鴻運車仔麵

经过鸿运车仔面，想试吓佢嘅小食外卖。要是点咗两份咖喱鱿鱼同一份韭菜猪红，咖喱鱿鱼嘅咖喱香味浓郁，而且份量合适，可以尝试，但咖喱汁比较水状，不是黏稠的状态。而韭菜猪红，韮菜猪红的份量亦很多，味道很浓郁，但对于食清淡食物的人会觉得偏咸。…查看更多

自己系车仔面拥趸，钟意去周围试，今日咁啱经过附近，顺便入嚟试下。叫了鸡脚，猪红，猪肠，油面，咖喱汁。汤底偏淡，加了咖喱汁都仲淡，鸡脚够冧但无味，猪红唔老，但又系淡味，讲咗唔好嘅，讲下啲好嘅，咖喱汁几好，够辣但多D咖喱味仲好，猪肠出色，够味之余又唔骚，而且系大肠不是肠尾。服务态度好，入嚟会讲随便坐，埋单收钱都会讲多谢，今时今日香港啲餐饮服务环境已经算好难得。总结，如果特登过嚟再食嘅机会就不大，如果下次经过附近，但系惗唔到咩食嘅话，都可以再帮衬。…查看更多

味道一直keep到既车仔面。出面真系好少⋯食咁耐都吾会太差环境就一般家啦，食完就走果d但味道一定吾会令你失望今次食左米线+鱿鱼+午餐肉+墨鱼丸+韮菜饺+沙嗲汁。韮菜饺系自家制的，有得散买、自己去煮面滚黎食。沙嗲汁系几好，吾辣，想食吾辣又想浓味d推荐呢个味…查看更多

呢间去摸过一次门钉，因为佢而家收8:30pm唔系openrice所写的9:30pm。今次特登准时收工赶去，叫左猪肠，萝白，鸡翼，猪红，多咖喱汁，米线。加杯冻柠茶同炸韮菜饺。碗面一黎到即刻心心眼，点解？因为真系俾左好多咖喱汁俾我，我重口味嘅，先加分。咖喱汁少少辣，令到成碗汤底好浓郁，每一啖米线亦都挂满酱汁。萝白清甜够淋无渣，好食。猪肠通常两只款，一款系清走晒肠所有的组织得返肠皮，另一款就系相中所示，留返啲组织。图中做法好多时会令到猪肠食落硬身难𡁻。但呢度唔会，够晒淋。鸡翼唔系卤到柴𠮶只，食落仲系嫩滑亦够味。猪红就系爽滑嘅，入晒味。炸韮菜饺就韮菜香差少少，调味偏甜，但饺皮炸得刚好够酥脆。呢碗算系我食过嘅车仔面好高分嘅一碗，𩠌嘅份量亦多。…查看更多

长沙湾好有人气车仔面✨平日六点几门口已经有街坊等紧外卖，呢个钟数尚未到达晚市高峰时段，所以唔使等位～同一般嘅车仔面舖头一样，提供张纸仔比你自己圈想食啲乜，上菜需时要等候一阵～米粉+ 猪扒+鱿鱼+沙嗲汁呢度嘅米粉偏淋，鱿鱼系玻璃鱿鱼，所以系完全索唔到汤底嘅味😅猪扒一如既往咁好食，次次食都唔会令人失望，肉质嫩滑，冇落到松肉粉所以食到肉系一丝丝咁，而且猪扒嘅份量都唔少，一共切开咗4块油面+韭菜饺+炸虾条+咖喱汁油面相对米粉就一定唔会有咬口好多，韭菜饺系自家制，皮比较厚亦都几烟韧，韭菜味好浓郁，调味亦都系偏重口味少少😝炸虾条份量较少，只系得一条分开咗两半，味道就正正常常咖喱汁有少少辣，个汤底好惹味柠檬咖啡 第一次饮柠啡～觉得几特别，清爽得来有点解腻咖啡带一点微酸，不过可接受豆浆正常发挥（ps: 下午茶时段会送豆浆）见好多街坊叫猪皮，应该好好食，通常多人食就一定冇死，但系由于我自己唔食猪皮嘅关系所以冇叫到～萝卜之前食过，好建议大家食，因为真系煮得好鲜甜而且冇渣鸿运车仔面 (长沙湾)长沙湾永隆街12号地下…查看更多