麥當勞 (東薈城名店倉)

7月8号应该全香港有几十万人为咗Chiikawa嘅包装同张贴纸，一齐食同一个餐😆以前食过M记虾堡觉得麻麻地，所以今次试下蟹肉可乐饼汉堡餐。蟹肉可乐饼汉堡唔系好食得出入面有蟹肉😂应该系蟹柳加酱料？因为有对海鲜敏感嘅朋友话食完都冇问题😂 不过胜在东荟城呢间麦当劳夜晚人流唔算太夸张，所以取餐𠮶阵可乐饼外皮仲系脆嘅，加返少少分。为咗Chiikawa纸杯所以加钱转饮Double冰雪芒果特饮，后尾先知原来叫McCafe其他饮品都会有呢只杯🥲饮品稍嫌太甜，唔太啱我口味。最失望系跟餐嘅焦糖炖蛋批冇用到Chiikawa纸盒装🥹 有人表示呢个批好难食，但我觉得味道ok，钟意食焦糖就会觉得唔错。…查看更多

可能大家对麦当劳无乜要求，其实我都系。都系夜麻麻口痕，用APPS嗌左个鸡翼餐，APPS有优惠会送多四件麦乐鸡。因为东荟城麦当劳出名多人，所以拣外卖包装，再睇下有无位而决定堂唔堂食。最近可以薯条加$3改做扭扭薯条，一打开真系有D惊吓，除左送几条薯条之外，全部扭扭薯条都系碎，无一条系扭到一个圈以上，应该都系「货尾」关系，所以又碎又揾薯条搭够。亦因为「货尾」关系，所以系冻晒!  唉麦乐鸡同鸡翼不过不失啦，鸡翼就似又细只左喇!而搅拌棒本身都以为系缩水到变尖左，原来系烂剩一半，另一半都唔见有，咁样都放上盘俾客人，呢间分店真系忙得好紧要呀…查看更多

今日去咗东荟城，同朋友行吓呢一个outlet, 下午茶谂唔到食咩就决定食个麦当劳。我就拣咗呢个板烧鸡腿餐，一个中薯条同埋一杯热柠檬茶。板烧鸡腿包加埋生菜同埋沙律酱口感非常清新，佢沙律酱嘅味道更加可以令到板烧鸡腿包嘅味道更加突出，我本身都非常钟意板烧鸡腿包，再加埋朋友俾咗呢个优惠我，真系非常抵食，钟意食嘅朋友唔可以坐过，唯一美中不足嘅系杯热柠茶有少少冻，可能系一早整好咗，不过我都费事同经理反映，薯条就正正常常，温度都系正常，另外呢一间麦当劳都几好坐，食完继续去shopping…查看更多

朋友话呢一个套餐系最后一日所以就过嚟试吓，呢一个套餐喺日本非常hit! 今日终于有机会嚟到试吓，不过就发现冇乜太大惊喜. 可能本身唔系太钟意甜同埋咸味道嘅配搭，佢嘅猪柳本身嘅咸味同𠮶个甜我觉得有少少 违和感，冇乜好大惊喜，反而就薯饼几出色，热辣辣而且非常香脆，系我本身最钟意嘅味道！嘢饮方便今日就升级左叫做一杯黑咖啡，黑咖啡嘅豆味都几香，如果以麦当劳呢一个水樽嚟讲，我觉得合格有余，整体嚟讲都觉得佢早餐质素唔错。…查看更多

今日入去大屿山呢边昂坪360同朋友去玩！出发之前点少得食个丰富嘅早餐先上去🙈🙈 朋友就话食麦当劳快快手，之后再出发去玩！ 我今日就叫咗板烧鸡腿鸡汤通心粉，通心粉嘅份量比我想像中多🙈 我第一次食麦当劳嘅通心粉，佢嘅鸡汤味道正常，而且有粟米做配菜，再加埋太大块板烧鸡腿鸡扒🙈 我都差啲食唔晒🙈🙈 薯饼就一贯作风，都系几好食，我仲另外加多左一件，薯饼热辣辣真系特别好食，嘢饮我就叫咗热柠水，呢个就冇乜特别了🙈🙈 整体都几好呀！🙈…查看更多