鷹巢

前排去左旺角希尔顿花园酒店入面嘅「鹰巢」中菜厅开餐 完全系估唔到咁有惊喜一入到嚟就觉得好恬静舒适 同出面旺角闹市系两个世界 位与位之间够阔落 坐得好舒服 倾计都私隐度十足 服务又好 一家人嚟食饭成个体验都好好秋高气爽 又系食蟹粉既时候 今次我哋叫咗啲时令嘅菜式《八宝芝士焗酿元贝》个元贝大只好厚肉 面头层芝士焗到金黄色 一拉开见到入面啲料多到泻！八宝馅好丰富 芝士味香浓但又唔会抢咗元贝嘅鲜味 太远正！《蟹肉烧酿滑豆腐》呢个真系考功夫 外面煎到微微香口 入面啲豆腐滑捋捋 加上满满既鲜甜蟹肉 清淡得嚟又好味 老人家同细路仔实钟意《蟹粉扒豆苗》金黄色嘅蟹粉多到呢 每一啖豆苗都挂满浓郁蟹粉 仲食到一丝丝蟹肉 甘香到不得了！个豆苗又嫩绿冇渣 完美配搭！《原个菠萝黑豚咕噜肉》个卖相已经赢晒！原个菠萝上枱 咕噜肉用咗黑豚肉 食落特别松化 个外皮脆卜卜 个酸甜汁调得啱啱好 仲有阵阵菠萝果香 唔会得个酸字 好开胃！《生炒腊味糯米饭》呢碟饭够镬气 ！糯米饭炒到粒粒分明 干身唔油腻 腊味嘅油香同咸香渗透晒入每粒饭度 食到尾都唔会觉得腻 系完美嘅句号！整体嚟讲 呢餐真系冇拣错地方 由头好食到尾 服务又贴心 如果想喺旺角揾个地方静静地、舒舒服服食餐高质粤菜 鹰巢绝对系一个好选择！👍…查看更多

入座舒适,餐厅职员安排座位,枱距有保持合适间距,唔会听到隔离枱对话, 一赞!两位经理彬彬有礼, 仲识讲笑氹得屋企人几开心,感觉不错!最后点左个set meal,言语间经理透露食物都系师傅即叫即制,所以需要小小时间等待,倾倾下计, 其实食物好快就到,＊普洱香茶先来一口香茶,醒神解腻,迎接黎紧既美食!＊杏香荔蓉带子酥外皮布满杏片, 带子饱满香嫩,配上特制酱汁,不错!差D忘记影相!＊花胶菜胆龙皇杏汁白肺汤花胶白肺足料! 感觉滋润, 舒畅!妈咪仲讲笑, 皮肤好似即刻令左!＊姜汁炒芥兰份量刚好, 清菜过后就准备重点的鲍鱼!＊原只南非九头鲍鱼鲍汁捞面鲍鱼软燸香甜, 捞面爽口, 假如有生菜伴碟捞汁,相信更加舐舐脷!＊水晶桂花糕略带小甜,传统糕点, 屋企人至爱!＊陈皮红豆沙有时候会怕陈皮味太重的红豆沙,呢个味道适中,亦唔太甜,几好! 闲时小聚一餐, 妈咪几钟意,酒店环境, 小小仪式感, 见妈咪一路chill下,一路分享图片比朋友,有时快乐就系咁简单!离开时见到隔壁台蜜汁叉烧, 好似几吸引,下次再黎试!…查看更多

屋企有长老生日所以衬住restaurant week订左收藏左好耐，位于Hilton Garden Inn中菜厅鹰巢去庆祝。今次点既晚餐套餐一共有八道菜，以摆盘独立上菜，精致高贵感满满。金牌叉烧王拼冰烧三层肉叉烧唔止香口咁简单，外层烧过带少少焦香，肉质软腍得嚟层次感十足，肉味浓郁到食完仲有回甘！冰烧三层肉个皮脆卜卜，入口即融。海螺芝士焗酿加拿大扇贝扇贝本身嘅鲜甜完全被芝士同酱汁吊出嚟，惊喜在于咬到埋藏喺里面嘅海螺肉，口感瞬间升级，满满既海洋鲜味花胶菜胆龙王杏汁白肺汤用左原条花胶筒黎烹调，汤底醇厚带杏汁清香，滋补感十足福禄瑶柱富贵包腐皮吸满咗浓郁上汤，一切开瑶柱肉粒馅料涌出，非常多汁，味道鲜美又有口感！榄角陈皮骨陈皮嘅微酸好过瘾，平衡咗排骨嘅油腻，外层炸到脆口但又保留到肉汁鱼汤鲜虫草花浸时蔬特别清新解腻，鱼汤鲜甜，虫草花增加咗一丝特别嘅口感。原只南非九头鲍鱼捞面粗面弹牙爽口非常挂汁，原只鲍鱼炆到软淋淋好入味。水晶桂花糕清香解腻，用黎做成餐饭既结尾恰到好处。…查看更多

假期前嚟「鹰巢」食Lunch，果然无失望！午市套餐性价比高，点心款式多，样样都试到。最惊喜系怀旧锦卤云吞，外皮脆到不得了，个酸甜汁系精髓，仲有叉烧、虾粒，食落好过瘾！点心拼盘都好高质，虾饺、凤眼饺新鲜足料，春卷脆身唔油腻。啫啫唐生菜够镬气，瑶柱蛋白炒饭亦够香口。不得不赞服务，换碟加水好主动，全程食得好畅快！绝对会再嚟！…查看更多

首先，杏香荔蓉带子酥🍤，外皮酥脆，内馅滑嫩，杏香味恰到好处，让人一口接一口，回味无穷。花胶菜胆龙皇杏汁白肺汤🥣，汤头清甜鲜美，花胶大条，口感弹牙，搭配浓郁的杏汁。姜汁炒芥兰🥬，清脆的芥兰与香浓的姜汁完美结合，为这道菜增添了独特的风味。原只南非九头鲍鱼鲍汁捞面🍜，鲍鱼鲜美入味，搭配浓郁的鲍汁，面条滑顺，每一口都让人感受到奢华的享受。最后，甜点环节的水晶桂花糕🌼清甜可口，口感Q弹，让人爱不释手；而陈皮红豆沙则香浓顺滑，为整顿饭画上了完美的句号。餐厅的环境优雅舒适，服务人员热情周到，让整个用餐体验更加分。这次的美味飨宴让我和妈妈都非常满意，期待下次再来！🥳…查看更多