #美食日記 #堂食 #食好西 #吃貨 #美食推薦 #食評#北角美食 #餃子 #米芝連 #winsomelai

因為鍾意食嘢，每年都會留意米芝蓮公布名單，尤其特別關注小店，值得大力支持💪🏻今日專登過海嚟呢間連續9年獲得米芝蓮街頭小食推介嘅「麥記美食」試試😋鎖定目標要食呢度嘅名物～ 生煎鍋貼🔥💫10隻生煎鍋貼皮夠薄韌，無發酵嘅蓬鬆感，個底煎到非常脆卜卜，硬度適中口感好👍🏻肉餡做得唔錯，食落啖啖肉，確係唔錯，難怪見隔離左右都係叫鍋貼😆💫酸辣湯估佢唔到味道有驚喜，又好足料！酸辣平衡，入口舒服，唔會太稀，唔使額外加醋同胡椒粉已經好夠味簡簡單單配支凍豆漿套餐選擇整體滿意，不枉此行，會推介比朋友仔

上次同朋友嚟麥記美食到食完嘢之後，朋友對佢哋嘅鍋貼念念不忘，特意今次再約食飯，點都要叫返鍋貼嚟食雲吞麵餐 $55雲吞麵餐包括有雲吞麵，鍋貼x3同埋凍豆漿+$6雲吞麵用上清湯，一共有六粒雲吞，用上雞蛋黃麵，並灑上蔥花，味道清淡，麵條煙韌彈牙，突顯出雲吞嘅鮮甜雲吞擔擔麵餐 $63擔擔麵套餐就係雲吞擔擔麵，鍋貼x3，凍豆漿+$6擔擔麵同樣用上雞蛋黃麵，湯底濃郁，用上麻醬、花生醬混合而成，帶有明顯嘅花生醬香氣，湯底亦用上炸醬，味道小辣，加埋香蔥提升層次鍋貼鍋貼底部煎得香脆，入面肉餡加有少少蔥花，肉汁豐富，建議先食原味，之後再點黑醋食更清爽，不愧係米芝連連續9年推介的小食極上蟹粉小籠包 $22/1同朋友見到小食店新出蟹粉小籠包，一於要嚟試下，小籠包新鮮出爐，入面充滿蟹粉餡料，味道香濃，記得加醋同埋薑絲一齊食凍豆漿支裝豆漿，香港製造，味道不會太甜，夠凍又解渴

之前一路聽人講北角呢間食鍋貼好出名 今次難得經過北角就決左一定要黎試下！首先一定要試呢到最出名既煎鍋貼 有滿滿既餡 豬肉肥瘦適中 個皮煎得好香脆 食落又唔會話好油 但又好有肉汁 果然係招牌菜式 見到師傅不斷即場包 手法非常熟練 另外叫左小籠包 皮薄餡靚 仲有滿滿既肉汁 係出色既小籠包 好味😋 仲叫左抄手，佢一碗既份量唔少，配上佢既醬汁非常惹味辣辣地好香口 最後加埋豆漿 呢一餐相當完美食完覺得佢有咁多年米芝連果然名不虛傳👍🏻會為左佢既鍋貼再番黎食

今晚約了舊同學嚟到北角堡壘街景文樓的麥記美食品嚐上海小食，門口貼了很多米芝蓮獲獎標誌。我們點了兩個小食和兩個套餐：小龍包小龍包皮薄餡多，鮮甜可口。豬肉餡嫩滑，有淡淡嘅肉香。蒜蓉炸雞翼蒜蓉炸雞翼外脆內嫩，蒜香濃郁。每一啖都充滿住蒜蓉同雞汁嘅混合香味，令人一試難忘。雲吞擔擔麵加鍋貼餐雲吞擔擔麵擁有濃厚嘅花生醬香味，加上爽滑嘅小雲吞，真係一流。麵條彈牙，口感豐富。鍋貼外皮煎得金黃酥脆，煎得剛剛好，底部香脆， 細細隻容易食 。輕食套餐 ‘‘酸辣湯加鍋貼’’酸辣湯酸酸辣辣，開胃爽口。內裡有豆腐、木耳，材料豐富，湯底醇厚。再嚟三隻鍋貼，同上面講嘅一樣外脆內軟，餡料鮮美，一口一隻。最後配上一杯凍檸樂，真係絕配，清爽解渴，仲有檸檬嘅酸味，正好平衡咗所有味道。

一進去這個女侍應「有乜可以幫到你～ 」我問有冇位（店裡只剩一小張桌子還被放了包）結果她還一直「有乜可以幫到你～」我問要先點餐嗎？？？她又問我在這裡吃還是帶走我說在這裡吃啊 她就很不耐煩說坐那看好了再跟我說也沒跟我說菜單在哪裡。。旁邊的人看不下去跟我說菜單在桌子下面。然後我說要豬扒擔擔麵，她又聽成擔擔麵還要我拿菜單給她看，裡面男的說是豬扒擔擔麵wo，她又一直問我豬扒還是雞扒，然後又開始陰陽怪氣那個男的，廣東話陰陽完又普通話陰陽我還以為是看不起說普通話的，結果另一桌走的時候跟她說唔該晒，別人剛出去她就開始「唔該晒～」「唔該晒～」，真的不知道什麼毛病⋯吃的也麻麻哋，擔擔麵很膩，只有麻醬的味道，不知道為什麼稱得上米芝蓮，可能只是店比較老吧😅😅

麥記美食開業多年，而且還得了米芝蓮推薦，所有品項均是食客的心頭好，麥記美食的生煎包、生煎鍋貼是熱門菜式，全是現點現做，味道絕對令人驚艷，朋友常驚呼到底師傅們怎麼可以做得這麼厲害好吃。鴛鴦餐包含麥記美食兩款名物生煎鍋貼和生煎包，另有酸辣湯及熱飲，不過我們都再加六元配豆漿，感覺吃生煎包與生煎鍋甜這類包點、餃子配喝豆漿最合拍不過。生煎包不愧是麥記美食的必點招牌之一，尺寸比一般煎包還巨大，生煎包採取先蒸後煎的手法，外皮上層嫩彈，底層焦脆香酥，火喉功夫了得，光吃皮也會愛上這極品的生煎包，一口咬下生煎包，滿滿的肉香噴發，太邪惡了。咬了一口給大家看，包皮保有口感，不過厚不過薄，而且有著淡淡甜香，加上肉餡飽滿多汁，肉質紮實鮮美帶點脂肪，稱作銷魂生煎包也不為過，生煎包吃了會想外賣給家人，一起分享那種溫暖。個人認為生煎鍋貼最佳拍檔是酸辣湯，麥記美食的酸辣湯湯料不少，湯裡面有豆腐、肉絲、豬血和筍絲，幾乎每一口都會吃到不同的材料，酸辣湯嚼感相當豐富，讓我們愛不釋口。朋友選吃酸辣小雲吞餐，酸辣小雲吞屬水準之上，用料不手軟，材料切得細緻，給得慷慨，酸辣湯酸度夠，辣味順口，小雲吞圓滾滾的蠻可愛，賣相加分，外皮薄滑，

這間連續九年獲得米芝蓮推介的小店，真係值得一試。雖然唔係咩豪華餐廳，但食物質素同價錢成正比，難怪成為附近街坊嘅心水選擇。最啱係，店家堅持唔用味精，食完唔會有口乾嘅感覺，舒服得嚟仲健康。🏅招牌鍋貼係必試之選，細細隻剛剛好，底部煎得香脆，咬落去仲有啲焦香，配埋內裡肉餡嘅鮮甜，簡單而滿足。🏅生煎包亦係另一招牌，外皮微脆，內餡肉汁豐盈，咬落去汁液爆出嚟，真係一啖天堂。🏅至於小籠包，皮夠薄但唔易爛，內餡鮮嫩多汁。麵類嘅選擇亦唔錯，🏅雲吞擔擔麵嘅湯底濃香，充滿芝麻花生香味，雲吞皮薄餡多，彈牙又爽滑。鍾意酸辣味嘅朋友可以試吓🏅酸辣湯小雲吞，酸辣湯調味平衡，唔會過酸或過辣，小雲吞細細隻，熱辣辣，好滿足。整體嚟講，呢度嘅食物冇咩浮誇花巧，但勝在味道真材實料，價錢親民，難怪可以喺街坊心目中屹立多年！

位於景文樓的上海主食小店，觀察期間不時有街坊進出，外賣打包等等。看來小店已經是注足良久的街坊地膽，店員不時邊工作邊跟熟客閒聊兩句，顯得街坊地道，別有一番人情味。套餐推介4+4（生煎包配鍋貼）+ 酸辣湯（餐）加豆漿 $63.00• 4 Potstickers• 4 Shengjien Bao• Spicy & Sour Soup• Hot drinks量感十足，食完非常有飽足感。生煎包一口咬下去。出事。肉汁噴射式爆發。因為一雙筷子從上面插下去的。結果滿手都是熱騰騰的肉汁。吃的時候要注意⚠️熱湯。鍋貼相反比平時小巧，一口一粒痛痛快快。小店有提供辣醬，店員建議配着吃，非常細心。蒜香牛油雞翼Garlic butter, chicken wings（跟餐價 $28 .00）即叫即炸，蒜蓉立時化身金銀蒜。放了一陣打卡，吃的時候依然熱辣辣，蒜蓉香味十足。大碼雞翼，入口啖啖肉。火喉岩岩好。另外有鹹蛋黃味，可以一試。

呢間餐廳係主打食鍋貼同生煎包，上海菜多，呢度既鍋貼仲已經係第九年拎左米芝蓮既獎項，鍋貼仲即叫即包，食物新鮮，而家蟹粉季節限定仲有蟹粉小籠包我地仲叫左一個生煎包鍋貼配酸辣湯套餐，呢個餐真係好抵食有生煎包香脆又熱辣辣多肉汁又軟熟既口感，大大個好抵食，鍋貼煎到香脆，入口好多肉汁，酸辣湯好開胃入面好足料仲有豬紅，木耳絲等等既豐富材料自家制好好飲。排骨擔擔麵：呢碗真係好正，湯底既擔擔麵夠晒多花生醬味，濃郁到會連湯都想飲晒甘濟，排骨大塊啖啖肉甘都好食，價錢好抵。

有間人情味小店值得支持， 我同事說已幫襯一段時間了， 聽說原來是連續9年榮獲米芝蓮推介，所以水準不錯👍店員好親切，餐廳細細但感覺位置舒服企理！桌子都美觀的，食物擺放都好企理！生煎包外皮煎得金黃酥脆，內餡飽滿多汁，十分滋味！雲吞擔擔麵配鍋貼雲吞皮薄餡多而且好香花生🥜味十足！最後還加錢可配上支裝的凍豆漿好滿足了！我見好多小食可以選， 下次再幫襯都想點下小食呀！🧡麥記美食 北角堡壘街19號景文樓地下2號舖

好耐都冇食到好食嘅生煎鍋貼同小籠包，今日經同事介紹，有一間連續多年獲得米芝蓮嘅街坊小食店裏面嘅生煎鍋貼係非常之出色，帶媽咪一齊過嚟試叫咗兩個套餐一個係10隻生煎鍋貼套餐配酸辣湯另一個係雲吞擔擔麵配三隻生煎鍋貼，兩個都會配嘢飲我哋加咗$6要支豆漿生煎鍋貼，果然係招牌菜式，鍋貼底部做得好硬脆，而且鍋貼中間嘅肉餡調味適中又多汁，雖然我哋兩個人加埋有13隻，但係一隻接着一隻超級易入口又好食。雲吞擔擔麵都有驚喜，雲吞超級大粒而且裏面嘅鮮蝦爽口彈牙，擔擔麵亦都好香花生味而且裏面都好多肉碎，湯底好濃郁，超級掛湯，$60左右嘅價錢就食到一個餐真係超超級抵食再叫多咗兩款小食，分別係小籠包同埋金沙雞翼小籠包竟然比起外面專門食小籠包嘅店舖出色，小籠包真正鄙薄餡靚，裏面嘅湯汁多到爆滿，肉餡鮮甜，鹹蛋黃雞翼都非常之香，整體以呢一個價錢完全係超水準食物

一直想嚟試下呢間連續八年榮獲米芝蓮嘅小店！地點其實唔難搵，見到北角條天橋下有東亞銀行，再行上斜路就會見到堡壘街，小店就係你右邊！👍🏻《雲吞擔擔麵套餐 $63》▫️雲吞擔擔麵 ▫️3隻生煎鍋貼 ▫️熱飲（凍飲+$3） （豆漿/汽水+$6）生煎鍋貼🥟皮薄而且底煎得好脆口，肉餡多汁惹味，我完全無另醬油都夠晒味～ 擔擔麵個湯好香濃，好有花生香，少少微辣好惹味加上有好多肉碎！ 水餃亦都好多，好似食極都未食完咁，起碼有六七隻！個皮又薄又滑，肉餡又富肉汁，好香！ 加上面底都幾多，彈牙掛湯，每口都有香濃嘅擔擔麵湯底，必試！ 《黃金之翼 $33/3隻》 即係鹹蛋黃雞翼，好香好惹味！雞皮沾上鹹蛋黃，仲要有少少脆口，咬開好有肉汁，雞肉亦好滑！