鳳鳴居

话说今日黎到上水，钟意药膳味道嘅我梗系要去食吓凤鸣居。一个人，拎左飞，门口等。前面有个伯伯到飞，入去坐低左。中间隔左几张二人枱，然后终于轮到我，但喺无人讲声嘅情况下，我对面突然坐低多个人，原来要搭枱。Ok ge, 明白生意好，一个人食无理由霸一张二人枱，但系点解开头唔放埋我入黎同伯伯搭枱呢？有趣🤔到落单，叫左个最经典嘅醉香鸡米粉，加杯冻柠茶，口痕想食埋个蒜辣鸡翼尖😌侍应落单无表情，无回应，明嘅，唔系个个都有一个想服务嘅心，都系打份工姐。落完单，收到张单，5分钟未够碗面已经到，佩服佢出餐速度。以汤底黎讲，我觉得佢闻落同饮落都有药材香，系几好，不过可能净系药材唔够味，所以另外有加调味料，所以饮饮吓觉得个汤底有啲咸，不过都系可接受。突然，带位个女人行埋黎换左我张单，无出声。我见到张单少左个鸡翼尖，我心谂应该系卖晒，举手问一问，果然。但带位个姐姐，你过黎换单，起码都同个客讲声吖？换左张单就算，啲野卖晒又唔讲，你唔系prefer我要知你地咩事吓话？讲到尾，味道方面系有，但未惊艳到我会为咗个味道而忍受佢哋嘅态度…查看更多

香港楼面黑面对客已经系常态，本来唔值得特别表扬佢哋。但呢间舖居然可以请到全部5~6 个同样黑面，同样冇表情的员工，我真系觉得要颁个奖俾佢。而且黑面员工效率极高，客人放低筷子5分钟已经有人执枱，无论你只碗仲有冇食物，都会极速收走。执完张枱之后2分钟就会有人赶你哋走，效率之高，我相信系香港头十名。我相信有好多餐厅老板会想知呢班员工究竟系点样训练嘅，可以考虑吓开班赚钱。最后提提大家呢间舖头只收现金，OpenRice写话收Alipayhk 是错误资讯。…查看更多

作为上水居民，呢几年比较出名嘅上水餐厅一定系佢。食咗好几年，其实相比起佢最出名嘅醉鸡汤米，个人系更钟意麻辣鸡汤米同芫荽鸡汤米🤣特别系麻辣鸡汤米佢辣得嚟唔会好重味精，食完唔会觉得好咸成日好想饮水咁。而且佢啲鸡普遍都几嫩滑，吸埋啲汁真系好正。依家虽然都仲系好多人排队，但间唔时都系会想嚟食，即使要等一阵先入座。…查看更多

早排见到有人喺社交平台问：「上水有冇啲有Live Band嘅餐厅？」结果街坊们好快就推介左凤鸣居(笑)。#凤鸣儿童合唱团不定时演出九成时间都要排队既凤鸣居，夏天想去帮趁记得带风扇仔。⸻净系计汤底都有13款口味，今次嗌咗2款人气鸡汤面：1. 芫荽鸡汤面 ─日落荽山 $61芫荽多到成座山咁，成碗绿油油好似落咗森林咁。建议啲芫荽一上枱即刻揿落汤度浸，钟意食软身嘅会更啱口味。除咗视觉冲击，味道都一样咁荽利，推介俾芫荽控一试。2. 虫草花鸡汤面 $64冇芫荽山咁夸张，但都铺满咗差唔多三分一碗，汤底偏甜。一年四季，每次唔知食乜就会叫佢。⸻凤鸣鸡既然叫凤鸣居，点都要讲下佢既鸡。佢哋用嘅唔系一般我鸡见到既黄油鸡，色泽偏白，但鸡味香浓。肉质视乎分到边个部位，煮鸡既时间大致上都控制得唔错，除非系中咗鸡胸就会偏柴啲。⸻柠檬茶凤鸣居嘅柠檬茶好有诚意，茶底够浓，柠檬片通常有三块以上，饮落好够味。不过冰就比较多。⸻1. 炸三兄弟鱼片头、花枝丸、酱爆肉丸组成嘅「兄弟组合」，虽然喺冻肉舖都买到，但凤鸣居用炸嘅方式处理，炸得啱啱好。尤其系酱爆肉丸，每次咬开都有肉汁，好啱几个人Share嚟食。2. 可口可乐饮落冇特别，不过张单会有啲小惊喜，想知乜嘢自己去试下啦！⸻建议：- 面量几大，细食或者当日冇咁肚饿，可以考虑叫少面。- 排队时间长，唔想排咁耐，建议早啲去或者避开繁忙时段。- 建议去多几次，可以试晒咁多个汤底。⸻凤鸣居系一间有个性、汤底选择多又好味道嘅街坊小店，带出鸡味，唔只食物出色，气氛都好有惊喜既铺头。…查看更多

我选左加配汉堡扒($8)😊。醉香汤底带有浓郁嘅酒香，鸡汤鲜甜，鸡肉嫩滑。有齐鸡脾、鸡翼同胸背部位。识食嘅鸡米一定要配米线☺️，米线吸满汤汁，大满足。汤里面仲有红枣同云耳，增添口感同健康感。瑞士鸡翼✅️好入味，赞。价钱定价合理💲，好味得嚟又滋补🔝。Lunch嚟讲系一个唔错嘅选择。✨️提一提午餐时间餐厅人流众多，记得预留至少15至20分钟等位时间📍凤鸣居上水马会道154号地舖#homeieatfood #homeieatfood_上水 #homeieatfood_上水 #sheungshui #上水美食 #醉鸡 #凤鸣居 #foodie #hkfoodie #thai #chill #vibe #cocktail #泰式 #打卡美食 #美食推介…查看更多