鶴崎居酒屋

朋友喺觀塘返工，想happy. friday靜靜哋食個飯傾計，一入到去已經feel到舖頭濃濃唧嘅日本氣氛。傳統嘅日式裝修搞到真係好似身處日本咁〜 今次嗌咗….牛舌燒得好香，厚薄適中。口感爽口〜食落牛味重，淨係嗌咗一串唔夠喉呀〜☁️雲糖壽喜鍋（安格斯牛小排）我見差唔多人人都會點呢個壽喜鍋，有棉花糖喺鍋上面，好似嚿雲咁，打卡一流。啲棉花溶化咗喺湯底，令湯底更甜👍🏻鍋嘅配料好豐富，蔬菜，香菇，豆腐等等。安格斯牛小排顏色靚，油花分佈都幾平均，食落好程香牛味配埋隻生蛋點牛肉食，好夾〜南蠻炸雞籃新鮮炸起熱辣辣！口感juicy嫩滑，略嫌炸粉厚咗dd，但值得一試。順帶一提呢度個前菜幾好食，好似係wasabi魷魚（？）我唔鐘意食生嘢都覺得好食，幾開胃！…Read More

日式店子的感覺，很位一大班朋友到來，聊聊天，飲酒聊心事也。番茄是花的子房，番茄裡面有種子，番茄是水果，它又稱為西紅柿。以番茄作的菜式實在多不勝數，最為人熟悉可能是麻醬蕃茄，朋友很愛吃，也叫了它做小吃，作為前吃日式蕃茄冷盤日式蕃茄冷盤是最好吃，最近天氣悶熱，没有胃口，不想吃飯，來個開胃小菜，冰冰涼涼的～簡單、美觀。外皮鮮美紅豔紅色，吃下非常的新觧。一夜干一夜干源自於北海道地區，在冷凍技術還不普遍的年代，而做出的食物，保存鮮魚而發明了這醃漬、風乾處理方式～就跟魚乾的味道很近的，要吃亦不易喔。店子燒到很好，留住鮮魚之滋味呢，棒天婦羅三文魚經典料理之一，天婦羅炸得好吃。炸到好吃，食材沾裹上由小麥粉和水調成的粉漿後，再油炸出好吃又滿滿肉味之三文魚。份量大，棒招牌北海丼亦很棒 ..刺身丼 有北海道刺身兩件蟹鉗、三文魚子以及好吃的三種刺身，棒這家日本餐廳以前來過幾次，那時食材已經很好，好吃的。…Read More

今日約咗舊同事喺觀塘聚一聚同之前畀觀塘真係多咗好多好嘅餐廳 今次食呢間喺宏利金融中心 環境非常舒適 食材全部都好新鮮特上壽司盛合有拖羅 海膽 帆立貝 牡丹蝦 赤貝 鰹魚 和2款日本直送鮮魚 盛合竟然包埋牡丹蝦和海膽真係好有驚喜兩樣食材都非常鮮甜 幾款魚帶魚油脂 肉質柔軟鮮甜度高同事們對這個都一致讚賞😋😋😋原條鰻魚飯 鰻魚肉厚肥美 帶有一份焦香加上鰻魚汁拌飯一流燒牛舌心 牛舌心係選取牛舌中央聚精華部分 口感一流 燒嘅時候已經聞到陣陣牛脂嘅香味即刻食慾大增 超美味💯💯…Read More

最近喺觀塘工業區搵到間日式居酒屋好有日本feel, 裝修非常有日式特色，好似去咗日本旅行咁。👅牛舌芯- 牛舌芯顏色粉嫩，好厚身- 一路煎已經聞到好香牛脂味🤤- 口感爽脆有嚼勁，咀嚼嘅過程滲出油香同濃厚嘅牛味😍- 配上海鹽最夾，提升牛舌嘅鮮味北海刺身丼材料好豐富，包括劍魚腩，北海道蟹鉗，油甘魚，吞拿魚蓉及三文魚籽，全部刺身都好新鮮- 🦀蟹鉗好清甜，肉質細嫩- 劍魚腩厚身，口感層次豐富- 吞拿魚蓉鮮味，質感細滑creamy- 油甘魚鮮甜甘味，色澤光滑- 三文魚籽都幾多，粒粒卜卜脆，海水咸香味非常濃🍙牛肉燒飯團- 賣相好精緻，用燒牛肉包住醬汁飯團，上面再放上芝麻葉，蟹子及沙律醬- 醬汁同燒牛肉味好濃郁- 飯團口感軟熟，加上卜卜脆嘅蟹子同酸酸甜甜嘅沙律醬，口感層次豐富，推薦👍🏻原條鰻魚飯- 鰻魚燒得好香，好厚身，質感結實但又唔會太老- 醬汁好多好香濃，撈飯食好正😋✏️食物 4.5/5：味道，賣相，新鮮程度都高質，食材新鮮，亦有好多創意菜式✏️環境4.5/5：餐廳地方大，座位舒適，非常有日式居酒屋特色✏️衛生4/5：整體乾淨衛生，枱櫈之間都保持適當距離✏️服務4/5：服務態度主動貼心✏️性價比4/5：餐牌款式幾多，會推陳出新，價錢合理…Read More

今晚約左觀塘友食飯，到了位於#宏利中心 1樓的 #鶴崎居酒屋 。收工就第一時間上去，只有2、3枱客人☺️。喜歡呢度的裝修，紙傘、燈籠🏮的佈置，滿有氣氛😘，燈光柔和令人感覺很輕鬆。 點了🍱特上壽司盛盒，牡丹蝦🦐大隻新鮮又爽口，咬落好有豐富膠質，拖羅蓉很creamy, 帆立貝厚身又鮮甜，比我第一時間食左Lu🙊, 其他的還有2款日本直送鮮魚、赤貝、鰹魚、拖羅共有8件壽司。老友都話新鮮yummy 💃。🍱北海刺身丼，刺身帶子、油甘魚、拖羅蓉同樣新鮮可口, 蟹籽脆卜卜，蟹鉗肉鮮很美味。燒半架，熟度&調味都剛剛好，好香口外脆內軟，跟老友2份食，感覺有點唔夠喉，故即刻叫多一份食🤣。…Read More

位於觀塘鴻圖道的鶴崎居酒屋，回想起以前曾在這商廈工作過一小段時間，緣份再次讓我到此一遊一樣，不過今次就可以慢慢地享受美食。今次到來，是由他安排，三號強風信號也不理，想食左先。。。😅店內充滿日本文化色彩，只欠了身穿日本和服入店內😂🤣😎今晚每道菜式都有著「萬有吸引力」一樣攝入眼睛，咬入口，超速溶化，再吃第二塊，又極速的溶入口……特別是鹿兒島的和牛，少少的華鹽灑上牛肉面，輕輕的烤燒著，均勻灑上少許華鹽，提升了濃厚的牛肉味，立刻口感到牛肉有加及沒有加的分別，不信的話，就由你們去品嚐、去要求証了……🤣😎😌😋＃ 迷你磯煮鮑魚 ：前菜的好選擇，鮑魚軟腍腍＋爽滑，鮑魚味濃。。。係前菜，唔可多太多，就引起我們的味蕾，食指大動啦＃ 鰹魚沙律 ：沙律菜配沙律醬油，一定開胃又好食，今次新鮮鰹魚，真係堅好食。＃ 鹿兒島和牛 ：有圖有真相，點了就知好味道。＃鹿兒島和牛：有圖有真相，點了就知好味道。＃ 崎 刺身盛合 ：超級豐富，夏天消暑之味力；很喜歡甜蝦，蝦肉好爽滑，新鮮，連蝦頭的蝦膏也啜得好味道，好鮮甜#崎 刺身盛合 ： 日本直送鮮魚(二人前) ~ 牡丹蝦、赤身、赤貝、油金魚、白玉豚、吞拿魚 & 拖羅蓉 & 海膽。＃ 白鱔 ：外脆內軟的白鱔串，不同於一般的鰻魚燒。。。推介＃ 上壽司盛合 ： 相信沒有人不會讚買相精緻又有《吸引力》，好像吸引著我們，對不起啦…又秒剎左。。。食完。。。兩個字『鮮味』＃ 藍桔乳酸梳打＃ 巨峰乳酸梳打兩杯的顏色好美，味道當然唔錯啦…因為揸車去，不可飲酒，有了這杯已經滿足了。如果可以飲酒的，點杯加上美食，又可以渡過一個晚上；時間，消遣，可以由自己自由選配，就讓自己有享受生活的機會吧！日本直送鮮魚(二人前) ~ 牡丹蝦、赤身、赤貝、油金魚、白玉豚、吞拿魚 & 拖羅蓉 & 海膽。…Read More

同同事食午餐叫拖羅$245/3塊，食落口硬過塊牛扒⋯叫左半板海膽，等咗好耐，催咗4次話幫你跟，最後同我講冇？？？？哦，可能去咗第二個宇宙啦⋯叫左雞翼，以為正常嘢點整都唔會難食啦⋯點知一食入口一大浸燶味⋯苦嘅⋯叫左雞心，第一轉嚟嘅用黑椒燒，味道唔錯。諗住搵到正常嘢食啦，再嚟多次加單，今次你嘅雞心係用胡椒粉燒嘅⋯⋯⋯胡椒粉喎⋯跟餐飲品熱檸茶，等咗好耐都未到，至少催左4次，到食完走嗰刻都仲未上到，但遲過我哋入咗嗰啲人一樣叫熱檸茶都早過我地到？？？好神奇呀整體食物質素仲差過爭鮮⋯完全唔值佢收嘅價錢。…Read More

服務週到貼身食物水準保持，魚生新鮮用手機訂單方便服務員有禮貌及體貼可惜洗手間在商場較為不便享有全單八折優惠，開心飯局特色龍蝦烏冬一定要叫，即場煮十分認真，味道濃厚芝士但冇蓋過海鮮祥鮮味仲有日式火煱伴棉花球，十分有趣👍👍👍…Read More

早前經過觀塘這商業大廈，發覺原來開滿了各式餐廳，找了個夜晚來瞧瞧。來到才發現原來很多餐廳只做午市🤣 開晚市的餐廳不多，見這日式居酒屋門面企理有特色，拉了朋友入這間試試。•一入去被他們的裝修吸引了，充滿日式之感。有點微薰的燈光，令人倍感放鬆。•餐牌不算有太多選擇，想食飽肚點的話，丼和烏冬的選擇不多。(餐牌放在最後)•軟殼蟹天婦羅$78天婦羅愛好者，點了份軟殼蟹天婦羅🍤試試。熱烘烘上碟，份量不算多 炸得香脆好食 •月見免治雞肉 $68又是驚喜之作 店主一定是一個喜歡新奇料理的人用上了小鐵板呈上 keep住熱度重點： 生蛋躺在雞肉山上每口都有生蛋的濕度 雞肉是有點咬口友人笑說像肉餅的感覺 是家的味道嗎•牛肉燒飯圑 $88 一看見牛肉ballball，立即點了相信是餐廳的招牌菜式店家慷慨地將牛肉緊緊地覆蓋了飯令每口都吃到牛肉和飯牛肉是偏熟的 即使是不好生牛的人也可以點哦•牛肉他他燒 $88帶點驚喜的菜式以為是熱烘烘的菜式 原來是冷盤生牛肉紋路清晰 赤裸裸的在你眼前 內裡是碎冰以保新鮮吃慣熱牛的我感覺有點新奇🙈•油甘魚壽司 $48最喜歡是他們魚及飯的比例一口吃完 滿口都是鮮甜的味道飯也不會太黏 值得再encore•如果想與友人慢談一夜 又想要空間感的這裡便最適合不過了•As usual, menu for ref :) …Read More

今日接老公放工, 發現原來好耐冇去既MFC入面有間日式居酒屋就去試試。一入到去，裝修好有日本居酒屋感覺，而且座位都好闊落同舒服好適合傾偈慢慢食嘢飲嘢。一開始上咗一碟開胃小食芥末八爪魚。前菜小食我哋叫咗露荀豬肉卷同七味墨魚咀，露荀嫩口爽脆，平衡咗豬肉卷嘅油膩感，調味都好適中。墨魚咀似乎微微炸過，外面脆脆哋，內裡好多汁，好夠鮮味，必點！😮👍🏻主食我哋叫咗個京蔥雞肉稻庭烏冬，湯底係正宗日式高湯，清新之餘帶有微微海帶香，烏冬滑得黎爽口彈牙，雞肉唔會鞋口，夠嫩滑，配埋京蔥香，好不錯！👍🏻到打卡之最，雲糖壽喜燒☁️本身都唔知雲糖係咩，見到侍應喺棉花糖機即整一個雲嘅形狀棉花糖，再剛剛好咁放喺熱辣辣嘅壽喜燒上面，一開始我仲以為棉花糖係比我食，整咗幾啖嚟食😂 問問超nice既侍應姐姐先知原來棉花糖係用嚟取代壽喜燒汁本身嘅糖份，當棉花糖慢慢溶落湯底，甜味就會剛剛好！真係好有新意同有趣嘅做法！😍👍🏻湯底真係好正，甜度適中，牛小排每一塊嘅肥瘦紋路都好靚，鍋底又有好多配料，忍唔住好快清咗碗飯！🤤…Read More

平時中午食飯見到呢間餐廳都要等位， 一直都好想試，今日放工時間尚早， 終於可以去試吓。一入去環境感覺好舒服，裝修都好靚，天花掛住燈籠同埋紙傘，好有日本居酒屋嘅感覺。我地叫咗雲糖壽喜鍋（安格斯牛小排）雲糖其實就係棉花糖， 嚟到會見到一個大大嘅棉花糖， 啱晒打卡， 之後就會慢慢溶落個鍋到。鍋嘅配料好豐富，有好多蔬菜、豆腐、菇菌等等， 仲會配一隻生蛋蘸牛肉食， 牛小排份量都唔少，而且好新鮮，油花分布平均。七味墨魚咀口感爽口彈牙，炸得香脆金黃色，墨魚咀佈滿七味粉，非常惹味。蒜燒廣島蠔、帆立貝北海燒燒得啱啱好， 唔會太熟太乾， 食得出好新鮮。配埋沙律醬同牛油，超香又惹味。南蠻炸雞籃非常推薦， 炸得香脆又保持到肉汁，好juicy。外皮厚度啱啱好， 炸得唔會乾。配埋他他醬同南蠻醬汁，酸酸甜甜，非常好食。…Read More

➽漬物（兩款）$38牛蒡, 好爽好脆 入得好夠味生蒜頭, 個醬夠濃但唔辣, 幾好➽雞腎 $28 爽口, 燒得岩岩好唔會難咬佢旁邊有個柚子黑椒醬, 加落去串燒度食, 好味口味比較咸咸地, 惹味!呢個醬推薦大家試!➽帆立貝 $30個甜醬汁夠多夠濃厚➽豬頸肉 $30 香, 爽口推薦!➽雞翼 $32 個皮好脆而且肉質唔老燒既力度岩岩好食得滋味➽冬菇 $18新鮮既冬菇, 味道都夠➽鹿兒島甘薯䐁肉鍋 $168 個湯底白色, 已經好期待真係幾甜D 食材都幾新鮮煲熱左個湯, 蔬菜吸晒湯汁, 好食䐁肉肉質幾好, 煮一陣就熟, 口感幾嫩加埋個柚子汁, 酸酸地岩岩好, 幾喜歡!而且最尾飲晒D 湯整體食物味道好, 尤其喜歡串燒而且環境好, 居酒屋味道好重, 坐得舒服侍應都好好禮貌…Read More

數數手指，已經有數個月沒有外出吃日本料理。今日特意相約好友放工後來到位於觀塘的居酒屋吃晚餐，摸酒杯、談心事。打開餐單，看到牛肉他他，不假思索地點了一份，因為本人酷愛吃刺身等生鮮食品。燒雞翼、燒白鱔，伴酒良物。…Read More

又要喺公司附近食晚飯，食完返去做嘢。行咗嚟觀塘宏利中心，原來一樓開咗好多餐廳，有好多選擇。始終位置有少少吊腳，所以唔使點樣等位。見到一間裝修好有日本居酒屋風味嘅餐廳，思鄉咗咁耐，就即刻走入去試吓👏！🍶 川海老唐揚 (💰$52) 黎居酒屋坐低，梗係要叫啲小食咬下啦，炸蝦仔係我嘅最愛。即叫即炸，非常脆口，而且大小剛剛好，如果唔使食完返公司做嘢，一定叫杯啤酒送小食。🍶 鮟鱇魚肝 (💰$68) 今晚真係大開眼界，我無接觸過嘅食材。鵝肝就食得多，鮟鱇魚肝真係第一次 (鮟鱇魚肝屬於日本高級食材，有「海中鵝肝」嘅美譽)。佢口感細滑柔嫩，入口即溶，搭配小蔥醋汁，簡直一流。🍶 牛肉他他燒 (💰$88)老闆真係癲咗啊，呢個價錢有咁大碟，未食已經覺得抵返晒！牛肉非常之鮮嫩，加埋個醬汁帶出個鮮味，呢個天氣絕對適合食呢啲咁開胃嘅菜式。下次嚟一定要encore呢碟菜式！🍶 雲糖壽喜鍋(安格斯牛小排) (💰$208)上面嗰舊雲係棉花糖嚟㗎，唔好以為佢淨係拎嚟打卡。一開爐佢就會慢慢變成壽喜燒嘅甜豉油嘅一部份，令到個湯甜度剛剛好，成個過程好得意。安格斯牛小排夠新鮮，脂肪分布均勻，薄切得來又大碟，用嚟壽喜燒一流。壽喜燒入邊仲有好多餸菜 (金菇菜、冬菇、豆腐、紅蘿蔔、粉絲等)，滿晒一鍋！可以打卡又好味，性價比一流。🍶 北海刺身丼 (💰$118)食日本嘢又點少得刺身呢，呢個刺身丼非常之新鮮甜美。$120有找但絕無欺場，六款刺身！唔好睇個蟹鉗細細隻，但勁多肉。餐廳面積唔係好大，但座位寬闊，有幾個好有日本風味嘅卡位，想坐嗰啲卡位真係要book定或者早啲嚟！日式裝修加上清酒酒樽、燈籠、紙傘裝飾，杯杯碟碟襯埋一套，加上餐廳店員又有禮貌，地方又整潔，真係有啲去咗日本嘅感覺。🍶 鶴崎居酒屋 🍶 觀塘鴻圖道78號宏利金融中心1樓7號舖 🍶 Tel 2628 6682…Read More

觀塘真係好多食物美味既小店，就好似呢間咁，位於一棟商業寫字樓，平時都好少會去呢個地方，都係慕名而來先發現呢一間咁高高質既居酒屋，裝修都充滿日本風味，非常有格調鍋物來講我最鍾意食日本嘅壽喜鍋，最鍾意佢嘅豉油醬汁係甜甜嘅味道❤️無論什麼配料都好好味😋之前上網見到呢一個壽喜鍋非常吸引，佢嘅賣點係有一朵大大的雲朵喺上面，而那雲朵就係一個棉花糖🥹鍋物都充滿少女嘅味道，叫我點可以唔試下你🫶🏻雲糖壽喜鍋 拼 安格斯牛小排 $208記得呢個moment一上枱梗係打卡先啦，但係影咗幾分鐘個棉花糖好快已經溶咗一半🤪初時仲擔心如果棉花糖溶左落湯底會唔會太甜，但出奇地同個鍋物嘅味道合二為一，唔會覺得有糖嘅甜味，而且成個湯底甜味及濃度剛剛好，安格斯牛小排滾半分鐘就食得，肉質一啲都唔靭，再配上蛋汁或芝麻醬汁三種食法，食得過癮，我就鍾意原汁原味甜甜地嘅湯底配牛小排，可以食得出牛肉嘅鮮味🫶🏻最後我仲叫咗一個整烏冬放埋落去主，烏冬吸晒湯底嘅甜味真係好正😍帆立貝北海燒 $38最愛既帆立貝北海燒，啱晒重口味嘅我，因為有濃濃嘅沙律蛋黃醬汁+香口既牛油同煮，帆立貝肉都好大隻，最後啲醬汁我都清晒呀🫢泡菜石鍋海鮮鍋［一人鍋］$88呢個鍋比想像中細，但原來鍋入面非常多材料，有魷魚，豆腐，泡菜，粉絲，大蝦，味道唔會太辣及太鹹，湯底泡菜味豐富，食粉絲是最正，因為吸晒湯底既精華🥹如果個鍋大啲多啲粉絲就正❤️牛肉燒飯團 $88呢個都係推介食物之一😍兩大片半熟燒牛肉包住飯團，飯團混上燒牛肉醬汁，蛋黃醬，蟹籽，整個牛肉飯團非常juicy😍牛肉燒到好香口~細細粒一個飯團食咗成碟都幾飽👍🏻正炸蝦天婦羅🍤粉漿厚薄適中，炸得夠脆，蝦肉質地夠爽，份量都有4-5隻～抵食…Read More