影片
以上资料只供参考，请与餐厅确认详情
食家推介
相关文章
食记 (36)
今日陪家人去将军澳医院覆诊，覆诊完嚟附近嘅富宁花园买药材，顺便医肚，呢度食肆唔多，堂食嘅就只得一间茶记，同埋呢间粉面店。间舖几光猛，亦好整洁，但全部都系圆台圆櫈，无卡位，系典型嘅粉面店格局，相比斜对面间茶记，呢度人流多啲，照计比另一间好食啲。家人叫咗碗云吞米线，$42，我就叫咗牛腩牛筋面（$46+14=$60），另外叫咗碟炸鱼皮，$14，一共$116。最先到嘅系炸鱼皮，用个白色胶袋包住，要自己打开，明显系预先包装，咬一口，硬嘅，虽然食得到，但一啲都唔脆，所以我决定将佢留返嚟浸汤面。米线及汤面同时到，粉量算系足够，家人畀咗两粒云吞我食，而佢就试咗我嘅牛筋。家人猛赞个云吞好食，话好爽，啲虾好大只，而就觉得啲云吞包得过实，唔得松，同佐敦间麦文记或中环麦奀记完全无得比，即使沾仔记嘅云吞都好食过佢。牛腩切得公公正正嘅条状，但无牛肉味，牛筋腍得嚟爽，算系当中最好食嘅嘢。面系正常嘅蛋面，无碱水味，话时话，依家好少食到劲多碱水嘅生面，一般都系用蛋面。成碗面最大败笔系咸！尤其是炸鱼皮没落碗汤度就更咸，而且无新鲜嘅炸鱼皮浸落汤度嘅微声吱吱响，证明包鱼皮唔新鲜，唔知放咗几多日，食完碗面后劲口干，好唔舒服，要立即埋单，走去隔离间超市买支茶嚟解渴。如果有下次的话，我肯定唔会叫炸鱼皮同牛腩，宁愿食得清清哋，叫碗水饺、菜肉饺，甚或双丸好过。
继续阅读
其实比一百蚊食碗拉面，不如平平地几十蚊食碗清汤牛腩河好过啦。问心𠮶句，40几蚊，有咁嘅质素，超值啦，讲吓佢啲牛腩先，够淋，有五香味，唔太重其他味，所以唔会抢咗牛腩本身嘅牛味，佢有肥膏，瘦肉，跟腱位，所以食落去啲口感都有唔同。最唔钟意啲牛腩一系全肥/一系全部瘦。呢碗牛腩河就唔会。河粉方面，够新鲜，唔会叠埋一齐，条条分明，唔会煮到好淋，少少爽口，点解我叫河粉？因为贪佢够滑，吸到汤！而汤头唔算太清，但都唔会太咸，饮落都正！
继续阅读
今日因为有个朋友住将军澳，所以佢就带咗我嚟呢间度食牛腩面，佢话呢度嘅牛腩好出名，于是我下午又同佢过咗嚟呢一间餐厅度食，佢嘅环境同其他粉面嘅装修差唔多，但系都算干净，而且好光猛，当然坐得唔会特别舒服，因为佢用圆凳，我哋两个人叫咗一碗牛腩米线同埋四宝丸，嚟到之后𠮶碗面一望就觉得好细碗㖞，虽然我系女仔，但系我一望就知自己唔够饱，不过唔紧要食咗先，牛腩咬落去，我觉得好好食好香嘅牛味，而且好有口咬，我觉得味道在错，而且我哋加咗菜，所以佢有几条菜心跟埋俾我哋我另外嗌咗一碗四宝丸，真系得四粒有鱼蛋水饺墨丸，老实讲，虽然佢哋系手做，但系四粒加一碗面真系唔够饱，所以我哋两个再加左一碟炸云吞，但系其实佢个价钱嚟讲唔算平，除咗味道好之外份量同埋价钱我都觉得唔合理。
继续阅读
呢间鸿兴清汤腩专家喺我嘅童年回忆，以前返工返学成日帮衬，可以话喺由细食到大，但自从搬咗屋之后，就小机会嚟食啦。 去探望母亲大人，母亲大人提意去食返碗面，于是一齐落楼怀念一下清汤腩嘅味道😋😋我就叫咗个牛肚面，母亲大人叫咗碗瘦腩米线。牛肚面：面底口感柔韧富弹性，汤底一如既往的好，很浓郁。碗上会用汤匙装住葱段比客人嘅，味道既熟悉又怀念，但今次牛肚炆得唔系好够冧。瘦腩米线：瘦腩很juicy，够冧身，而且份量足够，见到母亲大人食得津津有味，我都觉得好开心呀😊😊鸿兴清汤腩专家 (将军澳)将军澳宝宁路25号富宁花园富宁商场下12号舖
继续阅读
呢间我真系由细食到大，由小学升中学到依家出社会，初初水准都叫keep到几好，特别以前我都系好钟意食佢啲牛腩仲有云吞，佢既生意都好过出面戈间合兴，之但系呢排真系越做越差，食到我一肚火，忍唔住要走上黎写食评！叫大家去之前真系谂谂佢。午市，叫左牛腩河加大，如图所示，啲「牛腩」干到癫，食落仲要柴到咬唔郁，食到我成排牙都系啲牛肉丝，剩系用牙签都用左几条。真系再冇下次！Such a bad experience, never again.
继续阅读
您可能会有兴趣的...