影片
港铁旺角站 E2 出口, 步行约4分钟
继续阅读
电话号码
21119979
营业时间
今日营业
12:00 - 16:00
17:00 - 23:00
星期一至日
12:00 - 16:00
17:00 - 23:00
以上资料只供参考，请与餐厅确认详情
有关餐厅
有关奖赏计划
相关文章
同朋友去咗旺角新开「凤园鸡煲火锅」打边炉，呢间主打鸡煲，以「靓鸡煲靓汤，营养又健康」为宗旨，坚持用靓料，更全港首创「五指毛桃脆皮鸡煲」，仲有招牌木瓜椰子鸡煲、招牌椰子鸡煲同橄榄脆皮鸡煲等等选择，餐厅属内地连锁品牌，广州、上海、珠海等等地方都有分店，旺角店是首间进驻香港第二十五间分店。🥢 原味椰子鸡煲 $298/整只鸡我哋叫咗招牌椰子鸡煲，店员会将原只泰国椰青倒入锅中，等大滚后店员会再过嚟放走地文昌鸡放入锅，煮4分钟就食得，店员建议我哋先饮鸡汤再食鸡，全程店员会帮手，完全唔使自己郁手，我哋负责食同影相打卡，服务一流🤭。文昌鸡食到鸡味又嫩滑，个汤真系好清甜，浓浓椰子香气，饮完好滋润，我哋饮咗几碗汤先食海鲜、菜同丸丸。🥢 海鲜拼盘 $168海鲜拼盘有鲍鱼、生蚝🦪同基围虾，鲍鱼同基围虾新鲜爽口又弹牙，乳生生蚝🦪又肥美又大只又鲜味，真系好正，喜欢生蚝🦪的朋友一定喜欢💕。🥢 咸蛋黄虾丸 $58呢个有惊喜，虾丸一咬人去已经爆汁，入边有流心咸蛋黄，好似食紧奶黄月饼的感觉，虾丸肉质又弹牙，非常惹味又好食。🥢 生菜 $26生菜爽甜又脆。酱料自助台都好出色，除咗平时豉油、芫荽、蒜蓉等等，仲有黄灯笼椒酱、沙姜同小金桔，喜欢小金桔，加咗味道好清新。酱料费 $16/人，最后埋单 $640。
继续阅读
凤园鸡煲火锅真系旺角打边炉嘅好选择！😋一入到去，环境干净企理，坐得舒服，唔会逼逼狭狭，啱晒同朋友或者屋企人一齐慢慢叹。🪑今次试咗佢哋招牌竹笙椰子鸡煲，真系有惊喜！🥥🐔用原个椰子做汤底，啖啖都饮到淡淡椰香，清甜又唔腻。水滚之后，职员会帮你落鸡同竹笙，服务一流，完全唔使自己搞，坐定定就有得食，真系好贴心。👍鸡肉新鲜滑嫩，竹笙爽口，两样夹埋一齐食，口感层次好丰富。🍗🍄汤底饮落去好滋润，饮完都唔会口渴，感觉好健康。每次加汤都系加鸡汤，唔会稀释咗个味，保持到原本嘅浓郁，呢点真系加分！💯空中花园拼盘都好正，有冬瓜、蟹柳、粟米、南瓜、潮汕牛筋丸、咸蛋黄虾丸、蔬菜、响铃、黑皮姬松茸同牛肉，选择多到唔知点落手。🥬🦀🌽每样都新鲜，特别系潮汕牛筋丸同咸蛋黄虾丸，弹牙又有味，食完想再encore！🦐精品肥牛都唔可以错过，油花分布靓，落汤一阵就熟，入口即溶，牛味浓郁，真系食到停唔到口。🥩总括嚟讲，凤园鸡煲火锅无论食物质素、服务态度定环境都好有水准，价钱合理，CP值高，绝对值得一试！下次一定会再嚟！🤩
继续阅读
今日同老公一齐食午餐，带佢去食椰子鸡火锅先，好耐冇打边炉。我地去左旺角有间新开叫凤园鸡煲火锅，食佢地既原味椰子鸡煲(半只鸡)，用左新鲜椰青做汤底好清甜呀，啲鸡煮完食得出鸡皮弹牙肉质结实有咬口之余，又有鸡既鲜味。叫左几个配菜都好好食🩷🩷🩷🩷🩷精品肥牛 佢系比较多油脂分布，不过食落都唔会太漏，牛味都浓。优质肥牛 佢个油脂分布比较平均，食落肥瘦适中，比较有咬口。汕头牛筋丸 好弹牙，同埋咬落去爆汁。娃娃菜 食落好清甜，同埋好爽脆，够新鲜。冻柠茶 好正呀个茶底，有港式柠檬茶既浓度，配埋酸酸地既柠檬味加埋糖水好解滞，又好大杯。估唔到唔洗反大陆都有咁高质既椰子鸡煲。
继续阅读
“五指毛桃脆皮鸡煲”($228)“精品肥牛”($98)“捞汁鲜鲍鱼”($78)“生菜”($26)“冻柠茶”($38)“调料费”($16/位)旺角最近开咗间嚟自内地嘅鸡煲火锅店店内有唔少绿色植物装饰,感觉几舒畅呢道嘅鸡煲分为3大类别有招牌椰子鸡煲,果园脆皮鸡煲,同埋最常见嘅广式鸡煲今次就拣咗未食过嘅五指毛桃脆皮鸡煲汤底十分清甜润喉落鸡肉之前忍唔住饮返几碗🤭脆皮鸡渌60秒就食得,质地爽脆叫呢个煲仲会跟埋一碟鸡杂,正我地仲点咗份精品肥牛肥牛啲色水都几靓,渌完都够腍滑见呢道有啲捞汁小食几特别所以就点咗份捞汁鲜鲍鱼鲍鱼爽口弹牙,配上酸酸辣辣嘅酱汁好开胃☺️饮品方面叫咗杯冻柠茶38蚊超级大杯好抵饮🤣
继续阅读
旺角新开咗间鸡煲火锅，以「靓鸡煲靓汤，营养又健康」嘅理念，为大家带来 ”一锅两食” 养生新体验，仲首先喺香港引入脆皮鸡，比传统鸡煲有另一番风味。店内环境舒适，位置宽敞，员工亦好有友善同有耐性介绍菜式。七款鸡煲各有特色都好吸引，最后拣咗五指毛桃脆皮鸡煲~ 呢个系选用咗养足 300 日嘅果园鸡，所以肉质特别爽脆嫩滑，鸡味浓郁，配搭袪湿养生药膳「五指毛桃」汤底，用料十足！脆皮鸡渌 30 秒就食得，吸收晒汤汁精华，入口更觉滋味丰富！个汤愈煲愈浓醇香甜，忍唔住饮咗好多碗 😋😋 原来打边炉都可以健康又养生！另外再叫咗几份配菜，有黑皮姬松茸（即系 “铅笔菇”）、牛肝菌、虾滑、肥牛、皇帝菜，款款食材都好新鲜，食饱饱大满足！隔离枱叫咗凤园鸡煲，d 香气慢慢飘过嚟感觉好惹味，下次一定要再过嚟食！
继续阅读