影片
营业时间
今日营业
24小时营业
星期一至日
24小时营业
*Create Your Taste starts from 11:00-23:00
以上资料只供参考，请与餐厅确认详情
相关文章
今次跑步之前喺铜锣湾礼顿道，嚟咗一间平时都几常去嘅麦当劳，食番个简单但又唔失水准嘅晚餐先。我点咗一个餐加一个包，整体感觉几满意。首先系板烧鸡腿包，呢款我几钟意。佢嘅鸡腿肉质嫩滑，酱汁调味得几到位，唔会过咸或过甜。呢次我叫走酱，令到鸡肉本身嘅鲜味更加突出。面包嘅松软同埋微微嘅烘焙香味，配合鸡肉，整体口感几平衡，系一款唔错嘅选择。之后系猪柳汉堡，肉质唔算太厚，但感觉个包太硬，呢款包应该系烟靭先啱。配料方面，无酱汁有块芝士衬托下，唔会太过油腻，整体味道算系经典又唔失新意。粟米杯就比较简单，但系份量十足，主要唔想食薯条，粟米甜甜地，令我觉得饱肚又唔会过份油腻。最后系我点嘅即磨鲜奶咖啡，味道浓郁，咖啡香同奶味融合得几好，唔会太苦。冇落到糖感觉上又唔使跑咁多，提提神又唔肥。整体嚟讲，呢次喺铜锣湾礼顿道嘅麦当劳，食物质素保持一贯水准，环境干净，服务都几有礼貌。虽然系快餐，但系总能够食返细个嘅时候嘅感觉，确实令我有种放松又满足嘅感觉。有种童年情怀，系一个适合短暂休憩，快快乐乐医肚嘅好地方。
继续阅读
难得晨咁早起身🌅专登去试麦当劳新回归嘅「深海狭鳕鱼柳堡全餐」 套餐有齐晒 ----- 手掌咁大嘅炸鱼柳🐟狭鳕鱼柳真材实料 外层炸到脆卜卜，鱼肉唔似普通鱼柳包𠮶种薄身反而系厚实嫩滑嘅，仲保留住鱼汁完全食唔出雪藏味✨滑蛋🍳 炒得啱啱熟仲带住奶香，同脆口鱼柳一软一脆超夹！麦芬 烘到微暖松软，面头仲有啲脆脆嘅麦粒，吸咗鱼油同蛋汁更加惹味～薯饼🥔 即叫即炸够热辣，外脆内软薯味浓唔会油淋淋🔥再来翻杯 经典港奶☕ 茶底浓而不涩，炼奶甜度刚好，饮完成个人都醒神晒💛完美演绎港式西式fusion早餐～😋
继续阅读
昨日黄昏，独自一人行入铜锣湾礼顿中心嘅麦当劳，拣咗角落位慢慢食晚餐。人唔算多，自己坐低，静静咁过一阵简单又轻松嘅时间。今次点咗脆爆鸡腿饱套餐，配薯条同可乐，味道一如以往咁稳定。鸡腿饱外层香脆，鸡髀肉厚身多汁，酱汁咸香微甜，配埋松软面包，真系几有惊喜。餐后加咗件新出的韩式香蕉牛奶批，批皮香脆，内馅系流心状，有淡淡香蕉奶香，甜度适中，唔会腻，作为小甜品收尾非常满足。虽然只系一餐快餐，但能够一个人坐低，好好享受熟悉味道，系繁忙生活入面一种静静地对自己好啲嘅方式。简单、熟悉，又窝心。
继续阅读
🔍 麦当劳📍 遍布全香港📝 ★★★★★ 👍🪦永远怀念【 深海狭鳕鱼堡 】☀️早餐食麦当劳既话，深海狭鳕鱼堡餐一定系我首选！我可以一星期食足7日，一个月31日，一年365日！但系依家已经落左架🥹无得再食😢好可惜😭依个系麦当劳最好食既早餐，份量足，配料有🧀芝士、沙律酱、菜🥬个包系比平时软熟🥪长鱼柳比平时四方型既好食同脆🐟🥺自从佢落左架，我就再无去帮衬麦当劳早餐🤐🐟🐟🐟希望佢快啲返黎啦🐟🐟🐟完！
继续阅读
早餐叫个Mcgriddles真系好饱好满足！最正系有maple 糖浆分布满个包令人每啖都有甜甜既味道又同时咬到块猪柳，佢既咸味可以平衡番个甜味同时加只蛋，令件事冇咁重口味不过加埋一齐成个包都差唔多600卡！外卖既话个包既油一定会漏到包装纸外，什至连纸袋都变成油油的...
继续阅读
您可能会有兴趣的...