鴻發香港人魚蛋王

食到阿姐/老闆娘都認得我哋，因為我哋實在太悶啦！每次嚟都食差唔多一樣嘅嘢，永遠不變。最鍾意就係食黑椒汁雜扒飯，未必成日嚟，不過每個星期都有一次，好快阿姐就認得我哋。一坐低一定叫一個雜扒飯，黑椒汁多汁，真係好有兒時味道，嗰隻黑椒汁，同埋企喺檔口個大叔，真係幾廿年老師傅。好鍾意佢嗰隻茶餐廳煎蛋，仲有煎腸仔 ，中學lunch成日食。雞扒，雖然越嚟越細塊，但味道調得幾好，豬扒就似BBQ，煎蛋係流心，撈埋佢個白飯，要支持小店，畢竟而家生意難做…查看更多

喺大埔墟真係勁多街坊嘢食不過好多間都只收現金😗（事緣我冇帶銀包 得電話嘅八達通）:(咁就試吓呢間「香港人」喇😂😂😂我見到有墨魚鬚拼墨魚丸麵嘅選擇好吸引加埋個油菜（間唔使食得健康啲）$54蚊都ok 丫～其實份量都唔細 完全餵得飽我（利申 冇食早餐😂😂）好多墨魚鬚，同埋三粒墨魚丸🦑墨魚鬚：呢個有少少同現實不符其實應該話係墨魚！因為佢連埋其他部份俾我～😂 （但我完全唔介意)整體來講，墨魚幾爽口同好滑略嫌胡椒味過重唔好預期食到鮮味 😂 呢個只係食口感🦑墨魚丸：呢個真係好有驚喜覺得好足料，同埋墨魚好新鮮食得出鮮甜 墨魚又彈滑 好正正呢個推推麵：鹼水味唔重 麵身好爽滑彈牙 分量又好足夠 真係食得開心 油菜：蠔油菜心，五條左右大大條 12蚊 價錢合理喇😆😆😆仲有好多選擇見到同枱碗魚蛋粉好吸引Will come again 🫶🏻🫶🏻…查看更多

怱怱忙忙食完嘢又趕下場，一般嚟講除咗食個麵包就係食碗麵，好好醜醜都係一餐。路經此地，泊低駕車，近近地就行上 car park 口，食碗麵當午餐。牛腩麵，凍央，平平凡凡，無乜特別。但食完埋單，才發現冇帶銀包😱😱🤦，應該留咗在車內，唯有尷尷尬尬地同店員講，不如留個手機畀佢哋，等我攞返車銀包再嚟畀錢。但係哥哥仔店員真係好好人，即時話唔洗喇，仲叫我攞埋張單，得閒第二時行過先畀，頓時覺得人間有情，又有返獅子山精神👍👍👍當然都係立即去攞銀包，即時比番錢喇😂…查看更多

經常經過，見到都幾多人食，但係慣性去到嗰附近，通常去咗食東江雞，咖哩牛腩，大榮樺 set lunch 或者沙隴炒粉麵飯。食完午飯，仲未落格，行過聞到五香鹵水味幾香，就入去試吓。本來想食魚蛋麵，見到隔離食墨魚鬚河，就改變主意😂叫咗個墨魚鬚麵落單兩分鐘就有得食，效率唔錯。先飲啖湯，一般味精湯，唔係大地魚，又唔係牛骨湯。墨魚鬚份量不少，墨魚鬚q彈又咬口，墨魚身林滑，幾好。面就普普通通，仍有少許鹼水味，可能配河粉會好啲。因為午餐剛剛飲完咖啡，所以冇加配奶茶咖啡，根粉麵加8定9蚊都好合理。…查看更多

這間店子都好像屹立很久，不過一直未有嘗試，有天在附近吃到悶悶地，又不想走到大埔墟街市的鴻發那麼遠，才突然發現原來這間都是同叫鴻發。又再試一試牛腩米線外賣。分開兩個盒子，因為湯另上，我諗份量比想像中已經多， 30多元一碗米線都有七八件牛腩，而且肥瘦均勻，有點脂肪的牛腩，也不至於太過乾燥，挺為爽口，也味道香濃。:)不過米線份量委實好少，因為有小孩子都會分來吃，這個米線份量可能比起譚仔米線少¾左右，亦都有點太少的唄，不太夠飽了。…查看更多

月尾加班真係冇時間計，做極都做唔完嘅工作，做到個肚打鼓就知道夠鐘要離開公司返屋企啦！差啲胃痛，返到大埔好多餐廳都閂咗門，遠處見到總有光嘅就係呢間小店。平時早餐晏晝行過都勁多人，價錢唔貴，食物水準一般水平，不過就坐得唔係咁舒服㗎啦！勝在店員有部份都好好禮貌，尤其是收錢個位瘦身材伯伯，多謝前多謝晒熱辣辣坐低嗌杯凍奶茶先，夠香不過唔夠滑。牛筋牛腩麵 $44而家食碗麵唔飽嘅都要40幾蚊，建議如果男士可能食碟頭飯會比較飽肚。不過宵夜時間食呢碗麵就啱啱好。真心湯底好味😋牛筋Q彈牙，麵質夠爽。潮州辣椒油，點都要㗎！牛腩味道真係唔錯，但唔知點解勁肥魚皮特價 $20，阿叔預早同我哋講好碎濕濕，我哋接受就OK啦！唔夠脆仍然要多謝10點後繼續營業…查看更多

河粉一向俾我嘅感覺都係有陣油益味，又容易斷，所以平時出街食河粉都係抱住搏一搏嘅心態，今日嚟到香港人魚蛋粉，我終於食到呢幾年覺得最好食嘅河粉😍😍我地午飯時間去幫襯，呢度座位算係多但都坐滿人，不過等咗5分鐘左右就有位喇👍🏼我又係食魚皮餃河，佢地嘅河粉偏幼身，食落唔止係滑，而且有種煙韌嘅口感，真人實測係唔會一夾就斷，得返碎濕濕嘅粉團😂呢個河粉要俾5星好評🌟主角魚皮餃都好好食，皮夠薄，咬落有魚油滲出嚟，好惹味呀！有機會要再去食多次先😋😋…查看更多

而家食野地方難搵位，趕時間就入咗呢間，入面唔多人，都怕會中伏。 早餐除咗普通港式早餐外，仲有魚旦，牛腩粉麵。好多選擇。我叫咗牛肉麵同餐肉腸，個牛肉湯麵麵唔錯，係個牛油方包比較乾， 同埋牛油好厚，可能叫多士會好食些d。凍奶茶都可以，熱既相信茶㗎會較濃。可能因為唔多人， 落單唔駛5分鐘，食物黎晒。好彩今次冇中伏，下次都會再去。…查看更多

as title said this is speed eat and everything will be Fast and quick.one day or night I couldn't remember that much so well. but the most important thing is the taste and feel within the restaurant. it is not a super giant or super deluxe decoration restaurant but it is just fine for doing it job. the waiter is humor and have local neighbour emotion. feeling like both parties are close and nice to you.ordered fish ball noodle fish skin fried snack and pork ball noodle. preparation is fast and quick. soup base is clean and u can add seasoningif fast eat with here. this is ok choice.…查看更多

快閃粉麵有時想快啲食碗粉麵醫肚，呢間唔錯，上枱快，亞姐態度又唔差。麵質彈牙，雲吞啲蝦又爽口，佢啲魚蛋或魚片頭都唔錯，唔會有陣魚腥味。最正係凍熱飲品同價，大熱天時，飲杯涷飲降下溫，正！…查看更多

早一日我路過呢間舖門口，聞到好香既蔥蒜味，好想食。但因為岩岩先食完野，就決定第二日番工要黎呢到食lunch。第二日放lunch就食野，一放底就嗌野，上菜都幾快。有一點唔明，點解檸茶唔可以走冰，個姐姐話只可以少冰😭！因為我唔想飲熱既，坐門口位已經凍，仲要飲凍野😩。講番碗米粉先，可能係我本身期望太高定點，一送到黎就好失望，因為佢個樣好普通😂😭！味道都係好普通，唯一係辣椒油幾香。好懷疑早一日我聞到既味係係邊到傳出黎🧐。…查看更多

「山竹」過後的上班日，苦不堪言，幾經辛苦回到公司，慶幸沒有遭受大洗禮，工作一段時間後，不經不覺已到了下午茶時段，因各人口味不同，最後找了一間有粉麵、飯類和三文治的茶餐廳來醫肚，可以各適其適。餐廳下午茶款式多，我叫了一碗「豬扒蛋出前一丁麵」，發現原來跟餐的冷飲是不加價的，荷包省了，老闆是個大好人啊！超值的事又豈止一件，煎得香口惹味的豬扒下面原來是藏著兩隻脆邊的雞蛋，不錯，是兩隻，我曾經吃過多間茶記的豬扒蛋麵，每次都只有一隻蛋，但今次竟然有兩隻，確實是意料之外，餐廳沒有因為收費平而減少食材，反之更是用心之作，豬扒是放在熱板上慢慢煎熟，不是油炸，所以油分較少且較香脆，以$37的價錢（出前一丁加了$4）能吃到這般水準的食物，又一次體驗了大埔的平價美食。…查看更多

喺大埔中心附近食x記食麵食多有啲悶，就去廣場食依一間魚蛋粉。 佢嘅牛雜其實都做得唔差，不過就唔夠對面做得入味，有陣時又會切得大件左，刀工冇咁好，食嘅時候影響咗口感。湯底就都係一樣係味精底啦。不過呢度必食嘅其實係墨魚頭！好足料，墨魚鬚大大條，唔會話得幾粒細細粒！而且做得好爽口，食得出係幾新鮮！面底都煮得唔錯，唔會過淋。想食墨魚頭一定來呢度食。…查看更多